נייעס אין די וועלט פון וויסנשאפט

[שאלתיאל]

אין 1998 האט דער ניורא-סייעניטיסט Christof Koch זיך געוועט מיט דער פילאזאף David Chalmers אז ביז 2023 וועט סייענס האבן אנטדעקט די ספעציפישע מעכאניזם אין דער מוח וואס פראדוצירט consciousness. די וואך, 25 יאר שפעטער, האבן זיי ביידע מסכים געווען אז טשאלמערס איז געווען גערעכט- סייענס איז נאכנישט אויפגעקומען מיט אi ערקלערונג וויאזוי דאס פאסירט.

אין 1995 האט טשאלמערס, א פילאזאף און קאגניטיוו סייענטיסט, פובליצירט זיין סופער-וויכטיגע און איינפלוסרייכע ארטיקל ''Facing Up to the Problem of Consciousness'' . דער הויפט געדאנק וואס טשאלמער מאכט קלאר בטוב טעם ודעת אינעם ארטיקל איז אז קיין שום רעדוקציאניסטישע טעאריע וועט נישט קענען מסביר דאס וואס ער האט גערופן ''hard problem of consciousness '', דהיינו, וויאזוי פיזיקאלע נויראנס אין דער מוח פראדוצירן אזא רייכע און סאביעקטיווע עקספיריענס ווי consciousness. ער האט געטענה'ט אז ס'איז פארהאן א 'explanatory gap' צווישן די פיזיקעל פראסעס אין מוח און דער סאביעקטיווע עקספיריענס פון consciousness און נישט קיין חילוק וויפול רעדוקציעס וועסט מאכן און וויפיל פונקציעס אירע וועסט ערקלערן וועט דאס נאכאלץ נישט מסביר זיין פארוואס און וויאזוי איינס ברענגט צום אנדערן.

https://www.nature.com/articles/d41586-023-02120-8

זיין ארטיקל:

Facing Up to the Problem of Consciousness.pdf

[דיכטער]

עס וואלט אפשר ווערד געווען אנצומערקן אז דער פילאסאף Daniel Dennett האט ארויסגעגעבן א ביכל אין די שפעטערע ניינציגער יארן, מיטן נאמען Consciousness explained וואו ער פרובירט פארצולייגן א טעזא אז דער ערפארונג פון באוואוסטזיניגקייט איז בלויז אן אילוזיע און איז נישט ווירקליך.

זיין דאקטארין איז גאנץ שטארק אויפגעכאפט אינערהאלב דער היינטיגע וויסנשאפטליכע געמיינדע וועלכע איז שוין מיד פון פרובירן אנצוגעבן א מאטעריאליסטישע ערקלערונג פאר דעם ערשיינונג.

עס איז גאנץ אינטערעסאנט זיך צו באקענען מיט זיין טעאריע ווייל עס געבט אן אייגענארטיגע פערספעקטיוו אויף דער זאך וועלכע מיר ווייסן נישט גענוי ווי אזוי זיך צו באציען צו איהם, כאטש וואס זיין באשלוס אז באוואוסטזיין איז אן אויג-פארבלענדעניש דורכאויס, איז לדעתי לעכערליך.

אינטערעסאנט איז צו צולייגן אז רעדענדיג איבער דער ערפארונג פון זיין באוואוסטזיניג, וועלכע ווערט אנגערופן קוואליע, (אין ענגליש: Qualia) זענען פארהאן צווישן אנדערע, צוויי מיינונגען. איינס זאגט אז דער גאנצע וועלט וועלכע מיר לעבן איבער, איז אן אילוזיע, געשאפן דורך אונזערע חושים און דער אנדערע זאגט פונקט פארקערט, דער גאנצע וועלט איז ווארהייט און אונזערע חושים שאפן דער אילוזיע אז מיר שפירן.

מען קען בדרך אפשר זאגן אז ביידע זאגן אין פרינציפאל, דער זעלבע זאך. נעמליך, אז דער וועלט אין פארגלייך צו אונזערע ערפארונג איבער איהם, זענען נישט געמאכט פון דער זעלבע מאטעריאל און געוואנדן פון וואו מען קוקט, וועט זיך עס אנזען אנדערש. טאמער קוקט מען פון אינערווייניג אויף אינדרויסן, געבט זיך עס אן ווי אלעס איז אן אילוזיע און בלויז מיין געפיל איז ריכטיג. אבער טאמער קוקט מען פון דרויסן אויף אינערווייניג, געבט זיך עס אן פארקערט, ווי אלעס איז וואר און געפיל איז אן אילוזיע. עס איז בערך אזוי איינער וואס זיצט אין א באן, פאר איהם קוקט עס אויס ווי דער וועלט פארט און דער באן בלייבט שטיין אבער פאר איינער וואס איז אינדרויסן, קוקט עס אויס ווי דער באן פארט און דער וועלט בלייבט שטיין.

[שאלתיאל]

דענעט האט טאקע א מערקווערדיגע (היבש מאדנע) טעזע. פארט, טשאלמערס טשעלענדזשט אים אין זיין ארטיקל בתוך שאר הטעאריעס.

Sent from my SM-A546E using Tapatalk

[yesiknow]

איז אמת אז יעדע איינציגע סעלל האט אין זיך די קעפעבעליטי צו זיין וואס אימער , עס איז נאר פארשלאסען אבער אויב קען דיקריפטען די קאוד וועט עס ארבייטען.

איך מיין נישט צו שטרן די גאר אינטערסאנטע אחים אשכול אדער רחמסטרבקע אדמורים, (קוקט אויס ווי א חסידישע קווה שטיבעל)
איך דארף פשוט הילף פון די פארבליבענע סייענטיסטען דא אין שטיבעל.

[חמלה גדולה]

איז אמת אז יעדע איינציגע סעלל האט אין זיך די קעפעבעליטי צו זיין וואס אימער , עס איז נאר פארשלאסען אבער אויב קען דיקריפטען די קאוד וועט עס ארבייטען.

איך מיין נישט צו שטרן די גאר אינטערסאנטע אחים אשכול אדער רחמסטרבקע אדמורים, (קוקט אויס ווי א חסידישע קווה שטיבעל)
איך דארף פשוט הילף פון די פארבליבענע סייענטיסטען דא אין שטיבעל.

[דיכטער]

א שנעלער ענטפער צו אייערע פראגע @yesiknow, איז, אז יא. אלע צעלן וואס פארמאגן א נוקליעס אין זיי וועלכע ענטהאלט די גענעטישע אינפארמאציע פונעם צעל, האבן דער פאטענציאל פון ארויסגעבן א גאנצע מענטש.

ווען דער עמבריאן (דאס איז די ערשטע שטאפלען אינעם פארמאציע פונעם עובר) ווערט געשאפן, פארמירן זיך דריי שיכטן פון צעלן. דער מערסט-אינערווייניגסטע שיכט ווערט עווענטואל זיין א טייל פון די אינעווייניגסטע ארגאנען. דער אנדערע, ווערט די ביינער און די בלוט און פון דער דרויסענדיגע שיכט פארמירט זיך די נערוו סיסטעם און דער מוח.

וויאזוי ארבעט דאס? די ערשטע צעלן ווערן גערופן "שטאם צעלן", זיי האבן דער מעגליכקייט זיך צו פארמירן צו סיי וועלכע סארט צעל אינעם קערפער, אבער ווי שפעטער אינעם פראצעדור, ווערן "פארשפארט" אלע גענעטישע חלקים אינעם צעל וועלכע זענען פאראנטווארטליך פאר אנדערע אויפגאבעס אויסער דער באשטומטע אויפגאבע פאר דעם ספעציפישע צעל, און נאר דער טייל וואס איז וויכטיג פאר דער פונקציע פון דעם צעל איז אפען.

אינטערעסאנט איז אז א מענטש האט א גאנץ לעבן, חלקים אין זיין קערפער וועלכע פארמאגן שטאם צעלן, וועלכע העלפן איהם זיך היילן פון וואונדן און טראומערס.