היסטאריע פון אדמו"ר הרב ישראל האגער (געווארפן פון וויזניץ)

[פישערער רבי]

https://youtu.be/jwgf5qvPlvs

א לינק וידאו ווי מ'שרייט אויף מהר"מ ביי מהר"י

[דברים ככתבן]

איינער האט דא די בריוו פון אלי' ניימאן און קען עס ארויפלייגן דא?

[שבת אחים]

וואס איז פונקט פאסירט אין ויזניץ ווען דער ישועות משה זצ"ל האט ארויסגעווארפן מהר''י מויזניץ?

איך לייג דא ארויף צוויי לינקס צו צוויי כתבות פון פרייע באקאנטע צייטונגען אין אה"ק וועגן דער מעשה אין ויזניץ און מחלוקת פון מהר"י זייט און מהר"מ זייט (שרוליסטים און מנדליסטים).
א http://m.ynet.co.il/Articles/3386661

ב http://www.haaretz.co.il/misc/1.1321399

וואס ס'קומט ארויס פון די כתבות ווי ס'אויך באקאנט אז ס'האט צו טאן מיט די ישועות משה'ס רעבעצין לאה זי האט געפיינט ישראל און מער ליב געהאט מנדלה אז ער זאל זיין דער יורש וכו'.
און זי האט געפיינט ישראל פון אפאר סיבות ס'דא וואס שרייבן וועגן זיין געבן צדקה און צו גרויסע מאסן און ער איז אריין אין חובות. און ס'דא וואס שרייבן וועגן דעם אז ער האט אנגעהויבן זיך דערנענטערן צו זיין פעטער פון מאנסי וואס די רעבעצין האט עם שוין געפיינט וועגן דער מעשה פון דער הייליגער אמרי חיים'ס ירושה און די מחלוקת מיט איר מאן.

ווער ס'ווייסט מער פרטים ווערט געבעטן דא ארויף צו לייגן און משתף זיין דעם עולם.
אין וועלכע יאר פונקט האט דאס פאסירט? כ'בין כמעט זיכער תשמ"ד עמעצער קען באשטעטיקן?
וואס איז פונקט געווען די דרשה פון דער ישועות משה איבער דער גלייכער און דער קרומער עפעס אזוי?

וואס איז די מעשה מיט׳ן "הייליגער אמרי חיים'ס ירושה" ??? כ׳האב קיינמאל ביפאר געהערט עפעס א מעשה/מחלוקות וועגן די א״ח ירושה

די אמרי חיים זצ״ל האט נישט איבערגעלאזט קיין געלט אין זיין ירושה (אויסער ווערטפולע ירושה חפצים) טאקע ווייל ער איז געוועהן א אויטענטיק רבי מיט א אמתע אהבת ישראל און נישט אזויווי די היינטיגע נידערטרעכטיגע ראביסטיוועס וואס איז מעהר ענדליך צו א פארדארבענע דיקטעטערישע רעזשים וואס איז בכלל נישט אינטערעסירט צו העלפן די פובליק נאר געוועלטיקן איבער זיי און זיי קאנטראלירן און אויסצוניצן די תמימות׳דיגע חסידים פאר זייערע פערזענליכע אגענדעס און פאר זייער אייגענע אינטערעסן און דערנאך וועלן זיי אויסשפייען די עווערידזש בחור און זיך ארומווארפן מיט אייערע קינדער און נישט אננעמענען אין ישיבה אריין ווייל ביינאונז איז נאר דא ׳מצוינים׳ און זיי קענען ח״ו נישט ערלויבן קיין ׳בינניים׳ אין זייער סיסטעם!

דערנאך ווען זיי מאכן חתונה א איר אייניקל טוט אייך אן ס׳שטריימל און בעיקטשע און די אלע שמונה בגדים און דריקט אייך צאם צווישען טויזענטער פארשוויצטע חסידים אויפן זיבעטן שטאק פונעם פאַרענטשע און טאנצט מיט גרויס עקזעסטאז און אייפער???!!!!!.

בד״וו דער אמרי חיים זצ״ל איז געשטארבן א גרויסע בעל חוב.

[פישערער רבי]

שבת אחים ביסט גערעכט ס'מיר געפאלן א ט"ס און איך האב געמיינט צו זאגן די ירושה פון די רעביסטעווע - די מח' צווישן ר' מוישלה און ר' מוטלה און די פרומערס און די פרייערס וכו' כידוע לי"ח.

[פישערער רבי]

בקשר להנ"ל וועגן ר' מוישלה און ר' מוטל'ה א נייע אשכול האט זיך געעפנט - viewtopic.php?f=8&t=9299&p=289644#p289644

[כפתור]

משב״ק האדמו״ר רמ״מ מויזניץ ומנהל רוחני של ישיבת מרכז חסידי ויזניץ בשיחה היסטורית לבחורי הישיבה.

קאמענטארן זענען איבעריג

[וואלווי]

משב״ק האדמו״ר רמ״מ מויזניץ ומנהל רוחני של ישיבת מרכז חסידי ויזניץ בשיחה היסטורית לבחורי הישיבה.

קאמענטארן זענען איבעריג

עיקר חסר מן הספר

[שבת אחים]

כהאב עס באקומען אויף וואטסאפפ.

אין חדש. סעי״ם בו״ל דיפרענ״ד דע״י.

[berlbalaguleh]

שבת אחים: דו דארפסט דאך יא גלייבן אין דעים. ווייל איך גלייב אז די מעשה איז אמת. נאר די נפקא מינה איז אז, די היינטיגע רעבי'ס פון די גזע זענען נאך גאנץ וואויל. אבער ווען ס'זענען דא רעבעס וועלכע טוען נישט קיין שיינע זאכן. און זיי דעקן זיך מיט די גרויסקייט פון זייערע זיידעס פון וועם זיי שטאמען. אט דאס מיינט גארנישט. זיראו. ווייל ווי גרויס דער זיידע איז געווען (את"ל) זעהט זיך נישט אן אויפ'ן אייניקל...!

[כספי]

(כידוע האט ר' יודעלע געזאגט עפעס ווען מען האט אים ארויסגעווארפן)

כ'האב געהערט פון אן עלטערער וויזשניצער איד אז ר' יודעלע האט דעמאלטס עפעס געזאגט וועגן 18 יאר, און עפעס האבן חסידים פארשטאנען אז ס'איז א עונש פאר וויזניץ, וויבאלד דער גבאי פונעם קאסובער רבי'ן (דער ברודער פונעם צמח, כ'געדענק נישט וויאזוי ער האט געהייסן, אפשר ר' משה בעל לקט עני?) איז געווען א חסיד פונעם צמח, און פאר 18 יאר פלעגט ער צורעדן חסידים וואס זענען געקומען צו פארן צום קאסובער רבי'ן אז זיי זאלן עם אפלאזן און פארן צום צמח, און די מעשה איז א עונש פאר די מעשה

פון עפעס א וויזניצער ראש חבורה האב איך אמאל געהערט אז פאר די פרשה האט ר' משה'לע געהאט גאר א שטארקן נאכפאלגערשאפט אין די פרעמד, אזוי ווייט אז גלייך פאר די פרשה איז אין צעירי וויזניץ (אזא כמו ארג, פאר צוגעקומענע פרעמדע בחורים וואס לערנען נישט אין די וויזניצער ישיבה) געווען זיבן הונדערט בחורים (כ'ווייס נישט אויב ס'אמת, אזוי אבער האט ער געזאגט), און נאך די פרשה איז נישט געווען אפי' איין בחור אין צעירי, מיט דעם האט געוואלט זאגן אז ס'איז געווען עצת היצר צו צושטערן די השפעה פון ר' משה'לע

[כספי]

וואס איז די מעשה מיט׳ן "הייליגער אמרי חיים'ס ירושה" ??? כ׳האב קיינמאל ביפאר געהערט עפעס א מעשה/מחלוקות וועגן די א״ח ירושה

די אמרי חיים זצ״ל האט נישט איבערגעלאזט קיין געלט אין זיין ירושה (אויסער ווערטפולע ירושה חפצים) טאקע ווייל ער איז געוועהן א אויטענטיק רבי מיט א אמתע אהבת ישראל און נישט אזויווי די היינטיגע נידערטרעכטיגע ראביסטיוועס וואס איז מעהר ענדליך צו א פארדארבענע דיקטעטערישע רעזשים וואס איז בכלל נישט אינטערעסירט צו העלפן די פובליק נאר געוועלטיקן איבער זיי און זיי קאנטראלירן און אויסצוניצן די תמימות׳דיגע חסידים פאר זייערע פערזענליכע אגענדעס און פאר זייער אייגענע אינטערעסן און דערנאך וועלן זיי אויסשפייען די עווערידזש בחור און זיך ארומווארפן מיט אייערע קינדער און נישט אננעמענען אין ישיבה אריין ווייל ביינאונז איז נאר דא ׳מצוינים׳ און זיי קענען ח״ו נישט ערלויבן קיין ׳בינניים׳ אין זייער סיסטעם!

דערנאך ווען זיי מאכן חתונה א איר אייניקל טוט אייך אן ס׳שטריימל און בעיקטשע און די אלע שמונה בגדים און דריקט אייך צאם צווישען טויזענטער פארשוויצטע חסידים אויפן זיבעטן שטאק פונעם פאַרענטשע און טאנצט מיט גרויס עקזעסטאז און אייפער???!!!!!.

בד״וו דער אמרי חיים זצ״ל איז געשטארבן א גרויסע בעל חוב.

ס'איז מיר א חידוש וואס דו שרייבסט דא ווייל איך האב געהערט פון א סאטמארער אז דער אמרי חיים האט איבערגעלאזט גאר א גרויסע ירושה פון געלט, און סאטמאר רב האט זיך מורא'דיג געחידוש'ט אויף דעם, היתכן א רבי זאל איבערלאזן אזא ירושה, א רבי וואס אידן קומען אריין מיט קוויטלעך און בקשות אויף פרנסה זאל אזאנס איבערלאזן

ס'קען אבער זיין אז ס'איז אויפגעבאקן, כידוע האט מען אין סאטמאר נישט איבעריג ליב דעם אמרי חיים

נאך איז מיר אינטרעסאנט וואס @הדד בן בדד שרייבט

שם טוב, עס איז א מעשה ידוע. ווען ר' משה'לע איז דאס ערשטע מאל געקומען קיין אמעריקא אלס רבי האט ער באזוכט ביים סאטמאר רב, און דער סאטמאר רב האט אים געפרעגט, כמנהגו, "וואס הערט מען נייעס אין ארץ ישראל", ער האט נישט געמיינט זיך טענה'ן איבער ציונות אדער גארנישט, ער האט סתם געוואלט מאכן א שמועס. אבער ר' משה'לע, וואס איז כידוע נישט געווען קיין שארפער (שמואל איך האף ביסט צופרידן), האט געענטפערט מיט תמימות, "איך ליין נישט קיין צייטונגען".

דער שמועס האט זיך דארט געענדיגט און ווען ער איז ארויס האט סאטמאר רב געפרעגט פון יאסל'ען, "זיין טאטע איז דאך יא געווען א קלוגער איד, ווי נעמט זיך צו אים אזא חכם?".

ווייל ווען דער סאטמאר רב האט ארויסגעגעבן די על הגאולה (אדער ויואל משה) האט ער עס געשיקט צו אלע רבי'ס אין א"י, און דער אמרי חיים האט עס צוריקגעשיקט, פארציילט מען אין סאטמאר אז סאטמאר רב האט געזאגט אז וויבאלד ס'האט נישט קיין נקודות האט ער עס צוריקגעשיקט...

איך האב אבער אמאל געהערט פון איינעם וואס האט אמאל געפרעגט שלמה יעקב געלבמאן איבער דעם ווארט, האט ער געזאגט אז ס'איז שקר וכזב, נאר פונקט פארקערט ער האט זיך אנגערופן בפניו פונעם סאטמאר רבי'ן די ווערטל, און ס'האט שטארק פארדראסן דעם סאטמאר רב

[כספי]

ס'איז מיר א חידוש וואס דו שרייבסט דא ווייל איך האב געהערט פון א סאטמארער אז דער אמרי חיים האט איבערגעלאזט גאר א גרויסע ירושה פון געלט, און סאטמאר רב האט זיך מורא'דיג געחידוש'ט אויף דעם, היתכן א רבי זאל איבערלאזן אזא ירושה, א רבי וואס אידן קומען אריין מיט קוויטלעך און בקשות אויף פרנסה זאל אזאנס איבערלאזן

ס'קען אבער זיין אז ס'איז אויפגעבאקן, כידוע האט מען אין סאטמאר נישט איבעריג ליב דעם אמרי חיים

יעצט זעה איך אז דו האסט שוין גערעדט פון דעם: https://kaveshtiebel.com/viewtopic.php?p=436706#p436706

[נחום הסופר]

שבת, איך טוה פשוט היסטאריע. רעדנדיג פון די פרשה פארשטיי איך אביסל די זייט פון ר' משה'לע, הגם איך בארעכטיג דאס נישט. איך ברענג נאר ארויס יענע זייט פון די מטבע.

איך וואלט אבער יא געקענט באשטיין אריינצוגיין אין די צד פון ר' מאטעלע, וואס איך פארשטיי ממש באמת נישט (עס קוקט מיר אויס ווי דו באלאנגסט דארט, דעריבער פרעג איך עס דא - אויב עס שטערט דיר די דאזיגע ווערטער, מעלד מיר אין אישי און איך וועל עס ארויסנעמען):

ר' משה'לע האט א פראבלעם מיט זיין זוהן, ער האט א שטיקל לייזונג, ער וויל אים ארויסווארפן פאר א שטיק צייט (לית מאן דפליג, קיינער לייקנט נישט אז זיין פלאן איז בלויז געווען צייטווייליג און נישט אויף שטענדיג). קומט דער ברודער, גיבט זיך א מיש אריין בריב לא לו, ער איז מקרב דעם זוהן על אפו וחמתו פון זיין ברודער. ניטאמאל פרעגט ער זיין ברודער פשט פון דעם ארויסווארפן, ער שמועסט נישט דורך מיט אים ווי אזוי צו האנדלען, נאר ער גייט און נעמט אים אויף בכבוד מלכים.

יעצט אזוי: ווען ער וואלט אים כאטש געגעבן א שטיקל דזשאב, ער וואלט אים אוועקגעשטעלט מסודר און אים געמאכט א מענטש, נו איז אויך א פראבלעם, אבער... ער האט דאך אים געהאלפן. ר' מאטעלע האט אים נישט אוועקגעשטעלט, ער האט סך-הכל געשיקט זיינע מענטשן זאלן ארומגיין מיט אים נאך געלט, פארשעמענדיג דערמיט זיין אייגענע ברודער. ער וויל אים שטיצן? - פיין, ער וואלט דאס געקענט טון פיל שענער בדרך כבוד און נארמאלער. ער האט אויסגעקליבן דעם וועג וואס וועט זיין בושות פאר זיין ברודער. פארוואס?

דער שריט פון ר' מאטעלע, כבודו במקומו מונח, איז אומפארשטענדליך. פאר א דרויסנדיגער קוקט עס אויס ווי חסד, ער האט אריינגענומען זיין ברודער'ס זוהן און אים געהאלפן (אויך מיר געהאלפן...). אבער וואס האט ער דא געטאן? - ער האט אריינגעווארפן א פלאקן צווישן זיך מיט זיין ברודער, אנגעזייעט א העסליכע מחלוקת וואס האט אנגעהאלטן לאנגע יארן און עס האט זיך געגאסן בלוט. פארוואס? פארווען? - ער האלט אז דער ברודער האנדלט נישט ריכטיג? - הייב אויף א טעלפאן, רעד כאטש דורך... ס'געלונגט נאך אלס נישט? - העלף אים דיפלאמאטיש, מאך א פשרה... וואס איז דאס מחלוקת קעגן דעם ברודער? - וואס איז די בושות? - און אויב דו שפירסט אז דו מיזט יא העלפן דוקא אויף דעם וועג פון מחלוקת, דאן העלף כאטש ריכטיג דיין נעפיו, שטעל אים אוועק מסודר אז ער זאל נישט מוזן לויפן נאך געלט בכל קצבי תבל... גיב אים א רבנות, גיב אים א מגיד-שיעור פאסטן, אפילו א גראסערי ארבעטער, עפעס... העלף אים כאטש... גארנישט...

איך פארשטיי עס פשוט נישט.

שמועה שמעתי ואינו יודע אמיתתו, אז מ'האט געפרעגט פאר רבי משה'לען פארוואס ער איז אזוי בייז דוקא אויפ'ן ברודער רבי מאטעלע'ן פאר'ן מקרב זיין זיין זון רבי ישראל'טשעניו, הלמאי טאהשער רבי איז אים אויך מקרב און אויף אים איז ער נישט ברוגז?

האט רבי משה'לע געענטפערט במתק לשונו, מילא טאהשער רבי, ער איז דאך באקאנט פאר'ן טון אסאך חסד און איז מקרב אסאך אידן, נו טוט ער אויך חסד מיט מיין זון, אבער מיין ברודער טוט דאך נישט די סארט מצוות טא פארוואס איז ער דוקא מקרב מיין זון...

[נחום הסופר]

משב"ק האדמו"ר רמ"מ מויזניץ ומנהל רוחני של ישיבת מרכז חסידי ויזניץ בשיחה היסטורית לבחורי הישיבה.

קאמענטארן זענען איבעריג

אין יענע דרשה ווערט דורכגעאקערט פארשידענע נושאים וואס ווערן געלופטערט אויף די בלעטער פון דעם אשכול, און כאטש וואס מ'דארף עס נעמען מיט א לעפל זאלץ ווען מ'ווייסט ווער דער בעל השמועה איז, גיט עס א שטיקל בליק אויף איינע פון די טענות קעגן הרב ישראל האגער משיכון ויזניץ אז ער האט זיך גע'חבר'ט מיט די מורדים וכדו'.

אגב, אז כ'האב שוין דעם פענע אין די הענט, כ'האלט אז די מורדים סומאטוכע האט איבערגעלאזט פארשידענע מענטשן אין וויזניץ מיט טראומאס וואס גייט אריבער מדור לדור, רבי משה'לע איז שטענדיג געבליבן לעבן דערמיט, און זיין זון דער רבי פון די זנבים האט עס גע'ירשנ'ט מיט א שעפ-לעפל, ווער ס'האט אויסגעהערט זיינע דרשות אין די לעצטערע יארן זעט ווי ס'לויפט אריבער ווי א חוט השני און דערפאר האט ער געדארפט באפעסטיגן זיין מלוכה, ואין הזמן עמדי להאריך, והמכין יכין.

[נחום הסופר]

.

[תניא בניחותא]

שמועה שמעתי ואינו יודע אמיתתו, אז מ'האט געפרעגט פאר רבי משה'לען פארוואס ער איז אזוי בייז דוקא אויפ'ן ברודער רבי מאטעלע'ן פאר'ן מקרב זיין זיין זון רבי ישראל'טשעניו, הלמאי טאהשער רבי איז אים אויך מקרב און אויף אים איז ער נישט ברוגז?

האט רבי משה'לע געענטפערט במתק לשונו, מילא טאהשער רבי ער איז דאך באקאנט פאר'ן טון אסאך חסד און איז מקרב אסאך אידן, נו טוט ער אויך חסד מיט מיין זון, אבער מיין ברודער טוט דאך נישט די סארט מצות טא פארוואס איז ער דוקא מקרב מיין זון...

ווער ס’האט געקענט דעם תורת מרדכי ווייסט אז זיינע כללים אין צדקה איז געווען כל הקרוב קרוב קודם, די ערשטע באקומט משפחה דערנאך תלמידים און חסידים, פרעמדע האבן געקענט באקומען קליינגעלט.
במילא קושיא מעיקרא ליתא, האדמו"ר מוויזשניץ אלס קרוב און מחותן איז געווען פון די אינער סירקל.

בנוגע די געוואלדיגע קשיא פארוואס ער האט בכלל מקרב געווען ר’ ישראלטשע בשעת זיין טאטע וויל איהם נאר מחנך זיין?

דארף מען קודם מקדים זיין אז דער תורת מרדכי האט אמת’דיג ליב געהאט זיין ברודער אהבת נפש, און געהאלטן פון איהם עולם ומלואו על אפם וחמתם פון זיינע אייגענע חסידים, ער האט אסאך מאל געזאגט אז דער ברודער האט סאך שענערע נעכט געפראוועט וכו’,
ווען ער איז געוואר געווארן אז א בחור האט גערעדט אויפן ברודער האט ער איהם גע’קנס’עט כדרכו אז ער זאל געבן געלט פאר די מוסדות אין א”י דייקא.

אבער פונדעסטוועגן איז ער געווען ביי זיין מיינונג אז לא זו הדרך, ער האט זיך גע’טענה’ט שעות מיטן ברודער (ווען ער איז געווען אין א”י) אז ער זאל נישט טון אזאנס, אבער דער ישועות משה האט געהאט אנדערע יועצים מיט א רביצין, ויצא מה שיצא.

ס’איז כדאי צו געדענקען אז מ’האט נישט גערעדט פון א כיתה ט’ בחור וואס מ’קען ארויסשיקן פון קלאס, א איד פון עטליכע פערציג איז שוין אביסל שפעט מחנך צו זיין, ער מאכט חובות מיט בזיונות, ער שלאפט ביים טיש, חבר’ט זיך מיט די פרומע (קרי מורדים) Too bad and tough luck, ס’איז דיין תכשיט און ביזט סטאק מיט איהם, קענסט מודיע זיין פאר די גבירים אז מ’זאל איהם נישט בארגן געלט, קענסט זאגן די מנהלי המוסדות זאלן איהם נישט לאזן צוטריט צי די קאסע, איי ס’איז גרויסע בושות? ארויסווארפן איז גארנישט ווייניגער בושות?

בנוגע די וועג וואס ער האט איהם געהאלפן, וואס פונקטליך האט ער געקענט טון אנדערש? איהם געבן א פאסטן? וואס האט ער געטויגט? א מגיד שיעור? א דיין? האסט געוואלט ער זאל איהם פשוט אויסהאלטן און אויסצאלן זיינע חובות?
ער האט געבעטן זיינע אלע חסידים זאלן איהם מחזק זיין, מ’האט צאמגעשטעלט געלט פארן זיידנ’ס אייניקל.

דער תורת מרדכי האט געהאט אייגענע 14 קינדער סמוך על שלחנו וואס א חלק פון זיי האבן זיך גאנץ פיין געמוטשעט מיט פרנסה, אמת ער האט געהאלפן חתונה מאכן און געגעבן אביסל חודש געלט אבער ווייט פון פרנסה בהרחבה.

[צוויי]

געהערט אז אויך טאהשע'ר רבי זצ"ל האט אים אסאך געהאלפן אין די שווערע צייטן.
איינער ווייסט מער דערוועגן?

[[NAMELESS]]

פארוואס ליינסטו נישט כאטש די תגובות פון די בלאט וועסטו זעהן עס ווערט דערמאנט

[צוויי]

סארי, איך האב גראדע אדורכגעבליקט דעם גאנצן אשכול במהירות, און דעם בלאט אביסל מער באריכות, אבער פונקט נישט אויפגעכאפט דאס, אדער אפשר יא נאר מיטן עק פונעם אויג, און צוליב דעם זיך טאקע דערמאנט איבער דעם טאהשען רבי'נס התקרבות

[שמעון וואלף]

געהערט אז אויך טאהשע'ר רבי זצ"ל האט אים אסאך געהאלפן אין די שווערע צייטן.
איינער ווייסט מער דערוועגן?

די מעשה האב איך געהערט איש מפי איש פון די משמש ביים טאהש'ע רבי'ן.

ויהי היום, אנפאנג די גלות יארן פון ר' שראל'טשע, איז ער אנגעקומען קיין טאהש. ערב שבת קומט אריין א קאל אין טאהש'ע רבי'ס שטוב. דער משמש הייבט אויף און אויפ'ן אנדערע זייט זאגט מען "דא רעדט (איך מיין ס'געווען הערשל כ"ץ) פון וויזניצ'ע רבי'ס שטוב בשם דעם רבי'ן, אז מ'זאל גארנישט מכבד זיין ר' שראל'טשע אלץ וויזניצע רבי'ס זון."

דער משמש האט איבערגעגעבן די מעסעזש פאר טאהש'ע רבי, האט ער זיך פארטראכט און געהייסן אריבעררופן איינע פון די עסקנים אין שטעטל, און אים באפוילן אז ער זאל מאכן א טיי אווענט קומענדיגע זונטאג נאכט און שרייבן א צעטל מיט אלע טיטלען וואס איז שייך אויפ'ן גאסט, אבער נישט שרייבן בן אדמו"ר מ'וויזניץ נאר נכד לצדיקי בית וויזניץ. אויפ'ן צעטל זאל אויך שטיין אז ער, טאהש'ע רבי, וועט דארט זיין די גאנצע צייט.

וכך הוה. קודם במשכ'ן שבת האט ער באקומען דארט כבוד מלכים, און דערנאך ביים טיי אווענט איז אריינגעקומען גאר אסאך געלט, חוץ די ריזן סכום וואס טאהש'ע רבי אליינס האט געגעבן.

[אגריפס המלך]

wow ווי טרעפט מען היינט אזא טאהשע רבי?

[וואלווי]

wow ווי טרעפט מען היינט אזא טאהשע רבי?

אין שכון וויזניץ בני ברק. ער הייסט הרב ישראל האגער.

[היימלינד]

רבי יענקלע זי"ע האט איהם גאר שטארק מחזק געווען און געזאגט גרויסע זאכען

מען פארציילט אז אמאל האט ער געזאגט פאר איינעם עפעס וועגען רבי ישראל אויספירענדיג כאפ אריין איין טאג וועט ער זיין א גרויסע רבי... דאס איז געווען בשעת ער איז געווען בדיוטא התחתונה נע ונד