פארשידענע וואָצעפ טרעיטס:

[הגיון]

פארשידענע וואָצעפ טרעיטס:

• די וואס האבן אפן זייער last seen, פשוט ווייל זיי קערן נישט.
• די וואס האבן אפן זייער last seen, פשוט ווייל זיי ווילן קענען זען אנדערע.
• די וואס האבן אפן די בלויע-טשעק, פשוט ווייל זיי קערן נישט.
• די וואס האבן אפן די בלויע-טשעק, פשוט ווייל זיי ווילן קענען זען אנדערע.
• די וואס האבן אפן די בלויע-טשעק, ליינען די מעסעדזשעס און קענען ענטפערן די אנדערע טאג.
• די וואס האבן פארהאקט די בלויע-טשעק פשוט זיי דארפן חירות, בלי לחץ.
• די וואס ווערן מורא'דיג געטריגערט ווען די בלוי טשעקל קומט ארויף און יענער האט נאכנישט געענטפערט.
• די וואס הייבן אן טראכטן א גאנצע מעשה ווען א בלויע טשעקל גייט אומגענטפערט.

• די וואס קוקן נישט קיין סטעטוס. פינטל.
• די וואס מיוטען די סטעטוס און זאגן פאר יעדעם אז עס איז מיוטעט.
• די וואס מיוטען נישט די סטעטוס און זאגן פאר יעדעם אז עס איז מיוטעט.
• די וואס פאסטן סטעטוס אבער קוקן נישט אנדערע סטעטוס.
• די וואס פייגערן צו קוקן סטעטוס אבער עס פאסט נישט.
• די וואס קוקן סטעטוס א שעה בעפאר די לעצטע 24 שעה, פשוט זיי האבן נישט קיין צייט.
• די וואס געבן נישט קיין שיט, און עפענען גראד די סטעטוס די רגע עס איז לייוו.
• די וואס קאַמענטירן קיינמאל נישט אויף קיין סטעטוס, א לייק, א גוט ווארט אא"וו.
• די וואס סקרינשאטן יענעמ'ס סטעטוס אן געבן קרעדיט אדער א רעאקציע.
• די וואס פאסטן סטעטוס און קוקן קיינמאל נישט ווער און וויפיל מענטשן האבן'ס געקוקט.
• די וואס רעגן זיך אויף די וואס קוקן נישט זייערע סטעטוס, און ווארטן שוין קוים אויף נקמה נישט צו קוקן ווען יענער לייגט סטעטוס.
• די וואס מאכן נישט קיין עסק און חשבונות פון סטעטוס, זיי פאסטן, זיי קוקן יענעמס, זיי רעדן נישט דערפון, עס איז נישט תופס מקום.
• די וואס פאסטן סטעטוס 5 מאל א טאג.
• די וואס פאסטן סטעטוס איינמאל א יאר.
• די וואס ווילן פאסטן סטעטוס, אבער שעמען זיך.
• די וואס פאסטן קיינמאל נישט, און די איינמאל וואס זיי פאסטן יא, איז דאס א טשערעטי קאמפיין.

• די וואס לייגן א בילד פון זיך אויף זייער פראפייל בילד.
• די וואס לייגן א בילד פון א בוים אדער קינד אויף זייער פראפייל.
• די וואס זען אנדערע לייגן בילדער פון זיך אויף די וואצעפ פראפייל, און באוואונדערן יענעמ'ס שטארקייט.
• די וואס מיינען אז נאר מענטשן וואס זענען גוט-לוקינג לייגן בילדער פון זיך אויף די פראפייל.
• די וואס וואלטן גע'חלש'ט ארויף צו לייגן בילדער פון זיך אויף די פראפייל אבער שעמען זיך.

[ברוך שפינוזה]

לגבי פראפייל בילדער, איך פלעג אמאל מיינען אז דאס נישט לייגן א בילד פון זיך אויף סאושעל מידיע איז א חסידישע קרענק, היינט אבער ווען כמעט אלע מיינע קאנטעקטס זענען נישט חסידיש האבן נאכאלץ כמעט קיינער פון זיי א בילד פון זיך, געווענליך די וואס לייגן יא איז עס ביזנעסלייט אדער סתם אנדרייער וואס וואטסעפפ איז א טייל פון זייער "online presence".

[הגיון]

לגבי פראפייל בילדער, איך פלעג אמאל מיינען אז דאס נישט לייגן א בילד פון זיך אויף סאושעל מידיע איז א חסידישע קרענק, היינט אבער ווען כמעט אלע מיינע קאנטעקטס זענען נישט חסידיש האבן נאכאלץ כמעט קיינער פון זיי א בילד פון זיך, געווענליך די וואס לייגן יא איז עס ביזנעסלייט אדער סתם אנדרייער וואס וואטסעפפ איז א טייל פון זייער "online presence".

דו מיינסט צו זאגן אז נישט חסידישע ליידן פון די זעלבע זאכן וואס אונז ליידן?

[שפילער]

צו מאכן געלט פון וואטס עפפ דאס האבן נאר חסידים אויסגעטראכט... זאגסט פאר א גוי אז ביי אונדז איז דא נייעס סטעטוס קיקט ער דיר אן פון די לבנה