מילתא דבדיחותא

[פאלאצ'ינטא]

דער סאטמאר'ער רב ר' יואל איז נישט געווען אזא תמים. ער האט געקענט זיין עולם.

ס'איז דא געניג רעבעלעך אויף וועים מ'קען ארויפשמירן אזא מעשה'לע

איך האב נישט געמיינט דער "תמים" איז געווהען ביים סאטמר רב, ער איז זיכער נישט געוועהן אזא תמים.

איך האב געהערט די מעשה אויף איהם. ער האט אויך געקענט אריין פליקען ווען מען האט געדארפט

[פאלאצ'ינטא]

געוועהן אמאהל א אידל אן עם הארץ וואס קוים האט ער געקענט עברי. עס איז געקומען די סדר האט ער געדענקט אז די הגדה איז א קליין ספר'ל. ער זוכט און זוכט און טרעפט א קליין ספר'ל וואס איז בטעות געוועהן א סליחות. און ער פאנגט אן זאגען .

ער קומט אן צו די אשמנו און פאנגט אן אראפגיסען פון די בעכער אזוי ווי ביי דם צפרדע האט ער געגאסען... אשמנו... בגדנו... גזלנו...

פרעגט איהם זיין ווייב, לעצטע יאהר איז דאך געוועהן 10 מכות פארוואס די יאהר איז דא מער?

אוי דו עם הארץ'טע ענפערט ער, דו ווייס נישט אז די יאהר איז אן עיבור יאהר?

[פוילישע פעפער]

סאיז אמאל געקומען א איד צום ברך משה און זיך אפגערעדט אז ער האט נישט קיין שלום בית
האט אים דער רבי געזאגט, קיינער האט נישט קיין שלום בית
האט אים דער איד געזאגט, איך האב א חבר וואס זאגט מיר אייביג אז ער האט גוטע שלום בית
האט אים די רבי געזאגט, זאג די אויכעט...

[פוילישע פעפער]

סאיז אמאל געוועהן איינער וואס האט זיך אפגערעדט צו זיין חבר אז ער האט נישט קיין פרנסה
האט אים די חבר מציע געוועהן אז ער זאל פארקויפן ברויט מיט תכריכים, ממ"נ טאמער די עולם לעבט דארף מען ברויט און טאמער די עולם שטארבט דארף מען תכריכים,

גייט אריבער א האלבע יאר און ער טרעפט זיין חבר און ער פרעגט אים, נו יענקל ווי אזוי גייט די נייע ביזנעס?
צרות צרורות זאגט ער
וואס איז?
די עולם גוסס'ט...

[פאלאצ'ינטא]

דריי קינדער פון גאלאציאנער האבען גערעדט צווישען זיך וועליכע פון זייערע טאטעס איז די מערסטע קארג.

רופט זיך אן דער ערשטער... מיין טאטע איז אזוי קארג אז פאר מיין מאמעס געבורטס טאג האט ער נאר געקאכט 3 זאכען.

זאגט דער צווייטער... און מיין טאטע האט נאר געמאכט 2 זאכען.

זאגט דער דריטער... דאס איז גארנישט, מיין טאטע האט נאר געגבען 5 זאכען

פרעגן זיין איהם נו וויאזוי איז דאס מער פון אונזער טאטע? ער האט דאך געגעבען מער?

יא זאגט ער ווייל ער האט גענומען די איבער געבליבענע פון ענקער טאטע

[פאלאצ'ינטא]

איינער פארט אויף לעיקוואד אין אויף די הייוועי זעהט ער ווי אן אלטער איד פארט אויף א ביציקעל אויפ'ן הייוועי.

ער פארט איהם אדורך אויף 70 מייל א שעה און אפאר מינוט שפעטער קומט דער אלטער צו פליען אויף זיין ביציקל און פעסט איהם. פאנגט ער אן צו פארען שנעלער און פעסט דער אלטער.

אבער נאר אפאר מינוט קומט דער אלטער צו פליען און פעסט איהם נאך אמאהל. אזוי א גאנצע וועג. נישט קיין חילוק ווי שנעל ער איז געפארען האט דער אלטער אלץ געפעסט די קאר.

ווען ער איז אנגעקומען קיין לעיקוואד האט ער אפגעשטעלט דער אלטער און איהם געפרעגט... ר' איד ווי אזוי קענט איהר פארען אזוי שנעל אויף א ביציקעל?

ענטפערט ער... קודם העלף מיר, מיינע שלעקערס איז איינגעהאנקעט אין דיין שפיגעל

[פאלאצ'ינטא]

איינער האט זיך איינגעשריבען צו זיין אין די מיליטער. פרעגט ער זיין קאמאנדיר, וואס גייט מען דא לערענען?

זאגט ער, דא לערענט מען זיך שפרינגען פון אן עראפלאן און עס נעמט 3 וואכען

די ערשטע וואך צוטיילט מען די מענטשען פון די קליינע קינדער

די צווייטע וואך צוטיילט מען די קלוגע מענטשען פון די משוגעים

און די דריטע וואך... שפרינגען די משוגעים

[נחום הסופר]

דאס דערמאנט מיך א מעשה: א איד האט אמאל געהאט א שווערע קאורט קעיס. פאר דעם טאג פונ'ם משפט איז ער אריין מיט א קוויטל צו זיין רבי'ן. דער רבי א שטארק תמימות'דיגער איד האט איהם אנגעווינטשן..."דער אייבישטער זאל העלפן אז דער אמת זאל ארויסקומען. זאגט דער איד. ניין. רבי דאס טויג נישט...!

דאכט זיך אז דאס איז אן אמת'ע מעשה. מען דערציילט עס אויף'ן סאטמר'ר רב ר' יואל

ס'איז א מעשה באריכות מיט'ן שינעווער רב

[berlbalaguleh]

ליין וואס איך האב געענטפערט פאר יענעם מגיב.

[פאלאצ'ינטא]

געוועהן אמאהל א פריץ וואס ווי אלע האט ער געהאט א מאשקע. דער מאשקע איז איהם געווארען א גוטער חבר. און די צוויי פלעגען אסאך פארברענגען צוזאמען.

איינמאהל האט דער פריץ געמאכט א גרויסען געשעפט מיט דעם מאשקע און צום סוף האט ער געזאגט... נו, מאשקע, לאמיר מאכען א לחיים צום שלוס פון אונזער געשעפט.

אנטשולדיגטס מיר פריץ לעבן, אבער איך טאר נישט טרונקען דיין וויין, עס איז יין נסך.

דו מוזט, שרייט דער פריץ

אבער איך בין דאך א איד איך טאהר נישט, זאגט מאשקע

ניין, זאגט דער פריץ, אן טרונקען א לחיים צום סוף קען מען נישט ענדיגען דעם געשעפט.

אבער איך טאהר נישט טרונקען גוי'אישע וויין.. זאהל דער פריץ טרינקען און איך וועל איהם ווינטשען.

ניין, זאגט ווידער דער פריץ, ביידע מוזען טרינקען! אבער ענק אידן זענען דאך חכמים, ענק האבען עצות פאר אלעם, וועסטו טרעפען אן עצה פאר דעם אויך.

דער אידל טראכט א מינוט און רופט זיך אן, יא אויב דער פריץ וועט מיר סטראשען אז אויב איך טרונק נישט וועט ער מיר הרג'נן וועל איך מוזן טרונקען. מען דארף זיך נישט מוסר נפש זיין וועגען יין נסך,

פיין, זאגט דער פריץ. ער נעמט וויין און גיסט אריין אפאר טראפען דערנאך נעמט ער ארויס זיין ביקס און זאגט... מאשקע, אויב דו טרונקסט דאס נישט אויס שיס איך דיר!

איין מינוט, זאגט מאשקע, אויב איך מוז שוין טרונקען, זיי אזוי גוט און פיל אן דעם גלעזעל ביז אויבען

[פוילישע פעפער]

ס'איז געוועהן אמאל א קראנקער אין שפיטאל, דער דאקטאר קומט אריין און זאגט אים כ'האב פאר דיר גוטע נייעס און שלעכטע נייעס, וואס ווילסטו הערן פריער?
זאגט ער אים די גוטע נייעס,
זאגט אים דער דאקטער, דו האסט נאך פיר און צוואנציג שעה צו לעבן!
פרעגט אים דער קראנקער, דעמאלטס וואס איז די שלעכטע נייעס?
זאגט אים דער דאקטער, כ'האב דיר פארגעסן דאס צו פארציילן נעכטען...

[berlbalaguleh]

געוועהן אמאהל א פריץ וואס ווי אלע האט ער געהאט א מאשקע. דער מאשקע איז איהם געווארען א גוטער חבר. און די צוויי פלעגען אסאך פארברענגען צוזאמען.

איינמאהל האט דער פריץ געמאכט א גרויסען געשעפט מיט דעם מאשקע און צום סוף האט ער געזאגט... נו, מאשקע, לאמיר מאכען א לחיים צום שלוס פון אונזער געשעפט.

אנטשולדיגטס מיר פריץ לעבן, אבער איך טאר נישט טרונקען דיין וויין, עס איז יין נסך.

דו מוזט, שרייט דער פריץ

אבער איך בין דאך א איד איך טאהר נישט, זאגט מאשקע

ניין, זאגט דער פריץ, אן טרונקען א לחיים צום סוף קען מען נישט ענדיגען דעם געשעפט.

אבער איך טאהר נישט טרונקען גוי'אישע וויין.. זאהל דער פריץ טרינקען און איך וועל איהם ווינטשען.

ניין, זאגט ווידער דער פריץ, ביידע מוזען טרינקען! אבער ענק אידן זענען דאך חכמים, ענק האבען עצות פאר אלעם, וועסטו טרעפען אן עצה פאר דעם אויך.

דער אידל טראכט א מינוט און רופט זיך אן, יא אויב דער פריץ וועט מיר סטראשען אז אויב איך טרונק נישט וועט ער מיר הרג'נן וועל איך מוזן טרונקען. מען דארף זיך נישט מוסר נפש זיין וועגען יין נסך,

פיין, זאגט דער פריץ. ער נעמט וויין און גיסט אריין אפאר טראפען דערנאך נעמט ער ארויס זיין ביקס און זאגט... מאשקע, אויב דו טרונקסט דאס נישט אויס שיס איך דיר!

איין מינוט, זאגט מאשקע, אויב איך מוז שוין טרונקען, זיי אזוי גוט און פיל אן דעם גלעזעל ביז אויבען

ייש"כ: ס'איז דא א גוט ווערטל אין אן ענליכע בחינה.

אין די בראשית טעג פון די רעפארם באוועגונג האבן זיי נאך אנגעשטעלט א פנים ווי ערליכע אידן שומרי תורה ומצוות.

טרעפט זיך אמאל אין א שבת נאכמיטאג איז דער ראש הקהל געגאנגען באזוכן ביים ראביי אין שטוב. זעהט ער ווי דער ראביי זיצט און פאררייכערט א ציגאר. דער ראביי האט זיך א ביסל דערשראקן. זאגט ער צום ראש הקהל...דו גייסט נישט ארויס פון דא ווילאנג דו רייכערסט אויך א ציגארעטל. דער ראה"ק בעט זיך ביים ראביי...ניין. ס'איז דאך שבת. זאגט דער ראביי ס'וועט דיר גארנישט העלפן. דו מוזסט אויך פאררייכערן א ציגארעטל. זאגט דער ראה"ק. אויב איך מוז שוין יא פאררייכערן האביך מיינע אייגענע... און נעמט ארויס א ציגארעטל פון טאש...!

[פרומער חסיד]

השתא דאתית להכי דערמאן איך מיך אן ענליכס.

אין א קליין דערפל ווי קיין געהעריגער דאקטאר איז נישט געווען, איז אמאל א איד שווער קראנק געווארן שבת נאכמיטאג, מלויפט צום קליין דאקטער, און ער זאגט מ'מוז שוין פארן אין שטאט אריין צום גרויסן דאקטאר.

מ'לויפט צום בעל עגלה ער זאל טראגן דעם חולה, אבער ער שרייט חי וקיים, שבת קודש פארן?! גיימיר צום רב פרעגן, דער רב זאגט, וואס א שאלה? פקוח נפש, שוין זאלסטו פארן.

זאגט דער בעל עגלה אבער איך מוז קודם שמירן די רעדער, זאגט דער רב, נו שמיר די רעדער, וואס א שאלה בכלל.

זאגט דער בעל עגלה אבער איך קען נאר שמירן די רעדער אויב איך פאררייכער א לילקע דערביי, זאגט דער רב, נו, פאררייכער דעם לילקע! פקוח נפש, קיין שום שאלות נישט.

זיצט זיך דער בעל עגלה שבת נאכמיטאג און רייכערט זיך אן, און ער געבט א קרעכץ:

'ווער ווייסט ואס נאך מ'מעג אלץ און זיי זאגן אונז נישט אויס'

[פאלאצ'ינטא]

נעכטען גייענדיג אין שוהל זעה איך ווי מיין שכן שטייט און קוקט צו ווי 4 שווארצע שלאגען זיין שוויגער מכת רצח.

און דו גייסט נישט העלפען? פרעג איך איהם

ניין זאגט ער, 4 איז גענוג

[berlbalaguleh]

כ'מיין אז איך האב עס שוין אמאל פארציילט: א טאטע איז אמאל געגאנגען פאר א שפאציר מיט זיין יונגל. פרעגט דער יונגל דעם טאטן..."וויאזוי ווייסט מען אויב א מענשט איז שיכור? זאגט דער טאטע. "דו זעהסט דארט די 2 מענטשן וואס גייען אויפ'ן גאס. אויב דו זעהסט 4 מענטשן זאלסטו וויסן אז דו ביסט שיכור... זאגט דער יונגל...טאטי איך זעה נאר איין מענטש...!

[עלינו]

אמאל איז געווען א שאלה בנוגע די נייע געגענטער ארום ירושלים ווען זיי זאלן ליינען די מגילה,
האט איינער געפרעגט הרה"ק מסאטמאר: און וואס איז בנוגע די אנדערע מצוות היום?
האט די רבי געענטפערט: "מתנות לאביונים" קען מען דאך דארט מקיים זיין א גאנץ יאר...
און "איש לרעהו" אפילו איין טאג אויך נישט...

[עלינו]

א שדכן פרעגט א בחור: וויפל בחורים לערנען אין ענקער ישיבה?

-ארום 10 פראצענט....

[פאלאצ'ינטא]

דער נייער רב קומט אריין אין אפיס פון דער בית מדרש און קוקט אדורעך די רעקארדס און זעהט אז דער גרעסטער עושר פון שטאט האט נאך נישט מנדב געוועהן קיין געלט פאר'ן בית מדרש, ממש גארנישט.

רופט ער איהם אן און זאגט איהם... א גוטן ר' משה, דא רעדט דער נייער רב, אונזערע רעקארדס ווייזען אז איהר זענט זייער שיין מצליח אין די ביזנעס און האט נאך נישט געגעבן קיין געלט פאר אונזער בית מדרש.

אזוי, ענטפערט ער, איך וויל פרעגן דעם רב אויב זיינע רעקארדס ווייזען אז איך בין אזוי שיין מצליח, צו זיי ווייזן אויך אז מיין מאמע איז געפערליך קראנק און די מעדיקעל בילס דערגרייכען עד לב השמים?

און אויב זיינע רעקארדס ווייזען אויך אז מיין ברודער איז ל"ע פיזיש און גייסטיש קראנק און ער איז נעבעך אין א ווילטשעיר און ער קען נישט ארבייטען?

און אויב זיינע רעקארדס ווייזען אויך אז מיין שוועסטער איז אן אינגע אלמנה מיט 6 פיצלעך קינדער און האט נישט קיין לחם לאכול און אפילו נישט וואו צו וואוינען ווייל מען האט זיי ארויסגעווארפען פון די דירה?

ניין זאגט דער רב, איך האב נישט געוויסט,

אט אזוי איז דער מצב, ענטפערט ער, און אז איך גיב זיי נישט קיין פרוטה מיינסטו אז איך וועל דיר געבן?

[שמעון וואלף]

איינער האט געפרעגט אדמו"ר מ'......... וויאזוי ס'איז די מנהג צו זאגן ביי שחרית, ומעריצי'ן ומקדישי'ן וממליכי'ן אדער מיט א ם' צום סוף?
ענטפערט ער, נעה, ס'נישט קיין חילוק. א ראי' האסטי ווייל אין בית יוסף ברענגט ער הלכות פון רמב"ם און אמאל שרייבט ער רמב"ן.

[לאכעדיג]

א הינדל קומט פון א אייער אדער אן אייער קומט פון א הינדל??

ביידע.

(=קארני)

[berlbalaguleh]

לא זכיתי להבין...! אפשר ווילסטו ערקלערן? ....!

[לאכעדיג]

לא זכיתי להבין...! אפשר ווילסטו ערקלערן? ....!

וואס קומט פון וואס? א חישען קשיא.

[פאלאצ'ינטא]

פאר אפאר וואכען צוריק האבען זיך אלע רעבעס אין ארץ ישראל געמאכט אן אסיפה וועגן AI

אלע קומען אריין און מען זעצט זיך ארום דעם טיש און די גבאים שטייען פון אונטען.

אינמיטן שטעלט זיך אויך איין רבי און זאגט, רבותי די מעשה פון AI איז דאך אן ערענסטע פראבלעם אין אידישקייט איך האלט אז מען זאהל ארויסשיקען אלע גבאים פון דא און אונז אליין זאהלען דאס באהאנדלען.

פיין אלע זענען מסכים. מען שיקט ארויס אלע גבאים אבער איינער האט זיך גוט באהאלטען זעהט ער ווי דער רבי פארשפארט די טיהר און קוקט ארום צו זעהן אויב טאקע נאר די רבנים זענען דא און ער פאנגט אן...

רבותי, עי איי... שמעי איי... וואס טוהט מען מיט מיילעך בידערמאן? ער וואקסט עפעס צו שנעל