תגלחת נשים

[היום]

דער שטות דא איז נישט אזוי ווייט דער תוכן פונם צעטל אדער די הוראות ותקנות המוסדות (וואס זיי מעגן לכאורה אוועקשטעלן כרצונם), עס איז מער אז דעי האבן נישט שכל אז אזא צעטל זאל נישט ארויסרינען און פובליק, לטובתם.

[לאכעדיג]

אין 2024 רינט (כמעט) אלעס ארויס.

[היום]

אין 2024 רינט (כמעט) אלעס ארויס.

100% !
וועגן דעם, החכם עיניו בראשו, און מען מאכט נישט אזוינע צעטל.
אדער סיי וואס די ווילסט נישט שפעטער זעהן אויפן אינטערנעט.

[Yesh]

לויט ווי זי זאגט, אויב איז דא חששות אויף א פרוי אז זי שערט זיך נישט, צו זאל עס זיין פון א מקוה לעידי וואס האט עס באמערקט, אדער א שכנ'טע וכדומה, און עס קומט אן די די אויערן פון די וואס זענען ממונה דערויף, דאן דארף מען אינטערשרייבן די בייגעלייגטע צעטל, און עס קומט אראפ צום שטוב יעדע 6 וואכן א ספעציעלע "בודקת" וואס מאכט זיכער אז זי שערט זיך טאקע. אויב ברעכט זי ווייטער די תקנה פליען די קינדער פון די מוסדות.

קען איינער פון קרית יואל דאס באשטעטיגן? קומט נאך פאר אזעלכע זאכן? וועלכע חלק איז אמת און וועלכע חלק נישט?

ס'איז ליידער אמת, איך ווייס פון אזא פאל אין מוסדות ויואל משה.

[היום]

מיט די גאנצע עקל און אפשיי איך האב פון אזא התנהגות, קען דאס ווייבל נישט האבן טענות אויף קיינעם, גיי שיק ערגעץ אנדערש.
סב"י האט רעכט פאר זייער רולס און רעגולעישענס,
אזוי אויך יעדער אנדערער מוסד,
(חוץ אויב זיי זענען די אפיציעלע מוסדות אין שטאט)

[קהל'ס נער]

א חשוב'ע תפלה ביים זיך אפגאלן די קאפ. אין א כתב יד ישן נושן האב איך געפונען די פאלגענדע:

ונשות חסידות מוסיפות: "ושערות ראשי המגלחות יהיו כשערות הסוטה המגולחת אשר כריסה נבקעת ולבה מתגלה בפני קהל ועדה למען ישמעו וייראו הנשים ולא ירימו ראשן עוד". ע"כ.

קרעדיט: פרעד מעקדאוועל

.

פיינע נייעס.
מיט דעם ועשית ככל אשר יורוך ווערט א יעדע שיגעון א חיוב און א מצווה מיט העכערע כוונות.

נעקסט אין ליין קומט די סימס.

סדר הלבשת הסימס.
בבוקר כשתקום האישה מיד תאמר הנני מוכנת ומזומנת לקיים מצות ככל אשר יורוך על ידי הלבשת הסימס של הפאלם טייץ, וסימס זה תהא נחשב כאילו הקרבתי אשם שפחה חרופה כדי להכרית את כל החוחים והקוצים הסובבים את השושנה העליונה אמן כן יהי רצון.
ואז תלבשנה את הסימס, ואז שערי השמים נפתחים ואפשר לבקש כל מה שרוצים ומובטחת לראות ישעות ורפואות.

בפרק הבא נלמד סדר הלבשת הסינטעטיק שייטל

[סקעפטיקער]

א מוסד איז אזוי ווי יעדער ביזנעס, דו מוזט נישט קויפן... אז ס'געפעלט דיך נישט די תנאים, גיי צו אן אנדערע מוסד!
(אוי גיי איך כאפן פאר דעם...)

ווען "גיי צו אן אנדערע מוסד" וואלט געווען אן אנגענומענע זאך ביסטו גערעכט, אבער די פאקט איז אז פארן שיקן אין א בעסערע מוסד וועסטו שוין ווערן א האלבע אויסווארף. עס דערמאנט מיך פון מענגעלע וויזניצער וואס לאזט יעדן גיין ביז מ'גייט

[היימלינד]

ווען "גיי צו אן אנדערע מוסד" וואלט געווען אן אנגענומענע זאך ביסטו גערעכט, אבער די פאקט איז אז פארן שיקן אין א בעסערע מוסד וועסטו שוין ווערן א האלבע אויסווארף. עס דערמאנט מיך פון מענגעלע וויזניצער וואס לאזט יעדן גיין ביז מ'גייט

אדער ווען זיי זענען געווארען ווילד ווען ס'איז נאר געווען א שמועה פון א הוא אמינא אז וויזניץ וומסב"ג וועט עפענען מוסדות אין בלומינגראוו.

[פארשטענדליכער]

סאטמאר קימערט זיך גאר ווייניג ווען דו נעמסט ארויס דיינע קינדער פון זייערע מוסדות.

[פונדאַמענטאַל]

א מוסד איז אזוי ווי יעדער ביזנעס, דו מוזט נישט קויפן... אז ס'געפעלט דיך נישט די תנאים, גיי צו אן אנדערע מוסד!
(אוי גיי איך כאפן פאר דעם...)

א מוסד איז נישט ווי א ביזנעס. לפחות לויט אירע פירער און געלט קלייבער, וועלכע שטעלן דאס אהער ווי א עבודה לשם שמים. ווארום אויב וואלט דאס טאקע געווען א ביזנעס וואלטן זיי געטון וואס איז די בעסטע פארן ביזנעס - צופרידענשטעלן קאסטומערס... די אלע פעולות פון טעראר זענען אין נאמען פון אויבערשטן. ממילא אלס אידן וועלכע זארגען זיך פאר כבוד שמים, האבן מיר א רעכט צו קריטיקירן די אקטן.

[סוף טוב הכל טוב]

לויט ווי זי זאגט, אויב איז דא חששות אויף א פרוי אז זי שערט זיך נישט, צו זאל עס זיין פון א מקוה לעידי וואס האט עס באמערקט, אדער א שכנ'טע וכדומה, און עס קומט אן די די אויערן פון די וואס זענען ממונה דערויף, דאן דארף מען אינטערשרייבן די בייגעלייגטע צעטל, און עס קומט אראפ צום שטוב יעדע 6 וואכן א ספעציעלע "בודקת" וואס מאכט זיכער אז זי שערט זיך טאקע. אויב ברעכט זי ווייטער די תקנה פליען די קינדער פון די מוסדות.

קען איינער פון קרית יואל דאס באשטעטיגן? קומט נאך פאר אזעלכע זאכן?

וואס גייט אן פאר די מוסד צו איך שער זיך יא אדער נישט?
אפשר זאלן זיי מיך מאכן זאגן "קידוש לבנה" בפני מוהר"ר _______ שליט"א, ער זאל עדות זאגן אז איך האב 'טאקע' מקדש געווען די לבנה דעם חודש?
וואס איז דער הסבר אונטער דעם?
אנדערע וועלן זיך אפלערנען? ווער? וויאזוי? עס איז דאך צוגעדעקט!

[קלוגע יודל]

די שאלה פארוואס אויף די נושא גייען זיי NUCLEAR?
וואס איז דאס אנדערש ווי איינער וואס טרינקט COKE?

[מילך טראק]

וואס גייט אן פאר די מוסד צו איך שער זיך יא אדער נישט?
אפשר זאלן זיי מיך מאכן זאגן "קידוש לבנה" בפני מוהר"ר _______ שליט"א, ער זאל עדות זאגן אז איך האב 'טאקע' מקדש געווען די לבנה דעם חודש?
וואס איז דער הסבר אונטער דעם?
אנדערע וועלן זיך אפלערנען? ווער? וויאזוי? עס איז דאך צוגעדעקט!

וואס גייט זיי אהן צו איך האב א פילטער?

[מילך טראק]

לויט ווי זי זאגט, אויב איז דא חששות אויף א פרוי אז זי שערט זיך נישט, צו זאל עס זיין פון א מקוה לעידי וואס האט עס באמערקט, אדער א שכנ'טע וכדומה, און עס קומט אן צו די אויערן פון די וואס זענען ממונה דערויף, דאן דארף מען אינטערשרייבן די בייגעלייגטע צעטל, און עס קומט אראפ צום שטוב יעדע 6 וואכן א ספעציעלע "בודקת" וואס מאכט זיכער אז זי שערט זיך טאקע. אויב ברעכט זי ווייטער די תקנה פליען די קינדער פון די מוסדות.

דאס איז נעקסט לעוול.

[סוף טוב הכל טוב]

וואס גייט זיי אהן צו איך האב א פילטער?

זיי טענה'ן - און איך גיב זיי נישט גערעכט - אז די קינדער פון אזא "שטוב" ווערן אויך מושפע ווייל בדרך כלל קוקן די קינדער אויך אויף "די כלי", און זיי פארציילן עס פאר די חברים, און דער חבר פון דיין קינד קען חלילה אויסגעפינען אז קינדער ווערן נישט געקויפט אין די סאוועניער געשעפט אין דעם האספיטאל...

[מילך טראק]

אהא , מגייט דערציילן די ראיות אסירות פאר אנדערע קינדער,
אויב גייט א פלעטבוש מיידל ארום גיין מיט א מייק אינדרויסן פון די חדר און אויסשרייען אז קינדער קויפט מען נישט אין שפיטאל, איז לכאורה שוין נישט שייך די איסור.

[פארדעכטיגער]

ס'זאגט זיך גרינג "גיי צו א אנדערע מוסד" אבער די אמת איז אז ס'איז דא משפחות וואס וואוינען שוין דארט יארן לאנג, און סאיז נישט דא קיין אנדערע מוסדות אין ק"י.
ווען וויזניץ האט געוואלט עפענען א מיידל שולע אין בלומינגראוו האט מען איבערגעדרייט די גאנצע שטאט אז ס'זאל נישט געשעהן. פון איין זייט שרייען זיי גיי צו אנדערע מוסדות, פון די אנדערע זייט לאזן זיי נישט עפענען קיין אנדערע מוסדות, בלייבט איבער נאר ארויסצומופן, וואס איז א רשעות נורא צו צווינגען א משפחה מיט קינדער וואס די עלטערן זענען שוין געבוירן אין ק"י זיך צו אויף הייבן און אוועקמופן, אלעס ווייל די פרוי שערט זיך נישט, וואס איז ניטאמאל קיין שום חיוב להלכה.

[Antibacterial]

אויב איז דאס א זאך אויף וואס דער מייסד הקריה האט זיך געשטעלט בכל התוקף, דאן מיט וועלכע חוצפה קען איינער וואוינען דארט און פייפן אויף די תקנות פונעם מייסד הקריה?? אט דאס איז די רשעות!

איך זאג נישט קיין מיינונג בנוגע זיך שערן אדער נישט. אבער עס איז זייער פארשטענדליך אז א ריזיגע מערהייט אין שטאט וויל אז די שטאט זאל בלייבען האר ריין און פארטיג!

דער סאטמאר רבי האט מייסד געווען זיין שטאט כדי צו קענען פירן זיין אייגן ווערטשאפט דארט, און ווער עס קען זיך צו דעם נישט צושטעלן זאל זיך גיין פון דארט!

[yatzmachp]

קודם כל, מעג מען מחולק זיין מיט דיר אז דער מייסד האט נישט געוואלט קיין אידן וואס שערן זיך נישט. צווייטנס דארפסטו כאטש זאגן ווי די שטאט הייבט זיך אן און ווי עס ענדיגט זיך כדי דער וואס וויל נישט טוהן קיין רשעות זאך זיך כאטש קענען רעכענען דערמיט. דריטנס, די געגנט האט מען געבויט נישט צו האבן קיין אידן בכלל און חרדישע אידן בפרט, ווי נעמט זיך אזא רשעות צו קומען און בויען א אידיש קריה אין אזא פלאץ?

[צוויי]

די נושא פון שערן איז זייער א ברייטע און א טיפע.

איך בין זיכער אז ס'איז דא גאר אסאך אידן וואס וואלטן שטארק געקענט באשטיין צו וואוינען מיט זייער אשת חיל וואס האט עכטע לאנגע האר, זיי וואלטן זיך מחיה געווען דערמיט, און זיי זעהן נישט עכט די פראבלעם מיט דעם.

רוב פון די אידן וואלטן זיך אבער נישט געוואגט צו טוישן די מסורה פון זייערע עלטערן און פארלאנגען זייערע ווייבער נישט צו שערן די האר, און אפי' ווען די ווייב וויל עס וואלטן זיי עס אפגעהאלטן,

א מיעוט איז עס אפשר צוליב זיי ווילן נישט זיין אנדערש, אדער ס'איז נישט מעגליך צו באהאלטן אז קיינער זאל נישט געוואר ווערן און דעמאלסט וועט זיין בושות אדער ערגער, אבער א גרויסע מערהייט ווילן נישט טוישן ווייל זיי האלטן אז דער אייבערשטער וועט נישט הנאה האבן דערפון, הגם זיי פארשטייען נישט פארוואס, אבער זיי פארשטייען אויך נישט נאך אסאך זאכן, און זיי שפירן א זכיה מקיים צו זיין דעם אל תטוש תורת אמך ותורת הצדיקים הקודמים.

אויב נניח זיי וועלן געוואר ווערן מיט א זיכערקייט אז דער אייבערשטער וויל יא זיי זאלן עקספיריענסן עכטע האר לקיים את המצוה בהידורה לידע את אשתו און וואס איז עס ווערד מיט א ליידיגע קאפ, און לאמיר זאגן אז זיי וועלן טרעפן א בריוו פון זייער באבע אז ביי זיי האט מען זיך דייקא געפירט נישט צו שערן, אדער זיי וועלן הערן פון זייער לאקאלע דיין אז די נישט שערן איז נישט אזוי הארב און ס'איז דא אסאך התירים און אדרבה מצוה הוא לגדל שערה לחבב על בעלה, וואלטן זיך א חלק טאקע צוגעכאפט דערצו, איך בין צווישן דעיע, ווייל איך האב נישט קיין פראבלעם צו טוהן די וואס איך האב באקומען דעת תורה אז ס'איז ריכטיג, אפי' אנדערע וועלן מיר אראפרייסן, אבער איך גלייב אז א גרויסע חלק וועלן עס נאך אלס נישט טוהן ווייל זיי קענען נישט זיין אנדערש ווי די א.ג. 'יעדער'...

רובא דרובא פונעם היימישן עולם וועלן נישט טוהן אנדערש וואס זייער לאקאלע דיין זאגט, ממילא אויב איינער האלט דא אז תגלחת נשים איז א אויפגעטראכטע חומרא, זאלן זיי זיכער מאכן אז ווי מער לאקאלע דיינים האלטן אזוי ווי זיי, נישט זאגן אז איך האב אליינס גערעדט צו דיינים וואס האבן געזאגט... נאר געבן די דיינים נעמען, כאטש אין אישי, צו קענען קלאר מברר זיין, אז דאס וועט געשעהן וועט זיך א גרויסע חסידישע ציבור צוביסליך אנפאנגען צו טוהן אזוי, והכל על מקומו יבא בשלום.

[צוויי]

קודם כל, מעג מען מחולק זיין מיט דיר אז דער מייסד האט נישט געוואלט קיין אידן וואס שערן זיך נישט. צווייטנס דארפסטו כאטש זאגן ווי די שטאט הייבט זיך אן און ווי עס ענדיגט זיך כדי דער וואס וויל נישט טוהן קיין רשעות זאך זיך כאטש קענען רעכענען דערמיט. דריטנס, די געגנט האט מען געבויט נישט צו האבן קיין אידן בכלל און חרדישע אידן בפרט ווי נעמט זיך אזא רשעות צו קומען און בויען א אידיש קריה אין אזא פלאץ?

די וועלט האט דאך דער אייבערשטער באשאפן בשביל ישראל שנקרא ראשית, ווי נעמט זיך די חוצפה פון גוים צו זאגן אז מ'גייט בויען א געגנט וואס געפינט זיך אויף דעם וועלט נישט צו האבן קיין אידן בכלל?
די וועלט האט דאך דער אייבערשטער באשאפן בשביל התורה שנקרא ראשית, ווי נעמט זיך די חוצפה פון אידן וואס ווילן נישט איינהאלטן די תורה צו עובר זיין דערויף ווילאנג זיי זענען אויף דעם וועלט?

[פיקח עצום]

אויב איז דאס א זאך אויף וואס די מייסד הקריה האט זיך געשטעלט בכל התוקף, דאן מיט וועלכע חוצפה קען איינער וואוינען דארט און פייפן אויף די תקנות פונעם מייסד הקריה?? אט דאס איז די רשעות!

איך זאג נישט קיין מיינונג בנוגע זיך שערן אדער נישט. אבער עס איז זייער פארשטענדליך אז א ריזיגע מערהייט אין שטאט וויל אז די שטאט זאל בלייבען האר ריין און פארטיג!

דער סאטמאר רבי האט מייסד געווען זיין שטאט כדי צו קענען פירן זיין אייגען ווערטשאפט דארט, און ווער עס קען זיך צו דעם נישט צושטעלן זאל זיך גיין פון דארט!

אין סדום האט מען אויך געזאגט אַז דאס האט די מייסד הסדום געוואלט!
האלסט נישט ביים זיך צושטעלן פיץ אפ!

[מילך טראק]

דער סאטמאר רבי האט מייסד געווען זיין שטאט כדי צו קענען פירן זיין אייגן ווערטשאפט דארט, און ווער עס קען זיך צו דעם נישט צושטעלן זאל זיך גיין פון דארט!

אין סדום האט מען אויך געזאגט אַז דאס האט די מייסד הסדום געוואלט!
האלטסט נישט ביים זיך צושטעלן פוץ אפ!

און מיט וועלכע חוצפה האט דער מייסד הקריה זיך נישט גערעכנט מיט די מייסד פון די לאנד וואס האט זיך מוסר נפש געווען אז ס'זאל זיין פרייהייט און דעמאקראטיע און מען פייפט אויף אים??