אויפדעקונג! נחמיה וועבערמאן: כ'האב תשובה געטוהן

[לאכעדיג]

אקוראט דאס טוט פלעטבוש גירל, אויף א אנדערע אופן פארוואס איז זי א צדיקת און ער א רוצח?

די תירוץ איז אז די אלע זאכן האט גארנישט מיט שכל נאר מיט די מצב. אז יעדער טאנצט קדוש טאנצט מען מיט.

[פארשטענדליכער]

זי האט געסטראשעט צו הרג'ענען איינעם?

געהארגעט נפשיות'דיג

[היימלינד]

גדול המביישו יותר מן ההורגו

[berlbalaguleh]

דאכציך מיר אז ס'שטייט.."גדול המחטיאו יותר מן ההורגו". נאר מ'מעג אויפמאכן אייגענע פסוקים און מאמרי חז"ל.

[סקעפטיקער]

גדול המביישו יותר מן ההורגו

גיי זאג עס פאר די אמעריקאנע געזעצגעבער (אבער פארדעם טשעק אויב עס איז דא אזא מאמר חז"ל)

[berlbalaguleh]

און איב נישט איז אויך גוט. ווילאנג ס'שטייט אין איד אדער אין בלאט.

[לאכעדיג]

און איב נישט איז אויך גוט. ווילאנג ס'שטייט אין איד אדער אין בלאט.

נישט אייביג העלפט אז ס'שטייט אין בלאט, והא ראיה דער בלאט האט געקרוינט רבי משה שטערנבוך פאר גאב"ד ירושלים און די וועלט נישט.

[berlbalaguleh]

זיי זאגן נישט אז ער איז דער גאב"ד. נאר דער ראב"ד.
א פוסק הדור איז ער זיכער. ער האט שוין געשריבן אריבער 42 בענדער מיט שו"ת.

[עמרם]

זיי זאגן נישט אז ער איז דער גאב"ד. נאר דער ראב"ד.
א פוסק הדור איז ער זיכער. ער האט שוין געשריבן אריבער 42 בענדער מיט שו"ת.

זעהט אויס אז איר קויפט שוין נישט די בלאט...
זיי און אלע ארונישע אויסגאבעס שרייבן גאב''ד אויף ר' משה

[berlbalaguleh]

איך ווייס אז זיי שרייבן אזוי אויף איהם. נאר זיי האבן אלע יארן געשריבן אז ער איז דער ראב"ד. ווען דער צד השני האט איהם געוואלט פסל'ן אז ער איז (ל"ע) נתפס לציונות. און ער איז נישט געניג א קנאי.

אמת אז איך קויף שוין נישט לעצטנס דעם בלאט. מיט די שנאת ישראל וואס שפריצט פון דארט וואלט איך שוין ענדערש געקויפט דעם נאצישן שטורמער.

זיי (די בהמות) מיינען אז מיט דעם וואס זיי שפריצן מיט האס אקעגן זייערע אייגענע ברידער זענען זיי מקיים די שיטה.

[עמרם]

כהיום לייגט דער איד אריין כמעט יעדע וואך א בילד פון ר' משה, כדאי צו קענען שרייבן ראב''ד

[מר. קלונימוס]

כהיום לייגט דער איד אריין כמעט יעדע וואך א בילד פון ר' משה, כדאי צו קענען שרייבן ראב''ד

בול ש.

[פון אונזערע]

כהיום לייגט דער איד אריין כמעט יעדע וואך א בילד פון ר' משה, כדאי צו קענען שרייבן ראב''ד

נו ווער איז דען אינטערסירט אין טיטלען? די עיקר איז די בילדער לחזות בנועם זיו צדיק נישט אזוי?

[מופת הדור]

זיי זאגן נישט אז ער איז דער גאב"ד. נאר דער ראב"ד.
א פוסק הדור איז ער זיכער. ער האט שוין געשריבן אריבער 42 בענדער מיט שו"ת.

זעהט אויס אז איר קויפט שוין נישט די בלאט...
זיי און אלע ארונישע אויסגאבעס שרייבן גאב''ד אויף ר' משה

מ'האט קיינמאל נישט געדארפט קויפן די בלאט צו זעהן די טיטול גאב"ד,וכן מרן הגה"ק מסאטמאר,
נאר ווער ס'איז 95% בלינד קען פארזעהן די שרייעדיגע וועכענליכע העדלייןס

[אינטערסאנטער]

א פוסק הדור ווערט מען נישט אויב מען שרייבט אסאך, הגאון האדיר רבי מנשה הקטן האט געשריבן מער און איז נישט געווען די פוסק הדור. א פוסק הדור מיינט אז די וועלט האט אים אנגענומען אלס איינער וואס פסקנט מיט א מוראדיגע שכל הישר און בקיאות ועיון עד כדי כך אז יעדער מיז זיך רעכענען מיט זיין פסק.

רבי משה שטערנבוך ווי גרויסע למדן און עמקן ער איז, איז זיין פסק נישט אנגענומען אין די וועלט אין אזא ערך ווי די פסק פון א ריכטיגע פוסק הדור (א שטייגער ווי רב וואזנער וואס איז באמת געווען א פוסק וואס יעדער האט זיך גערעכנט מיט זיין פסק).

[לאכעדיג]

חסידי מהר"א (ליין: שמואל ווידער ז"ל און זיינע חברים, מענדל גאלד, שלום לאנדא, שמואל זאנוויל פויגל, אהרן דוב געטטער, מטות דייטש, אלישע הורוויץ וכו', ווער געדענקט נאך די נעמען??... די דעמאלטסדיגע קנאקערס ביי די מהר"א פארטיי.) האבן אין די פארגיינגענהייט געקרוינט די שבט הלוי פאר פוסק הדור, רבי טוביה ווייס פאר גאב"ד ירושלים, רבי משה שטערנבוך פאר פוסק הדור.

זיי האבן אויפגענומען די שבט הלוי פאר פוסק הדור ווייל ער האט זיך ארויסגעשטעלט אויף די זייט פון מהר"א א קעגן מהר"יי, זיי האבן אויפגענומען רבי טוביה ווייס פאר גאב"ד י"ם ווייל זיי האבן נישט געוואלט אז די ערשטע קאנדידאט רבי ישראל חיים מנשה פריעדמאן זאל ווערן רב ווייל ער האט זיך אנגענומען פאר מהר"יי, זיי האבן אויפגענומען רבי משה שטערנבוך פאר פוסק הדור ווייל זיי האבן נישט געוואלט אז רבי יחזקאל רוטה זאל ווערן.

ויקם מלך חדש; א פרישע דור פון קנאקערס ביי חסידי מהר"א וואס ווילן נאכמאכן זייערע פארגייערס און קרוינען רבי משה שטערנבוך פאר גאב"ד ירושלים ווייל ער שטיפט די אהרונישע וואגן, זיי פרובירן אזוי שטארק ס'זאל זיך אדורך ברעכן, אבער צום באדויערן אן ערפאלג, ס'ארבעט נישט, די עולם עקסעפט עס נישט, און ס'קומט נישט אריין אין די אלגעמיינע חסידישע גאס, פאדערט זיך א הסבר, פארוואס אמאל האט עס געארבעט און היינט נישט.

איך מיין אז ס'האט צוויי סיבות.

די ערשטע סיבה פארוואס אין די פארגיינגענהייט האט עס טאקע געארבעט און די וועלט האט עס אנגענומען איז טאקע צו פארדאנקען דער אלעמען באקאנטען משמח אלוקים ואנשים און לעגענדארע שריפטשטעלער רבי שמואל ווידער ז"ל.
ער איז געווען די מלך ה'פראפעגאנדע.

ער האט געשריבן אין דער בלאט, און ער איז געווען א פעטער פון רבי זלמן ווידער פון קול מבשר, ער האט ביידע פון זיי זייער גוט קאנטראלירט און זיינע אגענדעס האט ער אויסגעפירט האבענדיג די אויבער האנט אין יענע צייטן.

ער איז געווען א מומחה אין PR און מיט זיינע כשרונות און טאלאנטן האט ער מענופעלעט די עולם החסידות אויף א זעלטענע אויפן.

זיין רבי אין פראפאגאנדע איז געווען די סאטמארע
ראש הקהל רבי סנדר דייטש ז"ל.

די צווייטע סיבה פארוואס ס'האט אמאל געארבעט איז וויבאלד דעמאלסט איז נאך נישט געווען קיין סאשעל מידיע און סתם מענטשן האבן נאך נישט געקענט זאגן א מיינונג אין פובליק און וויבאלד שמואל האט געהאט קאנטראל אויף צוויי גרויסע אידישע פלאטפארמעס סיי קול מבשר און סיי דער בלאט האט ער געקענט ברעין וואשן אונזערע מוחות ועל פיו ישק כל דבר.

ער האט געמאכט אסאך שטיקלעך און שפיצלעך און די חסידישע וועלט און בפרט אין סאטמאר ווי ער האט געוואלט אויפבויען חסידי מהר"א מיט מאראל און קאראש אנצוגיין נאך זייער שרעקליכע דורכפאל און וומ"ס ווען מהר"יי איז געווארן רבי, אסאך פון זיינע שטיקלעך און שפיצלעך איז באקאנט פאר די וועלט און אסאך האט ער מיטגענומען מיט זיך אין קבר.

ביידע פון די סיבות זענען שוין נישט אקטועל היינט צוטאגס, שמואל ווידער לעבט שוין נישט און ס'איז נישט דא בדומה לו, זיינע חברים וואס האבן אויפגעבויט די מהר"א פארטיי צוזאמען מיט אים זענען שוין היינט נישט ווארעם פאר מהר"א צוליב זייערע פערזענטליכע סיבות מיט אים אדער זענען זיי סתם עלטער געווארן, און ווי אויך פארנעמט היינט צוטאגס סאשעל מידיע א גרויסע פלאץ אין די פראפאגאנדע וועלט אין ס'איז כמעט אוממעגליך אז אפאר יחידים זאלן קאנטראלירן די מוחות, דעריבער איז רבי משה שטערנבוך שליט"א געבליבן גאב"ד ירושלים נאר אין דער בלאט.

[berlbalaguleh]

לאכעדיג: איך בין מסכים מיט א טייל פון דיינע באהויפטונגען. נאר אז ר' שמואל ווידער האט קאנטראלירט ביידע פלאטפארמעס סיי דער בלאט און אויך קול מבשר. דאס איז שוין א ביסל צו קאנספיראטאריש.
אמת, אלס קרוב האט ר' זלמן אויך געהאט א ביסל דעם חוש צו פי. אר. און פראפאגאנדע. נאר ער איז א מענטש פאר זיך.

ס'איז אויך אמת אז ר' שמואל איז געווען א מייסטער אין זיין פאך. ספעציעל זייענדיג א תלמיד פון דעם מייסטער שריפטשטעלער און פראפאגאנדיסט און פארמירער פון דעת הקהל ר' סענדער דייטש.

נאר א יעדע פארטיי און ארגאניזאציע דארף האבן א פראפאגאנדע מיניסטער. דאס איז נאך געווען בימי מרדכי הצדיק און אחשורוש. וואו א באדינער איז געגאנגען פאראויס און אויסגערופן "ככה יעשה לאיש אשר המלך חפץ ביקרו"...!

[לאכעדיג]

ר' שמואל ווידער האט קאנטראלירט קול מבשר. דאס איז שוין א ביסל צו קאנספיראטאריש.
אמת, אלס קרוב האט ר' זלמן אויך געהאט א ביסל דעם חוש צו פי. אר. און פראפאגאנדע. נאר ער איז א מענטש פאר זיך.

זלמן ווידער האט נישט געטאן א זאך אליינס, ער האט זיך אלעס אדורך גערעדט מיטן פעטער רבי שמואל ובפרט אין די עולם החסידות...

[שמעקעדיג]

איך געדענק עטליכע יאר נאכאנאנד האט דער בלאט געקרוינט הגאון ר' מאיר בראנדסדארפער ז"ל אלס פוסק הדור.

[berlbalaguleh]

ער איז געווען א פוסק. נאר פוסק הדור ווייס איך נישט.

ס'זענען געווען אנדערע גרויסע פוסקים ווי ר' שלמה זלמן אויערבאך און ר' משה האלבערשטאם. נאר די שאור שבעיסה די פאליטיק האט נישט צוגעלאזט אז זיי זאללן ווערן אנגערופן פוסקי הדור. ווייל די אזוי גערופענע אידעאלאגיע מוז אויך שטימען מיט דעם טיטל.

הגאון ר' שלמה זלמן אויערבאך זצ"ל האט אמאל דערציילט אז די רעדל פיהרערס פון די היימישע פאליטיק זענען געקומען צו איהם און געבעטן אז ער זאל חתמ'נען אויף א געוויסע קול קורא איבער א מערכה וואס זיי האבן דאמאלס אנגעפיהרט. האט ער זיי געענטפערט אז ער חתמ'ט נישט אונטער. ער האט מסביר געווען אז..."ס'זענען דא געניג גרויסע רבנים וואס פיהרן די וועלט. איך וויל בלייבן ביי די ד' אמות של הלכה"...!

[Hashemschild]

לאכעדיג: איך בין מסכים מיט א טייל פון דיינע באהויפטונגען. נאר אז ר' שמואל ווידער האט קאנטראלירט ביידע פלאטפארמעס סיי דער בלאט און אויך קול מבשר. דאס איז שוין א ביסל צו קאנספיראטאריש.
אמת, אלס קרוב האט ר' זלמן אויך געהאט א ביסל דעם חוש צו פי. אר. און פראפאגאנדע. נאר ער איז א מענטש פאר זיך.

ס'איז אויך אמת אז ר' שמואל איז געווען א מייסטער אין זיין פאך. ספעציעל זייענדיג א תלמיד פון דעם מייסטער שריפטשטעלער און פראפאגאנדיסט און פארמירער פון דעת הקהל ר' סענדער דייטש.

נאר א יעדע פארטיי און ארגאניזאציע דארף האבן א פראפאגאנדע מיניסטער. דאס איז נאך געווען בימי מרדכי הצדיק און אחשורוש. וואו א באדינער איז געגאנגען פאראויס און אויסגערופן "ככה יעשה לאיש אשר המלך חפץ ביקרו"...!

וואס איז די טיטול וואס קול מבשר ניצט פאר ר' משה?

[berlbalaguleh]

? ביטע זיי מפרש.

[סוף טוב הכל טוב]

שיעור פון ר' מרדכי הערש שפיטצער