א קרעכטס אויף מיין אויסגעהארעוועטע שכר לימוד

[אפטימיסטיש]

דא קומט דער ''אבער'' און טאקע א גרויסער "אבער":

דו זאגסט גוט, אבער היסטאריע האט געוויזן פארקערט, השכלה איז געווען איין פראבע, עס האט זיך טאקע נישט גוט אויסגעלאזט, אבער עס האט זיכער אונטערגעשטראכן די כח פון אן הייפעלע שכל אנקעגן א מאסן פונדאמענטאליזם, און אויך איז עס לכאו' געווען א גוטע לימוד וועלכע זאכן נישט צו טון, און וויאזוי מ'קען מעגליך יא אריבערגיין די ליניע אן אריינצופאלן אין וואסער.

קודם כל ס'מיר אן עהרע אז דער גרויסער דענקער הרב 'אלפא' איז זיך מתייחס צו מיינע שורות.

אצינד אז כ'האב שוין דיין אויפמערקזאמקייט: איבער דעם ביישפיל וואס דו ברענגסט פון השכלה זעלבסט האב איך זיך טאקע אויכעט שטענדיג געמוטשעט צו דערגיין ווער עס האט ווירקליך געוואונען דעם קאמף קעגן השכלה? (אפשר איז כדאי צו ווידמען א באזונדערע אשכול פארדעם)

ס'דא א ווארט אין ענגליש: history is written by the winner, די פראבלעם דא איז אז ביידע פון די צוויי זייטן דא האבן דערקלערט זיג... (א שטייגער ווי ס'פאסירט נאך יעדע מדינת ישראל/חאמאס קריג...), סא מנשה פילאפף טענה'ט אז צד מהר"ם שיק האט געזיגט (מיט'ן פאלשן באהויפטונג אז: זעהסט דאך אז ס'נישטא קיינער פון די משכילים'ס אייניקלעך וואס גייען מיט א שטריימל...)‏, ווידעראום די צד שכנגד ‎(---) טענה'ט אז דידן נצח, רוב כלל ישראל גייט נישט מיט'ן שטריימל...

נו! זאגז'שע מיר: ווער האט געווינען?

[ברוך שפינוזה]

די שאלה ווער ס'האט געווינען איז שוין גאר אן אלטער. איז געוועהן אמאל א איד, מאשקע האט ער געהייסן, וואס האט נישט געצאלט די רענט פאר זיין קרעטשמע אפאר חדשים און דער פריץ האט איהם אריינגעשליידערט אינעם קעלער אונטער זיין פאלאץ. אינמיטן נאכט קומט צו איהם דער שפאלער זיידע און זאגט איהם מאשקע! כאפ זיך אן אין מיין גארטל און איך גיי די ארויסנעמען פון דא. ניין, זאגט מאשקע, דו ביזט פונעם מוחרם'דיגע כת החסידים, מ'טאר מיט ענק קיין שייכות נישט האבן, ענדערש וועל איך שטארבן דא ווי איידער נהנה צו זיין פון ענק חסידים. נעמט דער שפאלער זיידע אראפ זיין גארטל און פאנגט אן אריינצוגעבן דעם מאשקע אבער ס'העלפט ווי טויטע באנקעס, דער וויל זיך נישט רירן. נעמט ער דאס גארטל און בינדט עס ארום מאשקע און פאנגט אן שלעפן און שלעפן, אבער מאשקע כאפט זיך אן אין א ריזיגן שטיין און לאזט זיך נישט. בלית ברירה הייבט דער שפאלער זיידע הענט און ווערט פארשוואונדען, מאשקע שטעלט זיך אויף און פארגייט אין א לעבעדיגן טאנץ, דידן נצח! ובת קול יוצאת ואומרת, ניצחתני ניצחתני.

ווער האט געוואונען? א שאלה בכלל, אוודאי מאשקע!

[אלפא]

מ'קען צונעמען דעם נושא פון אפאר זייטן. מיין נקודה איבער די פעלער פון השכלה איז נישט געווען פון א יוטיליטעריען פערספעקטיוו (- וואו די פאקט אז רוב 'אידן' לעבן היינט פרייער קומט אריין), אויך נישט פון קיין אידישע פערספעקטיוו (- ווער איז דאס בכלל מחליט?), נאר פון די פערספעקטיוו פון די מייסדים און אויספלאנירער פונעם תנועה. ווי ווייט איך פארשטיי האבן זיי געהאט אין קאפ גאר אן אנדערע בילד איבער די אויסגאנג, און מ'קען כמובן ווייטער שפעקילירן צו די פעלער איז למעשה געווען אינטרינסיק אינעם פלאן אדער איז געקומען פון די (אווער)רעאקציע, אזוי צו אזוי אויב וויל מען צילן צו א מציאות וואו די 'השכלה געדאנקען' ווערן נחשב און מ'וויל זיך נישט טרעפן אויפן זעלבן באן ווי ארגינעלע השכלה - דאן דארף מען אפלערנען וואו יענץ איז געגאנגען קרום.

[ברוך שפינוזה]

אויב וויל מען צילן צו א מציאות וואו די 'השכלה געדאנקען' ווערן נחשב און מ'וויל זיך נישט טרעפן אויפן זעלבן באן ווי ארגינעלע השכלה - דאן דארף מען אפלערנען וואו יענץ איז געגאנגען קרום.

זיי זענען נישט געגאנגען קרום, דאס איז פשוט די תוצאה פון אויפקלערן מענטשן. די מייסדים פון השכלה האבן געוואלט אז אידן זאלן זיין גייסטיש/געפיליש/שכל'דיג געזונט, איינמאל ס'איז אויפגעקומען א דור פון געזונטע מענטשן האבן זיי אויטאמאטיש געצויגן לינקס און מייסד געוועהן די רעפארם באוועגונג. מ'דארף נישט קיין PhD אין פסיכאלאגיע צו פארשטיין פארוואס. אויב האב איך א קוה וואס איך וויל אפשניידן דאס קאפ דארף איך אויסוועלן איינס פון 4 אפציעס: 1) איך שנייד אפ דאס קאפ און איך וויל אז די קוה זאל דערפון שטארבן (היטשענס). 2) איך שנייד אפ דאס קאפ און אויב די קוה שטארבט דערפון זאל עס שטארבן (אברהם גייגער, אלבערט איינשטיין) 3) איך שנייד נישט אפ דאס קאפ ווייל איך וויל נישט אז די קוה זאל שטארבן. 4) פאנטאזירן אז איין טאג וועל איך טרעפן א וועג אפצושניידן דאס קאפ אויף אן אופן וואס די קוה זאל נישט שטארבן, אמער, מ'דארף דאך טרעפן וואו דער קאפ אפשניידער איז קרום געגאנגען אז זיין קוה איז איהם נעבעך געשטארבן. (אלפא)

[אלפא]

מאדערן ארטאדאקס יוכיח פארקערט.

[ברוך שפינוזה]

מאדערן ארטאדאקס איז גאר א ברייטער ספעקטרום, געב מיר א ביישפיל פון א קהילה ווי וועם דו ווילסט אויסקוקן.

[אלפא]

ווי קיינעם נישט!
איך האב עס נאר געברענגט אלץ הוכחה אז ענלייטענמענט מוז נישט בהחלט קומען צוזאמען מיט רעפארם און/אדער אפפארן. און אז לכאו' דאס איז וואס די מייסדי השכלה האבן מתחלה געהאט אין אויסקוק (הענס - זיי האבן פארפעלט מיטן ערשטן פראוו..)

פערזענליך האב איך נארנישט אויסגעפיגערט די גאלדענע ליניע צו וואס איך אליין שטרעב, עס איז ערגעץ צווישן די בעליף סיסטעם פון מאדאקס און די טראדיציאנאלע קולטור פון חרדיזם. קען זיין עס איז אן אילוזיע אז אזאנס קען בכלל צושטאנד קומען, אבער דאס איז מען דאך דא דן - וויאזוי און צו מ'קען טרעפן און באשאפן אזא מהלך..

[ברוך שפינוזה]

פערזענליך האב איך נארנישט אויסגעפיגערט די גאלדענע ליניע צו וואס איך אליין שטרעב

שוין, לאמיר וואוסן ווען דו טרעפסט עס, אפשר וועל איך נאך קענען מחיה מתים זיין מיין קוה.

[דערהויבענע איד]

אפשר א משהו אף טאפיק, איך זע אבער לעצטנס היבש א גרויסע מאוומענט פון אינגערלייט אין מיין אומגעגנט זיך רעגן אויף די היימישע חינוך סיסטעם, טאקע נישט אזוי ווייט איבער די קאסטן אבער יא איבער די uselesness דערפון.
עס איז באמת דא אסאך צו טון סיי אין די אלגעמיינע קוריקולעם צו לערנען מער און בעסער (סייענס, געאגראפיע, היסטאריע, מאטעמאטיק,) - און בעיקר אין די קודש חלק וואו מ'קען אזויפיל אויפטון מיטן טרעינען בעסערע מלמדים און האבן א בעסערע און מער מסודר'דיגע קוריקולעם (ואכמ"ל). די פראבלעם איז נאר אז די סיסטעם איז צו שטאנדהאפטיג און ראסטיג עס צו קענען רירן אן קיין ווידערשטאנד.
מיין שאלה איז נאר צו מיטן טויש אין די בליק פון אזויפיל אינגערלייט איז דא האפענונג אז א טויש וועט נאכקומען (אויף איין וועג אדער א צווייטע) אדער איז עס א לאסט קעיס?!

איך פלאג מיך שוין לאנג מיט אט די חקירה:

פון איין זייט שטייען די אינגעליייט פון וועלכע די רעדסט, און לעכצן פאר טויש
פון די אנדערע זייט שטייט די סיסטעם

מי נדחה מפני מי?

הוי אומר יחיד נדחה מפני רבים!

ואפרש שיחתי:

בעצם טראכט איך אסאך מאל אז ס'מוז זיין אז צום סוף (ווען???) וועלן די רעבעלן און די טויש-לעכצער געווינען, און די סיבה דערצו איז איינפאך:
מיר האבן די יצר הרע אויף אונזער זייט!
מיר האבן די אינטערנעט אויף אונזער זייט.
מיר האבן די נאטורליכע נייגער און ווילן פון א מענטש צו זיין נארמאל און ראציאנאל אויף אונזער זייט.
מיר האבן קאמאן סענס אויף אונזער זייט.

בקיצור: מיר זענען אסאך בעסער אויפגעריסטעט מיט טכסיסי מלחמה אינעם קאמף פאר טויש.

דא קומט דער ''אבער'' און טאקע א גרויסער "אבער":
די אלע אנגעווייטאגטע אינגעלייט גייען נישט געבוירען האלב אזויפיל קינדער וויפיל דער חאניאקישער פאנאטישער אינגערמאן האלט אין איין געבוירן! דער 'פן ירבה ונוסף גם הוא על שונאינו ונלחם בנו' ווערט פארווירקליכט אין בוכשטעבליכן זין פון ווארט! ששה בכרס אחד...

דעריבער דער אנגעווייטאגטער אינגערמאן בלייבט זיך מיט זיינע 2 קינדער , וואס באדייט אז זיין דעמאגראפיע וואקסט נישט, ווידעראום דער פאנאטישער נעמט נקמה אין די נאצי'ס און פרוכטבארט זיך אויף א מאסשטאבליכע פארנעם. און ער ערציט דאך זיינע קינדער צו שטיצן און ליב האבן דעם סיסטעם, און אפילו עטליכע פון זיינע קינדער וועלן אביסל ארויסקאלערן, דאך וועלן א מערהייט פון זיי אויסוואקסן אלס פאן טרעגער פונעם סיסטעם, דאס מיינט אז מיר זענען OUTMANNED!!!

דעריבער איז זייער שווער אדער זאגאר אוממעגליך ‎פארצושאצן ווער עס וועט זיגן אין אט דעם קאמף:
דער מיט מער GUN'S, אדער דער מיט מער סאלדאטן?
תיקו

נ.ב. איי וועסטו פרעגן וויאזוי איז מעגליך אז ביי די גוים זעהט מען דאך אז די ליבעראלע און לינקע באוועגונג וועלכע זענען פאר פאפולאציע קאנטראל, און זיי טוען געבוירן גאר ווייניג קינדער (אפילו ווייניגער פון 2) וויאזוי זענען זיי sustainable?

די תירוץ איז זיי האבן נאך א וואפן: עדיוקעשן (ליין: INDOCTRINATION), זיי האבן קאנטראל אויף די מוחות פון די אינגווארג אנגעהויבן פון סקול באורדס, און געענדיגט ביי סאושל מידיע עפפס און גוגל, אלעס איז קאנטראלירט ביי די ליבעראלן, דעריבער איז דאס גענוג שטאק צו אריבערציען גענוג אסאך קינדער פון די פאנאטישע לאגער, משא"כ ביי אונז חסידים האמיר נישט קאנטראל אויף עדיוקאציע, ודא עקא

לדעתי זענען אונז נישט שטערקער, און אונז האבן נישט קיין גרעסערע השפעה אויפן סיסטעם.


וויפיל קאווע שטיבל אינגערלייט זענען מלמדים? בעלי תפילות? מוהלים?...נישט קיין סאך.


די סיסטעם איז אויסגעשטעלט אז מ'געט לכתחילה נישט קיין ווארט פאר איינער וואס איז נישט כורע ומשתחווה בפישוט ידים ורגלים פאר סיסטעם. אין די אויגען פון די פרומערע זענען אונז א חלק פונעם סיסטעם נאר ווייל מ'וויל אונז מקרב זיין, אבער די 'עכטע' אידן זענען נאר ר' זלמן לייב פיליפ'ס מענטשן.

חוץ המעשה וואס ווען אן עקסטרעמיסט מיט א באלאנסירטער קריגן זיך, ווער געווינט? אוודאי דער עקסטרעמיסט, ווייל, מיט וואס קריגסטו זיך מיט אים, מיט שכל? ער איז אן עקסטרעמיסט. ספעציעל ווען ס'קומט צו 'אידישקייט' עניינים וואס דארט האט ער לכתחילה רעכט זיך צו קריגן מיט דיר בשם ועין.

וויפיל ק''ש אינגערלייט זאגן זייערע אפיניען'ס הויך?

וויפיל ק''ש אינגערלייט האבן די ביצים וואס זיי האבן?

[קהל'ס נער]

מאדערן ארטאדאקס איז גאר א ברייטער ספעקטרום, געב מיר א ביישפיל פון א קהילה ווי וועם דו ווילסט אויסקוקן.

די היינטיגע מאדערנע חסידים פון די לעצטע צעהן יאר זענען דיין פערדע אפציע פון אפשניידן די קאפ און די קוה זאל נישט שטארבן, יא מען האט עס אויסגעפיגערט.
אינטערנעט + היימישע קולטור = אפגעהאקט די קאפ אבער די קוה לעבט.

און ס׳ווערט נאר בעסער און בעסער, איך האלט נישט אז אין הונדרעט יאר ארום גייט דער עולם ווערן פריי, נאר מען וועט ווייטער גיין שטריימל בעקיטשע און עסן פאר ר׳ שייעלע און מען וועט טוען וואס מען וויל.

[היום]

ווי קיינעם נישט!
איך האב עס נאר געברענגט אלץ הוכחה אז ענלייטענמענט מוז נישט בהחלט קומען צוזאמען מיט רעפארם און/אדער אפפארן. און אז לכאו' דאס איז וואס די מייסדי השכלה האבן מתחלה געהאט אין אויסקוק (הענס - זיי האבן פארפעלט מיטן ערשטן פראוו..)

פערזענליך האב איך נארנישט אויסגעפיגערט די גאלדענע ליניע צו וואס איך אליין שטרעב, עס איז ערגעץ צווישן די בעליף סיסטעם פון מאדאקס און די טראדיציאנאלע קולטור פון חרדיזם. קען זיין עס איז אן אילוזיע אז אזאנס קען בכלל צושטאנד קומען, אבער דאס איז מען דאך דא דן - וויאזוי און צו מ'קען טרעפן און באשאפן אזא מהלך..

מאדערן אוטרעדאקס אויפ-קומענדיגער דור זעהט שוין נישט אויס ווי דער יעצטיגער, און עס איז שווער צו זעהן אז עס וועט בלייבן אויף דער יעצטיגער פארמאט נאך א דור און א האלב.
בשעת וואס א גרויס פראצענט (50-70) פון זייער יאנג-אדאלטס ״פליפן״ - ווערן מער פרום, הלכה׳דיג, ישיבה׳דיג, און זיכן צו אוועק שטעלט זייער לעבען צווישן א אזוי גערופענע חרדישע אינווייערמענט,
איז אויך דא פון די אנדערע זייט א פראצענט (20-30) פון שטארקע ליבעראלן, וואס האבן גאנץ א קליינער קאנעקשן צו יודישקייט, און פארשטייען נישט חשוב׳ת פון דעיטן נאר מיט יודן און אויף שטעלן א יודישע שטוב.

נאר א מיעוט (10-20 %) בלייבן ביי די ״וועג״ ( ליוו סטייל) וואס זיי האבן געזעהן ביי זייער עלטערן.

[berlbalaguleh]

היום: פונקטליך דאס איז געווען מיט דעם פריער'דיגן דור פון די מאדערן ארטאדאקס. מערסטנס פון די יאנג איזראעל טייפ מענטשן. זייערע עלטערן זענען נאך געווען שטארק "מאדערן". און פארברענטע "ציונים". נאר די קינדער א גרויסער טייל פון וועלכע זענען געגאנגען לערנען אין ליטווישע ישיבות זענען היינט "ישיבה'שע" בעלי בתים. אפילו די מחיצות אין די מערסטע יאנג איזראעל שולן זענען שוין היינט צו טאג 100% פראצענט כשר'ע מחיצות.

איך קען איין יאנג איזראעל שול (אין בעיסוואטער, קווינס) וואו די נייערע דור האבן נישט באנייט דעם קאנטראקט מיט דעם "אלטן", שטארק מאדערנעם ראביי. זיי האבן אויפגענימען א שטארק ארטאדאקסישן (כמעט) חסיד'ישן רב. ער איז אן אייניקל פון א בארימטן טעלזער ראש ישיבה. ער דאוונט שבת מיט א געפלאכטענע עטרה. פארשטייצעך אז ער רעדט א גוטן ענגליש. און זאגט זיינע דרשות אויף ענגליש. נאר ער האט מיט חכמה אוועקגענימען די אלטע, לעכעריגע מחיצות פון אמאל און געלאזט אויפבויען א שיינע, הויכע מחיצה.

ער האט עס נאר געדארפט טון מיט "חכמה" וועגן די פאר אלטע מעמבערס וועלכע האבן זיך שטארק אקעגנגעשטעלט צו טוישן די מחיצה.

אין א שבת אדער יו"ט נאכמיטאג איז דער ביהמ"ד אנגעפולט מיט אידן וועלכע לערנען שיעורים און מיט חברותות.

[מרדכי מרדכי]

דא קומט אריין די קונטרס פון קטלא ותינוק.

https://www.kaveshtiebel.com/viewtopic. ... 18#p401218

[היום]

היום: פארגעס אויך נישט די סובסידיעס פון די רעגירונגס פראגראמען. וועלכע זענען היינט א סכום הגון.

איך האב מיט יארן צוריק געזעהן וויפיהל איין גרויסער מוסד באקומט איבער דעם יאר. נאר פאר איין פראגראם. (ס'איז דא עטליכע. דורך די טויגליכע מנהלים און פאנדרעיזערס.) 1.5 מיליאן דאללער.

נישט פארגעסן,
נעם נאר אין חשבון אז
- געווערמענט פאנדינג/ סובסעדיס זענען דא אפיציעל צו דעקן די געוויסע הוצאות פון די פראגראם וואס די געלט איז געמאכט פאר, למשל טרענספעטישן, לאנטש, ביכער, סיקיארעטי, וכדו׳ נישט סתם אריינציגיין אינעם חשבון פונם מוסד׳ס בודזעט.
- אסאך פון די פראגראמען וואס מען פלעגט אמאל קענען מאכן א חיים טובים איז שוין כמעט נישט מעגליך צו טיען היינט, אפילו ווען יא איז עס קליין געלט.
איך רעדט נישט פון די קורונע תקופה, וואס שוין פריער דערמאנט, האט געברענגט השפעות לרוב.

נאך א פוינט וועגן רעגירונגס געלטער.
רוב פריוואטע מוסדות, וואס האבן נישט קיין אייגענע אוועק געשטעלטע בניינים, קענען נישט בייקומען רובא דרובא פון די אלע פראגראמען.
מען דארף האבן אן עלידשעבל סקול בילדינג וואס איז אפ טו דעיט מיט די אינספעקט׳ענס כדי צו בייקומען די געלטער.
חוץ אויב זיי נעמען די געלט אונטערן נאמען פון א אנדערע אפראווד מוסד, וואס דאן גייט אראפ ריזיגע פראצענטן פאר יענעם, אז עס בלייבט שוין ווייטער כמעט נישט איבער…

[מילך טראק]

ביי קאוויד האט מיין טאכטערס טיטשער צוזאמגעשטעלט 20 מיידלעך און געמאכט א סקול אין איר הויז, זי האט געבעטן 40 דולער א וואך, זי האט געזאגט פאר מיין ווייב אז זי האט דעמאלטס געמאכט דאפעלט ווי זי באקומט פון די סקול
אפשר דארף מען צירוק גיין צו דעי מהלך?

[ברוך שפינוזה]

ס'קומט אויס אזא +$25 א שעה, לכאורה טאקע מער ווי זי באקומט פונעם מוסד. איך וואלט געזאגט אז 20 קינדער אין אזא היימקלאס איז אביסל צופיל, אז מ'נעמט נאר 10 קינדער און מ'רעכנט $80 פער וואך איז עס אויך גוט אויב נישט בעסער. שוין, עפעס אן איידיע הייבט זיך אן צו קאכן דא, ווען עטץ וועטס צוריקקוקן אין 10 יאר ארום זאלט עטץ געדענקען וואו דאס האט זיך אלץ אנגעפאנגען. קאוויד, א טיעטשער, 20 מיידלעך, קאוועשטיבל, דיכטער'ס אן אשכול, מילך טראק'ס א קאממענטאר, און ברוך שפינוזה'ס הערות.

[מילך טראק]

איך רעד פון פרי סקול, בערך 22 שעה א וואך,( ביי קאוויד איז פרייטיג נישט געווען קיין סקול, סא סאיז געווען נאר 20)
סא סקומט אויס אסאך מער,

פון די סקול האט זי באקומען מסתמא בערך 400 אבער זי האט געהאט א העלפער + מער מיידלעך

די מוסד האט געבעטן ש"ל 325 א חודש , דעמאלטס האב איך געכאפט אין שאק אז בלויז בערך 150 דערפון גייט פאר די טיטשער.

אפשר דארף מען טאקע מען צוריק גיין צו די אלטע מהלך

[היום]

ביי קאוויד האט מיין טאכטערס טיטשער צוזאמגעשטעלט 20 מיידלעך און געמאכט א סקול אין איר הויז, זי האט געבעטן 40 דולער א וואך, זי האט געזאגט פאר מיין ווייב אז זי האט דעמאלטס געמאכט דאפעלט ווי זי באקומט פון ידי סקול
אפשר דארף מען צירוק גיין צו דעי מהלך?

איין פראבלעם איז נאר דא,
@דיכטער האט געוואלט האבן א בעסערע עדיוקאישען פאר זיינע קינדער,
וויפל קענסטו עקספעקטן איין טיטשער זאל קענען איבער געבען אליינס פאר צוואנציג קינדער.
זי איז א מומחה אויף אלע סובטשעקטס?
און איז זי/ער שוין טאקע יא דאן קענסטו זיין זיכער אז זי/ ער וועט נעמען אסאך מער ווי 40-80$ פארן וואך...
זיי קענען דאך טשארדשן $250 פאר א דרייפערטל שעה פריוואט…

[מילך טראק]

איך רעדט פון די זעלבע טיטשער פון די סקול וואס מאכן בלויז 20 דאללער א שעה

[אלפא]

פאר נישט לאנג צוריק איז געווען אזוי אז יעדע פאר עלטערן האבן זיך געדינגען א מלמד וכו'..
עס איז אבער דא א (גוטע) סיבה פארוואס עס זענען צוקעקומען אלע שאר ירקות, טאקע ווייל אזא מהלך היינטצוטאגס קען נאר ארבייטן פאר געציילטע וואכן בשעת קאוויד. גיי נעם צאם און שטעל צאם קינדער פאר א נייע יאר! גיי לויף נאך יעדן פאר די שכר לימוד! גיי דיעל מיט יעדן שוואכן תלמיד(ה)! גיי זיי מסדר די פאפירן, ארטס & קראפטס אלעס אויף די אייגענע האנט! גיי זיי מסדר א קוריקולעם און טו דורך יעדע נושא וואס דארף ווערן פארגעלערנט! ועוד ועוד!

השתא דאתית להכא - קוקט דאס שוין אויס ממש ווי אן היינטיגן מוסד מיט אלע פיטשעווקעס!
יא, איינמאל עס איז דא א מסודר'דיגע קלאס מיט לימודים, און די טיטשער נעמט די מיידלעך פריוואט פאר געציילטע וואכן, פארוואס נישט?! אבער ווי געזאגט דאס האט נישט קיין שאנס צו ארבייטן אויפן ברייטן פארנעם.

אויב שוין יא - נעם א פריוואטע מלמד/טיטשער פאר דיין קינד (צו לערנען די לימודים וואס מ'לערנט אין די מוסדות פעלט נישט אויס מער ווי א פראקציע פון די צייט ווען עס איז פריוואט.) און שיק צו עפעס א קלאב פאר די סאשעל חלק - עסן קען מען צו די זעט אינדערהיים. וינעם לך בזה ובבא..

[ברוך שפינוזה]

Party pooper

[מילך טראק]

פאר נישט לאנג צוריק איז געווען אזוי אז יעדע פאר עלטערן האבן זיך געדינגען א מלמד וכו'..
עס איז אבער דא א (גוטע) סיבה פארוואס עס זענען צוקעקומען אלע שאר ירקות, טאקע ווייל אזא מהלך היינטצוטאגס קען נאר ארבייטן פאר געציילטע וואכן בשעת קאוויד. גיי נעם צאם און שטעל צאם קינדער פאר א נייע יאר! גיי לויף נאך יעדן פאר די שכר לימוד! גיי דיעל מיט יעדן שוואכן תלמיד(ה)! גיי זיי מסדר די פאפירן, ארטס & קראפטס אלעס אויף די אייגענע האנט! גיי זיי מסדר א קוריקולעם און טו דורך יעדע נושא וואס דארף ווערן פארגעלערנט! ועוד ועוד!

השתא דאתית להכא - קוקט דאס שוין אויס ממש ווי אן היינטיגן מוסד מיט אלע פיטשעווקעס!
יא, איינמאל עס איז דא א מסודר'דיגע קלאס מיט לימודים, און די טיטשער נעמט די מיידלעך פריוואט פאר געציילטע וואכן, פארוואס נישט?! אבער ווי געזאגט דאס האט נישט קיין שאנס צו ארבייטן אויפן ברייטן פארנעם.

אויב שוין יא - נעם א פריוואטע מלמד/טיטשער פאר דיין קינד (צו לערנען די לימודים וואס מ'לערנט אין די מוסדות פעלט נישט אויס מער ווי א פראקציע פון די צייט ווען עס איז פריוואט.) און שיק צו עפעס א קלאב פאר די סאשעל חלק - עסן קען מען צו די זעט אינדערהיים. וינעם לך בזה ובבא..

נישט ארטס און קרעפטס קאסט די געלט, מלמדים האבן שוין אלעס פון יארן, פאר אפאר דאללער וועט די מלמד קענען קויפן אלע פיילס פון אנדער מלמדים, בנוגע שכר לימוד, אויב מען באצאלט נישט קען מען נישט קומען, פונקט ווי א פלעי גרופ פרייואטע מלמד וכו, די מעלה וועט זיין אז די גוטע מלמדים וועלן בעטן מער, און די נישט אזעלכע וועט קאסטן ביליגער,
סאיז נאר אנדערע חלקים וואם מען דארף אויסארבטן בעפאר