אונז האבן אויכט מופתים

[שמחהלע קאפשטיק]

א פרישע מופת וואס בדידי הוה עובדא ממש לעצטענס וואס איז ראוי להעלות על גליון "השמיעיני את קולך",
דער שדכן רופט מיר פאריגען סוף וואך מיט א שידוך הגון א בחור כליל המעלות א יופי און א הדר א מתמיד וכו’, איך נישט קענענדיג די משפחה האב איך געזאגט דעם שדכן אז איך ברויך מער צייט צו דערגיין מה טיבו פון דעם בחור’ס פאטער,
עטליכע טעג דערויף רופט מיר דער שדכן מיט א פראגע צי כ’האב שוין עפעס מברר געווען, האב איך איהם געזאגט גיב מיר נאך אביסל צייט,
תוך כדי דיבור מיט’ן שדכן האב איך אדורךגעבלעטערט אויפן כלי איינע פון די היימישע גרופעס אויף סאושעל מידיא און והנה: ממש יענע מינוט האט איינער געפאוסט א נאוט מיט אימפארמעישן קעגן דעם אבי הבחור גענוג אז איך זאל זיך נישט וועלן משדך זיין מיט איהם,
כ’האב גלייך טאקע מברר געווען אז טאקע כי זה האיש וואס זיין בחור איז דער מדובר, און דעם שדכן האב איך שוין געזאגט אז עס איז אויף האלד...

"השגחה פרטית"