וואס טוט מען? דאס קינד דארף ווייסע טייץ

[הכנה דרבה]

איז מיר פארלאפען אזא מעשה דעם פרייטאג צונאכטס, איך בין אהיימגעקומען מיט די הייליגע צוויי מלאכים און זיך צוזינגען פארפלאמט דעם געשמאקען שלום עליכם פונם זיידן, דער טשולענט בלעזעלט און די וויסקי וואס איך האב פארטרינקען צום זמן צוזאמען מיט די קארטאפעל קוגל זשומעט פיין אין קאפ. די סעודה פארט פיין און די קינדער זיצן ארום ווי בני מלכים, מיט מיין אשת חיל וואס שאקעלט צו פרום צו די שיינע לויב ווערטער פון משלי.

אזוי פארט דער סעודה פיין, שוין אפגע'פטר'ט די מלאכים, צאתכם ובואכם לשלום, זיך געוואשען צו א פיינע זויערע בארכע, דער עולם טינקט און זינגט, די קארבענעט צושפיליוועט אין קאפ, מ'קנאקט רעטעך, מ'פליסקעט די הייסע זופ, די מאמע שרייט "עסט שטילער" נאר ווער הערט איר דען? מ'קען דאך נישט הערן דאס אייגענע קול פון די שווערע פליסקעריי, איך דארף אייך נישט מאריך זיין לענגער, איר קענט אלע גיין קוקן אין פיני גליק'ס זמירות די פונקטליכע דעטאלן, נאר איך מיין אז איך דארף ארויסקומען מיט מיין אייגענע זמירות ווייל דער גליק האט נאכנישט געקאווערט אן אחד בשישים פון מיין נוסח זמירות. איז נישט פארדעם בין איך דא געקומען, צו דערציילן וואספארא זמירות איך פארמאג, פארדעם פלאן איך טאקע ארויסצוקומען מיט אן עקסטערע זמירות, אפשר טאקע שוין פאר פסח הבעעל"ט, אבער צו דעם וועלן מיר שוין צוריקקומען א צווייטע מאל.

איז וואו בין איך פארפארן דא? יא צום זמירות, איז פלוצים, צווישען די מייערן צימעס און די פארפעל הייבט אן צו גיין א ריח, קודם האב איך געקלערט אז דאס איז פון מיר גאר, אפשר האב איך געגעסען צופיל ארבעס, אבער נאכדעם באמערק איך מיין דריי יעריגס איז געווארן גאר ערענסט, ממש דאס קדושת שבת ברענט אויף איר געזיכט, נאך קורצע חקירות ודרישות שטעלט זיך ארויס אז דער חורבן איז גרויס, די גאנצע אונטערוועש מיט די טייץ מיט א חלק פון די בענקל אפילו איז געגאנגען קאקן, ביז דא קען מען נאך שרייבן אין די זמירות, פון דא און ווייטער איז שוין אזוי געהויבן אז אין קיין שום זמירות גייט דאס שוין נישט אריין.

עס פאנגט זיך אן א גאנצע סדרה, אפציען דאס אלטע, ווישן וואשן, איך שטיי מיט א גרויסע שלחן ערוך און איך דירעקטיר פונקטליך וואס איז מותר און וואס איז אסור, אינדערצווישען האט זיך דאס באטל וויין אויסגעגאסען, א כפרה דאס קינד, אבער וואס ווילט עטץ פון מיין וויין?

שוין, פארטיג אפגעפיצט, אפגעוואשען, א פרישע פאר אינטערוועש, פאנגט זיך אן א פרישע פרשה, זי דארף אירע ווייסע טייץ, נישטא נאך א ווייסע טייץ ווייל דאס האסטו שוין צוגרינד געלייגט לעצטע וואך!

אפשר שווארצע? ניין! דייקא ווייסע, זי איז גאר שטארק מקפיד אויף כבוד שבת!

אפשר א פאר זאקעלעך ווייסע? ניין ניין ניין!!

די קולות גייט ארויף א טאן, איך דארף מיינע ווייסע טייץ! איך דארף מיינע ווייסע טייץ!! איך דארף מיינע ווייסע טייייייץ!!!!

נישטא קיין ווייסע טייץ נשמה'לע, די ווייסע טייץ איז אין גארבעדזש, וועסט זיך האלטען ריין וועסטו האבן ווייסע טייץ!

איייייך דאאארףףףף וויייייסעעעעעע טיייייץ!!!!!!!!!
איייייך דאאארףףףף וויייייסעעעעעע טיייייץ!!!!!!!!!

שעפעלע טייערס! איך וויל דיך אזוי שטארק געבן ווייסע טייץ, גלייב מיר, איך אליינס דארף אפילו ווייסע טייץ, מ'קען נישט האבן אלעס וואס מ'וויל!

איייייך דאאארףףףף וויייייסעעעעעע טיייייץ!!!!!!!!!
איייייך דאאארףףףף וויייייסעעעעעע טיייייץ!!!!!!!!!

איך געדענק שוין נישט ווען דאס קינד האט געענדיגט וויינען און אויב איך האב געבענטשט למעשה, איך האב פארענדיגט דאס גאנצע איבערגעבליבענע פונם פיינעם קאבערנעי, דאס ווייב איז מיר ארויסגעלאפען ערגעצוואו אינם טינקעלן נאכט אריין, מסתמא צו איר מאמע'ן אדער אפשר גאר צו איר שוויגער, א סברה, שוין בעסער מיטן שוויגער ווי מיט אנגעקאקטע צודרודעלטע קינדער און איך בלייב מיר אזוי מיטן קליינעם שרייעדיגע וועוועריקל, און גיי טרעף יעצט א שלום זכר ווי צו אנטלויפן, נישטא קיין שלום זכור, מיינע געטרייע חברים, פאר גאו פאנד מי'ס זענען זיי דא, אבער ווען איך דארף יעצט א שלום זכור אזוי וויכטיג זענען זיי נישט צום האבן.

דריי איך זיך ארום אובד עצות, מילא דאס קינד וועט שוין ווי נישט ווי אויפוואקסען, איך געדענק נאך וויאזוי איך האבן זיך אויפגעפירט ביי די זיבן יאר ווען נאטור האט גערופען אין סאמע מיטן שפילן, מ'האט געטון וואס מ'האט געהאט צו טון, נו, מי שברך את האבות הוא יברך את הבנות, ווער עס האט זיך געזארגט פאר מיר דער וועט זיך שוין זארגען פאר איר אויך. נאר די טייץ, רבונו של עולם, דוכט זיך מיר ס'איז בלויז א קארגע פאר וואכן פון ראש השנה און איך מיין מיר האבן שוין אזוי דורכגעטריבען אזויפיל טוצן ווייסע טייץ אז דאס געשעפטעל נעבן מיר האט דעזיגנירט א גאנצע וואנט דערפאר, ער האט זיך לעצטענס אפילו געקויפט א הויז דוכט זיך מיר פון די פולע טייץ, עס נעמט נישט קיין עק!

קומטס אריין רבותי מיט עצות, איך האלט עס שוין נישט אויס!

[שמעון וואלף]

פיין געשריבן.

די מוסט מחליט זיין וואס איז דיר וויכטיגער, די קארבאנעי אדער אן אנגענעמע סעודה.
די וויין טראגט דיך אוועק און די ערוועקסטיך ווען ס'שוין קייעס.

[צוקוועטשטע איילבירטן]

פון דעם יואלי לאנדא'ס חלוקה קומט נישט מיט ווייסע טייץ??

[היום]

ערענס גערעדט, איז דא אין דער געשעפט צו קויפן PullUps…
דוכט זיך מיר אז עס דיקא געמאכט פאר אזוינע מצבים.
נישט לאחר המעשה, נאר פאר דעם, פאר מען זעצט זיך אוועק צום טיש, טיט מען איר אהן כמו שצריך אז מען זאל זיין גרייט על כל צרה, לכשיבוא. כמו שכתוב, מי שטרח בערב, יאכל ב…

נישט אז וועגן אן איינמאליגער מעשה דארף מען שוין אלעמאל אנטיען פראטעקשן, נאר ס׳זעהט זיך אויס אז דיבר הכתוב בהיה, הוה, ויהיה…

פאר דעם האט עס דער באשעפער אונז געגעבן, צו ניצן ווען מען דארף…

איך קען א יוד, א שכן, וואס ווען ער לאזט זיך ארויס צום קאנטרי מיט זיין געזונדל, גייען אלע קינדער מיט פעמפערס אדער פולאפס… פון די 3 ביז די 11 יעריגס,
כדאי שלא לבייש את מי שאיני יכול…

[ראדני]

כאפ אריין יעצט איז די קיופאן סיזען און סעאק דיך אן מיט טייץ פארן שווארצן ווינטער, אז והיה און עס וועט זיין ,ואין והיה אלא לשון צער, אז די גרעיפ דזשוס וועט זיך אויסגיסן וועסטו האבן א העדזש אקעגן די טייץ

[היום]

@הכנה דרבה
איך געב דיר דא א 5 סטאר רעיטינג

די קומסט אריין גאר שטארק, קלאר און שמיציג, א פיינער ווילדער מליצידיגער שפראך, מיט געשמאקע אויסדריקן.

MUCH APPRECIATED!!!!

[שמעקעדיג]

איך לאך און לאך...

אבער וואס איז דאס פיני גליק'ס זמירות?

[שמן למאור]

פיני גליק איז דער שרייבער פון די לאנגזאם פעלדמאן סקיטס, פאר פורים האט ער ארויסגעגעבן א זמירות מיט די ווערטער וואס מען זאגט 'עכט'... ווי למשל, שלום עליכם... איך האב מיך פארשמועסט אין שול, וועגן דעם בין איך שפעט... מלאכי השרת... וכ'

[יין שרף]

איך לאך און לאך...

אבער וואס איז דאס פיני גליק'ס זמירות?

[כספי]

איך לאך און לאך...

אבער וואס איז דאס פיני גליק'ס זמירות?

וואף איז דאס גוט! אייזן

[שמעקעדיג]

מיינע געטרייע חברים, פאר גאו פאנד מי'ס זענען זיי דא, אבער ווען איך דארף יעצט א שלום זכור אזוי וויכטיג זענען זיי נישט צום האבן.

[קל וחומר]

דא קומט אויך אריין די געוואלדיגע מתנה וואס דער רבש"ע האט אונז באשאנקן מיטן באשאפן דעם בריה וואס רופט זיך פרעש ווייפס.
אמאל, פאר קנאפע הונדערט יארע צוריק, אין שטעטל, ווען ס'קינד האט זיך געלאזט וואויל גיין, געווארן אינספערירט פונעם טאטע'נס הויכע און קרעפטיגער נפיחה, פראבירט נאכצומאכן דעם קינץ, אבער האט נאכנישט געהאט געלערנט ביים מלמד איבער די חילוק פון גאז און סאלידס, און האט ארויסגערוקט דעם גאנצן טועמיה בחדא מחתא, און פאר א באנוס צוגעלייגט דעם פרישטאג-שבת פארטי-לאנטש פון אינדערפרי, די סרחון איז געגאנגען עד לב השמים....

די איינציגסטע ברירה אויף איבער-צו-לעבן אזא קאטאסטראפע, איז געווען צו גיין שלאפן אין שטאל נישט ווייט פון די פערד, הגם וואס דארט האט נישט געפעלט קיין גללים, איז עס כאטש פארטריקנט געווארן און די שמעק איז פארשוועמט געווארן מיטן ווינט'ל.

די היינטיגע פרעש ווייפס, בעיקר די פלאשעבל, פארמיידן דעם גאנצן עסק ביש.

יתכן אז ווען חז"ל לעבן היינט, וואלט גענאנגען א ברכה פון בורא מיני ווייפס.

[הכנה דרבה]

פיין געשריבן.

די מוסט מחליט זיין וואס איז דיר וויכטיגער, די קארבאנעי אדער אן אנגענעמע סעודה.
די וויין טראגט דיך אוועק און די ערוועקסטיך ווען ס'שוין קייעס.

אוודאי די קאבארנעי, א כפרה די קינדער, נאר וואס מיין קאבארנעי האט מיט אירע הכנה דזוטא דאס פארשטיי איך שוין נישט, די שיינע הכנות איז שוין געווען צוגעגרייט אינם סיסטעם נאך ווען די קאבארנעי איז געווען ביים שמש אויפן שעלף, ווען די מלאכים זענען נאך געווען ביזי איבערשמועסן ס׳פאריגע וואך שבת, נאך ווען די קאטשעניו איז געווען רינעדיג, בבחינת מי שטרח מיכן, ווער עס עסט דער קען קאקן, האט נישט קיין מגע ומשא מיט מיין קאבארנעי, ס׳איז סתם געזלייטינג מצדה.

[מילך טראק]

סהאט גארנישט מיט די ווייסע טייץ, דאס קינד איז געווארן מורדיג פארשעמט, און אויך אפשר אנגעשריגן, ווי לאנג זי האט נישט צוריק די ווייסע טייטץ פילט זי ווי די מעשה האט זיך נאכנישט גענדיגט, געב אביסל לאוו פארן קינד, בארואיג איר סאיז גארנישט געשעהן , וועט זי זיך בארואיגן,
אף על פי שחטא ישראל היא.

[לאנגע הויזן]

געדענק איך נאך מיט א 10 יאר צוריק ווען אנטוהן שבת שווארצע טייץ האט געהייסן מאדערן, בשעת ווען די מיידלעך וואס האבן אנגעטוהן אינדערוואכן ווייסע טייץ האבן אויך געהייסן מאדערן..

[זאקן]

אויב די אדער דיין ווייב האבן שוין געזאגט אז זי קען האבן נאר שווארצע טייץ קענסטו שוין נישט צוריקציען, ווייל אויב זי זעהט אז ווען זי שרייט אין שטויסט לאזטו טוהן אנדערש וואס די האסט געזאגט גייסטו יעדן טאג האבן א קינד וואס גייט שרייען קולות, וואס איך טוה אזא צייט איך זאג פאר די קינד אז מאמי האט געזאגט אז נישט איז נישט, אויב ס׳איז דא א סיבה וואס זי קען אפשר פארשטיין גיי איך זאגן די סיבה אפילו איך ווייס אז זי גייט ווייטער פארפירן נאכן הערן די סיבה, אויב איך זעה אז ס׳איז ממש כלו כל הקיצין גיי איך טרייען צו טרעפן עפעס אדער דערציילן עפעס א מעשה וואס גייט אוועקנעמען איר קאפ צו בלייבן טראכטן וועגן די אלטע זאך, עס ארבעט רוב מאל נאך אפאר מינוט.

פארשטייצך געב לאוו פארן קינד אפילו זי שרייט אין וויינט אז זי זאל נישט האלטן אז ס׳קומט סתם פון שלעכטיקייט ווייל די האסטו איר נישט ליעב.

[היום]

אויב די אדער דיין ווייב האבן שוין געזאגט אז זי קען האבן נאר שווארצע טייץ קענסטו שוין נישט צוריקציען, ווייל אויב זי זעהט אז ווען זי שרייט אין שטויסט לאזטו טוהן אנדערש וואס די האסט געזאגט גייסטו יעדן טאג האבן א קינד וואס גייט שרייען קולות, וואס איך טוה אזא צייט איך זאג פאר די קינד אז מאמי האט געזאגט אז נישט איז נישט, אויב ס׳איז דא א סיבה וואס זי קען אפשר פארשטיין גיי איך זאגן די סיבה אפילו איך ווייס אז זי גייט ווייטער פארפירן נאכן הערן די סיבה, אויב איך זעה אז ס׳איז ממש כלו כל הקיצין גיי איך טרייען צו טרעפן עפעס אדער דערציילן עפעס א מעשה וואס גייט אוועקנעמען איר קאפ צו בלייבן טראכטן וועגן די אלטע זאך, עס ארבעט רוב מאל נאך אפאר מינוט.

פארשטייצך געב לאוו פארן קינד אפילו זי שרייט אין וויינט אז זי זאל נישט האלטן אז ס׳קומט סתם פון שלעכטיקייט ווייל די האסטו איר נישט ליעב.

@זאקן פארשטייט צו טייטס?

[מילך טראק]

דאס איז יענץ געלעכטער מדארף אריבער פירן אין די חינוך אשכול

[עמקות התם]

דאס איז א אמת'ע מקרה?
א 3 יעריגע גייט מיט טייץ? איר זענט חברים מיט @חכמת שלמה א.ד.ג?

[ראדני]

דאס איז א אמת'ע מקרה?
א 3 יעריגע גייט מיט טייץ? איר זענט חברים מיט @חכמת שלמה א.ד.ג?

כ׳האב דיר נייעס , אין אלע אדער רוב וויליאמסבורגע מוסדות מוז מען שוין גיין טייץ ביי די דריי, פרעג מיך נישט פארוואס, בערך די זעלבע ווי די טייט הויזן שגעון

[מרדכי מרדכי]

דאס איז א אמת'ע מקרה?
א 3 יעריגע גייט מיט טייץ? איר זענט חברים מיט @חכמת שלמה א.ד.ג?

כ׳האב דיר נייעס , אין אלע אדער רוב וויליאמסבורגע מוסדות מוז מען שוין גיין טייץ ביי די דריי, פרעג מיך נישט פארוואס, בערך די זעלבע ווי די טייט הויזן שגעון

דריי יעריגע מיידלעך גייען שבת אין שולע?

[קל לזכור]

פארוואס איז שווארצע טייטץ אדער גאר פרום אדער מען מאדערן???

א בחינה פון צדיקים ילכו בם ופושעים יכשלו בם.

[[NAMELESS]]

דיין ערשטע סתירה?