א שטיקל איבערזיכט איבער די אידיש/ע וועבזייטלעך

[berlbalaguleh]

התנצלות: איך בין נישט קיין היסטאריען. איך ווייס נישט קיין (פונקטליכע דאטומס. אלעס איז נאר בערך).

מיט בערך א צוואנציג יאר צוריק האט מען אין די אידישע גאס אנגעהויבן צו הערן וועגן א אידישע וועבסייט וואו מענטשן האבן געקענט ליינען און אריינשרייבן ארויסצוזאגן זייער מיינונג איבער פארשידענע עניינים. סיי פון פאליטישן און סאציאלן און חרדי'שן שטאנדפונקט.

ס'זענען אין די זעלבע צייט געווען עטליכע קלענערע סייטס וועלכע האבן אנגעהויבן צו פונקציאנירן. נאר זיי האבן נישט געהאט קיין קיום.

דער אויפגייענדער שטערן אין די נייע אינטערנעט טעכנאלאגיע איז געווען מיט'ן נאמען הייד פארק. ס'איז נישט געווען קיין שום קאנטראל אדער באגרעניצונג (לפי ידיעתי) פון די מענעדזשמענט.

מיט די צייט איז געווארן א מצב וואו מענטשן (חברים?) האבן געווארפן באשולדיגונגען און פערזענליכע אטאקעס איינער אויפ'ן צווייטן.

זענען געווען א גרופ פון יונגעלייט וואס האבן מחליט געווען זיך אפצוטיילן און אויפמאכן אן אייגענע וועבסייט. מיט'ן נאמען איי-וועלט (א קאמבינאציע פון אידיש און ענגליש אידישע וועלט).

צוערשט איז אין די (דאמאלס) נייע וועבסייט געווען אינגאנצן אן אפענער פארום. א יעדער האט געקענט שרייבן ככל העולה על רוחו אן קיין שום באגרעניצונגען. איך וויל נישט רעדן לשה"ר. נאר מ'האט דארט געשריבן א סאך זאכן וואס האבן נישט געטויגט. ספעציעל פאר ערליכע אידן. ס'זענען געווען מאמרים וועלכע האבן זיך געגרעניצט מיט ניבול פה, רח"ל.

מיט די צייט האט די מענעדזשמענט אנגעהויבן צו נעמען קאנטראל. נאר מ'איז געגאנגען מן הקצה אל הקצה. פון איין עקסטריעם צו דעם צווייטן. נישט נאר האט מען געמאכט א שטיקל סדר. נאר ס'איז אויך געקומען מיט אן אגענדא. ווער ס'האט עפעס געשריבן אין א מאמר אדער תגובה וואס איז נישט געפעללן פאר די אחראים און עורכים האט מען עס אפגעווישט כאילו לא היה. ס'איז געפלויגן. אויך ווער ס'האט נישט געשריבן לויט דעם גייסט פון זייער (שמאלע) אידעאלאגיע.

זענען געווען א גרופ פון יונגעלייט וועלכע האבן באשלאסן זיך אפצוטיילן און אויפמאכן אן אייגענע וועבסייט. מיט'ן נאמען "קאווע שטיבל". על שם פון די קאווע שטיבלעך אין א יעדן ביהמ"ד. וואו מ'קומט זיך צוזאם צו שמועסן איבער א גלעזל קאווע. דאס איז געווען בערך אין אדר שנת תשי"ב.

די נייע וועבסייט "קאווע שטיבל" איז געווארן זייער שטארק פאפולער.

נאר די אנשי איי-וועלט האבן געשריגן (כ'ווייס נישט ווי הויעך) אז די אנשי קאווע שטיבל זענען א באנדע פון שקצים און אפיקורסים. און אפשר ציונים אויך (בערל בעל עגלה איז נאך דאמאלס נישט געווען אויף קאווע שטיבל. איך האב געהערט איבער קאווע שטיבל פון א בחור אויף מיין באס.).

ס'איז געווען זייער א געשמאקע וועבסייט. מיט א אידישן טעם. מיט פרייהייט פון ווארט און אויסדרוק. פארשטייצעך לויט'ן גייסט פון די תורה און אידישקייט. ס'זענען געווען געוויסע תקנות וועלכע זענען שטרענג אינפארסירט געווארן. אז מ'טאר נישט רעדן קיין דברי כפירה (נישט אידעאלאגיע) און נישט קיין ניבול פה, ח"ו. אויסערדעם האט מען געקענט באהאנדלען סיי וועלכע אישו אדער פראגע אן מורא אז מ'וועט ווערן אויסגעמעקט אדער אראפגעווארפן.

אין די ערשטע צייט זענען געווען "אחראים" וועלכע האבן זיך געטוישט א יעדע שטיק צייט. שפעטער איז געקומען אן עורך קבוע מיט'ן ניק "קעלנער". נאך שפעטער זענען געווען אנדערע. ויהי אחרי קענלנער איז געקומען אן אנדערער "עורך" דער היינטיגער "מנהל" זז"ג. ער איז געווארן א ביסל שטרענגער. ער האט א ביסל איינגעצויגן דעם פאסיק. ס'זענען געווען מענטשן וועלכע האבן געהאט חילוקי דיעות מיט איהם. זענען זיי געגאנגען און האבן זיך אויפגעמאכט א וועבסייט'ל. בלשון קטנה. ווייל ס'איז נאך אין די ווינדלעך.

איך ווינטש זיי א סאך הצלחה. נאר איך האלט אז ס'האט נישט אויסגעפעהלט. ווייל קאווע שטיבל איז נאכאלץ און וועט בעז"ה פארבלייבן אלס די חשוב'ע און געשמאקע וועבסייט וואס ס'איז.

אזוי ווי איך האב שוין דערמאנט אין א פריער'דיגן מאמר. אז אויפהאלטן א וועבסייט קאסט געלט און כוחות. און די ליינערס און שרייבערס (וועלכע טראגן נישט דעם עול פון די הוצאות) זענען נאר געסט. דארפן זיי זיך צושטעללן צו די תקנות המקום. פארשטייצעך ווילאנג ס'ווערט געפיהרט בטוב טעם ודעת און מיט יושר. אויסער דעם האבן זיי נישט קיין שום רעכט אריין צו רעדן אין די מענעדזשמענט אדער וואס מ'זאל יא אדער נישט טון. ושלום על ישראל.

[קאצקע ציקער]

ר'בערל ביסטו נישט געוואר געווארן דערפון פון נ"ר?...

[גברא דלא עביד]

איז שייך צו צושטעלן א לינק צום נייע וועבזייטל?

[berlbalaguleh]

ר'בערל ביסטו נישט געוואר געווארן דערפון פון נ"ר?...

פון עהם אויך: ער האט מיר (טאקע) געשטופט אז איך זאל מיך איינשרייבן. נאר די ערשטע מאל איך האב געהערט וועגן קאווע שטיבל איז געווען פון א בחור אויף מיין באס. ער האט מיר געזאגט בלשון תמיהה. דו ווייסט נישט וועגן קאווע שטיבל? זעהט אויס זיין טאטע איז געווען אויף קאווע שטיבל.

[berlbalaguleh]

איז שייך צו צושטעלן א לינק צום נייע וועבזייטל?

מסתמא יא: נאר איך בין נישט דער מענטש. איך בין א גרויסער עם הארץ אין טעכנאלאגיע.

[צוקוועטשטע איילבירטן]

מ'טאר נישט אויפגעבן, יש תקוה. כ'געדענק ווען דער אלעמען באקאנטער טשעיר פון דעם פעדעראל רעזערוו הגאון הגדול עלען גרינשפאן האט ריטייערט פון זיין פאזיציע איז ער אלט געווען 70 יאר האט עם איינער אינטעריוויוט און עם געפרעגט וואס ער פלאנט צו טוהן יעצט? האט ער עם געענטפערט אז די ערשטע זאך וואס ער וויל טוהן איז צו עפענען אן אימעיל

[מרדכי מרדכי]

יש"כ בערך פאר דיין אינפארמאטיווע ארטיקל, אבער עס פעלט אסאך פרטים, וואס נישט מיט אלעם בין איך באקאנט.
ווי קרעטשמע און פאליש און ווערצהויז. און נאך

[berlbalaguleh]

מררדכי מרדכי: איך האב דאך געשריבן בכלליות אז ס'איז געווען נאך. איבער "פאליש" האב איך יא געוואלט א ביסל מאריך זיין.

צוערשט האב איך געמיינט אז פאליש איז סך הכול א פריילעך שטיבל. וואו א גרופ פון יוגעלייט (אפשר א פאר אלטע אויך) קומען זיך צוזאם און לופטערן אויס אלערליי נארישקייטן אן אפגעבן א שטיקל דין וחשבון ואס מ'קען יא אדער נישט ארויפלייגן פאר'ן ציבור.

איך האב דארט געליינט סך הכול איין מעשה וואס האט מיך געמאכט ברעכן א פאר מאל אינמיטן פון ליינען. ווען איך האב געענדיגט עס צו ליינען האב איך אינגעזעהן אז איך האב בכלל נישט געליינט א מעשה וואס האט עפעס א תוכן און א ציל. אויך בין איך געבליבן מיט א זויערן טעם אין מויל ווי גלייך איך וואלט אראפגעשלינגען א גאנצן "דזשאר" מיט זויערע פיקלס.

[ארכיטקט]

פון וועלכע נייע וועבזייטל רעד איר?

[berlbalaguleh]

איך רעד פון די פארשטארבענע וועבסייט "פאליש".

[yatzmachp]

האסט פארגעסן אלע בלאגס וואס זענען געווען פאר די אלע וועבסייטס

[[NAMELESS]]

ש׳כח בערל פאר די שיעור אין היסטאריע, ס׳איז אינטערסאנט צו הערן פון איינעם וואס איז שוין אדורך געשווימען אזויפיל סייטס.

[עמקות התם]

איך רעד פון די פארשטארבענע וועבסייט "פאליש".

איז נאך פארבליבען ארטיקלען,דיונים, פונעם פאליש?

[שפילער]

א שטיק צייט פלעגט זיין א וועבסייט קרעטשמע אבער סהאט אנגעהאלטן פון תענית אסתר ביז פורים

[שפילער]

איך רעד פון די פארשטארבענע וועבסייט "פאליש".

איז נאך פארבליבען ארטיקלען,דיונים, פונעם פאליש?

אז מען וויל קען מען טרעפן

[new news]

איך רעד פון די פארשטארבענע וועבסייט "פאליש".

איז נאך פארבליבען ארטיקלען,דיונים, פונעם פאליש?

אז מען וויל קען מען טרעפן

ווי?
לינק?

[שפילער]

א קליינע בליק אין פאליש...

[berlbalaguleh]

א שטיק צייט פלעגט זיין א וועבסייט קרעטשמע אבער סהאט אנגעהאלטן פון תענית אסתר ביז פורים

ס'איז געווען נאך עטליכע קליינע. איך האב באזוכט א סאך פון זיי. נאר זיי האבן נישט געהאט קיין קיום.

[טראפעלע]

א קליינע בליק אין פאליש...

Web archive?

[שפילער]

א קליינע בליק אין פאליש...

Web archive?

Yup

[whatever]

פאליש האט זיך פארמאכט לכאורה ווייל ס'איז געווארן out of hand מיט שמוץ...

[הייליגע קוה]

פאליש האט זיך פארמאכט לכאורה ווייל ס'איז געווארן out of hand מיט שמוץ...

און דער עולם האט שוין נישט געקענט מער הענדלען אזויפיל סטימיולעשען? דאכט זיך אז פ***האב איז סטראנעגער טהען עווער.
(נישט אז איך ווייס וואס פ***האב מיינט, איך זאג סתם איבער וואס איך הער אין מקווה…עהעם)

[צוקוועטשטע איילבירטן]

פאליש האט זיך פארמאכט לכאורה ווייל ס'איז געווארן out of hand מיט שמוץ...

ערגער פון א פארן סייט? פשטות נישט. נישט אז כ'קען בכלל פאליש, ערשטע מאל כ'האב בכלל געהערט דערפון איז דא אויף ק"ש. מן הסתם האט עס נישט געהאט גענוג באזוכערס