שידוכים דילעמע

[א בני יואל]

א גוט יאר אלע,

קודם א הקדמה, ווען איך שרייב מיין איך נישט, איך זאג נאר אזוי אז מען זאל עס פארשטיין בעסער.
אבער ס'איז אמת'דיגע פאקטן וואס איך ווייס פון די ערשטע האנט.

איך וויל אביסעלע אריינקריכן אין די ענין פון שידוכים.

מיר האבן א יוד רבי יונתן שווארץ וואס האט זיך אריינגעלייגט אין די נושא פון שידוכים, ממש איבערגעדרייט א וועלט אז מענטשן זאלן אנטראגן איינער פארן צווייטן שידוכים,
און גם אני בתוכם, איך האב אויך געטרייט א שיינע פאר שידוכים פאר אנדערע עלטערע בחורים און מיידלעך,
און באמת אינטערסירט מיך בכלל נישט אויב ס'געשעהט אדער נישט, אבער איך וויל אביסעלע אויסשמועסן אפאר אינטערסאנטע פאקטן ווי מענטשן זענען פאררוקט אויף טויזנט, און ס'גייט זיי בכלל נישט אן אז זייער טייערע טאכטער ווערט עלטער יעדן איינציגן טאג, און ס'הייבט שוין אן ארויסשפראצן ווייסע האר פון זייער צאפּ אדער פּאניטעיל און ס'איז ממש א רחמנות צו זעהן ווי זיי גייען קאפ אין וואנט אריין.

איך וויל פארציילן אפאר אינטערעסאנטע פאקטן וואס איך האב אליינס מיטגעהאלטן.

איינס:

א יוד האט א טאכטער, זי איז שוין כמעט פיר און צוואנציג. איך שיק אריבער א רעזומעי מיט א שטיקל פיקטשער, יעצט גייט מען ווארטן ער זאל זיך נאכפרעגן און ענטפערן.
נאך צוויי טאג רוף איך אים צוריק, און הערט א ענטפער: מיין טאכטער האט עפעס נישט געקליקט מיטן בילד, פארוואס זאל איך מיך אפגעבן מיט דעם..
האלא, וואס הייסט נישט געקליקט? אפשר פרעג פאר א אנדערע פיקטשער? אפשר אפשר אפשר?

דער יוד זוכט א בחור וואס איז נאך אין ישיבה. א חסיד'ישע בחור.
וועלכע בחור ס'זיצט נאך אין ישיבה ביי די יארגאנג איז ווייל ער איז א לא יוצלח, נישט ווייל ער וויל באמת לערנען! ניטאמאל האט ער חברים דארט, ער דרייט זיך ארום דיפרעסט אויך... וואס איז ראנג מיט די מענטשן היינט?

צוויי:

א יוד מיט א זעקס און צוואנציג יעריגע מיידל.
זעלבע זאך, מ'שיקט אריבער א רעזומעי מיט א פיקטשער, אבער דער פערד האט א פרישע פראבלעם:
דער בחור - נישט מער און נישט ווייניגער - גייט מיט א שטאפענע היט! דאס מיינט ער איז מער צי די חסיד'ישע זייט, ממילא האלט ער נישט ס'איז צוגעפאסט צו זיינע סטאנדארטן...

איי, ווער ביזטו? דיין האמבורגער קנייטש היטל איז בכלל נישט קיין אלטע זאך, ס'איז אינגאנצן דריי יאר אלט צי וואס פארשטייסטו יעצט בעסער?
גייט ער יעצט לאזן זיין בוגרת זיצן אינדערהיים ווילאנג דער נעקסטער גייט אנטראגן פונקטליך וואס ער האט געזוכט און ס'נעמט שוין גאנצע אכט יאר וואס יענער זוכט פשוט דיין טאכטער מיט הבדלה פאקלען, למעשה קוקט פשוט אויס ווי דער ווינט פארלעשט די פייער אינמיטן וועג...

דריי:

איינע פון די חידושים פין רבי יונתן שווארץ איז די גרופּ אויף וואטסאפפ.
קומט ארויף א שכן פין עפעס א דרייסיג יעריגע מיידל וואס וויל סתם ארויסהעלפן, און לייגט אריין ווי פאלגענד:
איך קען א מיידל פון אכט און צוואנציג יאר אלט, און זי זוכט:
א בחור
נישט קיין שטאפן הוט, מוז זיין א פלאטשיגס
מוז זיין עכט חסידיש
ער מעג ארבעטן
טאר נישט זיין cool
מוז זיין געשמאק
מוז האבן א שיעור
מיז האבן א רב מיט וועם ער האט א קשר כסדר
מוז דאווענען דריי מאל א טאג מיט מנין
די פיאות מוז זיין אראפגעלאזט

עטץ הערטס וואס דא גייט פאר?
קודם א ליגנט אז זי איז אכט אין צוואנציג. שפעטער בין איך געוואר געווארן אז זי איז שוין כמעט דרייסיג, זי איז אכט און צוואנציג פּלאס צוויי יאר אלט... אנשטאט זיך פרייען איינער קוקט אויף איר זייט קומט זי נאך אן מיט א ליסטע וואס פונקטליך זי זוכט און דארף.

די שאלה איז אויב ס'איז זי אליינס אדער איר טאטע.

פיר:

איבער א יאר צוריק האב איך אנגערופן א טאטע פון א מיידל, פיר אין צוואנציג יאר אלט, אנטראגן א שידוך.
נאך צוויי טאג רוף איך אים נאכאמאל צו הערן וואס איז נייעס, פארציילט ער מיר אז מ'האט עס שוין אנגעטראגן, פרעג איך אים נא, און וואס האט איר געהערט אויף דעם בחור? זאגט ער מיר גראדע זייער גוטע אינפארמעישאן, אבער ס'איז נישט פאר זיין טאכטער.
פרעג איך אים צו האט באקומען א רעזומעי, זאגט ער מיר יא. פרעג איך עם ווי אזוי קען זיין אז ער האט באקומען א רעזומעי, ווען איך האב יעצט געענדיגט מאכן די רעזומעי מיט די מאמע, גראדע מיינס א משפחה?
ווער איך געוואר אז דער אנגעטראגענער איז גראדע דעם בחור'ס א קרוב, גראדע א טאפּ טאפּ בחור.
זאגט ער איך גיי אריינקוקן אין דעם.
נאך א טאג רופט ער מיך אז ס'איז נישט פאר זיין טאכטער. זאג איך אים, איז נישט.

פאריגע וואך רופט מיר א יוד א שדכן און פרעגט מיך צו איך וויל יענעם אנטראגן א פרישע שידוך, זאג איך אדרבה..
איך רוף דעם יוד און דער ענטפערט מיר מיט א פרישקייט, "שוין אנגעטראגן, ס'איז נישט פאר מיין טאכטער".

לאמיר נישט פארגעסן, דאס מיידל איז שוין א יאר עלטער פינף און צוואנציג למזל טוב. וואס זוכט ער? וואס מיינט ער ער גייט טרעפן? וואספארא געוואלדיגע סחורה האט ער צו פארקויפן אז ער קלויבט זיך ווי מען קלויבט א אתרוג? ווער געבט אים רעכטן צו שפילן מיט זיין טאכטער סקרעטש אף לאטערי?

פינף:

פיר וואכן פאר ראש השנה האט איינער א גרויסער שדכן אנגעטראגן פאר א יוד א פיינעם בחור. דער שדכן האט באשלאסן ער האלט נישט ווייטער ביים טון דערינען, האט ער אנגערופן דעם בחור'ס טאטע אז ער זאל שיקן א צווייטן שדכן, ער האט נישט קיין צייט דערצו.
רופט מיך דער טאטע צו איך קען איבערנעמען, זאג איך אדרבה.
רוף איך יענעם יוד און איך הייב אן מיט א פרישקייט, יענער זאגט מיר אז ער גייט אריינקוקן דערינען,

נאך צוויי טאג רופט מען צוריק און יענער זאגט ער הערט געוואלדיגע גוטע אינפארמעישאן, דערווייל אבער יעצט גייט זיין ימים טובים און ער האלט נישט אז ס'איז א גוטע צייט יעצט, ער וויל ווארטן ביז נאך סוכות און דעמאלטס וועט ער גיין ווייטער.

דער יוד האט אזוי ארומגעשלעפט אז כ'האב שוין פארשטאנען פארוואס דער ערשטער האט ארויסגעבעקט דערפון.
למעשה איז דאס מיידל שוין דריי אין צוואנציג און דער טאטע יאגט זיך נישט.

זעקס:

א מיידל א יתומה פון זיבן און צוואנציג.
יעדע שוועסטער רעדט זיך איין אז זי איז א געלונגענע שדכנ'טע ווייל זי האט אמאל געגעבן גוטע אינפארמעישאן אויף א שכנ'טע און יענע שידוך איז געווארן...
למעשה טראג איך אן א שידוך פאר איר טאטע און דער בהמה זאגט מיט'ן גאנצן ערנסטקייט "דער בחור מוז נאך זיין אין ישיבה"
כ'האב אים געפרעגט פארוואס זיין טאכטער איז שוין ארויס פין סקול? זאגט ער אז ס'איז שוין נישטא קיין קלאס. אבער ער וויל יעצט א בחור פון כיתה ף'

ווי זאגט נאר יענער,
וואס איז באשערט וועט אנקומען, איי דו האסט אויסגעשאלטערט דעם טעלעפאן ליין? א קשיא אויף א מעשה.

מיין שאלה איז אזוי,
די דאזיגע מענטשן זענען באמת משוגע צודרייט? אדער ס'איז דא א מהלך וואס ס'זאל מאכן א טראפעלע סענס?
וואס טראכט א טאטע אדער מאמע ווען זיי זעהען זייערע קינדער מיידלעך באקומען ווייסע האר און זיי ווערן עלטער?
טראכטן זיי באמת אז זיי קענען טרעפן עפעס בעסער וואס איינער איז זיך מרחם און טראגט יא עפעס אן?
טראכטן זיי באמת אז די סיבה פארוואס זיי ווילן ווארטן איז ווייל מארגן גייט איינער אנטראגן עפעס בעסער וואס מ'האט געטרייט פאר די לעצטע פאר יאר?
לעבן זיי באמת אין א באבעל אז ביז יעצט האט קיינער נישט געטראכט פון א נארמאלע זאך פאר זייער געראטענע טאכטער אבער מארגן נעקסטע יאר גייט איינער אויפטרעפן די פונקטליכע זאך אויף וואס זיי ווארטן שוין אזוי לאנגע יארן?
וואס דארף יעצט געשעהן ווען איינער טראגט עפעס אן אז זיי די פארריקטע עלטערן זאלן מיינען אז דאס איז שוין דאס ריכטיגע?
ס'דארף זיי קיצלען אונטער די אויער אז זיי זאלן טראכטן, זיך אביסעלע נאכפרעגן?
אדער געבן זיי נישט קיין דעקל אויף זייערע אלטע מיידלעך און די גאנצע זאך איז נאר דער אני ואפסי, וואס מען גייט זאגן אין שול אויף זיי?
אפשר דארף מען זיי געבן צו הערן וואס די מענטשן אין שול רעדן אויף זיי, ווי מען לאכט זיי אויס פארוואס זיי האבן אלטע באביטשקע מיידלעך אינדערהיים?

[מילך טראק]

גראדע האלט איך אז זיין טאכטער איז גערעכט, זי וויל חתונה האבן מיט איינעם וואס זי האט ליב, אבער וואס זאל מען טוהן אז מהאט עס פארדרייט,

אגב נישט געוויסט אז אין בני יואל גייט מען א האמבורגער

[צוויי]

אוי רבוש"ע ווי משוגע קענען מענטשן זיין.
דער אייבערשטער זאל געבן שכל. איך האב נישט מער ביזדערווייל וואס צוצולייגן...

[מילך טראק]

נישט מעשוגע, לכאורה איקזייעטי וכדומה, סדא מענטשן וואס קענען נישט מאכן קיין דיסישענס, אזויווי ביי יעדע גרויסע זאך ווי קויפן א הויז, וועט זיין מענטשן וואס וועלן קוקן הונדערט הייזער און גארנישט טרעפן,
דער וואס האט באשאפן די וועלט האט געוויסט פון דעים , האט ער בטבע אריינגעלייגט אין די בריאה אז א מאן ציט צו א פרוי, און איינמאל וואס סאיז דא אהבה פארלירט מען די שכל

[כפתור]

ביי די ליטאים איז פארקערט די מעשה. אפשר איז צייט צו מאכן קראס-שידוכים, חסידים/ליטאים

[קל לזכור]

וואס איז אנטערסאנט ביי אונזער קולטור איז , אז ווען די מיידל/בחור קומען אהן צו אזא אלטע עידזש ארבעט עס שוין נישט אז מען גייט אריין צו א בעשוי און מען קומט ארויס צו צוגעגרייטע לחיים. נאר מען דעיט אוועק וויפיל מען וויל און מען האט א געהעריגע מיינונג.

[שמעקעדיג]

ביי די ליטאים איז פארקערט די מעשה. אפשר איז צייט צו מאכן קראס-שידוכים, חסידים/ליטאים

דאס איז א באזונדערע נושא, וועלכע איז שוין כמ"פ געווארן אויסגעשמועסט אין שטיבל.

דא רעדט מען פון די עלטערן וועלכע גייען מיט די קאפ אין וואנט מיט צוגעמאכטע אויגן.
הגע בעצמך, אויב דער טאטע וויל נישט א שטאפן הוט, וועט ער וועלן א ליטאי?...

[לאכעדיג]

די שידוכים קריזיס איז א גרויסע ווייטאג און ס'ווערט נאר ערגער און ערגער מיט א יעדע טאג וואס גייט פארביי.

און ווער איז שולדיג דערינען? נו ווער?? "די עלטערן" יא. די עלטערן. זיי זענען די הויפט און לכאורה די איינציגסטע וואס זענען שולדיג פארוואס ס'איז היינט ליידער דא אזויפיל עלטערע בחורים און עלטערע מיידלעך.

און די סיבה פארוואס עלטערן זענען שולדיג אין דעם אז זיי האבן עלטערע קינדער אינדערהיים און ס'גייט זיי נישט קיין שידוכים איז צווייפאכיג.

א) מענטשן האבן נישט קיין קשר מיט זייערע קינדער.

מענטשן ווייסן נישט אדער ווילן זיי נישט וויסן וואס פאר א פראדוקט זייער קינד איז אויף די מארקעט און וואס זיי קענען באקומען דערפאר.

ווי אויך האבן מענטשן עגאס, וואס וועט מיר מיין חבר זאגן אין שוהל א טאג נאך די שידוך? מה יאמרו הבריות מיינט ביי מענטשן זייער אסאך, אבער וואס זייער אייגן קינד וועט זאגן א חודש נאך די חתונה גייט זיי גאנץ ווייניג אן.

ב) מענטשן ווייסן נישט וואס א שדכן איז.

מענטשן באצאלן נישט פאר שדכנים לויט וויפיל ארבעט זיי לייגן אריין אין א שידוך, ווען א יעדע שדכן וואלט ווען באקומען צען טויזנט דאללער פאר א שידוך, פינף טויזנט א זייט, וואלט כמעט נישט געווען קיין אלטע בחורים און מיידלעך.

ווי אויך רעספעקטירן מענטשן נישט קיין שדכנים, מען מאכט חוזק פון זיי, עלטערן הייבן נישט אויף די טעלעפאן פאר שדכנים, עלטערן שפילן זיך ארום מיט שדכנים ביז זיי ברענען אויס.

ווען מען זעהט א עלטערע בחור אדער א עלטערע מיידל דארף מען בעטן א תפילה צו השי"ת אז ער זאל געבן שכל פאר זייערע עלטערן אז זיי זאלן קענען אויסלייזן זייערע אומגליקליכע קינדער פון זייער אייגענע בארבארישע הענט.

מען דארף אבער וויסן אז הקב"ה איז דער וואס איז יושב ומזווג זיווגים, און ווען א שידוך איז באשערט וועט עס סיי ווי ווערן, דעריבער אפילו די עלטערן קאנטראלירן זייערע קינדער און ס'קוקט אויס אז ס'איז נישט דא קיין וועג ארויס מיט זיי דארף מען געדענקען אז השי"ת איז שטערקער פון זיי, און דייקא ביי שידוכים זעהט מען די יד ה' אויף א שטארקע פארנעם.

[הכנה דרבה]

ס'דא נאך א געפערליכע פראבלעם, צומאל זענען דא שדכנים וואס זענען וויליג צו ארבעטן הונטער די רוקן פון די עלטערן נאר דער בחור/מיידל לאזט זיך נישט. ווען איך בין געוועהן בערך 20-21 זענען צוויי מענטשן געוועהן גרייט דאס צו טוהן פאר מיר, ביידע פון זיי האבן געקענט א מיידל וואס לויט זיי וואלט געוועהן זייער צוגעפאסט פאר מיר (הגם ס'מיינט נישט גארנישט, אבער דאך), אבער איך האב מיך געהאלטן קלוגער (ליין: נארישער), נאר וואס, ביי די 25 וואלט איך שוין זיכער מסכים געוועהן מיטצושפילן נאר דעמאלטס איז עס שוין נישט נוגע געוועהן. אנדערע קומען ליידער קיינמאל נישט צום שכל, האב איך געהאט א נאנטער חבר אין יענע צייטן א בן שלושים פלוס וואס א שדכן האט איהם געוואלט צאמשטעלן מיט א מיידל אן זיינע עלטערנ'ס וואוסן אבער ער מיט זיין גרויס פקחות האט פארשטאנען אז א שידוך מוז צוגיין דורך די עלטערן, דו הערסט א קאנסעפט? אויף אזא איינעם וואלט דער בית ישראל געזאגט דו ביזט נישט קיין בחור, ביזט א זיידע! נו נו, האט ער געדארפט ווארטן נאך 5 יאר ביז זיינע עלטערן האבן זיך צאמגעקראצט.

[טאמבל סאס]

שטייט דאך שוין, ויואל משה לשבת את האשה ויתן את ציפורה בתו למשה, דרשנען חכמינו שליטא (חשי"ט), למשה ולא ליואל.

סתם א שאלה, זאג 'א בני יואלע פימפ' איז שוין געווען פארנומען?

[מילך טראק]

די סיסטעם פון שידוכים ארבעט נישט.

[berlbalaguleh]

ביי די ליטאים איז פארקערט די מעשה. אפשר איז צייט צו מאכן קראס-שידוכים, חסידים/ליטאים

לכאורה איז עס א גוטע עצה: נאר פארוואס ביי חסידים זענען דא ערנסטע פראבלעימען מיט שידוכים. ווייל די מיידלעך (און זייערע עלטערן) קלויבן זיך צו שטארק. און זיי קענען נישט באשליסן וואס זיי זוכן אין א שידוך. די זעלבע איז ביי די ליטווישע קרייזן. דארט זענען אויך די מיידלעך די וועלכע קענען נישט אדער וויללן נישט באשליסן מיט וועם חתונה צו האבן. זיי מיינען אז מארגן אדער נעקסטע וואך וועללן זיי טרעפן א בעסערן שידוך.

אויך זענען די קולטורעלע און לייפסטייל דיפערענצן זייער גרויס.

ס'איז דאך דא די באקאנטע מעשה. א חסיד'ישער איד מיט א לאנגע בארד און א פלאטשיגס האט זיך משדך געווען מיט א מאדערנעם מענטש. ער איז געווען קליען געשעיווט. און האט ער געהאט א מאדערנעם היטל מיט א גרינעם פעדער אין הוט.

א טאג נאך די תנאים האט זיך דער חסיד'ישער איד געטראכט..."איך וועל דאך דארפן שטיין אונטער די חופה מיט אזא מאדערן געקליידעטן מענטש. וויאזוי פאסט דאס. דער קאנטראסט איז דאך צו גרויס"...האט ער אנגעהויבן שניידן א ביסל די בארד. א פאר טעג שפעטער טראכט ער צו זיך...מיין מחותן גייט דאך א קורץ מאדערן רעקל מיט א נעקטיי. איך וועל אויך אנטון א קורצע רעקל. אזוי איז ער געגאנגען מדחי אל דחי. ביז ווען ס'איז געקומען קורץ פאר די חתונה האט ער שוין אויסגעזעהן גאנץ מאדערן. געשעיווט די בארד און אנגעטון א נעקטיי.

דער (מאדערנער) מחותן האט געטראכט די זעלבע זאך. ס'ארא פנים וועל איך האבן. מיין מחותן איז א שטארק חסיד'ישער איד און איך בין גאנץ מאדערן. האט ער אנגעהויבן לאזן וואקסן א שטיקל בארד. נאכדעים איז ער געווארן נאכמער חסיד'יש. ביז ער האט שוין אנגעטון א לאנגע רעקל און געלאזט וואקסן א לאנגע בארד און אנגעטון א פלאטשיגס. אזוי אז ווען ס'איז געקומען דער טאג פון די חתונה האבן אלע מענטשן געמיינט אז דער מאדערנער מענטש איז דער חסיד'ישער און דער וואס זעהט אויס ווי א חסיד'ישער איז גאר דער מאדערנער.

[אוהב ספרים]

די סיסטעם פון שידוכים ארבעט נישט.

האסט א בעסער פלאן?

[א בני יואל]

גערעכט אדער נישט איז נישט די נקודה
דאס ווארט איז די עלטערן זענען בכלל נישט אויף דער זעלבער בלאט ווי זייערע קינדער
זיי זיכיען וואס איז גיט פאר זיי אין נישט זייער קינד
יעצט אויב גייט מען אריין אין די חלק פין וואס איז באשערט אדער נישט
ווילסטי מיר זאגען אז א טאטע קען זאגען איך גיי גארנישט טיען אין איך גיי ווארטען אז סזאל זיך אליינס אויסארבעטן
ווי למשל דער בחור זאל זיך טרעפין מיט די מיידעל ערגעטץ אויף א פליגער אדער א באס אדער אין גראסערי אין זיי זאלען זיך גיט ווערן מיט זיך אליינס אין דערנאך חתונה האבען
למעשה ווען דאס געשעהט וועסטי דאך איבער דרייען די וועלט ווייל דעמעלטס וועסטי מער נישט קענען זיך אויפטיען אין שול פאר דיינע סא קאלד חבירים קיק וואס איך האב גענימען סאיז דאך בכלל נישט געוועהן די. סאיז געוועהן זיי צווישען זיך
ממילא גלייבסטו שוין אין דעים אויך נישט
אויב ביסטו דער וואס דארף זיך אפגעיבן דערמיט אין די דארפסט זיכען עפעס פאר דיין קינד איז פארוואס זיכסטו עפעס וואס פאסט פאר דיר אין נישט פאר דיין קינד
וועסטי מיר זאגען סאיז באשערט
קימט ווידער די קשיא איינער האט דיר אנגעטראגען עפעס מיינט דאס אז דער באשעפער האט דיר געשיקט איינעם מיט א שליחות וואספארא רעכט האסטו יענעם צי ענטפערן אן זיך נאכפרעיגין בכלל
אהה יעצט איז דער טאטע ווידער געווארען א גלויביגער אין גאט אין אויב איז עס באשערט וועט עס געשעהן יא אויב די גייסט איר לאזען אלט ווערין אין נאכדעים וועט זי זיך אנפייפען אויף דיר
אדער וועט קימען א יוד ווי רבי יונתן אין אריינמישען אנדערע יודען אין מען וועט דאס טון אן דעים טאטע אין דעמאלטס וועט ער ווידער נישט גלייבן אין גאט
אין סאיז אויך נישט אזוי פשוט סאיז באשערט
וואס איז מיט שמא יקדמנו אחר סאיז דאך באשערט ווי אזוי קען דאס געשעהן אז איינער זאל איר אויסכאפען סמיז זיין אז עס ליגט עפעס טיפער אינטער דעים וואס אינז פארשטייען נישט בכלל הרב מרדכי הערש שפיטצער צילייגט דאס אביסעלע אין איינע פין זיינע דרשות
דער פאקט אז די דאזיגע זינלאזע עלטערן וואס זיכען וואס איז גיט פאר זיי אין נישט פארן קינד זייער ווייזט קלאר אז רוב זענען פארבליבען אלטע מיידלעך
אין איך זאג מיידלעך ווייל אין די חסידישע וועלט זענען די דאזיגע טאטעס די וואס האלטען אז זיי האבען דאס מיידלעך אין זיי זענען געווינער פין א לאטערי אין זיי זענען די הויפט שפילער דא
כוועל פארציילען א מעשה וואס איך האב מיטגעהאלטען מיט א שידוך לעצטנס
א מיידעל פיר אין צוואנציג יאר אלט טראגט מען אן א שידוך מיט א בחור פין דריי אין צוואנציג אין איז נאך אין ישיבה
זאגט דער טאטע כהאב זייער ליעב דעים בחור ער קיקט אויס געשמאק איך וויל נישט זאגען ניין
אבער ער קיקט אויס צי פרים אויפן פיקטער מילא לייג עס אין א זייט פאר יעצט אין איך גיי נישט זיך נאכפרעיגען אויפן בחור ווייל אויפן פיקטשער קיקט ער אויס פרים
דא קימט ווידער ציריק באשערט אדער נישט ?
ווי אזוי מאכט א טאטע אפ אויף א פיקטשער אן זיך נאכפרעיגען אדער טון די מינימאלע השתדלות צי געוואר ווערן ווער דער בחור איז
איז אויב זיכט ער א בחור פין דריי אין צוואנציג וואס איז מער מאדערן וויאזוי אין פארוואס זאל ער נאך זיין אין א ישיבה וואס דאס זאגט דער טאטע אז ער זיכט
אין גראדע א צווייטער בחור וואס דארט האט ער יא ליעב געהאט דעים געוואלדיגען פיקטשער האט דער בחור יענעם געזאגט איך וויל דיך נישט ווייל די ביסט סתם א ציפליקטער חסיד וואס די צימישט דעים שטן אינמיטען יאר
די קשיא שטעלט זיך ער זיכט א שידוך פאר זיך אדער פאר זיין קינד
א צווייטער פאל
א שידוך וואס איינער האט גערעדט פאר איינעם
אין זיי פרעיגן זיך שוין יא נאך
אבער נישט אויפן בחור נאר אויף די טאטע פינעם בחור
זיי מסביר ביטע
אויב איז דער טאטע א גאסען משוגענער אקעי סאיז דא א צד וואס קען זיין אפשר נישט גיט סקען זיין בישות
אבער ווידער דא האט חתונה א בחור מיט א מיידעל נישט א מיידעל צי דעים בחורס טאטע ( סאיז דא א צד צי פארשטיין אבער למעשה פרעיג דיך נאך אויפן בחור א מינוט אפשר איז עס יא ווערט צי טראכטען דערפון ) נאך אלעמען האט יענער אויך א גראבער פלעק אויף זיך אבער זיי האבען פלעין מזל זיי האבען א מיידעל אין אזוי גייט די דרך ביי אינז חסידים אז דער מיידעל האט א גרעסערער האנט
יעצט ציריק צים באשערטקייט אדער נישט
וואס דארף געשעהו אז א טאטע זאל זעהן אויב סאיז באשערט אדער נישט
סדארף אים שאקלען זיין לינקע פיס ווען ער קיקט אויפן פיקטשער
צי דארף ער ליינען צוויישען די שירות אויף די רעזעמעי אפשר האט דער באשעפער אריינגעלייגט א רמז וואס נאר ער גייט פארשטיין
צי דארף ער טראכטען אויב איינער גייט דאס אנטראגען נאכאמאל דעמאלטס וועט עס מיינען סאיז באשערט
אדער אפשר נאר אויב מען טראגט דאס אן זעקס מאל אין דריי וואכען
אדער גייסטו דאס געוואר ווערן נאר ווען דער קינד גייט פליצלינג אויפשטיין אין שרייען דעים בחורס נאמען מיט א קול רעש גדול
איך ווייס נישט באמת איך האלט נאך פאר א שידוך מיט א אייגענע קינד
אבער ווי ווייט איך געדענק אין איך האב מיטגעהאלטען ביי אנדערע
איז דאס ערשטע פרעיגט מען זיך נאך אויף אלעמען
דערנאך זעיט מען וואס דאס קינד דארף באמת אין פין דארט פארט עס ווייטער ווי אזוי דער באשעפער פירט זיין וועיג
סאיז דא וואס זאגען סציעט מיר ( די טאטע אדער מאמע) נישט כאולי דער בחור איז א הויזן טראגער שלייקעס
גיי זאג עם אז סהאט אויך נישט געצויגען פאר זייערע שווער אין שוויגער ווען זיי זענען געוועהן יונג אבער זייערע עלטערן זענען סתם געוועהן קליגער אין געוויסט וואס איז גיט פאר זייער קינד
אלל איי סעי
קיק גיט אריין אין דיין קינד אין פרעיג זיך גיט נאך אויפן בחור אדער מיידעל אין נאר דעמאלטס קענסטו עפעס ענטפערין אין זאגען סאיז באשערט
די קענסט נישט ארויסנעמען די בעטערי פין דיין טעלעפאן אין זאגען אויב סאיז באשערט וועט עס קלינגען אן א בעטערי
אדער אויב איז עס באשערט וועט א פייגעל אראפלאזען א צעטעלע מיטן בחורס נאמען פינקט אין דיין שטענדער אין בית המדרש
ואם שלש אלה לא יעשה לה
מיינט דאס אז ענק טאטעס אין מאמעס זענען שולדיג אז ענקערע קינדער עלטערן זיך אין גרויסען
עטץ זענען די רשעים וואס לאזען נישט אויפשטעלין יודישע דורות פאר ענקערע אייגענע קינדער
עטץ זענען די שולד פארוואס סזענען פארהאן אזויפיעל עלטערע בחורים אין מיידלעך
אין גאט וועט ענק דערפאר באצאלען אין דעמאלטס וועט מען זעהן ווי גלויביג איר זענט

[א בני יואל]

כהאב יעצט באמערקט די ערשטע שורה איז נישט גיט אויסגעדריקט
קודם א הקדמה, ווען איך שרייב מיין איך נישט, איך זאג נאר אזוי אז מען זאל עס פארשטיין בעסער
כהאב געוואלט זאגען
איך מיין איך נישט מיך דוקא
איך זאג נאר אזוי מען זאל בעסער פארשטיין

[מילך טראק]

די סיסטעם פון שידוכים ארבעט נישט.

האסט א בעסער פלאן?

יא, שוין געשריבן אין אנדערע אשכולות,

[א בני יואל]

די סיסטעם פון שידוכים ארבעט נישט.

האסט א בעסער פלאן?

יא, שוין געשריבן אין אנדערע אשכולות,

דער סיסטעם ארבעט פיין
טויזענטער יודן האבען חתונה מיטן זעלבן סיסטעם טעיגליך
יא סאיז דא וואס זענען קליגער פינעם סיסטעם פאר זיי ארבעט עס נישט

[מילך טראק]

די סיסטעם פון שידוכים ארבעט נישט.

האסט א בעסער פלאן?

יא, שוין געשריבן אין אנדערע אשכולות,

דער סיסטעם ארבעט פיין
טויזענטער יודן האבען חתונה מיטן זעלבן סיסטעם טעיגליך
יא סאיז דא וואס זענען קליגער פינעם סיסטעם פאר זיי ארבעט עס נישט

אזוי עס ארבעט זייער פיין??
די וואס האבן געמאכט די סיסטעם זענען די וואס האבן געמיינט אז זיי זענען קלוגער ווי גאט..

[א בני יואל]

איך ווייס נישט וועלכע סיסטעם דיך דריקט פינקטלעך אבער ווי ווייט איך געדענק קימט דער סיסטעם פין דורי דורת ביז זיידי יצחק בן אברהם
ויקח את רבקה ותהי לו לאשה … ויאהבה
קודם האט ער איר גענימען אין דערנאך האט ער איר ליעב געהאט
דאס ליבשאפט קימט מיט די צייט
‏אויב מיינסטו דעים ליטפישען מהלך פין דעיטען ביז ווילאנג משטעלט זיך מיט א באקעי פין בלומען כמינין וושתי מיט א געפרינטעד סיין will you marry me
זאלסטו וויסען אז דאס איז נאכגעמאכט פין די גוים אין דאס איז נישט אינזער מהלך בכלל
איןFYI סאיז ניטאמאל דעיס ווייל זיי לייגען ארויף דאס רינגעל אין דעמאלטס איז ביי אינז יודען א געזונטע שאלה לגבי קידושין

[נאך א שמויגער]

א ליטווישע בחור האט קיינמאל נישט געגעבען א ענגעידזשמענט רינגל פאר די כלה!

[berlbalaguleh]

אזוי עס ארבעט זייער פיין??
די וואס האבן געמאכט די סיסטעם זענען די וואס האבן געמיינט אז זיי זענען קלוגער ווי גאט..

נישט זיכער: נאר די בעסטע עצה וואלט געווען ווען מ'זאל צוריקגיין טון שידוכים אזוי ווי אין די צייטן פון די גמרא. די איינציגע פראבלעם וועט זיין אויב איינער וואס האלט זיך פאר א שיינער איד און "בעל בתי'ש" וועט זיך פלוצלינג אויפוועקן (א טאג נאך יום כיפור אדער ט"ז באב) און ער וועט זעהן אז ער האט א מחותן א באס דרייווער אדער א שניידער. די בושות וועלן דאך זיין אזוי גרויס. ער האט געמיינט אז ווען ער'ט קומען אין ביהמ"ד וועט א יעדער איהם קלאפן אין די פלייצע און זאגן פשיהאא... דיין מחותן איז דאך דער גרויסער גביר וואס איז אקארשט ארויס פון די שטעטל אוטיסוויל און האט באגנב'עט א האלבע שטאט. צום סוף גאר איז זיין מחותן בערל בעל עגלה דער באסדרייווער און יאנקל דער שוסטער.

רבותיי. איך מיין נישט מיך פערזענליך. איך האב ב"ה געטון פיינע שידוכים מיט מיינע קינדער.

נחזור לענייננו: אט פאר דעם טעם האט מען געמאכט אז שידוכים זאלן גיין דורך א שדכן/טע. נאר דער אריגינאלער וועג איז א סאך בעסער. ר' יונתן שווארץ זז"ג וועט זיכער נישט ברוגז זיין. מ'וועט איהם נאכאלץ רופן אלס בדחן. אויסער דעם איז ער שטארק פארנימען צו שרייבן זיין וועכנטליכן קאלום אין "מאמענט".

[מי אני]

עס קומט מיר פאר אביסל ווי די סעקרעטאר פראבלעם. דאס פרעגט אז אויב דארף א מענטש אויפנעמען א סעקרעטאר, און עס ווארטן א געוויסע צאל קאנדידאטן צו ווערן אינטערוויוּד. זיי גייען אריין עקסטער איינס-נאך-איינס. ער דארף מאכן א החלטה אויף יא אדער אויף ניין נאך יעדעס אינטערוויוּ, און אויב זאגט ער איינעם אפ קען ער יענעם שוין נישט צוריקרופן. ביי יעדעס אינטערוויוּ קען ער קלאר ארויסהאבן ווי גוט יענער איז ביחס צו די וואס ער האט שוין אינטערוויוּד מקודם, אבער, כמובן, ווייסט ער נאך נישט ווי גוט די קומענדיגע, וועמען ער האט נאכנישט געזעהן, זענען. ער וויל דאך דאס בעסטע קאנדידאט, איז ממילא וואס זאל ער טוהן און וויאזוי זאל ער וועהלן?

עפ״י מאטעמאטיקס קומט אויס אז די סטראטעגיע וואס ער זאל טוהן איז אז ער זאל אפזאגן די ערשטע צאל קאנדידאטן וואס זענען די נומער פון אלע קאנדידאטן דיוויידעד ביי אוילער׳ס נומער e [בערך 2.718]. דערנאך זאל ער נעמען דאס ערשטע קאנדידאט וועלכע קומט אפיר, וואס איז בעסער פון אלע וואס ער האט געזעהן ביז יעצט. עס קומט אויס אז דאס געבט דאס בעסטע אויסוואל פון אלע קאנדידאטן 37% פון אלעמאל וואס מ׳דארף אזוי אויסוועהלן.

כמובן אז דאס איז נישט אזוי פשוט צו זאגן לגבי שידוכים. ביי דעם ווייסט מען נישט די צאל ״קאנדידאטן״ וואס זענען פארהאן בסך הכל. ווי אויך איז יתכן אז מען קען דא נישט געהעריג רענקן אז דער איז ״בעסער״ ווי דער וכדומה.

[א בני יואל]

איך ווייס נישט וועלכע סיסטעם דיך דריקט פינקטלעך אבער ווי ווייט איך געדענק קימט דער סיסטעם פין דורי דורת ביז זיידי יצחק בן אברהם
ויקח את רבקה ותהי לו לאשה … ויאהבה
קודם האט ער איר גענימען אין דערנאך האט ער איר ליעב געהאט
דאס ליבשאפט קימט מיט די צייט
‏אויב מיינסטו דעים ליטפישען מהלך פין דעיטען ביז ווילאנג משטעלט זיך מיט א באקעי פין בלומען כמינין וושתי מיט א געפרינטעד סיין will you marry me
זאלסטו וויסען אז דאס איז נאכגעמאכט פין די גוים אין דאס איז נישט אינזער מהלך בכלל
איןFYI סאיז ניטאמאל דעיס ווייל זיי לייגען ארויף דאס רינגעל אין דעמאלטס איז ביי אינז יודען א געזונטע שאלה לגבי קידושין

א ליטווישע בחור האט קיינמאל נישט געגעבען א ענגעידזשמענט רינגל פאר די כלה!

כהאב געמיינט דעים גוי פירט זיך צי געיבן אין ארויפלייגען דעים רינגעל אויפן פלאץ נישט דער ליטפישער
אין גראדע סאיז זייער באקאנט וויפיעל די ליטווישע משגיחים אין גדולים וואס האבען נישט אויפגעהערט צי האקען אויף די דעיטס וואס גייט פאר ביי זייער קרייז אין וויפיעל ביטול תורה דאס פארנעמט אבער סאיז געפאלען אויף טויבע אויערן
אבער ווען די פרעיגסט איינע פין די חברה וואס האסטו אויפגעטויען מיט די אלע געדעיטעריי וועט ער דיר מודה זיין סאיז סתם געוועהן א געלט אין צייט פארשווענדעריי