מוזיק אום ספירה

[חב''ד הויזן]

קען איינער אריינקומען מיט היתרים צו הערן מוזיק ספירה? איך זיץ אין אפיס און ווער משוגע, איך בין צו געוואוינט צו הערן מוזיק א גאנצן טאג.

יעצט פאל איך דורך און איך הער באיסור איך וואלט געקענט באשטיין צו הערן בהיתר....

[סקעפטיקער]

נישטא קיין שום איסור צו הערן מוזיק אין ספירה!

[חב''ד הויזן]

גוט צו הערן. א שטיקל בירור איז שייך? א פשוטע סקעם?

א דאנק

[סקעפטיקער]

אין שו"ע שטייט נישט צו הערן מוזיק א גאנץ יאר, און די וועלט איז מקיל. ספירה שטייט אז מ'איז זיך מונע פון ריקודין ומחולות (טענץ). ערגעץ ווי איז געווארן אנגענומען נישט צו הערן מוזיק ספירה

[חב''ד הויזן]

האסט א אנונג ווער בערך איז די ערשטער וואס דערמאנט א איסור אויף מוזיק? ווייל אין די אחרונים איז עס אנגענומען פאר א דבר פשוט. אויף וועם באציט מען זיך ווען מען איז דן די איסור?

[סקעפטיקער]

וועלכע אחרונים דערמאנען דאס?

[קורקלענד]

פאר'ן מתיר זיין דארף מען קודם אסר'ן. זייט אזוי גוט, ווייזט אונז פארוואס איר מיינט אז עס איז אסור און דערנאך וועט מען פרובירן אידענטיפיצירן א היתר.

אזויווי עטליכע דא האבן שוין ערווענט, אויב א היתר, דארפסטו אויף א גאנץ יאר ווייל להלכה טאר מען נישט סתם אזוי הערן מוזיק איבערן יאר. און איינמאל איר האט א היתר אויף אגאנץ יאר. קענט איר עס שוין ניצן ספירה אויך.

לעצם הענין, זאגן זיי אז ס'איז דא א מגן אברהם וואס זאגט אז ביי א שמחה/סעודות מצוה אין ספירה זאל נישט זיין קיין מוזיק.

דער אויבן וואס זאגט עפעס שטייט וועגן ריקידום ומחולות... מיינעך נעמט פון וואס ס'שטייט אויף די דריי וואכן.

[מי אני]

דאס איז ווי דער אגרות משה (או״ח ח״א סימן קסו) ענדיגט צו בדיונו איבער הערן מוזיק בכלל.

IMG_7252.jpeg

ער אסר׳ט אויך בימי הספירה באו״ח ח״ג סימן פז ובאו״ח ח״ד סימן כא ע״ש. הגר״ע יוסף זצ״ל (יחווה דעת ח״א סימן מה וח״ו סימן לד) האלט אויך אזוי ע״ש. דער כפי אהרן (סימן נב) אסר׳ט אויך מער בימי הספירה ע״ש.

[היימלינד]

אפילו אז עס וואלט געווען א צד לאסור בימי הספירה איז אבער נאר פון ראש חודש אדער ביז ל"ג בעומר והוא הדין פאר חתונות און אלע עניני אבילות, דאס אז מען איז מקפיד די גאנצע איז עפ"י אריז"ל.

און אז מען רעדט שוין: באנייען קליידער שטייט נישט אין שו"ע, ס'איז א פר"ח ממילא זענען אסאך מקיל שבת אדער לעת הצורך, אנדרעש ווי בימי בין המצרים.

[חב''ד הויזן]

האב איך אביסל ארומגעגוגלט, זע איך אז די מגן אברהם אסרט ריקודים ומחולות און די אוסרים לערנען ארויס שמיעת כלי שיר פון א קל וחומר אז מה דאך פלעין טאנצן איז אסור איז זיכער הערן כלי שיר...

[סקעפטיקער]

די איסור אויף ריקודים ומחולות איז פונעם מגן אברהם, די ערוך השולחן איז לכאורה דער ערשטער אוסר אויף כלי זמר אלס א כל שכן פון ריקודים ומחולות (ויש לדון על דבריו, בפרט כלי זמר בזמנינו שאינו דומה לריקודין ומחולות)

א שיינע בירור איבער די נושא
https://beinenu.com/sites/default/files ... _31_77.pdf

[הכנה דרבה]

אפילו אז עס וואלט געווען א צד לאסור בימי הספירה איז אבער נאר פון ראש חודש אדער ביז ל"ג בעומר והוא הדין פאר חתונות און אלע עניני אבילות, דאס אז מען איז מקפיד די גאנצע איז עפ"י אריז"ל

נישטא אזא אריז״ל

לגבי די קל וחומר פונעם ערוך השולחן אין אזא פאל זאגט מען דיו לבא מן הדין

[היימלינד]

נישטא אזא אריז״ל

איך האב נישט די מ"מ יעצט, אפשר נישט ארי אבער ס'איז זיכער עפ"י קבלה און נישט עפ"י הלכה, עס האט שייכות מיט די ענין פון תמימות, איי מה הקשר? אזוי

[הכנה דרבה]

מעגליך שטייט עס אין אן אומבאקאנטע קבלה ספר

[מנחם מנדל]

מעיקר הדין איז נאר אסור מוזיק וואס ברענגט צו ריקודין און טאנצערייען ווי למשל דאנס און הארא, שטאטע מוזיק און קלאסישע מוזיק איז לכאורה יא מותר.

[היימלינד]

מעגליך שטייט עס אין אן אומבאקאנטע קבלה ספר

איי געיס אז די באקאנטע קענסטו שוין

[יין שרף]

מעיקר הדין איז נאר אסור מוזיק וואס ברענגט צו ריקודין און טאנצערייען ווי למשל דאנס און הארא, שטאטע מוזיק און קלאסישע מוזיק איז לכאורה יא מותר.

הג"ר שלמה זלמן אוירבך זצ"ל

[הכנה דרבה]

מעגליך שטייט עס אין אן אומבאקאנטע קבלה ספר

איי געיס אז די באקאנטע קענסטו שוין

יא

[אינטערסאנטער]

אלה הם מועדי.pdf

[יין שרף]

מעגליך שטייט עס אין אן אומבאקאנטע קבלה ספר

איי געיס אז די באקאנטע קענסטו שוין

יא

איך מיין די אריז"ל רעדט נאר לגבי תספורת זאל מען מחמיר זיין ביז מ"ט לעומר, וכן הביאו כמה פוסקים בשמו.

לגבי נישואין אדער אנדערע ענייני אבילות זענען דא שפעטערע פוסקים וואס זענען מדמי מילתא למילתא.

[אלפא]

דאס אמאל זיכער אז דער וואס איז אויפגעקומען מיט 'ספירה מוזיק' איז עתיד ליתן את הדין!!



עס איז פשוט מיאוס..

[לאכעדיג]

https://www.google.com/url?sa=t&source= ... GwpzSjfNs7

ער שמועסט זייער שיין אויס די גאנצע נושא אין לשון הקודש.

[מילך טראק]

קען איינער אריינקומען מיט היתרים צו הערן מוזיק ספירה? איך זיץ אין אפיס און ווער משוגע, איך בין צו געוואוינט צו הערן מוזיק א גאנצן טאג.

יעצט פאל איך דורך און איך הער באיסור איך וואלט געקענט באשטיין צו הערן בהיתר....

פאר שטייטע מוזיק הער איך יוסף חיים גרינוואלד
פאר שנעלע מוזיק הער איך מיילך בידערמאן