ה' אייר יום העצמאות למדינת ישראל

[היימלינד]

ביטע דורך ליינען די גאנצע פארן מגיב זיין, תודה.

איך פראביר צו פארשטיין די משמעות פון די טאג פון א אידישע פרעספעקטיוו, די סעקולארע איז פשוט וועגען לאומיות, נאר מיט א לאנד זענען מיר א פאלק וכו', אבער וואס איז פשט אז רעליגיעזע אידן האבן זיך אזוי געפרייט אין דעם טאג, מה יום מיומיים?

לאמיר מסביר זיין: ארץ ישראל איז אונזערס פון ווען דער אייבישטער האט צוגעזאגט פאר אברהם אבינו, און אויף למעשה נאך דאס וואס יהושע בן נון האט עס איינגענומען מיט כלל ישראל, קיינער קען דאס פון אונז נישט אוועקנעמען, קיינמאל! אזוי ווי עס שטייט אין ערשטע רש"י עה"ת.

מיר זענען טאקע געגאנגען אין גלות נאך די חורבנות אבער ארץ ישראל איז נישט אוועקגענומען געווארן פון אונז, נאר פארקערט מיר זענען פארטריבן געווארען פון ארץ ישראל, די קדושה איז געבליבן ווי חז"ל נעמען אהן קדושה שנייה קדשה לשעתה ולעתיד לבא, אידן במשך אלע דורות האבן משתוקק געווען לעלות ולחונן עפרה צו מקיים זיין מצוות ישוב ארץ ישראל וואס איז נאך א חיוב היינט ווי אמאל [מחלוקת הראשונים אי דאורייתא או דרבנן ואי חיוב או מצווה].

אפילו איינער וועט קומען מיט א טענה אז ארץ ישראל איז יא אוועקגענומען געווארן פון אונז און עס האט געהערט פאר די אראבער במשך אסאך יארן ביז די ערשטע וועלט קריג און אויך יעצט געהערט צו זיי א חלק משום די חלוקה פון די UN און דינא דמלכותא דינא, איז עס ווייטער אונזער'ס ווייל כל מה שקנה עבד קנה רבו און דער אור החיים הק' איז מבאר סוף פרשיות לך און וירא אז ישמעאל וצאצאיו איז געבליבן א עבד עולם צו יצחק אבינו וזרעו אחריו, קיינער האט זיי קיינמאל נישט באפרייט, ויבוא האדון וינקום מעבד הבורח עיי"ש.

איז צוריק צו מיין קשיא, וואס איז געשעהן ה' אייר תש"ח, וואס האט עס מיט אונז אז איינער איז געשטאנען אין ת"א און פארגעליינט א צעטל? וואס איז אז דער לעצטער ענגלענדער האבן פארלאזט די הייליג לאנד?

די איינציגסטע עכטע זאך וואס איך מיין איז געשעהן ה' אייר איז התחלת מלחמה וואס האט געקאסט טויזענטער נפשות מישראל, איבוד שליטה מכמה מקומות בארץ ישראל, די ניי געגרינדעטע ממשלה האט געוויזן אז עס גייט זיי נישט אהן שלימות הארץ, עיין ערך ירושלים העתיקה וואס חוץ אפאר אצ"ל לוחמים וואס האבן זיך נאכנישט אונטערגעגעבן צו די נייע צה"ל האט כמעט קיינער נישט געטון עפעס צו ראטעווען ירושלים, וואס אגב לויט די UN האט עס געדארפט זיין א שטח בינלאומי, ועוד ואכמ"ל.

זייטס מיר נישט חושד מיט קנאות, איך פרעג פון א ערליכע אידישע ציונישע פערספעקטיוו, לדוגמא יום ירושלים פארשטיי איך זייער גוט די שמחה, מיר האבן צוריק באקומען די שליטה אויף גרויסע חלקים פון אונזער לאנד ובפרט די מקומות הקדושים, ירושלים, חברון, בית לחם, הר הזיתים ועוד.

אויב מוז מען טרעפן עפעס א טאג צו פראווען די ייסוד המדינה ווי אידישע קינדער קענען טרעפן א קישן ווי צו זיך אראפלייגן נאך אזא שווערע קריג [כלשון הרה"ק מבעלזא זיע"א] זאל עס זיין א טאג וואס האט עפעס א משמעות, למשל יום הצהרת בלפור - א טאג וואס אומות העולם האבן אנערקענט און מסכים געווען צום מדינה, אדער אן אנדערע טאג בדומה לזה, אבער פארוואס ה' אייר? עס האט זיך גארנישט בעצם געטוישט יענע טאג פון א תורה'דיגע שטאנדפונקט, און אפילו פון א וועלטליכע איז נישט געווען קיין סאך שינויים ליודעי היסטאריע.

מען קען נאך אסאך מאריך זיין אבער מיר וועלן זיך דא אפשטעלן, מיט א בקשה ביטע נאר מגיב זיין אויף מיין שאלה און נישט דעבאטירן אויף זייטיגע פרטים, איר קענט עפענען אן אייגענע אשכול פאר דעם.

[אייזיק שפירא]

לכאורה איז די שמחה אז מ'האט אויפגעשטעלט א אידישע ממשלה

פון ווען די אידן זענען פארטריבן געווארן פון א''י איז ע''פ א''י געווען אונטער געווארפן אונטער ממשלות פון אנדערע לענדער
ה' אייר תש''ח האט מען אויסגערופען אז ו' אייר גייט זיך פון פריש גרינדען א אידישע הערשאפט אין א''י

(איינע פון די סיבות פארוואס מ'האט אויסגערופן ה' אייר הגם מ'האט ערשט באקומען די ממשלה אין ו' אייר וויבאלד ו' אייר איז געווען שבת און מ'האט נישט געוואלט דארפן מחלל שבת זיין וועגן דעם)

[היימלינד]

איך ווייס דאס אויך,

די קשיא איז נאכאלץ שטערקער פונעם תירוץ, צו מאכן א געהעריגע יום טוב, הלל אא"וו, נאר פאר עפעס א חיצוניות'דיגע הרגשה אז יעצט איז די ממשלה אונזערס אויך.
אויב אזוי איז די אתחלתא דגאולה מאז הצהרת בלפור יארן פריער, תש"ח איז סך הכל געווען די הוצאה לפועל [און פארלוירן אביסל אויך].

[היימלינד]

האב איך דאס געטראפען, דא https://www.myjewishlearning.com/articl ... dence-day/

The religious character of Yom Ha’atzmaut is still in the process of formation, and is still subject to debate. The Chief Rabbinate of the State (which consists of Orthodox rabbis) has decided that this day should be marked with the recitation of Hallel (psalms of praise), similar to other joyous holidays, and with the reading of a special haftarah (prophetic portion). Most ultra-Orthodox Jews, in Israel and abroad, have not accepted this ruling, and some Orthodox Jews chant the Hallel psalms without the blessing which precedes it.

On the other hand, HaKibbutz HaDati (Modern Orthodox Kibbutz Movement) initiated a version of the prayer Al HaNissim (“Concerning the Miracles”) to be added to the Amidah (the central prayer recited while standing) on Yom Ha’atzmaut, as it is on Hanukkah and Purim.

This special addition to the liturgy of the day was not approved by the Chief Rabbinate but was adopted by the Masorti (Conservative) and the Progressive (Reform) congregations in Israel. Some rabbis argue that Yom Ha’atzmaut should be viewed in conjunction with Hanukkah and Purim, since all three commemorate a “miraculous” victory of the Jews over an enemy of superior military might. It should be noted that most Israelis do not consider Yom Ha’atzmaut a religious holiday at all.

פון דא איז טאקע משמע אז די פרומע זענען אליין צומישט איבער א תורה'דיגע משמעות צו דעם טאג, אגב איז אינטרעסאנט צו דערמאנען אז עס איז געווען א מאוומענט נאך הקמת המדינה צו אנהייבן טרינקען א פיפטע כוס פסח ביים סדר אלץ והבאתי... אבער די רבנות הראשית האט עס נישט מאשר געווען.

[[NAMELESS]]

איך ווייס דאס אויך,

די קשיא איז נאכאלץ שטערקער פונעם תירוץ, צו מאכען א געהעריגע יום טוב, הלל אא"וו, נאר פאר עפעס א חיצוניות'דיגע הרגשה אז יעצט איז די ממשלה אונזערס אויך.
אויב אזוי איז די אתחלתא דגאולה מאז הצהרת בלפור יארן פריער, תש"ח איז סך הכל געווען די הוצאה לפועל [און פארלוירען אביסעל אויך].

די יום הצלה כ"א כסלו פראוועט מען אויך אויף די טאג וואס די רבי איז אינגאנצן באפרייט געווארן, אפי' קסטנר האט שוין געהאט מסדר געווען די באן חדשים פריער. כ"א כסלו איז סך הכל געווען די הוצאה לפועל.

[דערהויבענע איד]

די פרומע ציונים האלטן זיך א חלק פון כלל ישראל, און זענען דוגל מיט מדינת ישראל. דאס איז א זאך וואס זיי זענען און טוען אלעמאל חוץ אויב ס'איז נגד הלכה אדער יהדות.

אין אנדערע ווערטער, ס'איז אמת אז די פרייע האבן מייסד געווען דער טאג פאר א פייערונג, זעמיר אונז א חלק פון דעם און מ'פרייט זיך מיט. כ'מיין, סתם סעלעברעטירן א צווייטע טאג אנדערש ווי גאנץ אר''י האט דאך נישט קיין פשט.

[היימלינד]

זייער פיין אבער פון דארט ביז צו מאכען א ברכה בשם ומלכות אויף הלל איז גארנישט אזוי פשוט, לצד אז די טאג איז נישט עפעס מער ספעציעל.

[היימלינד]

די יום הצלה כ"א כסלו פראוועט מען אויך אויף די טאג וואס די רבי איז אינגאנצן באפרייט געווארן, אפי' קסטנר האט שוין געהאט מסדר געווען די באן חדשים פריער. כ"א כסלו איז סך הכל געווען די הוצאה לפועל.

אקעי אבער סאטמאר רב איז כאטש געראטעוועט געווארן דעמאלטס, משא"כ ווי געשריבן איז אין דעם טאג געשעהן א מלחמה [עס האט זיך שוין בעצם אנגעהויבן פרי אין די ווינטער אבער דעמאלטס האט זיך מצרים אין ירדן אפיציעל אריינגעמישט] ווי מען האט פארלוירן שטיקער אר"י, איז אפשר א לעגאלע מדינה געווארן אבער אר"י איז ממילא אונזערס, שליטה איז שוין געווען פריער אביסל אויך דורך די הגנה, און יעצט איז נישט געווארן עפעס מער אויף למעשה תורה'דיג, נאר א מציאות'דיגע לעגאלער טויש.

אויב איך געדענק גוט איז July 4th שוין נאך די נצחון איז אפשר וואלט מען (אפילו לויט די פרייע) געדארפט חוגג זיין בזמן ההסכם.

[דערהויבענע איד]

זייער פיין אבער פון דארט ביז צו מאכן א ברכה בשם ומלכות אויף הלל איז גארנישט אזוי פשוט, לצד אז די טאג איז נישט עפעס מער ספעציעל.

כ'טראכט פון צוויי זאכן,

1) אהי''נ, די הלל איז אויפן ישוב אין א''י און נישט אויפן טאג,

2) מ'קען אפשר זאגן אז סוכ''ס איז די טאג געווארן אנגענומען אלס די טאג אויף וואס מ'האט אוועקגעשטעלט די אידישע צוריקקער צו ארץ ישראל,

[היימלינד]

מצאתי בשו"ת קול מבשר להגה"ג רב משלם רוט זצ"ל שדן בזה בארוכה בסימן כ"א
ער האלט אז עס איז א יו"ט לכל דבר.
איך קען נישט מעתיק זיין די גאנצע תשובה, דא האט איר די אנהייב און סוף:

כ"ד אדר תשי"ב, ירושלים ת"ו.

לכבוד יד"נ הרב הגאון המהולל רב פעלים מו"ה יהודה ליב מימון שליט"א.

הנני להשיב בזה לכת"ה על מכתבו היקר בדבר השאלה אודות ברכת שהחיינו ביום העצמאות, היינו ביום שהוכרזה תקומת מדינת ישראל.

(א) הנה אין ספק שהיום ההוא (ה' אייר) שנקבע על ידי הממשלה וחברי הכנסת (שהם נבחרי רוב הצבור) ורוב גדולי הרבנים לחוג אותו בכל הארץ זכר לנס של תשועתנו וחירותנו, מצוה לעשותו שמחה ויו"ט ולומר הלל. ואף ציבור שבעיר אחת או יחידים שקובעים עליהם יו"ט לעצמם על נס שנעשה להם חייבים לקיים עליהם ועל זרעם והבאים אחריהם עד עולם ואף שהולכים לעיר אחרת להשתקע חייבין לקיים היום ההוא כמ"ש מהר"ם אלשקר בתשו' סי' מ"ט והובא להלכה במג"א סי' תרפ"ו סק"ה ובאלי' רבה שם, והחת"ס או"ח סי' קצ"א כתב שכך נוהגין כמה קהלות ישראל ומגדולי יחידיהם שעושים כן ביום שאירע להם נס עיי"ש שכתב דהיינו דוקא ממיתה לחיים דומיא דמרדכי ואסתר אבל בפדות משארי צרות לא דהרי אחז"ל (הוא במגילה דף י"ד ע"א) במרדכי ואסתר מאי דרוש ק"ו מעבדות לחירות אומרים שירה ממיתה לחיים לא כ"ש, וא"כ כל זמן שאנו בגלות וליכא פדיון מעבדות לחירות כל שאין ההצלה ממיתה לחיים ממש הבו דלא להוסיף לקבוע יו"ט עכ"ל. ועי' בחת"ס או"ח סי' קס"ג בסופו שכתב דשפיר מצי ציבור או יחיד לקבוע יום מועד לעצמם ביום שנעשה להם נס ומצוה נמי עבדי, וממילא פשיטא בנידון דידן הנוגע לציבור של כלל ישראל, ויש כאן פדיון מעבדות לחירות שנגאלנו משיעבוד מלכיות ונעשינו בני חורין והשגנו עצמאות ממלכתית, וגם הצלה ממיתה לחיים שנצלנו מידי אויבינו שעמדו עלינו לכלותנו, בודאי חובה עלינו לקבוע יו"ט. ויפה כיוונו המנהיגים שקבעו את היום הזה דוקא, אשר בו היה עיקר הנס שיצאנו מעבדות לחירות ע"י הכרזת העצמאות, ואלמלא נעשית ההכרזה באותו היום והיתה נדחית ליום אחר אז היינו מאחרים את המועד ולא היינו משיגים את ההכרה וההסכמה של המעצמות הגדולות שבאומות העולם, כידוע, ונס זה משך אחריו גם את הנס השני של ההצלה ממות לחיים הן במלחמתנו נגד הערביים בא"י והן הצלת יהודי הגולה מיד אויביהם במקומות מגוריהם שעלו לא"י ובא על ידי כך הנס השלישי של קיבוץ גליות.

(ז) העולה מכל זה לדינא, אף כי אין להטיל חובה על כל איש שיהיה צריך לברך שהחיינו ביום העצמאות, אבל כל מי שרוצה לברך הרשות בידו ואין בזה שום חשש של ברכה לבטלה, וכל מי שיודע בעצמו שנהנה ושמח במאורע של תקומת המדינה ביום ההוא שהוקבע ליו"ט אין ברכתו רשות אלא חובה. ונכון להסמיך ברכת שהחיינו לאמירת הלל, היינו לפני ברכת הלל אם אומרים את ההלל בברכה (לפי שורת הדין כמו שהוכחתי לעיל) או לפני התחלת אמירת הלל אם אומרים הלל בלא ברכה.

יהי רצון מלפני השוכן בציון לפקדנו בפקודת ישועה ורחמים. וכאשר זכינו לאתחלתא דגאולה כן נזכה כולנו לראות בגאולה השלימה במהרה בימינו בקרוב. כעתירת ידידו ומוקירו הדושת"ה בברכת כט"ס. משלם ראטה

[היימלינד]

איינער ווייסט וואס ער מיינט מיט די ווערטער ואלמלא נעשית ההכרזה באותו היום והיתה נדחית ליום אחר אז היינו מאחרים את המועד ולא היינו משיגים את ההכרה וההסכמה של המעצמות הגדולות שבאומות העולם, כידוע, ?

[היימלינד]

מתוך שו"ת יביע אומר חלק ו - או"ח סימן מא

...וכיו"ב ראיתי בשו"ת ישכיל עבדי ח"ו (חאו"ח סי' י אות ז) שג"כ העלה שאין לגמור ההלל בתוך תפלת יום העצמאות אפי' בלא ברכה, מפני שעדיין אויבינו קמים עלינו לכלותינו, ואין לך יום שאין קללתו מרובה מחבירו, ועונותינו הטו אלה, כי היצר הצורר בעוכרינו להסית את ישראל מדרכי ה' וכו', ומכיון שאין כאן אלא אתחלתא דגאולה, ואינה גאולה שלמה לכל עם ישראל, לכן אין לתקן לומר הלל גמור בתוך התפלה אפי' בלי ברכה, ורק אפשר לומר מזמורי ההלל לאחר סיום התפלה, בלי ברכה, כי פשוט שאין לנו להכנס בספק ברכה לבטלה. עכ"ד...

[דערהויבענע איד]

איינער ווייסט וואס ער מיינט מיט די ווערטער ואלמלא נעשית ההכרזה באותו היום והיתה נדחית ליום אחר אז היינו מאחרים את המועד ולא היינו משיגים את ההכרה וההסכמה של המעצמות הגדולות שבאומות העולם, כידוע, ?

קוק וואספארא טויש די וועלט האט גענומען די לעצטע האלבע יאר לגבי מדנ''י. היינט וואלט די UN קיינמאל מסכים געווען צו מכיר זיין אין די מדינה.

[היימלינד]

https://orot.ac.il/%D7%99%D7%95%D7%9D-% ... 7%99%D7%94

[היימלינד]

איינער ווייסט וואס ער מיינט מיט די ווערטער ואלמלא נעשית ההכרזה באותו היום והיתה נדחית ליום אחר אז היינו מאחרים את המועד ולא היינו משיגים את ההכרה וההסכמה של המעצמות הגדולות שבאומות העולם, כידוע, ?

קוק וואספארא טויש די וועלט האט גענומען די לעצטע האלבע יאר לגבי מדנ''י. היינט וואלט די UN קיינמאל מסכים געווען צו מכיר זיין אין די מדינה.

אבער זיי האבן שוין געהאט די הכרה פון פריער ביי הצהרת בלפור והסכמת הליגה

[קהל'ס נער]

1.
ה׳ אייר איז מען באפרייט געווארען פון די בריטישע, און געווארען אליינס א מדינה, דוגמת יציאת מצרים.
2.
ה׳ אייר נאכן ליינען די מגילת העצמאות איז מען געווארען אנערקענט דורך די וועלט אלץ א מדינה, א מדינה וואס קיינער אנערקענט נישט איז נישט ציפיל ווערט,דוגמת עזה.
3.
ה׳ אייר איז א טאג פון רווח והצלה יעמוד ליהודים ממקום אחר, אז עני איד פון די גאנצע וועלט זאל האבן א פלאץ צו אנטלויפן, אין פאל פון אנטעסעמיטיזם.
4.
ה׳ אייר איז א טאג פון אויסרופן ״ניין צו כצאן לטבח״
5.
ה׳ אייר איז א טאג פון הן עם לבדד ישכון, און מיר וועלן זיך מער נישט פארלאזן אויף די גוי׳אישע שכנים.
6.
ה׳ אייר איז די התחלת הניצחון פון מלחמת העצמאות וואס איז געוועהן רבים ביד מעטים, זעקס הונדרעט טויזענט אידן האבן געוואונען אפאר מיליאן אראבערס.

[berlbalaguleh]

לכאורה איז די שמחה אז מ'האט אויפגעשטעלט א אידישע ממשלה

פון ווען די אידן זענען פארטריבן געווארן פון א''י איז ע''פ א''י געווען אונטער געווארפן אונטער ממשלות פון אנדערע לענדער
ה' אייר תש''ח האט מען אויסגערופען אז ו' אייר גייט זיך פון פריש גרינדען א אידישע הערשאפט אין א''י

(איינע פון די סיבות פארוואס מ'האט אויסגערופן ה' אייר הגם מ'האט ערשט באקומען די ממשלה אין ו' אייר וויבאלד ו' אייר איז געווען שבת און מ'האט נישט געוואלט דארפן מחלל שבת זיין וועגן דעם)

נו, פיהר אויס...און אונז ערליכע אידן פרייען זיך אז מ'קען מקיים זיין די מצוות התלויות בארץ. און אויסער אלע יא קנא'ישע אדער נישט קנא'ישע מיינונגען. יא שיטה אדער נישט שיטה. דאס אלעס איז גוט לפילפולא ולדרוש נאה. נאר איך מיין בשכלי הדל (וואס א סאך מענטשן וועלן זיך פרייען מסכים צו זיין מיט דעים.) אז דער אייבישטער, כביכול איז א סאך מער צופרידן אז בסוף זמן גליותנו, ביז משיח וועט קומען זאללן די אייניקלעך פון אברהם אבינו הערשן איבער ארץ ישראל ווי איידער די אומה שפילה די בני ישמעאל. נאכדעים וועט משיח צדקנו איבערנעמען און ס'וועט זיין די גאולה שלימה. נאר דאס איז בבחינת ווי דער רבי ר' מענדעלע מ'רימאנאוו האט געזאגט איבער דעם עניין. אז ביז צו די קרעטשמע דארף מען אויך א טרינק בראנפן.

[היימלינד]

1.
ה׳ אייר איז מען באפרייט געווארען פון די בריטישע, און געווארען אליינס א מדינה, דוגמת יציאת מצרים.
2.
ה׳ אייר נאכן ליינען די מגילת העצמאות איז מען געווארען אנערקענט דורך די וועלט אלץ א מדינה, א מדינה וואס קיינער אנערקענט נישט איז נישט ציפיל ווערט,דוגמת עזה.
3.
ה׳ אייר איז א טאג פון רווח והצלה יעמוד ליהודים ממקום אחר, אז עני איד פון די גאנצע וועלט זאל האבן א פלאץ צו אנטלויפן, אין פאל פון אנטעסעמיטיזם.
4.
ה׳ אייר איז א טאג פון אויסרופן ״ניין צו לצאן לטבח״
5.
ה׳ אייר איז א טאג פון הן עם לבדד ישכון, און מיר וועלן זיך מער נישט פארלאסן אויף די גוי׳אישע שכנים.
6.
ה׳ אייר איז די התחלת הניצחון פון מלחמת העצמאות וואס איז געוועהן רבים ביד מעטים, זעקס הונדרעט טויזענט אידן האבן געוואונען אפאר מיליאן אראבערס.

זאגסט גוט, אבער איך וויל פארשטיין בעסער.

1. די טאג איז נאר "נאך א חלק" פון די גאולה, ממ"נ איז עס פון אנהויב די מלחמה, האט זיך עס שוין אנגעהויבען חדשים פריער, אויב איז צום סוף מלחמה דארף מען פראווען ווען ס'איז געווען די שביתת נשק מיט מצרים.
2. געוויסע האבן אנערקענט פריער און געוויסע אנערקענען נאך היינט נישט, איז וואס איז קובע ?
3.4.5. ערווענט שוין הרב עובדיה יוסף הבאתי לעיל אז ס'איז נאר א אתחלתא און נישט קיין גאולה שלימה ווייל די צרות גייען ווייטער אהן.
6. ווי געזאגט איז עס נישט די התחלה אדער סוף.

[דערהויבענע איד]

זאגסט גוט, אבער איך וויל פארשטיין בעסער.

1. די טאג איז נאר "נאך א חלק" פון די גאולה, ממ"נ איז עס פון אנהויב די מלחמה, האט זיך עס שוין אנגעהויבען חדשים פריער, אויב איז צום סוף מלחמה דארף מען פראווען ווען ס'איז געווען די שביתת נשק מיט מצרים.
2. געוויסע האבן אנערקענט פריער און געוויסע אנערקענען נאך היינט נישט, איז וואס איז קובע ?
3.4.5. ערווענט שוין הרב עובדיה יוסף הבאתי לעיל אז ס'איז נאר א אתחלתא און נישט קיין גאולה שלימה ווייל די צרות גייען ווייטער אהן.
6. ווי געזאגט איז עס נישט די התחלה אדער סוף.

2. יציאת מצרים האבן געוויסע אויכעט געשריגן אז זיי ווילן צוריקגיין. זכנו את אבטחים ואת הדגה ווי ס'שטייט דארט אין פסוק.

3.4.5. צרות האמיר אויכעט נאכן נס חנוכה ופורים ופסח, נאך אלע מעשיות האבן אידן געהאט א נס דעמאלטס. און מ'רופט עס טאקע נאר אן אנהויב פון די גאולה שלימה.

[היימלינד]

3.4.5. צרות האמיר אויכעט נאכן נס חנוכה ופורים ופסח, נאך אלע מעשיות האבן אידן געהאט א נס דעמאלטס. און מ'רופט עס טאקע נאר אן אנהויב פון די גאולה שלימה.

יש לחלק פון חנוכה ווייל איה"נ ס'איז שפעטער געווען צרות אבער נישט די צרה פון וואס מען איז געראטעוועט געווארען, פורים זאגט מען טאקע נישט קיין הלל מהאי טעמא, אכתי עבדי דאחשוורוש אנן.

אויב איז נאר א התחלה קען מען טאקע נישט זאגן קיין הלל בברכה - וכן פסק הרבנות הראשית עד הרב גורן
האסט געזעהן די גאנצע תשובה פון יביע אומר און די שפעטערדיגע לינק וואס איך האב געברענגט ?

[ארכיטקט]

קיין איין נארמאלע באזעסענע רבי האט זיך טאקע נישט געפרייט אדער געפייערט ה' אייר.

[אייזיק שפירא]

קיין איין נארמאלע באזעסענע רבי האט זיך טאקע נישט געפרייט אדער געפייערט ה' אייר.

ווייל אויב האט ער געפייערט איז ער אטימאטיש געווארן אויס באזעסענע רבי

(לדוגמא ר' ברוך'ל מונקאטשער ז''ל, וואס איז געווען אן אנגענומענער רב פאר'ן קריג, אבער ווען ער האט איינגעזעהן אז די שיטת המזרחי איז גערעכט, האט מען נישט געזאגט אז א ערליכע רב האט אנערקענט, ווייל ער איז אטימאטיש געווארן אויס, און אזוי שטימט אז קיין איין ערליכע רב האט נישט געהאלטן פון די מזרחי, והבן)

[ארכיטקט]

קיין איין נארמאלע באזעסענע רבי האט זיך טאקע נישט געפרייט אדער געפייערט ה' אייר.

ווייל אויב האט ער געפייערט איז ער אטימאטיש געווארן אויס באזעסענע רבי

(לדוגמא ר' ברוך'ל מונקאטשער ז''ל, וואס איז געווען אן אנגענומענער רב פאר'ן קריג, אבער ווען ער האט איינגעזעהן אז די שיטת המזרחי איז גערעכט, האט מען נישט געזאגט אז א ערליכע אב האט אנערקענט, ווייל ער איז אטימאטיש געווארן אויס, און אזוי שטימט אז קיין איין ערליכע רב האט נישט געהאלטן פון די מזרחי, והבן)

האסט טאקע געברענגט א גוטע דוגמא.....