האסט מיר ארויסגעכאפט די ווערטערמיסטעריע האט געשריבן: ↑מיטוואך מאי 15, 2024 8:50 pm ווער ס'וויל נישט פארשטיין, קענסטו מסביר'ן ביז מארגן אבער היות זיין אגענדע איז נישט צו וועלן פארשטיין, איז א שאד די צייט.
ווער ס'וויל יא פארשטיין, קען מען עס זייער גרינג מסביר זיין, מ'דארף נישט קיין ליובוויטשער קאפ דערפאר, איך האב עס מיטגעלעבט יענע יארן ווען די רבי האט געלעבט און געשטורעמט א וועלט, בקיצור צום ענין, ליובאוויטשער רבי האט נישט געהאלטן פון קיין מדינה און געווען שארף דערקעגן, אזוי ווייט אז חב"ד איז די איינציגסטע וואס איז קיינמאל נישט געגאנגען זיצן אין כנסת, נאר וואס דען, איינמאל ס'איז שוין דא א מדינה, ס'איז א פאקט, וויאזוי מ'דארף זיך באגיין מיט דעם ענין, לאמיר זאגן למשל א איד קומט צום רב ס'איז אריינגעפאלן א מילכיגע לעפל אין פליישיגע טאפ, די זאך איז א פאקט, ס'איז שוין געשעהן, וואס טוהט מען יעצט?
דא האט זיך אנגעהויבן די מיינונגס פארשידענהייטן צווישען סאטמער און אנדערע קרייזן, יעצט ליובאוויטשער רבי איז נאכאלס נישט געווען ביי די מיינונג צו גיין אזוי ווייט ווי אנדערע קרייזן, אבער די רגע ס'האט זיך אנגעהויבן די שלום געשפרעכן איז עס געווארן אן ענין פון "פיקוח נפש" און ווי ער איז גערעכט געווען, און צוליב פיקוח נפש איז מען אלעס דוחה, ס'נישט צום גלייבן מ'קען היינט איבערקוקן ווידיאו'ס, ממש שכינה מדברת מתוך גרונו, אבער דער אמת איז, אז מ'דארף נישט האלטן אז דאס איז צוליב רוח הקודש, (ח"ו טאמער איינער א סאטמערער וועט דאס זעהן און האבן ספיקות אז אפשר איז ליובאוויטשער רבי אויכעט געווען א שטיקל ערליכער איד.....) נאר מ'זעהט מאיר כהנא האט אויך אזוי געהאלטן און פאראויס געזאגט טריט ביי שריט וואס גייט געשעהן, דאס איז אלעס צוליב זיי האבן גוט ארויסגעהאט ווער דער נידריגער אראבער מיט זיין שמוציגע קולטור איז.
במילא וועט מען זעהן אז אלעס וואס אנבאלאנגט פיקוח נפש שלימות הארץ וכו' דארט האט ער גענומען א אנדערע ליניע, נישט תורה אדער הלכה, נאר קאממעס סענס!
ליובאוויטש און רוב אנדערע גדולי ישראל האבן געהאט מער ווייניגער די זעלבע מהלך [איך האב נישט ליב די ווארט שיטה] לגבי התנגדות להקמת המדינה [עכ"פ דורך יענע מייסדים] און וויאזוי מען האנדעלט יעצט אז ס'איז שוין דא.
ליובאוויטש רבי איז געווען מער באקאנט מיט דעם ווייל #1 ער האט גערעדט אסאך און זיך קלאר מסביר געווען כסדר #2 ער האט געהאט א שטערקערע מהלך מיט געוויסע נושאים, למשל שלימות הארץ - דאס האט אבער נישט מיט ציונות קיין שייכות.
די פראבלעם אז ביי די היימישע עולם אז סאטמאר האלט אין פראפאגאנדרען אז ווער ס'גייט נישט אין שפאן מיט די שיטה איז א ציוני, געשעהט #1 אז אסאך אידן [פון אלע חוגים און גילים] רעדן זיך איין אז זייערע רבי'ס אין עלטערען זענען טאקע געווען ציונים #2 יעדע זאך וואס האט מיט די מדינה ווער אוטאמאטיש געלעבעלט ציונית, קענסט מיר מסביר זיין וואס האט איינעם עבירות ווייל ער פריי צו טון מיט ציונות.
