"יו טיוב" טשענעלס - YouTube Channels

[פונדאַמענטאַל]

צוויי גוטע אפליקאציעס TubeMate און SnapTube.
עס איז נישט אויף די Play store, מען דארף דאונלאודן א APK.

[ברוך שפינוזה]

כ'האב מיך לעצטע וואך אנגעשטויסן אין א קאלעדש קורס איבער עקאנאמיקס פון א פראפעסאר פון בערקלי, ער איז צוקער זיס און ס'גיסט זיך פון איהם די טעם זקנים, ער פארציילט אויך אינטערעסאנטע אנעקדאטן פון זיין דינען אינעם קאבינעט פון ביל קלינטאן, ווי אויך איז זיס ווי ער טוט כסדר אונטערציפן די היינטיגע לינקע ראדיקאלישקייטן. בכלל האט מיך זיין וועג פון הסברה שטארק דערמאנט געוויסע פון מיינע קאלעדש פראפעסארס פון CUNY, האב איך מיך שוין אויך דערמאנט זיסע זכרונות פון מיינע קאלעדש יארן...

https://www.youtube.com/watch?v=1f2blKa ... bx2m_Rfsit

[שאלתיאל]

איך האב היינט געענדיגט וואטשן א סעריע פון זייער קלארע און ענערגישע Lectures איבער ניטשע איבערגעגעבן דורך Raymond Geuss.
Highly recommended פאר ווער ס'איז אינטערסירט זיך אין ניטשע

https://youtube.com/playlist?list=PLtj ... M1s5U_5qJ

[טמיר]

אינטערעסאנטע פאדקעסט סעריעס וואס איז מסביר אלע רעליגיעס.

אונטערעסאנט זיך צי זעהן אין שפיגל, ווי ער איז מסביר חסידים


בלייבט נאר איבער זיך וואנדערן וויפיל געפעפערטע הויזן ווייסן איבער חסידות וויפיל ער ווייסט

[הכנה דרבה]

כ'האב מיך לעצטנס אנגעשטויסן אין א טשאנעל איבער פילאזאפיע און ליטעראטור, כ'האב זייער הנאה פון זיינע אנאליזן אויף קלאסישע ווערק, דא האט איר א ביישפיל (ער מאכט זייער א קלארע סיכום פון מקיאוולי'ס דער פרינץ). ווי אויך האב איך שטארק ענדשויט זיין אנאליז אויף קאפקא'ס דער פארוואנדלונג, און נאך.

בקיצור, גאר א געשמאקע טשאנעל.

[ראדני]

די יוטויוב טשענעל איז א חקרן מיט געשמאקע נושאים אבער פונקט גענוג פאר א קרעפל פשעטל תורה, הייסט גענוג אויף צי הנאה האבן און נישט סתם קריכן און שפאלטען האר.

[ים רויבער]

די יוטויוב טשענעל איז א חקרן מיט געשמאקע נושאים אבער פונקט גענוג פאר א קרעפל פשעטל תורה, הייסט גענוג אויף צי הנאה האבן און נישט סתם קריסן און שפאלטען האר.

יאפ ער איז זייער גוט.

ער פלעגט נאר אמאל זיין אזויגערופען "אנבייעסד", לעצטנס שטיפט ער (אומדיירעקט) די לינקע אגענדעס.

צ.ב.ש: ביי די ווידיואו וואס די האסט דא ארויפגעברענגט רופט ער די אומלעגאלע אימיגראנטען "אימדאקומענטירטע אימיגראנטען", אויך דעקט ער די תועבות מיט א פאזיטיווע בליק.

[הכנה דרבה]

א נייע יוטיובערין וואס רעדט איבער קולטוראלע און סעלף העלפ נושאים מיט א ניכטערן בליק, די קאממאן סענס וואס זי שפייט אויס איז א קאממאדיטי אינעם הייטיגען דור (און איז אלץ געוועהן).
https://www.youtube.com/@justjuliajay/videos

[יש עתיד]

עס האט מיר אנגעכאפט א חשק דא אראפצושרייבן א ליסטע פון יוטיוב קאנאלן אויסגעשטעלט לויט די ענינים, ווי היסטאריע, פילאזאפיע, סייענס אא"ו, צו פארגרינגערן אביסל פאר איינער וואס זוכט זיך אויסצולערנען אדער פארברייטערן זיין וויסנשאפט אין סיי וועלכע ספעציפישע נושא. איך האף צו קאווערן א גוטע 15-20 נושאים. (ס'גייט נישט ארויף גיין אויף איין מאל נאר לענגאויס די קומענדיגע צוויי-דריי טעג).

עס זענען שוין ביזדערווייל דא אויסגערעכנט געווארן א קנאפע 73 קאנאלן, וואס זענען געווען גאר אינטרעסאנט פאר מיר פערזענליך, וועל איך פרובירן נישט צו רעסייקלען פון די נעמען וואס זענען שוין געווארן אויסגערעכנט נאר ברענגען בלויז נייע.

(למען האמת בין איך נישט די גרויסע ידען אין די אלע זאכן, איך וועל פרובירן צו דעקן כפי שידי (מוחי) מגעת).

לעטס געט סטארטעד.

1# היסטאריע

די גאר פאפולערע היסטאריע קאנאלן זענען ווי פאלגענד:

אווערסימליפייד. דא קען מען זעהן די באקאנטע קאפיטלען אין היסטאריע ווי די ערשטע וועלט קריג, צווייטע וועלט קריג, ציווילע קריג און נאך צענדליגער אזאלכע סטיל געשעענישן, אנשטאט זיך אראפזעצן ליינען א דיקע בוך איבער דעם, איז עס דא צוזאמגענומען אין 20-30 מינוטיגע ווידעאוס, הערליך שיינע אנימעישאן און גרינג צו פארשטיין.

היסטאריע. די נאמען פון די קאנאל איז בלויז דאס "היסטאריע", עס באשטייט מייסטנס פון לענגערע 'דאקומענטריעס' איבער פארצווייגטע נושאים ווי די באשאף פון די בריאה, די פיראמידן, עליענס און אזוי אויך היינטצייטיגע מלחמות און מאורעות.

עפיק היסטארי טיווי. דאס איז אויך היפש ענדליך צו די פריערדיגע און באשטייט פון 'עפיק מאמענטן' אין היסטאריע, אנגעפאנגען פון אלכסנדרוס מוקדון און רוימישע אימפעריע ביז די שלאכטן פון רוסלאנד און נאפאליאן און די צוויי וועלט מלחמות און יעדע אזא סטיל 'היסטארישע' מאמענט אין היסטאריע. שיין און קלאר אראפגעלייגט.

סימפל היסטאריע. שוין געברענגט 3 קאנאלן וואס לויפן בערך אויף די זעלבע שניט, גיי איך נאך דערמאנען איינס וואס לויפט אויך אויף די אופן נאר אביסל אנדערש, דאס האט אויך אנימעיטעד ווידעאוס אויף געשעענישן נאר איז אביסל מער ספעציפיש און דעקט מער אומבאקאנטע געשיכטעס וואס האבן זיך אפגעשפילט אין די לעצטע פאר הונדערט יאר.
ביאגראפיע און ביאגראפיקס זענען 2 קאנאלן אויף ביאגראפיעס. דא קען מען טרעפן ביאגראפיעס אויף אלע מענטשן אין היסטאריע פון מוכאמעד און בודהא ביז מארטין לוטער קינג און סאדאם חוסעין. הונדערטער ווידעאוס אויף קעניגן, פירער, קרימינאלן, אקטיוויסטן און פערזענליכקייטן פון אלע צייטן. איינס מער אויף א פאדקעסט סטיל און די צווייטע מער וויזשועל.

נאך עטליכע צו אויסרעכענען אין קורצן: די גרעיט וואר אויף אלעס ארום די ערשטע וועלט מלחמה, טאונסענדס אויף וויאזוי די לעבן האט אויסגעזעהן אין די 18'טע יאר הונדערט בעפאר טעכנאלאגיע און אלעס ארום, אלטערנעט היסטארי האב אויף "וואס וואלט געווען אויב...?" וויאזוי זאכן וואלטן אויסגעזעהן אויב.. די נאציס וואלטן געוואונען די מלחמה, אויב רוסלאנד וואלט געווען איסלאמיש, אויב על גאר וואלט געווינען די 2000 עלעקשאן וכו' וכו', עקסטרע קרעדיטס אויף היסטאריע קאפיטלען בכלליות און היסטארי סיוויליס, אויך שטארק רעקאמאנדירט.

[יש עתיד]

2# גיאגראפיע און מאפעס

די ערשטע גיאגראפיע קאנאל וואס קומט גלייך ארויף אין מחשבה איז געאגראפיע נאאוא קלאסישער קאנאל ווי דער האוסט -בארבי- זייער א בא'חנ'טער און הומאריסטישער לויפט דורך אלע 193+ לענדער וואס עקזיסטירן אין בייט-סייז 15-20 מינוטיגע ווידעאוס, ער איז מסביר די פיזישע געאגראפיע, פאן, קולטור, פאליטישע פירערשאפט פון יעדע לאנד בטוב טעם ודעת.

ריעל לייף לאור איז אויך גאר א פאפולערע קאנאל וואס דעקט אינטערעסאנטע היכי תמצא'ס, לו יצוייר'ס און אנדערע אינטרעסאנטע היפאטעטישע וועלט געשעענישן.

אטלאס פרא. פאר געאגראפיע ליבהאבער, דא קען מען טרעפן קאנטענט אויף אלעס ארום פיזישע געאגראפיע מיט אן עיון'דיגע בליק, ער צונעמט פארשידענע וועלדער, היילן, אינזלען, טייכן, באשעפענישן אא"וו, עס איז לענגערע ווידעאוס פון ארום 25-30 מינוט.

יעצט אפאר קאנאלן איבער געאפאליטיקס.

געאפאליטיקס איז אביסל הייקעל, מען דארף טרעפן איינעם וואס איז נישט בייעסד לטובת געוויסע ראיאנען איבער די וועלט, און אויך איינער וואס קען גוט פאראויסשאצן און נישט סתם בלאזט נישט אויף זאכן אוט אוו קאנטעקסט, איז האב איך געטראפן אפאר וואס זענען אינפארמאטיוו אבער אין די זעלבע צייט אויך קראנט.

פיטער זייהען. די נאמען איז שוין באקאנט פאר אסאך דא, ער איז פאפולער פארן ארויסגעבן עטליכע אויפגעכאטע ביכער איבער געאפאליטיקס, ער האט פאראויסגעזאגט צווישן אנדערע די רוסלאנד-אוקריינע מלחמה, אמעריקע'ס עקאנאמישע אפשוואך, און די אויפפשטייג פון נאציאניליזם און פאפוליזם, ער איז היפש קאנטעווערסיאל אבער אין די זעלבע צייט אנבייעסד או מער-ווייניגער אקוראט.

קאספיען רעפארט. אויך גאר שיין מסביר שווערע קאנצעפטן אין געאפאליטיק און אין זאכן וואס שפילן זיך אפ איבער די וועלט.

דזשאני העריס. העריס צונעמט גאר שיין א זאך, די דעטאלירטע מאפעס און אילוסטראציע בילדער אין זיינע ווידעאוס איז צום שטוינען. ער האט ווידעאוס איבער פארשידענע קאנפליקטן ארום די וועלט מיט אן אינטרעסאנטע פוינט אף וויו. פארט, קען ער טייל מאל גאר שטארק אויפבלאזן און מאכן פון א קליינע קאנפליקט אין אפריקע א פאטענציאלע דריטע וועלט קריג. מיט דעם אלעם איז ער לכאורה די בעסטע וואס איז דא.

נאך עטליכע גאגראפיע קאנאלן ווערט אויסצורעכענען: דזשענעראל נאלעדזש, איבער לאנד מאפעס און היסטאריע. געאגראפיע ביי געאף, איבער דעמאגראפיע און פארוואס געוויסע שטחים זענען מער באוואוינט ווי אנדערע. סיטי ביוטיפאל, איבער סיטיס. וויליאם ספעניעל איבער געאפאליטיק.

[יש עתיד]

3# ביאלאגיע

אמאל פלעג איך מיינען ביים הערן די טערמין 'ביאלאגיע' אז דאס באשטייט סך הכל פון פארשן די מענטשליכע גוף, מיט די צייט האב איך זיך אויסגעלערנט אז ביאלאגיע איז גאר א ברייטע ווארט וואס רעכנט אריין צווישן אנדערע: יומען אנאטאמיע, בוטאניע, זאאלאגיע, גענעטיקס, ביא-כעמיסטריע, פאליענטאלאגיע, פיזיאלאגיע און נאך. אין קורצן: אלעס וואס האט נאר שייכות מיט לעבעדיגע באשעפענישן אדער פלאנצונגען, וועט מען גיין אויף א סדר.

די מענטשליכע גוף:

קענהאב. הונדערטער ווידעאוס ווי מען קען זעהן איבערבליקן אויף די איברים און ארגאנען פון א מענטש, א שטייגער ווי די מוסקל סיסטעם, בלוט צירקולאציע, און אימיון סיסטעם, עס איז באופן אנומעישאן וואס מאכט עס גרינגער צו זעהן קלארער און פארשטיין בעסער.

אנאטאמיע זאון. טרי-די לעבעדיגע אילוסטראציעס אויף די מענטשליכע גוף, מען קען זעהן ממש לעבעדיג די מח, שדרה, אויגן, אויערן אא"וו.

צעלן און די. ען. עי.:

נוקלעאס מעדיקעל מידיע. אויך גאר שיין און קלאר מסביר אין טרי-די וויזואלאציע איבער די צעלן סטרוקטור און די ען עי און וויאזוי א בעיבי וווערט געפארעמט , גענעטיקס און די גאנצע סוגיא ארום.

אמיבי שוועסטער. ביאלאגיע בכלליות, נערוו סיסטעם, צעלן סטרוקטור און די ען עי פארדייאונג סיסטעם, אויך הערליך שיין און זיס, אפי' קליינע קינדער קענען פארשטיין. ווידעאוס זענען ע"פ רוב אונטער 10 מינוט.

פאליענטאלאגיע (דיינעסאורס און פרי-היסטאריק לייף):

פי בי עס עאנס. א פראפעסאר נעמט אייך אויף א רייזע אויף היסטאריע פון מיליאנען יארן צוריק ווען דינאזארן האבן דאמינירט די וועלט, אלע קשיות ארום עוואלאציע, וויאזוי זאכן האבן זיך פארמירט, און וויאזוי די מענטשליכע מין האט איבערגענומען די וועלט. (צו דאס איז אמת צו נישט, גיי איך נישט אריין יעצט).

היסטאריע אוו די ערט. לאנגע 50-60 מינוטיגע ווידעאוס אדער דאקומענטריעס איבער די לעבן מיליאנען יארן צוריק.

איבער באשעפענישן:

בי בי סי ערט. רייכע קוואליטעט דאקומענטריעס אויף א ברייטע אויסוואל פון באשעפענישן, אינזעקטן, און אונטערוואסער באשעפענישן, די קאנטענט דא איז אינפארמיטייוו, שטוינענד צו מיטהאלטן, און פראדוצירט דורך עקספערטן אין די פעלד.

נעט דזשיאו וויילד. דאס איז א צווייג פון נעשיונעל דזשיאגרעפיק, און גייט אויך ענליך ווי בי בי סי, עס גייט אריין אין די לעבן פון א באשעפעניש, און איז עס מסביר לעומקו, באגלייט מיט לעבעדיגע פוטעדזש פון די באשעפענישן.

[יש עתיד]

4# פיזיקס

צופיל פיזיקס קען איך נישט אנפארטשענעטלי, קען איך נישט יורד זיין לעומקה, וועל איך ברענגען די מער אויבערפלעכליכע קאנאלן וואס רעדן פאר בעגיננערס.

פיזיקס גירל. איז א יוטיובערין וואס טוט דורך פארשידענע דורכברוכן אין די פעלד פון סייענס, זי איז אויך שיין מסביר פארשידענע קאנצעפטן אין פיזיקס ווי בלעק האול'ס און קוואנטום מעקעניקס. אזוי אויך מאכט זי צומאל ווילדע עקספרימענטען און טשאלענדזשעס, צווישו אנדערע גייט זי אריין אין וואסער אין א נוקלעארע סובמארין אין די ארקטיק אקעאן, צו עקספרימענטן.

סטאר טאלק איז די פאדקעסט און שאו פונעם גרעסטן אסטראפיזיסיסט פון היינטיגע צייטן ניעל דיגרעס טייסאן, ניעל איז גאר א שארפער קאפ, א דזשעני, אבער צו די זעלבע צייט האט ער זייער א צוגעלאזענע זיסע וועג פון רעדן און מסביר זיין, און אויף זיין פאדקעסט טוט ער דורך מיט אנדערע געסט פארשידענע אינטרעסאנטע חקירות ארום די יוניווערס און נאך אסאך.

ארווין אש. פערזענליך מיין בעסטע יוטיובער ווען עס קומט צו פיזיקס, ער גיבט צו פארשטיין פשוט די פונדאמענטעלס פון פיזיקס, אנגעהויבן פון די בעיסיקס: קראפט, ליכטיגקייט, גרעוויטי, ביז אביסל טיפער ווי איינשטיין'ס טעאריע פון רעלאויוויטעט, קוואנטום פיזיקס, גאר קלאר מסביר מיט הערליכע אנימעישאן ווידעאוס.

פי בי עס ספעיס טיים. גייט אויך אויף אן ענליכע שניט נאר איז אביסל מער עדווענסד, עס רעדט ארום איבער פיזיקס און ספעיס מיט פארשידענע אינטרעסאנטע שאלות ארום די סייז פון די יוניווערס, צייט, ליכטיגקייט אא"וו.

[יש עתיד]

5# כעמיסטריע

פעריאדיק ווידעאוס. צו פארשטיין די יסודות פון כעמיסטריע, כעמיסטריע ווי באקאנט איז געבויעט אויף 'די פעריאדיק טעיבל' א טאוול מיט 118 עלעמענטן, דא קען מען זעהן א ווידעאו אויף יעדע באזונדערע עלעמענט ווי העליום, היידראזשין, אקסיגין, אייראן אא"ו. אזוי אויך דעקט עס נאך פארשידענע זאכן אין כעמיסטריע, די שפראך איז אביסל אומקלאר, און איך האב געהאט אביסל שוועריגקייטן צו רילעיטן אבער אולי פאר אנדערע וועט עס יא זיין הילפבאר.

די ארגאניק כעמיסטריע טוטאר. דא קען מען טרעפן לענגערע מער פראגמאטישע לעקציעס אויף כעמסטריע, פיזיקס און מאטמאטיקס, עס באשטייט פון טויזנטער יוניווערסיטי-לעוועל ווידעאווס, די לעקציעס זענען אבער אויף גאר א טעכנישע און טרוקענע אופן וואס מאכט עס אביסל שווער צו פארשטיין פאר די פשוט'ע צוקוקוער.

פראפעסאר דעיוו עקספלעינס. אה, דא קען מען שוין יא זעהן שיינע קלארע לעקציעס, אין א סדר, אויף כעמיסטריע, עלעמענטען, מאלעקיולס,און כעמישע איקוועיזשאנס, עס איז אויך פאר סטוטעדענטן וואס נעמען עקזעמס, דאך קען די דורכשניטליכע פערזאן אויך פארשטיין. (די לינק גייט אויף א פלעיליסט איבער כעמיסטריע, ער האט נאך לעקציעס אויף צענדליגע אנדערע נושאים ווי מאטעמאטיק, פיזיקס און נאך וואס איז אויך היפש אינטרעסאנט דורכצוקוקן).

יעצט אפאר לינקס איבער כעמישע עקספרימענטן:

נייל רעד. מאכט אינטרעסאנטע עקספירימענטן ארום כעמיסטריע, מישט עלעמענטן, און פארוואנדלעט צווישן אנדערע פעינט טינער צו טשערי סאדע, און מאכט קאטאן קענדי פון קאטאן באלס.

עקספלאודזשענס און פייער, מאכט שטארקע אויפרייסן און עקספירעמענטן דורך פארשידענע כעמיסטריע מישעריי.

[יש עתיד]

6# פסיכאלאגיע

סייק-טו-גאו. דאס קען מיינעך ווערן אנגערופן די אלגעמיינע פסיכאלאגיע טשענעל. עס סימפל עס דעט. דא קען מען טרעפן א קוואל פון טויזענטער ווידעאוס אויף אלעס פארבינדן צו פסיכאלאגיע און מענטעל העלט: ענקזייעטי, פחד, טראומא, רילעישאנשיפס, און נאך צענדליגער נישט אזאלכע באקאנטע דיסארדערס, פארשידענע סארטן טעראפיעס ווי סי.בי.טי, סייקאדיינעמיק און נאך, אראפגעלייגט אויף א פשוט'ע שפראך, פראקטיש מיט עצות אויף למעשה וויאזוי זיך צו ספראווענען מיט דעם.

ברעיני דאוז. א טיפישע מענטעל העלט טשענעל, כמעט יעדע ווידעאו איז געבויעט פון אזא כמו 'ליסטע' אדער 'אנומעראציע' (כ'ווייס נישט די ווארט וואס מ'נוצט) פון ידיעות, עצות און אנווייזונגען. צב"ש: "10 צייכענעס צו דעשיפרירן אז איינער זאגט ליגנט און וויאזוי עס צו באהאנדלען", "7 געוואונהייטן פאר א פרייליכע לעבן", "13 ברוטאלע פאקטן איבער רילעישאנשיפס" אא"וו, קלאר און געשמאק צו דורכקוקן, און מען קען א געוואלד קונה זיין, און טאפ טינק, וואס לויפט אויף אן ענליכע שניט, נאר גייט אביסל טיפער און גרונטליכער, עס טוט אויך דורך די ניוראלאגיע און טעכנישע חלקים וויאזוי די מח פונקציאנירט.

סיישאו סייק. דאס איז שוין נישט מענטעל העלט נאר טאקע פסיכאלאגיע, א צווייג פון א גרעסערע קאנאל 'סיי שאו', עס רעדט איבער די מענטשליכע מח און וויאזוי עס זעהט זאכן אין די וועלט.

סקול אוו לייף. א שטיקל קאמבינאציע פון פסיכאלאגיע און פילאזאפיע. עס איז זייער רייך און דעקט זייער א ברייטע פעלד פון נושאים, אויב איינער וויל דורכטון אין די היסטאריע פון פסיכאלאגיע, צב"ש וואס האבן פרויד און יונג ביישטייערט צו פסיכאלאגיע, גריכישע פילאזאפיע און וויאזוי עס צו נוצן היינט, אזוי אויך פיל פיל געלונגענע נוצבארע אנימעיטעטעד ווידעאוס וויאזוי זיך אומצוגיין אין לעבן.

מארק מענסאן. ער איז די מחבר פון עטליכע בעסט-סעלער סעלף-העלפ ביכער ספעציעל The Subtle Art of Not Giving a F**k, ער נעמט גאר אן אייגענארטיגע שטעלונג וויאזוי צו לעזן אלע פראבלעמען: געב נישט קיין פ---- פאר גארנישט, פונקטליך וואס די בוך ברענגט ארויס איז אן אריכות'דיגע שמועס, אבער לעניינו דער איז גאר א געשליפענער שרייבער מיט א זעלטענע חוש פון הומאר, לעצטנס האב איך מיך אנגעשטויסן אין זיין יוטיוב קאנאל און זיין רעדן איז נישט צופיל אנדערש, מיט א לויזע שפראך שטעלט ער צו פארשידענע מעטאדן וויאזוי צו לעבן א בעסערע זארגלאזע לעבן.

ענדרו הובערמען- הובערמען לעב פאדקעסט. א פאפולערער פאדקעסטער און ניוראלאגיסט, זיין פאדקעסט די 'הובערמאן לעב פאדקעסט' איז די מערסט אויסגעהערטע אין די קאטעגאריע "געזונטהייט", אויף עפל און ספאטיפיי, ער מיט זיינע געסט שמועסן אויס פארשידענע זאכן פון סטרעס ביז שלאפלאזיגקייט און עקסערסייז פון די שטאנדפונקט פון א פראפעסאר און מח דאקטאר.

אימפראוומענט פיל און פראקטישע פסיכאלאגיע זענען אויך זייער רייך און אינפארמאטיוו.

[יש עתיד]

7# פילאזאפיע

פילאזאפיעס פארן לעבן. אויב וויל זיך איינער באקענען מיט די וועלט פון פילאזאפיע און פארשידענע פילאזאפישע מושגים און טעאריעס וואס האבן זיך אנטוויקלט במשך די יארן ווי עקזיסטענטשעליזם, סטואיסיזם, דאואיזם, ניהיליזם, דעטערמיניזם אא"וו איז ראטזאם דא צו כאפן א בליק.

איינצולגענגער. עס איז א שטיקל געמיש פון סעלף-העלפ און פילאזאפיע, אין אנדערע ווערטער עס לערנט נישט אויס חכמת הפילאזאפיע נאר ענדערש וויאזוי צו נוצן פארשידענע פילאזאפישע טעאריעס אויף למעשה ווען מען מוטשעט זיך מיט שוועריגקייטן, צום ביישפיל: וויאזוי צו גרייכן און זיין סוקסעספול אין לעבן דורך די גריכישע 'סטואיזיזם' און וויאזוי די כינעזע ערפינדענע 'דאואיזם' קען ברענגען שלווה און רואיגקייט.

עטערנעלייזד. נישט עפעס מורא'דיג, אבער האט אן אינטרעסאנטע סעריע איבער פרידריך ניטשע'ס באקאנטע "עקזיסטענטשיליזם" טעאריע און איבער קארל יונג. אזוי אויך האט עס א סעריע וואס איז מסכם אין 10 מינוט אזויפיל ווי 25 באקאנטע פילאזאפיע ביכער.

פערסוט אוו וואנדער. זייער אינטערסאנט און אייגענארטיג. רוב ווידעאו'ס הייבען זיך אן מיט א פיקטיווע געשיכטע אריינצוברענגען אין די מצב, און נאכדעם אנטוויקלט זיך אינטרעסאנטע חקירות אין פילאזאפיע און נאך.

לעטס טאלק פילאסיפי. ווידעאוס איבער דאס לעבן און שאפן פון באקאנטע פילאזאפער ווי סוקראטוס, פלאטו, שפינוזה, מאקיעוועלי אא"וו.

[יש עתיד]

8# מאטעמאטיק

מעטענטיקס. א יוטיוב קאנאל ארגינעל געמאכט פאר קינדער, אבער פאר איינער ואס וויל גרינגערהייט פארשטיין בעיסיק מאטעמאטיק איז דאס זייער פראקטיש, עס דעקט די טאג טעגליכע מאטעמאטיק נושאים פון פערסענטעדזשעס, סטאטיסטיקס, פראקשאנס, געאמאטריע, און פרי אלגעברע.

קהאן אקעדעמיע. דאס האט שוין @מי אני פריער דערמאנט אבער איך קען דאס נישט ארויסלאזן, נאכן האבן געשפענדט א סך הכל פון ארום 15-20 שעה אויף די קהאן אקעדעמיע עפפ, מיין איך אז דאס איז "די" פלאץ צו לערנען מאטעמאטיק, פון א' ביז ת' הכל בכל, צו ס'איז געאמאטריע, אלגעברע אדער פשוט'ע דיווידזשאן און פרעקשין אלץ קען מען דא טרעפן, קען זיין ער רעדט אביסל שטאט און איז זיך צופיל מסביר, פארדעם איז דא אן אפציע סיי אויף יוטיוב און סיי אויף די וועבסייט/עפפ פון מאכן די ספיד אביסעלע שנעלער צו 1.5 צו 2 וויאזוי ס'איז באקוועם.

נומבערפייל. אביסל קאמפליצירט אבער גוט מסביר שווערע סוגיות אין מאטעמאטיק באגלייט מיט לעבעדיגע אילוסטראציעס ווי ריעמאן היפאטעסיע, פערמעט'ס לעצטע טעאריעם (איך באבל דא נאך ווערטער וואס איך ווייס נישט בחייכון וואס דאס מיינט, איך האב פשוט אויפגעברענגט די טשענעל ווייל עס איז כמעט די גרעסטע אין מאטעמאטיק און ראנקט גאר הויך אין די ליסטע פון עדיוקעישענאל יוטיוב קאנאלן).

נאך עטליכע אין קורצן:
ווייהארט. קאמפליצירט אבער אויך אינטרעסאנט באציט זיך בעיקר אויף געאמאטריע און פיי ציפערן. מאטעמאטיק און סייענס. זיך צו פילן ווי אין דריטע קלאס, א לערער אויף א ווייט באורד דעקט גאר שיין אלע נושאים מען קען אנפאנגען אין א סדר ביי די פלעיליסט סעקשאן, צו מער אין אנפאנג ווי צוטיילן ,פראקשאנס, און דעסימעלס צו די מער קאמפליצירבנדע חלקים ווי קאלקולוס און אלגעברע (אויך האט ער נאך אינטרעסאנטע שיעורים אויף סייענס, פיזיקס און ביאלאגיע) מאטעאלאגער. אנומעיטעד ווידעאוס איבער מאטעמאטישע רעטענישן וואס וויסנשאפטלער ברעכן זיך שוין יארן די קאפ, זייער אינטרעסאנט.

[יש עתיד]

9# ביזנעס און אינוועסטינג

כ'וועל גיין אין א שטיקל כראנאלגישן סדר:

קאריער ווידז. פאר פרישע וואס זוכן ארבעט וויאזוי צו מאכן רעזומעיס און דזשאב אינטערוויו טיפס.

קארי וועין. פאר ארבעטער ואס זענען שוין אינעם ארבעטס קראפט, וויאזוי צו פארבעסערן קאמיונאקאציע סקילס, זיין מאטיווירט, און וויאזוי עווענטועל צו פלאנען גרעסערע צילן.

דזשעף סו. געבט כלליות'דיגע עצות פאר ארבעטער אויף פילע נושאים, צווישן אנדערע טריקס אין קאמפיוטער, וויאזוי צו פארשנעלערן ארבעט, זיין פראדוקטיוו, און וויאזוי צו נוצן די פלאטפארמע לינקדאין.

די פינאנציעלע דיעטע. איבער באדזשעטניג, וויאזוי צו אפהיטן געלט, ווי קען מען זיך איינצוימען די פאסיק און נישט אריינפאלן אין חובות.

גרעהעם סטיווען. א סוקסספולע ריעל עסטעיט אינוועסטאר און ענטראפענוער. ער געבט עצות פון פערזענליכע עקספריענס איבער באדזשעטינג, סטאק מארקעט און ריעל עסטעיט אינוועסטינג.

פרא-אקטיווע טראכטער. עצות און העקס בכלליות פאר אינוועסמענט, פראדוקטיוויטי און סוקסעס.

טאני ראבינס. א באקאנטע ביזנעס פיגור, רעדנער, ביזנעס קאוטש, און בוך ארויסגעבער, ער קען גאר גוט אויפהייטערן און אריינברענגען חשק, און אין די יוטיוב קאנאל קען מען זען אסאך פון זיינע רעדעס.

[יש עתיד]

10# סייענס (בכלליות)

כ'גיי ברענגען עטליכע קאנאלן וואס דעקן סייענס בכלליות און זעען אויבנאויף אויס די זעלבע איז צו קענען פונאנדערשיידן די חילוק וועל איך ברענגען פון יעדע איינס עטליכע דוגמאות צו זעהן אויף וועלכע שניט ער לויפט.

טעד עד. פון די זעלבע ארגענאזאציע וואס מאכט די טעד טאלקס קאנפערענצן. די ווידעאוס זענען אויך אנומעיטעד. און דאס דעקט אלעס אלעס. יעדע נושא וואס נען קען זיך נאר פארשטעלן. פון רעדן ברבים ביז קוואנטום מעכאניקס. מען קען טרעפן פלעיליסטס אויף אזאלכע נושאים ווי ליטעראטור, ענדזשינורונג, פאליטיק, נאטור און אפילו פאעזיע. ביישפילן זענען: "וואס איז דעפרעסיע", "קענסטו לעזן איינשטיין'ס חידה", "די מיטאלאגיע אונטער די כינעזע זאדיאק סימבאלן".

סיי שאו. שוין פריער האלבוועגס דערמאנט. א כאריזמאטישע לערער געבט לעקציעס אויף סייענס פון אלע סארטן. ספעיס, פיזיקס, פסיכאלאגיע, ביאלאגיע, כעמיסטריע וכו'. עס איז לאו דווקא א סעריע פון לעקציעס נאר יעדע ווידעאו איז אן עפיזאד פאר זיך. ביישפילן זענען: "די קליינע טי-רעקס פאססיל וואס ברענגט א גרויסע סייענטיפישע איבערקערעניש", "וויפיל פון די 'פעריאדיק טעיבל' איז אין דיר", "די אמת איבער גינגערס (רויט האריגע)".

בי סמארט. ווערט געהאוסט דורך דזשאו הענסאן, אן ענערגישער סייענטיסט וואס קוקט אן דורכשניטליכע זאכן מיט א טיפערן בליק. ביישפילן פון זאכן וואס ער דעקט זענען: "וויזאוי וועט די פלאנעט אויסקוקן אין 100 מיליאן יאר ארום", "פארוואס דארף די מענטשליכע גוף שלאף", "פארוואס האט חודש פעברואר 28 טעג", פשוט'ע קשיות אבער קאמפליצירטע תירוצים.

עיסעפ סייענס. עיסעפ האט זיך באקאנט געמאכט פאר א נייע סטיל פון מאכן ווידעאוס, ער מאלט אויף א ווייטבאורד אבער גאר שנעל, אזש עס קען זיך דאכטן אז ער פלאצירט?? ער איז בעיקר פארנומען מיט זאכן דירעקט פארבינדן צו מענטשן, א שטייגער "וויאזוי אויפגעבן אלקאהאל אקפעטירט די מח" און "פארוואס קענען געוויסע מענטשן נישט אויפהערן טראכטן פון ליבשאפט און אינטימעסי".

ווי סאוס. מאדנע קשיות וואס קענען צומאל אויפרענגען א שמייכל, קומט ער אויף מיט א גאר טיפע סייענטיפישע הסבר "וויפיל וועגט די אינטערנעט?" צו וועם באלאנגט די לבנה?" אויך אינטרעסאנטע פאראדאקסן וואס קען מאכן די קאפ שווינדלען, פון זיינע פאפולערע וויעאוס זענען "מיינד רידינג" געזעצן און גורמים" און "די עלעקטראנישע מח".

סי דזשי פי גרעי דיסקוסירט זייער שיין פילע נושאים ווי עקאנאמיקס, היסטאריע, די אינטערנעט און פארשידענע קולטורן. סייענס טשענעל דעקט אויך כמעט אלעס, פון וויאזוי קאמפיוטערס ווערן געמאכט ביז ביז שטורעמס אין דזשופיטער. קוראנוס. גייט אין די פוסטריט פון קורצגעזאגט. און דאמעין אוו סייענס צונעמט יעדע זאך דורך מאפעס, דאס העלפט סיי אריינצוברענגען קלארקייט אין די כראנאלאגיע וויזאזוי צו לערנען און אויך העלפט עס געדענקען און זיך איינ'חזר'ן בעסער.

[האי פרושא]

אינטערסאנט

20240620_195559.jpg