וויאזוי קען מען מאכן טוישן די ווייב'ס לבוש ווען ס'איז שווער

[סוף טוב הכל טוב]

ס'איז פאר קיינעם נישט קיין סוד וויאזוי די גאס קוקט אויס היינט, איך קום פון א חסידישע שטוב און איך האב חתונה געהאט אויף די סטאנדארט (שייטל מיט א העט), לעצטענס האט זיך מיר פארשמעקט און ס'ברענט מיר אז מיין ווייב זאל זיך אנטון א בלויזע שייטל אבער זי שרייט חי וקיים האסט מיך גענומען וויאזוי איך בין און איך וויל נישט אראפגיין א דרגה אא"וו. וויל איך דא פרעגן די עולם זאל איך משלים זיין מיטן מצב (איך ווייס נישט פונקטליך וויאזוי) אדער ס'איז דא א אנדערע וועג?

די תירוץ איז זייער סימפל, א פרוי איז נישט קיין object, זי איז א מענטש פונקט ווי דיר און מיר. אויב דו ווילסט עס just פאר דיין הנאה וועט דיר עס נישט זאט מאכן.

וואס גייט דיך אן וויאזוי זי גייט אין גאס?

[מנחם מנדל]

@סוף טוב הכל טוב ווייל עס איז זייער א נארמאלע זאך אז עס זאל פאר א מענטש אינטערעסירן וויאזוי "זיין" ווייב גייט אנגעטאן אין פירט זיך אויף, אין דאס גייט אויף ביידע וועגן סיי מיט די אינגערמאן וואס וויל זיין ווייב זאל טראגן א שפיצל אין געבן א פרומע רבי'שע אימפרעסיע, אין סיי דער אינגערמאן וואס וויל אז זיין פרוי זאל אויסזעהן אהערגעשטעלט.

פארשטייסט עס באמת נישט?

[Visionary]

איך וואלט רעקאמענדירט פאר דער עולם צו וואטשן די סעריע פון שיעורים פון מארק גאנגער, A tale of two brains.

[Visionary]

איך וואלט רעקאמענדירט פאר דער עולם צו וואטשן די סעריע פון שיעורים פון מארק גאנגער, A tale of two brains.

[ווייסעכניש]

@סוף טוב הכל טוב ווייל עס איז זייער א נארמאלע זאך אז עס זאל פאר א מענטש אינטערעסירן וויאזוי "זיין" ווייב גייט אנגעטאן אין פירט זיך אויף, אין דאס גייט אויף ביידע וועגן סיי מיט די אינגערמאן וואס וויל זיין ווייב זאל טראגן א שפיצל אין געבן א פרומע רבי'שע אימפרעסיע, אין סיי דער אינגערמאן וואס וויל אז זיין פרוי זאל אויסזעהן אהערגעשטעלט.

פארשטייסט עס באמת נישט?

זייער אסאך מאל ווען די מאן וויל געבן א געוויסע אימפרעשאן מיט זיין ווייב וויל ער באמת אסאך מער וויפיל ער בעט יעצט און עס האט נישט קיין גבולים (און באמת וויל ער זאכן וואס זי גייט עס נישט קענען טון)

[yesiknow]

אסאך מאל וויל דער מאן זיין "בעטער העלף" זאל אים זיין ציעדיג, אן אנדערע מאל וויל ער נעבעך זי זאל אימפרעסן (מנהל) אנדערע. עס איז הימל און ערד, שני הפכיים בנושא אחד, בבחינת הפך קערה על פיה.

[berlbalaguleh]

דאס געשעהט געוויינליך ביי מענשטן וועלכע זענען כמו בעלי תשובה. נישט ממש. נאר זיי ווערן "פרומער".

איך קען איינעם וואס זיין טאטע איז געווען א הייסער אגוד'יסט אין זיינע יונגע יארן. ער האט אפילו געגעבן פאר זיין זון א נאמען נאך אן אגודיסט'ישן מנהיג. נאר היינט איז ער פון די סאטמאר'ע (שטארקע) קנאים. ער איז אין איין שיטה מיט די מעשים פון די נטורי קרתא. זיין ווייב איז געגאנגען נארמאל מיט א הוט אויפ'ן שייטל. איין טאג האט איהם אנגעכאפט די משוגעת און ער האט געהייסן זיין ווייב אז זי זאל אנטון א שפיצל. ער איז געבליבן דער זעלבער ליידיגייער.

[קלוגע יודל]

דער אגרות משה אה"ע ח"ד סימן ל"ב פסק'נט אז א מאן קען נישט צריקהאלטן זיין פרוי פון גיין א שייטל ווייל דאס האט נישט מיט עם, און ער קען איר נישט צווינגען אנצונעמען זיינע חומרות. אבער פון די אנדערע זייט אויב וויל ער זי זאל זיך נישט שערן די האר איז זי יא מחוייב צו טוהן רצון בעלה ווייל דאס האט יא מיט דער מאן, און לכאו' איז די זעלבע ווען ער וויל זי זאל גיין מיט א שייטל.

דערמאנסט מיר די מעשה וואס איך האב געהערט אלס קינד: א מענטש איז דורכגעגאנגען די גאס בשעת דער לעקטער איז געווען גרין און ער זעהט א קאר קומט צו פארן. ער רעגט זיך אויף (בארעכטיגט) היתכן דו ביזט נישט גערעכט מר. דרייווער דו טארסט נישט יעצט פארן! פאר דיר איז די ליכט רויט

אבער אויב פאר׳עקשנ׳ט ער זיך אז ער איז גערעכט און גייט ווייטער אינמיטן גאס, וואס וועט געשעהן: ער קען בלייבן גערעכט און איבערגעטראטן

נישט קיין חילוק וואספארא ראיות דו ברענגסט אז דער מאן איז גערעכט, וועט ער צאלן א טייערע פרייז אויב ער צווינגט איר צו טון וואס זי וויל נישט (ס׳דא אסך וועגן פון צווינגען. כסדר קריטיקירן ביז יענער געבט זיך אונטער אדער סיי וועלכע אנדערע אופן) ווי דו צווינגסט ארויף דיין רצון אויף יענעם האט גרויסע קאנסעקווענצן

און היברעיש זאגט מען: תיהיה חכם, ואל תיהיה צודק...

[מחונך]

גראדע איז דא א חילוק צווישן א מאן טוישן הוט ווס. א פרוי טוישן קאפ צודעק,
ס'דא גענוג און נאך פרויען וואס טוישן זיך, דער וועגן א קבלה, דער וועגן א חולה וכו', ס'דא אסאך.
ממילא איז עס נישט אזוי שווער.

מה שאין כן מענער,
ווער טוישט הוט נאך די חתונה?
כ'רעד נישט אז מ'טוישט גלייך נאך די חתונה, כ'רעד סתם איין טאג אויפן צווייטן, דער האצעך פארפלאטשיגט...
ס'נישט דא.

טוישן צו א "העכערע" לעוועל

[צוקוועטשטע איילבירטן]

גראדע איז דא א חילוק צווישן א מאן טוישן הוט ווס. א פרוי טוישן קאפ צודעק,
ס'דא גענוג און נאך פרויען וואס טוישן זיך, דער וועגן א קבלה, דער וועגן א חולה וכו', ס'דא אסאך.
ממילא איז עס נישט אזוי שווער.

מה שאין כן מענער,
ווער טוישט הוט נאך די חתונה?
כ'רעד נישט אז מ'טוישט גלייך נאך די חתונה, כ'רעד סתם איין טאג אויפן צווייטן, דער האצעך פארפלאטשיגט...
ס'נישט דא.

טוישן צו א "העכערע" לעוועל

קענסט אזא איינם?

[Chasidishmashpia]

נו? האסט מצליח געווען?