אידישע פרויען אלס זונות אין נאצישע לאגערן

[DotCom]

פאר לאנגע יארן נאך דער מלחמה איז געווען אנגענומען אז אידישע פרויען זענען געווען באשיצט פון [שרייב נישט קיין אומאיידעלע ווערטער. מנהל] באצוואונגען ווערן דורך די דייטשע רוצחים צוליב די טרויעריג בארימטע נורעמבערג געזעצן וואס האט צווישן אנדערע אויך פארבאטן 'ראסען-שאנדע', דאס הייסט די ריינע דייטשע ראסע האבן נישט געמעגט פארשעמען זייער כבוד און אויסמישן זייער בלוט מיט די נידעריגע אידן, עס איז אויך אייביג באקאנט געווען אז היינריך הימלער האט שוין אין 1941 אויפגעשטעלט צענדיליגע בתי זונות אין מזרח אייראפע פאר זיינע סאלדאטן, אבער דעמאלטס האבן זיי נישט געפאנגען אידישע מיידלעך נאר גויאישע מיידלעך פון גאס, אדער האבן זיי געצוואונגען די זונות וואס האבן געארבעט דארט פון פאר דעם צו ארבעטן ווייטער בחנם פאר די וועהרמאכט.

אביסל שפעטער אין די מלחמה בערך אין 1943 איז געגרינדעט געווארן בתי זונות אינעווייניג אין די צוואנגס לאגערן, דאס איז אבער נישט געווען אפיציעל פאר די דייטשן נאר פאר אנדערע -נישט אידישע- געפאנגענע, זיי פלעגן קענען באקומען א פרוי פאר 20 מינוט אלס באלוינונג פאר זייער פלייסיגע ארבעט אדער פאר געלט וואס זייער משפחה האט געשיקט פונדערהיים, די אידן אבער האבן קיינמאל נישט געמעגט און נישט געקענט אהינגיין.

מיט די יארן איז אבער צוביסלעך באקאנט געווארן אז דייטשן פלעגן זיי אויך נוצן אויף א סיסטעמאטישן וועג, הימלער פלעגט אהינשיקן די נאצישע האמא'ס פאר טעראפי זיי אויסצוהיילן פון האמאסעקסואליטי וואס היטלער פלעגט אנקוקן אלס פעלער אין די ראסע, אזוי אויך איז צוביסלעך באקאנט געווארן אז מען פלעגט זיי נוצן צו קאנטראלן און דערנידערן זייער זעלסטווירדע, און צוברעכן זייער אחדות דורך פארמערן קנאה, ווייל די זונות פלעגן באקומען בעסער צו עסן און די חברתות האבן עס נישט געקענט אויסהאלטן.

במשך די מלחמה איז אין טאטאל פון אלע בתי זונות געווען איבער 34000 פרויען וואס האבן געצוואונגענערהייט געדינט אלס זונות פאר די דייטשן, פון די לאגערן בתי זונות זענען געווען בערך 10-11 טויזנט פרויען וואס רוב דערפון זענען אויסגע'הרג'ט געווארן ווייל זיי זענען שוואך געווארן פון צופיל נוצן, אדער קראנק געווארן פון STD's, אסאך זענען פרעגנענט געווארן און זענען ליידער געשטארבן ווען די דייטשן האבן פראבירט צו מאכן אויף זיי געצוואונגענע אבארשען'ס, פון די וואס האבן איבערגעלעבט האבן זייער ווייניג פארציילט זייער היסטארי צוליב די בושה דערפון, קיינער האט נישט געוואלט אז זייערע קינדער און אייניקלעך זאלן וויסן אז זיי האבן געדינט אלס זונה פאר די דייטשן.

לעצטענס האב איך אבער געליינט אין א ביכל פון 1946 פון דר. חיים שאשקעס וואס באשרייבט איין אזא איבערלעבעניש פון א פרוי וואס האט געדינט אלס זונה אין אוישוויץ, און אויף איר הענט איז געווען אויסגעקריצט איר נאמבער און דערנעבן די ווערטער 'יודן-הארע' - jewish-whore.

דר. שאשקעס איז געווען א ווארשעווער איד, ווען די מלחמה האט זיך אנגעהויבן איז ער געווען פון די יודענראט אין ווארשע, ווען די דייטשן האבן אים איינמאל געבעטן צוצושטעלן בתי זונות אינעם געטא האט ער אפגעמאכט אז גענוג איז גענוג און ער איז אנטלאפן קיין אמעריקע, אין 1946 ווען די חורבנות זענען נאך געווען פריש, און מארד פאר א שטיקל ברויט איז נאך געווען נארמאל, איז ער -טראץ די גרויסע סכנה דערפון- ארומגעפארן איבער פוילן מיט א מיליטערישן מונדיר, און ער האט אינטערוויוט איבערלעבער'ס און דאקומענטירט זייערע געשיכטע'ס, שפעטער האט ער עס פובליצירט אין פארם פון א ביכל, און אדאנק סטיווען ספילבערג קען מען עס היינט טרעפן אנליין (דאונלאוד דא דעם גאנצן בוך - 8.5 מעג)

אבינו מלכינו נקום לעינינו נקמת דם עבדיך השפוך.

[מורינו הרב]

די מעשה האט זיך ארויסגעשטעלט אלס פאלש.

דאס זעלבע איז די מעשה מיט די 93 קדושות, וואס ר' יום טוב ערליך זינגט.

[ידען]

די מעשה האט זיך ארויסגעשטעלט אלס פאלש.

דאס זעלבע איז די מעשה מיט די 93 קדושות, וואס ר' יום טוב ערליך זינגט.

וועלעכע מעשה איז פאלטש?

פון די זונה אין אוישוויץ?

לייג אלינק וואס ווייזט אז סע פאלטש.

וואס דערציילט יו”ט ערליך?


רעד קלארער פליעז

[גאלד]

יו"ט ערליך האט א ניגון "אויפן הימל פליען טויבן"
ווי ער שילדערט אז מ'האט צאמגענומען 93 מיידלעך זיי אנגעטוהן און אויסגעפיצט צו זיין גרייט,
איינע פון די מיידלעך האט געהאט מיט זיך א פלעשל סם,
אלע האבן עס איינגענומען און זענען אלע געשטארבן,

[DotCom]

די מעשה האט זיך ארויסגעשטעלט אלס פאלש.

ארויסגעשטעלט? אדרבה, דערציילט זשע מער פרטים וואס איר ווייסט.

[היסטאריקער]

יו"ט ערליך האט א ניגון "אויפן הימל פליען טויבן"
ווי ער שילדערט אז מ'האט צאמגענומען 93 מיידלעך זיי אנגעטוהן און אויסגעפיצט צו זיין גרייט,
איינע פון די מיידלעך האט געהאט מיט זיך א פלעשל סם,
אלע האבן עס איינגענומען און זענען אלע געשטארבן,

די ליכט שטראלן שרייבט אויך די מעשה אינטערן טיטול "איבערגעיאגט דעם שטן"

[איחוד פעלד]

פאר לאנגע יארן נאך דער מלחמה איז געווען אנגענומען אז אידישע פרויען זענען געווען באשיצט פון [שרייב נישט קיין אומאיידעלע ווערטער. מנהל] באצוואונגען ווערן דורך די דייטשע רוצחים צוליב די טרויעריג בארימטע נורעמבערג געזעצן וואס האט צווישן אנדערע אויך פארבאטן 'ראסען-שאנדע',
אבינו מלכינו נקום לעינינו נקמת דם עבדיך השפוך.

דאכט זיך אז עס איז דא א דאקומענטרי אויף דעם אויך.
איך מיין אז עס איז לאו דוקא געוועהן פין אידישע פרויען, זיי האבען אויף דעם גענומען פוילישע פרויען אויך.
עס איז אינטרעסאנט איך מיין אז מען האט מתיר געוועהן א פרוי וואס האט געהאט א מאן א כהן, און ביידע האבען איבערגלעבט, כאטש עפ"י הלכה איז דאס א פראבלעם צוליב עיר שכבשוה כרכום, אבער דא האט מען געזאגט אז די דייטשען האבען משפיל געוועהן די אידען אזוי ווייט אז זיי האבען נישט געדארפט מורא האבען פאר אן אונס.

[פיקציע]

שפעטער האט ער עס פובליצירט אין פארם פון א ביכל, און אדאנק סטיווען ספילבערג קען מען עס היינט טרעפן אנליין

פון וואו האט ר' שמואל שפילבערג געשאפן אזא אוצר מיט אידישע ביכער?

[יאיר]

אין דעם בוך גערטרודע'ס צוזאג א וואונדערליכע מעשה ווי אזוי א גוי'אישע דינסט האט געראטעוועט א אידיש קינד און איבערגעלעבט מיט אים די מלחמה, האב איך געליינט אז זיי האבן געטראפן אין די די פי לאגערן א מיידל וואס האט נישט געוואלט רעדן צו קיינעם און זי איז געשלאפן אויפ'ן גאס, נאך א קורצע צייט האט זיך ארויסגעשטעלט אז זי איז נעבעך געווען איינע פון די אומגליקליכע פרויען וואס האבן געהאט אויסגעקריצט אויף זייער האנט whore, און זי האט פארלוירן דאס מינדעסטע טראסט אין די מענטשהייט. נאך א שטיק צייט האט מען געפינען איר קערפער אין וואסער.

[zurich]

אין די באקאנטע מאווי ״שינדלערס ליסט״ זעהט מען אויך די געדאנק אז די נאציס האבן גענימען יודישע זונות

[smart]

דאט קאם דו ביסט מעגא!!! א גרויסן שכוח פארן אויפברענגען אזא אשכול

ס'האט מיר אייביג געארט ווי אזוי איז געווען די מצב אין די מלחמה יארן בנוגע זנות, אבער ווי פארשטייט זיך איז דאס אן ענין ווערט פארשוויגן ביי אונז.

[איחוד פעלד]

לעצטענס האב איך אבער געליינט אין א ביכל פון 1946 פון דר. חיים שאשקעס וואס באשרייבט איין אזא איבערלעבעניש פון א פרוי וואס האט געדינט אלס זונה אין אוישוויץ, און אויף איר הענט איז געווען אויסגעקריצט איר נאמבער און דערנעבן די ווערטער 'יודן-הארע' - jewish-whore.

וועלכע בלאט אין דעם ביכל שטייט וועגן דעם ענין?

[DotCom]

Page 46 פאנגט זיך אן די מעשה מיט דעם פרוי.

[דבילה]

די מעשה האט זיך ארויסגעשטעלט אלס פאלש.

דאס זעלבע איז די מעשה מיט די 93 קדושות, וואס ר' יום טוב ערליך זינגט.

אבי געהאקט א טשייניק. די מעשיות מיט די קדושות, אדער פרויען וואס האבן זיך גענומען דאס לעבן אבי נישט צו דינען א נאצישן בעל תאוה, איז זיכער געווען דא און דארט אזוינע. אבער אם לדון איז דא א שטארקע אינטערעסע פאר מענטשן צו מאכן אזוינע מעשיות טאקע אויף צו באדעקן פאר די שרעקליכער, שענדליכע, אבער דאך נאטורליך ערווארטערטע מעשים בכל יום וואס דאטקאם שילדערט אזוי פיין - און לאידך גיסא, איז נישטא קיין אויסערליכע אינטערעסע אויף דער וועלט (חוץ פון צו דאקומענטירן די פיין פון די אידן און די רשעות פון די נאציס) אויף צו פראדוצירן פאנטאזיעס פאר די מציאות פון אידישע זונות פאר נאציס.

[איחוד פעלד]

די מעשה מיט די קדושים מוז נישט זיין נישט אמת. דער מעשה האט מען שוין דערציילט אין די לאגערען. קיינער ווייסט נאר נישט פעסטשטעלען די מעשה.

[לעיקוואד]

אין אסתר פרברשטיין'ס ביכל "בסתר רעם" [ווער סהאט עס נאכנישט געליינט זאל שוין] איז פאראן א אריכות איבער די מעשה פון די 93 , זי טענהט אז לא דובים ולא יער. און בכלל נעמט זי ארום זייער שיין ענינים פון הלכה און יידושקייט בשעתן קריג און מלוקט אסאך תשובות איבער די אלע שאלות וואס איז דא ארום דעם בשעתן מלחמה און נאכדעם.
א זוך אין גוגל וועט זיכער ברענגען אסאך חומר איבער די מעשה פון די 93 לכאן ולכאן.

[קליינע רעבעלע]

אינטערסאנט....
אין שו"ת דברי יואל פרעגט דארט איינער אן וועגן זיין פרוי פין פארן קריג. אזוי ווי ער איז א כהן וויל ער וויסען צי ער מעג בלייבן מיט איר מדין שביה
אינע פין דע טענות וואס ער פירט אויס להיתרה איז ווייל דע רשעים ימ"ש האבען פיינד געהאט א איד אין זיי וואלטן קיינמאל נישט געוואינט מיט איר

ווידעראום אין דע תשבות פין הרב אשרי (איך גדענק נישט דע נאמען יעצט) פרעגט דארט איינער אן אז דע דייטשען ימ"ש האבען אריין געקריצט אויף בהאלטענע פלעצער אז זי איז א זונה פין דע דייטשען אין אז יעדע מאל וואס ער וואינט מיט איר זעיט ער עס
זאגט אז גאר א זכיה צי זיין מיט אזא פרוי וכו'
איך יקיימי שניהם?

[קליינע רעבעלע]

די מעשה מיט די קדושים מוז נישט זיין נישט אמת. דער מעשה האט מען שוין דערציילט אין די לאגערען. קיינער ווייסט נאר נישט פעסטשטעלען די מעשה.

אין איינע פין הרב דאמב ספרים ווייזט ער אויף אז די גאנצע מעשה איז נישט געשטויגן און געפלויגען
ער זאגט דאס איז פשוט געווען א פראפעגאנדע פין דע אגודה

[הרב_שלום]

הרה"ח ר' עזריאל גליק מיט זיין ברודער הרה"ח ר' יחזקאל גליק זענען ביידע געווען איידימער ביי ר' אליעזר ליימזידער, טראץ דעם וואס עס איז דא א צוואה פון רבי יהודה החסיד אז צוויי ברודערס טארן נישט ווערן אן איידעם ביים זעלבען מענטש, אבער וויבאלד די צוויי שוועסטערס זענען נישט געווען אין לאגער האט כ"ק אדמו"ר מסאטמאר זי"ע געהאלטען אז מען זאל נישט קוקן אויף צוואת רבי יהודה החסיד.

[קליינע רעבעלע]

וויבאלד די צוויי שוועסטערס זענען נישט געווען אין לאגער האט כ"ק אדמו"ר מסאטמאר זי"ע געהאלטען אז מען זאל נישט קוקען אויף צוואת רבי יהודה החסיד

וואס האט איינס צו טוהן מיטן צווייטן?

[sunbar]

וויבאלד די צוויי שוועסטערס זענען נישט געווען אין לאגער האט כ"ק אדמו"ר מסאטמאר זי"ע געהאלטען אז מען זאל נישט קוקען אויף צוואת רבי יהודה החסיד

וואס האט איינס צו טוהן מיטן צווייטן?

[איחוד פעלד]

אפשר פארקערט, וויבאלט זיי זענען יא געוועהן אין לאגער, זענען זיי למעלה מן מזל.

[דולה ומשקה]

ליינט דא:

http://uncensoredhistory.blogspot.com/2 ... diers.html


וויקיפעדיע:
http://www.google.com/url?sa=t&rct=j&q= ... YKXzD9w7ew