זאכן וואס כ'וואלט נישט געוואלט וויסן

[זר זהב]

איינע פון די סיבות, און אפשר גאר די עיקר ריזען אז מ'האט אזעלכע גוטע צייטן אין די איגענט יארן איז ווייל מ'ווייסט ווייניג. יוסיף דעת יוסיף מכאוב.

איך וואלט ווען נישט געוואלט וויסן אז ס'דא אזאך ווי אינטערנעט. נישט וועגן ס'טריפה אויף יעדן מין אופן, נאר פשוט ס'אדיקטעד און ס'נישט געזונט
ברוחניות (יא אפילו מיט'ן שטערקסט'ן פילטער!)

איך וואלט נישט געוואלט וויסן אז גוים זענען ספיריטועל מיט א ג-ט. ס'האט אוועקגענומען מיין יוניק'נעס. וק"ל. אפילו איך פארשטיי נאך אלץ אז איך
בין פונעם עם הנבחר.

איך וואלט נישט געוואלט וויסן אז ס'דא מענטשן וואס זענען 'פשוט שלעכטע' מענטשן.

כ'וואלט נישט געוואלט וויסן אז מ'דארף ארבעטן א גאנצן טאג יעדן טאג כדי צו קענען האבן א הייזקע
וואו צו שלאפן ביינאכט.

[זר זהב]

כ'וואלט נישט געוואלט וויסן אז ס'דא אידן וואס קוקן אויס פונקט ווי גוים.

[זר זהב]

אן אקס האט נישט דאגות? איים נאט סוי 'שור'... ער האט אקסישע דאגות

[זר זהב]

אקעי. יעצט פיל איך בעסער צו וויסן אז מענטשן ארבעטן א גאנצען חודש פאר זייער רענט. עט ליעסט זיי האבן נישט אקסישע דאגות.

[villager]

אקעי. יעצט פיל איך בעסער צו וויסן אז מענטשן ארבעטן א גאנצען חודש פאר זייער רענט. עט ליעסט זיי האבן נישט אקסישע דאגות.

אקעי. יעצט ביסטו א אקס מיט מענטשליכע דאגות.

[berlbalaguleh]

כ'וואלט נישט געוואלט וויסן אז ס'דא אידן וואס קוקן אויס פונקט ווי גוים.

דאס איז צוליב זייערע מעשים לא טובים. זיי זענען ממעט פון די קומה שלימה. דער מהות פון א מענטשנ'ס נשמה איז אויסגעשפרייט אויף זיין צורה. א מענטש וואס האט יראת שמים, לערנט תורה און איז עוסק אין גמילות חסדים, דערקענט מען די איידלקייט אויף זיין צורה. דאס זעלבע מיט איינער וואס איז איינגעטונקען אין גשמיות און עוה"ז דערקענט זיך עס אויך אויף זיין צורה. מען קען נישט פארטוישן די צוויי.

[זר זהב]

ר' בערל, איך ליג אין גשמיות, איך האב נישט געמיינט מיר. איך רעד פון 'אידן' וואס לעבן און זעען אויס אזוי ווי דעם גוי, נאר אנשטאט זונטאג האט ער א שבת. אנשטאט האלעווין האט ער א פורים, קיין פיאות און בארד טראגט ער נישט, גייט צום זעלבן יענקי געים. וואטשט דעם זעלבן טעלעוויזישן. און יולי 4 סעלעברעט מען צוזאמען מיט'ן גויאישן שכן. דאונט געט מי ראנג, ס'קען זיין ער גייט אין גן עדן. נישט דאס איז דער נושא דא.

[שמעקעדיג]

איך וואלט נישט געוואלט וויסן פון יא אדער נישט געזונטע עסן.
איך בין אויפגעצויגן געווארן ממש א מחי', מ'האט געגעסן ווייס ברויט, קאקאש קעיק, קאלירטע סאדע און צוקערלעך יעדן שבת.
פלוצלינג איז אלעס געווארן נישט געזונט, מען מוז עסן וועטשטעבלס מיט האול-וויט אדער ספעלט. איך גיי נישט דערפאר.

[זר זהב]

הער זיך איין... די ריזען פארוואס קינדער קענען דאס עסן איז ווייל זיי זענען זייער אקטיוו. ווי עלטער מ'ווערט אלץ פוילער ווערט מען, און אזאלכע עסן הייבן אן שאטן

[שמעקעדיג]

מיין טאטע האט דאס אלעסגעגעסן, און עסט נאך היינט... ביז די 120!
ביז הערשל מייזליש און נאך אפאר געזונטהייט חברה זענען אפירגעקומען, איז אלעס געווען פיין און וואויל.
אפילו מעיאר בלומבערג איז אפעקטירט געווארן דערפון און גע'אסר'ט גרויסע גלעזלעך סאדע. משוגע מטארא.

[הציץ ונפגע]

איך וואלט נישט געוואלט וויסן אז ס'דא מענטשן וואס פארמאגן א ליסטע מיט זאכן וואס זיי ווילן נישט וויסן.

[שמעקעדיג]

איך וואלט נישט געוואלט וויסן אז ס'דא מענטשן וואס פארמאגן א ליסטע מיט זאכן וואס זיי ווילן נישט וויסן.

פארוואס? וואס שטערט דיר?

[הציץ ונפגע]

עס שטערט מיר אז מענטשן האבן פראבלעמען מיט אינפארמאציע.

[זר זהב]

עס שטערט מיר אז מענטשן האבן פראבלעמען מיט אינפארמאציע.

יוסיף דעת יוסף מכאוב

[הציץ ונפגע]

אז מכאוב איז די פרייז פאר דעת, וועלן מיר דאס גערן צאלן. און עס שטערט מיר אז מענטשן זענען נישט גענוג מחשיב דעת צו זיין גרייט צו באצאלן אביסעלע מכאוב.

[זר זהב]

.... איך וואלט נישט געוואלט וויסן אז איינער איז מסכים צו האבן ווייטאג פאר אביסעלע דעת...

[געפילטע פיש]

איך וואלט נישט געוואלט וויסן אז ס'דא מענטשן וואס פארמאגן א ליסטע מיט זאכן וואס זיי ווילן נישט וויסן.

עס שטערט מיר אז מענטשן האבן פראבלעמען מיט אינפארמאציע.

האיך יתקיימו שניהם?

[זר זהב]

דאס איז צו גוט!...

[zurich]

איך וואלט נישט געוואלט וויסן אז ס'דא אזא זאך ווי קאווע שטיבל...
just joking

[berlbalaguleh]

ר' בערל, איך ליג אין גשמיות, איך האב נישט געמיינט מיר. איך רעד פון 'אידן' וואס לעבן און זעען אויס אזוי ווי דעם גוי, נאר אנשטאט זונטאג האט ער א שבת. אנשטאט האלעווין האט ער א פורים, קיין פיאות און בארד טראגט ער נישט, גייט צום זעלבן יענקי געים. וואטשט דעם זעלבן טעלעוויזישן. און יולי 4 סעלעברעט מען צוזאמען מיט'ן גויאישן שכן. דאונט געט מי ראנג, ס'קען זיין ער גייט אין גן עדן. נישט דאס איז דער נושא דא.

נישט דיר און נישט מיר ודכוותי' האב איך געמיינט. נאר ס'איז א פאקט אז ס'דא א סאך אידן וואס זענען משוקע (אדער משוגע) אין עוה"ז . געבן נישט קיין צדקה און טוען נישט קיין גמילות חסדים און זייער איינציגער ציל אין לעבן איז נאר נאכלויפן זייערע תאוות. דאס דערקענט זיך. אבער קיין איינער פון אונז פאררעכנט זיך נישט פאר א "הייליגער איד".לא ניתנה התורה למלאכי השרת.

[berlbalaguleh]

איך וואלט נישט געוואלט וויסן פון יא אדער נישט געזונטע עסן.
איך בין אויפגעצויגן געווארן ממש א מחי', מ'האט געגעסן ווייס ברויט, קאקאש קעיק, קאלירטע סאדע און צוקערלעך יעדן שבת.
פלוצלינג איז אלעס געווארן נישט געזונט, מען מוז עסן וועטשטעבלס מיט האול-וויט אדער ספעלט. איך גיי נישט דערפאר.

ס'איז אבער דא א זייגער אינ'ם מענטש וואס דערמאנט איהם אז ס'קומט א צייט ווען מ'דארף יא אנהייבן מקפיד צו זיין אויף וואס איז שעדליך און וואס נישט. א מענטש וואס האט שוין געגעסן מער ווי פופציג אפיקומנ'ס קען שוין נישט עסן מכל הבא בידו אזוי ווי אין די יונגע יארן. אבער צו זיין עקסטרעם, א העלטה נאט איז זיכער נישט כדאי.

[פשוט-קאמפליצירט]

אז מכאוב איז די פרייז פאר דעת, וועלן מיר דאס גערן צאלן. און עס שטערט מיר אז מענטשן זענען נישט גענוג מחשיב דעת צו זיין גרייט צו באצאלן אביסעלע מכאוב.

איך האב דאס ווארט געהערט בשם קאצקער רבין.

[רויטע וואנצעס]

כ'וואלט נישט געוואלט וויסן אז ס'איז דא קעמיקאלס אין די וואסער וואס מ'טרינקט. כ'וואלט אויך נישט געוואלט וויסן וואס ליגט אין די לופט וואס מ'אטעמט, לאך נישט, חוץ פאלושען איז עס פיל מיט ראבער פארעקעלס פון קאר רעדער.