אומפארשווינדענע ניקס, וואו זענט עטץ?

[משה געציל]

איך האב א בליק געטאן אין די באנוצער ליסטע (איך מעג דאך קענען מיינע חברים ביים ערשטן נאמען...), און עס האט זיך מיר אנטפלעקט א וועלט פון ניקים מניקים שונים וואס איך האב נאכקיינמאל נישט באגעגענט דא. אנפאנגענדיג צו ציילן בין איך אנטוישט געווארן. מיר האבן דא א ס״ה פון 588 באנוצער כ״י. א ערך פון 175 האט מען נאך קיין פיפס נישט געהערט פון זיי. נאך ארום 150 האבן זיך ניטאמאל דערקראצט ביז א מנין הודעות און באמבס, דאס איז עס, מען הערט נישט פון זיי ווי גרויס דער יאר איז (און רוב דערפין זענען נישט קיין נייע באנוצער).

וואס איז פשט פון דעם? עס איז ממש בבחינת פרוץ מרובה על העומד. אז מען האט גענומען דאס מי און געשפירט פאר וויכטיג צו עפענען א ניק איז פשט אז מען האלט דאך ביים זיין א מיטגליד. צו זיין א מיטגליד סתם להלכה ולא למעשה?! לויט וויפיל איך ווייס איז קאווע שטיבל נישט קיין פעדעראלע ארגענעזאציע... עם איי מיסינג סאמטינג???

שעמט אייך נישט ברידער! שפירט אייך היימיש מאכט אייך א קאווע, מאכטס א ברכה, נעמט אייך טרינקן און זעט עס זאל זיך גיסען פון אייער קאווע אין אלע זייטן פונעם שטיבל...