די שבת פון די יונה ארגאניזאציע - הילף פאר ווער עס זוכט איר

[קאווע טרינקער]

פארא גוטע ברודער............
קיפ אפ

[גוטער ברודער]

איך בעט דער עולם זאל זיך בארואיגן, ווייל איך קען זיך נאך דערשרעקן. איך האב ב"ה נישט קיין פראבלעם מיט אויפגעקלערטקייט, אבער איך ציטיר דא ווערטער פון גוגל הדור:

פון די אנדערע זייט איז דער ארגאניזאציע א חלק פון א גרעסערע באוועגונג אין די ארטאקסישע קבוצות זיך צו באנעמען מיט גרעסערע סייענטיפישע שאלות פון א אידישן שטאנדפונקט. פארצייטישע רבנים זענען נישט געווען פארנומען מיט שאלות פון עוואלאציע אדער איין אפשטאם. בשעת וואס זיי האבן אונז נישט ארויס געהאלפן מיט די סתירות וואס זענען פארהאן ציווישן תורה ומדע, האבן זיי אונז אויך נישט פארדרייט די קאפ מיט לייכטזיניקע תירוצים. היינטצייטיגע רבנים האבן תירוצים אויף אלע גרויסע קשיות, און בשעת וואס די קשיות האבן אמאל געקענט שווער מאכן דאס לעבן פאר א מאמין, האבן די תירוצים פארזיכערט אזא טויט אז משיח 'עט זיך אויך מוטשען דאס מחיה מתים צו זיין.

די ווערטער, וועלכע גוגל הדור האט געשריבן, איז "לדעתי" מער פון אויפגעקלערטקייט. איך האב ב"ה נישט קיין שום פראבלעם מיט אויפגעקלערטקייט, און גראדע וואס איך האב געשריבן האב איך געשריבן אז מעגליך איך בין זיך טועה, און איך האב נישט גענוצט קיין שום כפירה "קארד" ווייל יענער האלט נישט ווי מיר. איך האב געבעטן אז אויב איך בין זיך טועה, ווייזט מיר ווי.

מיין פראבלעם איז נישט ווייל אויב זאגט מען אז די תורה אסר'ט עפעס מיט וואס מען ווערט געבוירן איז מען א כופר, מיין פראבלעם זענען די אויבנדערמאנטע ווערטער. אדרבה זייט מעיין דערינען, און אויב איך בין זיך טועה, בעט איך שוין מחילה.

נאכאמאל, לויט מיין ארימע מיינונג איז די אויבנדערמאנטע ווערטער מער ווי אויפגעקלערטקייט. ביז אהין איז אפשר (איינגערעדטע) אויפגעקלערטקייט, אבער דאס איז שוין מער פון דעם.

און אצינד צום לעצטן מאל.

דער ציהל פון מיין שרייבן דא איז נישט צו פירן קיין פאלעמיקס. איך האב דא געשריבן פאר איין סיבה. ווייל איך ווייס אז עס זענען דא ערליכע אידן וועלכע פלאגן זיך מיט דעם ביטערן צרה, און זיי האבן ליידער נישט צו וועמען צו רעדן. האב איך געוואלט און געהאפט אז די אידן זאלן האבן סייעתא דשמיא און ליינען דא וואס איך האב געשריבן, און דאדורך וועלן זיי קענען באקומען די הילף וועלכע זיי זוכן אזוי שטארק.

יעצט וויבאלד עס איז געווארן דא שמועס פון דעם, גיי איך בלי"נ יעצט דאס לעצטע מאל שרייבן איבער דעם אפאר ווערטער.

יעדער ווייסט אז עס איז כהיום דא א מעכטיגע פאליטישע באוועגונג אויף צו נארמאליזירן די סארט אויפפירונג וועלכע מיר באהאנדלען דא. און נאר צוליב זיי איז דאס געווארן די אנגענומענע מיינונג ביי די "דענקענדע געמיינדע" אז מען קען דאס נישט טוישן. די באוועגונג קומט נישט דוקא פון די "דענקענדע געמיינדע" נאר פון הפקר יונגען, וועלכע טייל פון זיי ווייסן נישט אז מען קען זיך העלפן, און טייל זענען נישט אינטערעסירט, און טייל האלטן פשוט נישט ביים ארבעטן גענוג שווער אויף דאס צו טוישן. עס איז זיי גרינגער צו שרייען די ביסט א ביגאט און נאך אנדערע דערנידערנדע לשונות און מיט דעם זיך אליינס כשר'ן. די "דענקענדע געמיינדע" פאלגט נאך וואס דער פאליטישער באוועגונג וויל.

(ווען נעמבל"ע וואלט געהאט גענוג מעמבערס און נאכפאלגערס, וואלט פעדאפיליע אויך געווארן א נארמאלע זאך ביי די "דענקענדע געמיינדע")

זאגן אז עס אינטערעסירט מיך נישט וואס די "דענקענדע געמיינדע" האלט מיינט נישט געגאנגען מיטן קאפ אין וואנט אריין, ווייל יעדער איינער ווייסט אז ביי סיי וועלכן נושא קען זיך די "דענקענדע געמיינדע" טוישן זייער מיינוג פון צופרי ביז ביינאכט צוליב פאליטישע דרוק. פונקט ווי זיי האבן געטוהן טאקע ביי אט דער נושא. דער "קאנדישאן" איז געווארן קלאסיפיצירט אלס א עמאציאנעלע מחלה דורך די "דענקענדע געמיינדע" ביז זיי האבן עס מיט עטליכע יארן צוריק געטוישט אונטער גאר שטארקע דרוק, און זייט דעמאלס איז דא א גרויסע ריס ביי די "דענקענדע געמיינדע" איבער דעם נושא, צווישן די "דענקענדע" מיט אן אינטערעסע און די "דענקענדע" אן דעם דאזיגן אינטערעסע (אדער "דענקענדע" מיט א פארקערטע אינטערעסע).

מר. גאלדבערג, וועלכער האט געגרינדעט און פירט אן די יונה ארגאניזאציע איז גאר גאר ווייט פון צו זיין א נאאיווער אדער א פאנאטישער איד וועלכער גייט מיטן קאפ אין וואנט אריין. ער איז א געלערנטער, שטודירטער און אויפגעקלערטער מענטש, מיט גאר א רייכער קאריערע אונטער זיך. און ער קומט דוקא פון יענער זייט טייך, ער האט אמאל געהאלטן אזוי ווי ר' גוגל'ען מיט זיין "דענקענדע געמיינדע" און האט אנגענומען מיט בלינדע אויגן אלס וואס זיי זאגן, און ער האט זיך איבערצייגט אז דאס איז שקר און ער האט געלעבט אין א טעות. און דרך אגב, איז ער אינגאנצן נישט קיין חלק פון קיין שום גרעסערע באוועגונג. ער איז א מענטש וועלכער ארבעט כהיום פאר זיך אלייס אויף די איינע זאך וועלכע טוט אים זייער וויי און ער וויל העלפן אידישע קינדער מיט דעם.

און אינטערעסאנט איז נאר אזוי. כהיום האלט מען ביי אזא מצב: די היימישע רבנים, רוב רובם פון זיי, אויב גייסטו זיך אויסרעדן פאר זיי אויף אזא פראבלעם, וועסטו באקומען אזא סארט תשובה: "נע, טראכט נישט פון דעם, לייג זיך אריין אין לערנען וועלן די מחשבות אוועק גיין". אדער "דו דארפסט חתונה האבן", און דאס איז שוין אין א גוטן פאל, ביי טייל גאר נאאיווע נאראנים קען מען נאך הערן אזא תשובה ווי "איך ווייס, איך האב אמאל געהערט אז געוויסע מענטשן ווערן אזוי געבוירן. אבער, טראכט נישט, רעד נישט בלא בלא בלא". אדער "איך פארשטיי נישט צו די זאכן, איך וויל מיך נישט צורירן צו קיין נבלה, רעד נישט צו מיר וועגן דעם". וכדומה, אזעלכע און ענליכע נארישע ענטפערס.
זיי האבן נישט קיין השגה בין ימינם לשמאלם.

פון די אנדערע זייט זענען דוקא די אויפגעקלערטע, די מאדערן ארטאדאקסישע רבנים פון וויי יו און אנדערע אמעריקאנער קהילות און קרייזן, די וועלכע שטייען פיל נענטער צו די "דענקענדע געמיינדע", וועלכע שרייען אז ניין, דו ביסט נישט אזוי געבוירן, מען קען זיך העלפן אויף דעם, אדרבה, ביסט א נארמאלער מענטש, עס פעלט דיר גארנישט, דו דארפסט נאר הילף. און זיי שיקן טאקע זייערע מענטשן נעמען די הילף. און דערפאר טאקע זענען כמעטן אלע קליענטן פון יונה דוקא פון דעם מאדערנעם, און אפילו גאר גאר מאדערנעם קרייז.

קול גדול, איך האף אז דו האסט נישט געמיינט ערנסט ווען דו האסט געברענגט א לינק פון וויקיפידיע. פונקט פון וויקיפידיע? דו וועסט איר נישט טרעפן ציטירן אין קיין איין רעספעקטירטן סייענטיפישער ריסוירטש באריכט. יעדער קען שרייבן דארט וואס ער וויל, און עס איז נישט דא קיין שום סייענטיפישער באורד וואס קוקט איבער וואס דארט איז געשריבן. און אין דעם לינק וואס דו האסט געברענגט ווערן גאר ציטירט באוואוסטע אקטיוויסטן פון יענעם לאגער. פאר א שטיקל וויקיפידיע וואס דו ברענגסט מיר קען איך דיר ברענגען מסקנות פון מעסטערס און דשאנסאן, ערנסטע סייענטיסטן וועלכע זענען אנגענומען אין די "דענקענדע געמיינדע".

א ווארט פאר איינער. אסאך זאכן וועלכע די תורה אסר'ט ווילן מענטשן טון. אבער דא רעדט מען אז די תורה אסר'ט א געוויסע זאך, און דערנאך גייט דער אוסר (דער באשעפער) און באשאפט א מענטש וועלכער קען כמעט נישט עומד זיין אין דעם, (דאס איז כמעט ווי אסר'ן א מענטש צו עסן. סארי, מיין תורה טוט נישט אזאנס) און צו דעם, גיבט אים דער תורה א מצוה וועלכע ער קען פשוט נישט מקיים זיין. אין הקב"ה בא בטרוניה עם בריותיו מיינט נישט אז דער באשעפער אסר'ט נישט געוויסע תאוות. אבער דא רעדט מען פון א געוויסע מענטשליכע געברויך, וואס ווי מיר זעען, האט די תורה נישט נאר געגעבן פאר דעם מענטש א מקום זיך אויסצוגעבן, נאר עס גאר געמאכט פאר א מצוה, און דא קומסטו מיר זאגן אז דער באשפער האט באשאפען אזא מענטש וועלכער איז בטבע פונקט פארקערט פון דעם. איי דאונט ביי איט, און קיינער זאל נישט.

טייערער ברודער, אויב דו פלאגסט זיך מיט דעם פראבלעם, הער נישט אויס וואס די אלע זאגן, זיי האבן נישט קיין השגה אין דיין פלאג. זיי וויסן אז דו קענסט ארויסקרוכן פון דעם. עס איז נישט גרינג, עס איז דוקא זייער שווער, עס נעמט אסאך ארבעט און גאר א פעסטע החלטה. אבער פילע האבן עס באוויזן, און דו קענסט אויך. דו קענסט האבן א גליקליך און צופרידן לעבן.

צום שלוס. אויב איינער האט אן אינטערעסנע אדורך צו טאהן דעם נושא (אויף אויפצוטאהן. אויף נישט אויפצוטאהן זאל ער זיך פארנעמען מיט בעסערע זאכן) זאל ער זיך פארבונדן מיט די אויבנדערמאנטע ארגאניזאציע, אלע זייער קאנטאקט אינפארמאציע האב איך געברענגט ביי מיין ערשטן ארטיקל, און זיי וועלן אים אנווייזן אלעס וואס איז דא. אויב האט ער קשיות וועלן זיי עס פארענטפערן. זיי זענען נישט חסיד'ישע אידן וועלכע ענטפערן "מען טאר נישט טראכטן אזוי". זיי זענען אינטעליגענטע מענטשן וועלכע געהערן צו די "דענקענדע געמיינדע" און טיען דורך א זאך בכובד ראש, ביז זיי האבן עס גרונטליך ארויס.

און נאך איין מאל. די פילע ערליכע אידן - כמעט אויסשליסליך פונעם מאדערנעם קרייז - וועלכע האבן זיך געהאלפן און זיך פאקטיש געטוישט, רעדן פאר זיך אליינס. און פאר איינעם וועלכער ליידט פון דעם איז זייער נישט שיין און אויך נישט היללפבאר ווען מען קלאפט אים אראפ און מען זאגט אים אז ער קען זיך נישט העלפן. דו האלטס ער קען נישט, איך בין מכבד דיין מיינונג, אבער גיב אים כאטש א טשאנס. (עפעס וואס די "דענקענדע געמיינדע" וועלכע גוגל ציטירט, טוט דוקא נישט. זיי רייסן אראפ גאר מיאוס יעדען איינעם וואס גלייבט אז מען קען זיך טוישן. זיי פאדערן טאלעראנץ, אבער נאר צו גלייבן ווי זיי און טוהן ווי זיי, אויב איינער האלט אנדערש, דארט זוכן זיי שוין גארנישט קיין טאלערנאץ, דארט וועלן זיי טוהן וואס זיי קענען נאר יענם עוקר מן השורש צו זיין).

אידישער ברודער, כאפ אריין, עס איז געבליבן איין וואך, נעקסטע וואך גיין זיין דער שבת און ווער עס דארף די הילף קען עס יעצט אריינכאפן.

א גוטן שבת.

[הדד בן בדד]

יישר כח גוטער ברודער, זאלסט קענען אויפטאהן אסאך גוטע זאכן.

עס זעהט טאקע אויס אז די אידן מוטשענען זיך געפערליך, זאל דער אויבערשטער זיי העלפן, זאלן זיי טאקע גיין און באקומען זייער הילף.

[שמואל שלום שלמה]

פארוואס האב איך נאך קיינמאל נישט געהערט פון קיינעם מיט דעם פראבלעם? און פארוואס במשך טויזענטע יאר איז דער פראבלעם בכלל נישט געווען אין עקזיסטענץ איז עס יעצט פלוצלינג געשען?

[קול דודי]

טייערער גוטער ברידער,

דאס וואס דו זאגסט אז מען קען זיך "היילן" פון אט די פראבלעם איז מופרך מעיקרא. ווער ס׳וויל קען נאכקוקן די אומפאפהענגיגע שטודיעס וואס אסאך האבן דורך געפירט וואס ווייזן קליפ און קלאר אז רובא דרובא מענטשן קענען בשום אופן נישט טוישן זייער טבע און דעם ענין. אפילו די וואס טעהנ׳ען אז זיי האבן יא געטוישט זייער טבע זענען על פי רוב שפעטער מודה אז ס׳איז געווען א חלום אזוי זיך איינרעדן. גיי לערן וועסטו זען.

איז אויב אזוי איז א שרעקליכע עבירה איינצורעדן מענטשן אז דאס קומט פון עפעס וואס האט פאסירט ווען זיי זענען געווען יונג (א זאך וואס איז פשוט א ליגנט) און אז מיטן זיך מצער זיין בכל מיני אופנים וועלן זיי ווערן געהיילט. פון ווי נעמט מען די היתר אזוי שטארק און טראגיש מצער זיין מענטשן באזירט אויף פאלשע חלומות?

און איך האף אז די מיינסט עס נישט ערענסט מיט דעם וואס די זאגסט אז די קענסט נישט גלייבן און אזא באשעפער וואס באשאפט אזוי מענטשן, ווייל אויב אזוי האב איך מורא אז דו ביזט מנסך יין לכל הדעות. ווייל האמת עד לעצמו אז רוב מענטשן ווערן געבוירן מיט זייער טבע אין דעם ענין וואס קען נישט געטוישט ווערן. מיר ווייסן אז אמת חותמו של הקב״ה: אדער לייקנסטו אינעם חותם, אדער אינעם בעל החותם חלילה וחס, ווי די אליין זאגסט. אוך נעם אן אז דאס איז געווען רותחא דאוירייתא אין די האסט טאקע נישט דאס ערענסט געמיינט.

[נולד מאוחר]

סאיז דא א מוראדיגע פילם אויף די נושא, אסאך האבן מוריד געווען דימעות בשעת זיי האבן עס געזען
http://www.prayersforbobby.com/ מען קען עס ערגעטס וואטשען אןליין. איך געדענקט נישט ווי.
איך וואלט עס נישט רעקאמנעד פאר באטראפענע ס'קען זיין זייער ווייטאגלעך.

[Maxwell]

I have only read the first post in this thread, and I must congratulate Guter Bruder for his courageous act of appealing to the charedi community. I am not familiar with the scientific aspect of changing an individual’s sexual orientation, but it is certainly a step in the right direction that the problem is acknowledged, and that help is being offered.

[זר זהב]

דא אידא אן אינטערוויאו מיט איינעם וואס האט זיך יא געטוישט!

? J.N.: Today, would you say today you have no homosexual attractions

G.O. No, I wouldn't say that. But the feelings are so different. The way I would like to explain it is, in the early days, it was like I wore this sweatshirt that had a great big "H" on the front. That was who I was: the shirt said, "Homosexual." Now it's kind of like, it's a little business card tucked in my shirt pocket that is somewhat frayed and dog-eared. Once in awhile I find myself sticking my hand in there and pulling out that old card, and it bothers me a little bit, but life goes on beyond that. It's an occasional irritation, but no longer an obsession. My life is very good today.


http://narth.com/docs/opp.html

[יידל]

דא אידא אן אינטערוויאו מיט איינעם וואס האט זיך יא געטוישט!

? J.N.: Today, would you say today you have no homosexual attractions

G.O. No, I wouldn't say that. But the feelings are so different. The way I would like to explain it is, in the early days, it was like I wore this sweatshirt that had a great big "H" on the front. That was who I was: the shirt said, "Homosexual." Now it's kind of like, it's a little business card tucked in my shirt pocket that is somewhat frayed and dog-eared. Once in awhile I find myself sticking my hand in there and pulling out that old card, and it bothers me a little bit, but life goes on beyond that. It's an occasional irritation, but no longer an obsession. My life is very good today.


http://narth.com/docs/opp.html

אגב, כמעט אלעס וואס ער זאגט אויף האמא זיווג, קען מען אויך זאגן אויף די זיווג בין זכר לנקיבה.

אבער, איך האב פארשטאנען אז די שמועס איז עפעס אנדערש. איך האב געמיינט אז מ'קען טוישן פון האבן נאר א נטיה צו זכרים צו האבן נאר א נטיה צו נקיבות אדער עכ"פ אן אייניגע נטיה צו ביידע. פון דא איז משמע אז ער איז געבליבן מיט זיין אלטע נטיה צו זכרים, און האט כעמט אדער בכלל נישט קיין נטיה צו נקיבות. די טעראפי האט אים נאר געהאלפן צו קאנטראלירן זיין [שרייב נישט קיין אומאיידעלע ווערטער. מנהל] געפילן כלפי א זכר. (פאר א איד א שומר תורה ומצוות איז אפילו דאס א געוואלדיגער זאך, אבער ס'איז קלאר אז אזא זאל איז א האקעלע זאך, ווייל מיט איין נישט ריכטיגע קלייניקייט קען די טעראפי האבן חלילה א פארקערט עפפעקט. ווי דער מענטש זאגט אינמיטן:
There was no ... attraction (to his wife - Y.) until close to the time we were to be married. I started thinking, I'm going to be married soon, so I started thinking about my fiancee more in that way. If I could have counseled myself back at age 25, I would have given myself a little more help and direction, but in the end, I would still have encouraged the marriage. I've taken the position that we are all really heterosexuals, so I do encourage men to get married if I believe they will honor their commitment. I don't want them to endanger or disappoint a woman. But if the man takes the commitment seriously and will honor it above any passing temptations, that is a different matter. I myself am somewhat of a disciplined person, so that helped.

אן אנדערער וועלכער איז נישט אזוי דיסציפלינרט, קען יא דורכפאלן, און דערנאך קען ער זיך טרעפן מיט ערנסטע שלום בית פראבלעמען.

[ידען]

פארוואס האב איך נאך קיינמאל נישט געהערט פון קיינעם מיט דעם פראבלעם? און פארוואס במשך טויזענטע יאר איז דער פראבלעם בכלל נישט געווען אין עקזיסטענץ איז עס יעצט פלוצלינג געשען?

בכלל נישט קיין נייע זאך.

מסתם האסט דו נאכנישט אלעס געהערט.

Google קען דיר העלפן...

[זר זהב]

דא אידא אן אינטערוויאו מיט איינעם וואס האט זיך יא געטוישט!


http://narth.com/docs/opp.html

אגב, כמעט אלעס וואס ער זאגט אויף האמא זיווג, קען מען אויך זאגן אויף די זיווג בין זכר לנקיבה.

100% גערעכט, אויך געקלערט די זעלבע.

[יואליש]

דער אייבישטער באשאפט נישט א מענטש אויף אן אופן וואס מאכט אים א געזעלשאפטליכער דורכפאל ע"פ תורה נאך פון די לידה?

ואס טוט זיך מיט א אינגל בעבי וואס איז געבוירן געווארן אויף פען סטריט אונעם אולטרא-ארטאדאקס חסידישן וויליאמסבורג, געהאט א ברית ווי דער רבי איז געווען סנדק, געלעקט האניג ביים מלמד וואס זיין פאטער האט נאך געלעקט, אויפגעוואקסן אין ת"ת מיט הונדערטער קינדער תחת דגלו פונעם אדמו"ר הקוה"ט שליט"א, מ'האט אים געלערענט דעם והבדיל לנו מן התועים, ער איז געוואקסן אן עילו אזש דער ראש הקהל האט אים געוואלט פאר אן איידעם. און קורצן, ער איז א שטיק וויליאמסבורג. און פלוצלינג ווערט ער געוואר אז ער איז א ממזר. א ממזר ת"ח, מחיוב במצות, אבער נאכאלס, לא יבוא ממזר בקהל ה' גם דור עשירי. עד סוף כל הדורות איז ער אויסגעשפיגן פון ווליאמסבורג, בארא פארק, מאנסי, מאנראו. ער קען עוקר זיין קיין נעברעסקא און טרעפן א גיורת אדער א שפחה צו חתונה האבן און אראפברענגן נאך א דור פון אויסגעשפיגענע ממזרים. גוד לוק וויט דעיט! און חז"ל זאגן אויף די לידה, עולם כמנהגו נוהג, גאט ערלויבט די טבע זיך אויסשפילן אויף איר וועג.

בהדי כבשי דרחמנא למה לך? מי הקדימני ואשלם...מי עשה לי מעקה עד שלא נתתי לו גג? און דאס מיז מען קענען זאגן פארקערט: גאט גיט נישט קיין גג איז ניטא קיין מעקה. אז איינער ווערט ל"ע באשאפן אן הענט, וועט מען זאגן אז ס'קען נישט זיין אז ער האט נישט קיין הענט ווייל די תורה זאגט וקשרתם לאות על ידיך? טומטום ואנדרוגינוס האט ווער באשאפן? האבן חז"ל געזאגט אז זיי מיזן זיך פירן בהכרח ווי אן איש אדער אישה?

מה לי פיזישע טומטום ומה לי פסיכילאגישע טומטום?

(הגם מ'קען זאגן אז א טומטום איז מען נישט חייב על משכב זכר מכח "ספק", אבער די תורה אנערקענט נישט קיין וודאי.... ויש ליישב)

(פארשטייט זיך איך פסק'ען נישט להלכה. איך שמועס מיט מיטן פלוס פונעם שמועס, א שטייגער ווי מקוה גייער אדער, טאקע, קאווע טרינקער. והשם הטוב יכפר בעדנו.)

[העלא]

יואליש, אין הנידון דומה לראי', דער אייבערשטער האט יעדע מענטש באשאפן מיט א בחירה, א זאך וואס א מענטש האט נישט קיין בחירה איז ער פטור,

אויב איז משכב זכר איינס פון די 15 עריות מיינט דאס אז יעדע מענטש (נארמאלערהייט) האט א בחירה,

לשיטתך, אויב איינער איז א גרוש אדער האט א אשה רעה, וואס ער קען זיך נישט נאגגעבן די תאוה, האט ער נישט די בחירה? אתמהה

[דבילה]

איך בעט דער עולם זאל זיך בארואיגן, ווייל איך קען זיך נאך דערשרעקן. איך האב ב"ה נישט קיין פראבלעם מיט אויפגעקלערטקייט, אבער איך ציטיר דא ווערטער פון גוגל הדור:

פון די אנדערע זייט איז דער ארגאניזאציע א חלק פון א גרעסערע באוועגונג אין די ארטאקסישע קבוצות זיך צו באנעמען מיט גרעסערע סייענטיפישע שאלות פון א אידישן שטאנדפונקט. פארצייטישע רבנים זענען נישט געווען פארנומען מיט שאלות פון עוואלאציע אדער איין אפשטאם. בשעת וואס זיי האבן אונז נישט ארויס געהאלפן מיט די סתירות וואס זענען פארהאן ציווישן תורה ומדע, האבן זיי אונז אויך נישט פארדרייט די קאפ מיט לייכטזיניקע תירוצים. היינטצייטיגע רבנים האבן תירוצים אויף אלע גרויסע קשיות, און בשעת וואס די קשיות האבן אמאל געקענט שווער מאכן דאס לעבן פאר א מאמין, האבן די תירוצים פארזיכערט אזא טויט אז משיח 'עט זיך אויך מוטשען דאס מחיה מתים צו זיין.

די ווערטער, וועלכע גוגל הדור האט געשריבן, איז "לדעתי" מער פון אויפגעקלערטקייט. איך האב ב"ה נישט קיין שום פראבלעם מיט אויפגעקלערטקייט, און גראדע וואס איך האב געשריבן האב איך געשריבן אז מעגליך איך בין זיך טועה, און איך האב נישט גענוצט קיין שום כפירה "קארד" ווייל יענער האלט נישט ווי מיר. איך האב געבעטן אז אויב איך בין זיך טועה, ווייזט מיר ווי.

מיין פראבלעם איז נישט ווייל אויב זאגט מען אז די תורה אסר'ט עפעס מיט וואס מען ווערט געבוירן איז מען א כופר, מיין פראבלעם זענען די אויבנדערמאנטע ווערטער. אדרבה זייט מעיין דערינען, און אויב איך בין זיך טועה, בעט איך שוין מחילה.

נאכאמאל, לויט מיין ארימע מיינונג איז די אויבנדערמאנטע ווערטער מער ווי אויפגעקלערטקייט. ביז אהין איז אפשר (איינגערעדטע) אויפגעקלערטקייט, אבער דאס איז שוין מער פון דעם.

'ך זע אז ר' גוגל קומט זיך נישט אליין באשיצן דא, איז לאמיך אלזא שרייבן וויאזוי 'ך ליין עם. ער זעט דוקא אויס צו זיין גאר א שטארקע מאמין אבער מיט א שטארקע הערכה פאר די "דענקענדע געמיינדע" אויך. האבנדיק דער צוויי אנדערע זייטן איז ער כסדר פארוואגלט מיט פראבלעמען וואס די צוויי אנדערע "קוק-ווינקלען" שאפן איינער פאר'ן צווייטן. למעשה זענען היינט דא אסאך פון די קירוב ארגאניזאציעס וואס פארנעמען זיך מיט א שטארקן זלזול צו די שיטות פון די "דענקענדע געמיינדע" (און מתוך דבריך איז משמע אז דו ביסט אויך נישט א מעריך פון דער יעניגע) און פאר דער איינער ווי ר' גוגל איז דער מהלך פון תירוצים מער ווייטאגליך ווי די קשיות וואס ער האט. אויב זעסטו נאך אלץ כפירה אין דברי ר' גוגל ווייס איך נישט וואס מער דו צו זאגן, און איך וואלט געזאגט פארקערט. אויב איז דיין הארץ גענוק איידל צו קענען הערן דאס וויי געשריי פונעם האמאסעקסואלן מענטש דארפסטו קענען הערן דעם ווייטאג פון א וויסנדע מאמין, וואס לא די ער האט ערנסטע ספיקות איבער וואס זיך צו שטארקן דארף ער נאך פארנעמען דיינע זלזולים אין זיין עצם קשיא.

[יואליש]

יואליש, אין הנידון דומה לראי', דער אייבערשטער האט יעדע מענטש באשאפן מיט א בחירה, א זאך וואס א מענטש האט נישט קיין בחירה איז ער פטור,

אויב איז משכב זכר איינס פון די 15 עריות מיינט דאס אז יעדע מענטש (נארמאלערהייט) האט א בחירה,

ע"ז אנו דנין. איז דא א בחירה פאר די דאזיגע מענטשן צו נישט.

אבער מיין נקודה לכתחילה איז געוען אז מ'טרעפט יא אופנים ווי א מענטש ווערט אריינגעווארפן דורך די תורה אין קאשמארישע מצבים כאטש ער האט נישט געהאט קיין בחירה (ממזר; טומטום).

[באזיכער]

לכבוד גוטע ברודער!!!

איך וואלט געוואלט פארשטיין, גיין פאר שבת מיינט אז מען דארף דערציילן פאר די ווייב וועגן די פראבלעם,
איז ווער איז גרייט אויף דעם???

[גוגל-הדור]

יונהאיז פייגעלע בלע"ז...
די פראבלעם מיט דער ארגאניזאציע איז גאר גרויס, און איך קום נישט געבן דא קריטיק פון רעכטס, נאר גאר פארקערט, פון לינקס.
דער ארגאניזאציע איז מיוסד אויף דעם געדאנק אז מ'קען די מענטשן טוישן. די דענקענדע געמיינדע איז כהיום בכלל נישט מסכים דערצו, גאר פארקערט. זיי האלטן אז די מענטשן וואס פרובירן זיך צו טוישן זענען בדר"כ נישט מצליח זיך צו טוישן און זיי קומען גאר ארויס צו'מזיק'ט פון די גרויזאמע פרואוו. בשעת איינער פון די גרויסע פסיכאלאגישע פראבלעמען וואס די מענטשן האבן אויב זיי לעבן אין א רעליגעיזע אדער סיי וועלכע נישט-אקצעפדירנדע געזעלשאפט איז בעיקר הא גופא, אז זייערע [שרייב נישט קיין אומאיידעלע ווערטער. מנהל] אידענטיטעט ווערט געלייקענט אדער נישט אקצעפטירט ביי דעם געזעלשאפט וואס זיי געפינען זיך דערין.

דאס פון אן אנאנימער ניק וואס וויל דעם דעה מפרסם זיין אבער נישט זיך אידענטפיצירן דערמיט!

[villager]

יואליש, אין הנידון דומה לראי', דער אייבערשטער האט יעדע מענטש באשאפן מיט א בחירה, א זאך וואס א מענטש האט נישט קיין בחירה איז ער פטור,

אויב איז משכב זכר איינס פון די 15 עריות מיינט דאס אז יעדע מענטש (נארמאלערהייט) האט א בחירה,

ע"ז אנו דנין. איז דא א בחירה פאר די דאזיגע מענטשן צו נישט.

אבער מיין נקודה לכתחילה איז געוען אז מ'טרעפט יא אופנים ווי א מענטש ווערט אריינגעווארפן דורך די תורה אין קאשמארישע מצבים כאטש ער האט נישט געהאט קיין בחירה (ממזר; טומטום).

איך קלער אפשר אזוי, אז קען זיין דער מענטש האט נישט יעצט קיין בחירה אבער אמאל האט ער געהאט, אין ספרים שטייט (בכלליות) אז עבירה גוררת עבירה, היום אומר לו עשה כך... עד שאומר לו לך עבוד ע"ז, אז צום סוף האט שוין נישט דער מענטש א יושר'דיג בחירה, און ווי ס'איז באקאנט אז אזוי איז אויך ביי א דראג עדיקט, ער האט שוין נישט קיין בחירה איינמאל ער נוצט עס, אבער ער האט אמאל געהאט, און כדי ארויסצוגיין דערפון מוז ער אדורכגיין טעראפי, ס'איז נאר איך קלער, מעגליך אז ס'איז יא א קרענק...

אגב, צו זיין א ממזר איז נישט א עבירה און ברענגט נישט קיין עבירות און עס נעמט נישט אוועק די בחירה, אויך טומטום קומט נישט אריין דא ווייל ער איז פטור פון וואס ער איז פטור, און אויב מיינסטו קאשמאריש סתם ולאו דוקא צו רצון השם, איז די גאנצע לעבן קאשמאריש, ווען איך האב ווען א בחירה וואלט איך עס קיינמאל געטהון...

[לעיקוואד]

איך ענטפער א משהו אויף וואס איך האב זיך א משהו געשריבען מיט יידל http://www.kaveshtiebel.com/viewtopic.p ... 681#p62681
איך וייס נישט וויפיל כח איך האב אויף צונעמען דער גאנצער נושא, וועל איך נאר צוצייכענען א מבוססדיגע מאמר וואס איך האב געזעהן וואס רירט אן געוויסע יסודות וואס איז שייך צו דער נושא http://machshevesemunah.blogspot.com/20 ... -post.html

דער עיקר נקודה וואס איך פארשטיי נישט אין יידל'ס טענה, איז וויאזוי קענסטו גלייבען אין א גאט אדער א תורה וואס הייסט דיר קלאר טוהן א זאך וואס ער וועט קלאר נישט קענען עומד זיין, לענ"ד איז דא ממש א אבסורד און סהאט נישט קיין פנים צו גלייבען אין אזא זאך. נישט בחנם עקשנן זיך רוב חרדישע רבנים אז מען קען דאס יא טוישען וכו'. וייל אויב נעמט מען אן אז נישט איז ממש נישט מעגליך צו פארשטיין אז דער אייבישטער זאל פאדערן אזא זאך. [למעשה א נעליכע קשיא האב איך שוין געפרעגט אינעם זרע לבטלה אשכול אבער עדיין אינו דומה לגמרי]
[מיין פתרון דערפאר איז מחלק זיין צווישען רצון ה' און מצוות התורה, ויש מקורות רבים לדבר, נאר איך האב נישט כרגע נערוון צו עפענען דער נושא]

[יידל]

לעיקוואד, ווען כ'האב געשריבן אז ער וועט נישט קענען עומד זיין דערין האב איך צוגעלייגט "למחצה לשליש ולרביע" מיינענדיג דערמיט אז אויב וועט ער נישט דורכפאלן עכ"פ מיט מש"ז, וועט ער עכ"פ דורכפאלן מיט זרע לבטלה.
דיין חילוק צווישן רצון ה' און מצוות ה' איז א חילוק אבער נישט קיין מחלק, ווי מיין מג"ש פלעגט זאגן.

[לעיקוואד]

איך פארשטיי די טענה אז עס איז נישט קיין מחלק, איך האלט אז עס דארף יא זיין א מחלק אבער כאמור האב איך נישט קיין כח זיך אויסצודונגען אויף דעם דא.
אויב מיינסטו סך הכל אז ער מוז נכשל ווערן איז ז"ל איז דאס דאך קרוב צו יעדער סינגעל אין דער וועלט. די טענה דא איז אבער שטערקער וייל ער קען בכלל נישט חתונה האבען און ממילא איז מיין עיקר שאלה נאכאלץ שווער. אפשר א טראפ גרינגער, נישט קיין סאך.

[diff]

What are your mekorot on זרע לבטלה, the shalshuodes tora?

אמר רב יהודה אמר רב מעשה באדם אחד שנתן עיניו באשה אחת והעלה לבו טינא, ובאו ושאלו לרופאים ואמרו אין לו תקנה עד שתבעל, אמרו חכמים ימות ואל תבעל לו, תעמוד לפניו ערומה, ימות ואל תעמוד לפניו ערומה, תספר עמו מאחורי הגדר, ימות ולא תספר עמו מאחורי הגדר. פליגי בה ר' יעקב בר אידי ור' שמואל בר נחמני, חד אמר אשת איש היתה, וחד אמר פנויה היתה... משום פגם משפחה, רב אחא בריה דרב איקא אמר כדי שלא יהו בנות ישראל פרוצות בעריות... (שם עה א)

[לעיקוואד]

What are your mekorot on זרע לבטלה, the shalshuodes tora?

אמר רב יהודה אמר רב מעשה באדם אחד שנתן עיניו באשה אחת והעלה לבו טינא, ובאו ושאלו לרופאים ואמרו אין לו תקנה עד שתבעל, אמרו חכמים ימות ואל תבעל לו, תעמוד לפניו ערומה, ימות ואל תעמוד לפניו ערומה, תספר עמו מאחורי הגדר, ימות ולא תספר עמו מאחורי הגדר. פליגי בה ר' יעקב בר אידי ור' שמואל בר נחמני, חד אמר אשת איש היתה, וחד אמר פנויה היתה... משום פגם משפחה, רב אחא בריה דרב איקא אמר כדי שלא יהו בנות ישראל פרוצות בעריות... (שם עה א)

וואס ווילסטו מיט דער שטיקל גמרא?