ברוך הבא ר' טשארייער!
איר שרייבט גוט און מיט א קענטיגע בקיאות אין די זאכן. פונדעסטוועגן האב איך עטליכע הערות.
אין יענע יארן (די 1920'ס) האבן די אקאדעמישע וועלט אין בערלין (וואס איז גערעכנט געווארען אלץ א וועלט צענטער פון וויסענשאפט און אקאדעמיע) האט געהאט פיל גויישער פרעפאסירן וואס זייער עיקר פארשונג איז געווען אין דער יידישער רעליגיע (כולל די סעמעטישער שפראכן, בכדי בעסער פארשטיין נוצרות וכו').
דאס איז ריכטיג, אבער בעיקר האבן זיי זיך קאנצענטרירט אויף די תקופת המקרא. גאר ווייניג פון זיי האבן געהאט אן אנונג איבער די תלמודישע לימודים. אדרבה, אין דעם פינסטערן מיטל אלטער האבן די געלערנטע גויים געהאט א פיל ברייטערע ידיעה אינ'ם תלמוד - און האבן עס טאקע צענזורירט אדער פארבאטן - ווי אין די שפעטערע יארן.
זייער מעגליך אז רב וויינבערג האט געדארפט פארטיידיקן די תורה'דיקער השקפה פאר די גויישער פראפעסירן וואס זייער פארשון איז געווען אין סעמעטיק'ס (כולל די יידישע רעליגיע). אחוץ פון דעם, האט ער געדערפט פארענטפער'ן אויך פאר זיין אייגענער תלמידים, וואס האבן געגאנגן אין וועג פון שמשון רפאל הירש, און האבן געהאלטען אז מען דארף מאכן א סינטעסיס (synthesis) פון די גויישער קולטור מיט די תורה'דיקער השקפה.
דאס איז שטארק מסתבר, אז אין זיינע אייגענע ערפארונג האט ער זיך אנגעשטויסן אין אזעלכע פעלער וואו ער איז געבליבן מיט'ן צינג אינדרויסן, און דער האט צוליב דעם אנגעהאנגען די אנטיסעמיטיזם דערין. רב וינברג האט זעט אויס נישט געכאפט אז דער המון עם איז נישט אזוי אינטעליגענט ווי אים און עס אינטערעסירט זיי גאנץ ווייניג וואס דער תלמוד האט צו פארקויפן. נאר מיט איין זאץ בין איך מחולק. רב הירש האט נישט געהאלטן פון א סינטעסיס, ער האט געהאלטן אז די תורה'דיגע השקפה קען זיך פיל מער ווי פארמעסטן מיט די גרעסטע גערמאנישע דענקער.
און אפילו לגבי די פויערן וואס האבן באטייליקט אין די פארשידענע פאגראם'ס, קען די הלכות אויך אנטוויקלן אנטיסעמיטיזם: מה-דאך די בלוט-בלבולים (עלילות דם) וואס זענען געגרונדעט געווארען אויף שקר וכזב האט געשאט אזוי פיל, קל וחומר די מפורש'דיקער הלכות וואס באוויזן קלאר און דייטלעך אז גויים זענעם סעקאנ"ד קלא"ס, אודאי און אודאי וואלט עס געקענט שאטן דורך איין מענטש פארשפרייטן די אינפארצאציע צו די עמא דבר. בפרט די אנטיסעמיטיזם אין יענע יארן אין דייטשלאנד, וואס האט באנוצט מיט קארטו"ן'ס אין די צייטונגען, האט מען נישט געדארפט זיין קיין גרויסער קאפ-מענטש צו האבן פיינט יידן (צום ביישפיל די איינטיסעמיטיזם יעצט אויף טוויטער).
די קשיא איז דער תירוץ. דער בלוט בלבול האט געארבעט טאקע ווייל די פויערן זענען אזוי נישט באהאוונט אין די הלכות און ווייסן אפילו נישט אז בלוט איז אסור. נאכאמאל, איך ווייס נישט אויב דאס האט קיינמאל נישט פאסירט, אבער איך גלייב שווער אז וואס די פויערן האבן זיך אנגעהאנגען אויף די תלמודי'שע הלכות אלס אויסרייד צו טעראריזירן די אידן, דאס וואלט געווען צו אינטעליגענט פאר די אנאלפאבעטן. אין קורצן, אנטיסעמיטיזם קומט ענדערש פון שמאלקעפיגקייט, גאוה, און אומפארגינען, וואס ווערן אויפגערייצט דורך פראפאגאנדע ווי נארישע קארטונס און טוויטער מעסעדזשעס, ווי פון אן אינטעליגענטע איבערטראכטונג.
אגב, היינטיגע צייטן, ווען דער תלמוד איז איבערגעזעצט אויף ענגליש און איז עוועלעיבל לכל מאן דבעי צו טון דערמיט וואס ער וויל, זענען דא גאנצע
וועבזייטלעך ספעציעל פאר דעם צוועק, צו פארשפרייטן דער דערנידערונג פונ'ם איד צום גוי אנטפלעקט אינ'ם תלמוד. דער חילול ה' איז איום ונורא.
