איך ווייס נישט וואספארא נייעס די היינטיגע געריכט איבער מצב"פ וועט ברענגען. קאורט ריזאלטס זענען פשוט-קאמפליצירט פאר מיר, איך קען נאר ליינען פשוטע ווארע. – טאקע אין אישי שיקט מיר א גוט הארציגע ניק, כ'וועל נישט פורש בשמו זיין, נאר ברמיזה ********: "איך האב דיך געלייקט. ווען איך עס מיטאג, האב איך ליב פלאטשיגע סחורה, ביסט גוט, שכועך" (סארא נועם המידות...)
וואס דען? לאמיר דעבאטירען סתם, אלץ חברים וואס האבן זיך פונקט אריינגעבאמפט אין קאווע שטיבל.
לאמיר זאגן, אז דאס מאל איז נישט געווען "והיא לא תצלח", און די שטאט פירער פירען איין א געזעץ וואס אסר'ט מציצה בפה. פארשטייט זיך אז מענצער-און-גאלדבערגער, וואס די הייליגע מצוה ברענט אין זיי, וועלען נישט איינרוהען, אבער לעת עתה, שוועבט א געלט/תפיסה עונש אויף די טאטע/מאמע/מוהל וואס וועלן נישט הארכען.
והנה און און (קרעדיט: קופורניקוס אין ק"ש), מ ז ל ט ו ב ! א נייע קינד אויף די קוויטעל, נישט סתם א קינד, נאר א יונגעלע! א בן זכר! האסט משקיע געווען? יעצט עס די פירות! איך בין זייער פרייליך פאר דיר און דיין ווייב, זאלען ענק טאקע נחת שעפן ביז דער 120.
דו ווייסט פון גארנישט, קומסט אריין אין ס'מדרש צו מעריב (יא, ס'נאך דא אידן וואס דאווענען מנחה מעריב טעגליך) חיים שלמה גיט דיר א ברייטע מזל טוב, און דער אלעמען באקאנטע אויפגעקלערטע נחמן דערנענטערט זיך צו דיין אויער איז זאגט בלחישתא: דו ווייסט אז דעם טאג פון דעם ברית איז פונקט דער טאג וואס מציצה בכלי גייט אריין אין קראפט. הא?
דו ווערסט רויט, פארשעמט, וואס טוט מען?
- א - כ'וועל רופען א מוהל וואס האט דער כלי. מיין טאטע און שווער לעבן שוין נישט, סאו קיינער קען מיר נישט הייסן וואס צו טוען. – און די ברית וועט טאקע מוזן זיין א שוהל אינדערויסען פון ברוקלין. כ'וועל בעהטן ניקלשבורג רבי פון ב"פ צו עפענען זיין שוהל אין די בערג.
ב - אלץ מיר אויס גייט מיר נישט אן, אבער מיין טאטע סטראשעט מיט די ירושה.
ג - כ'וואלט געמאכט בכלי בפרהסיא, און איבער געמאכט בפה אין קעלער.
ד - כ'וואלט געמאכט בפה, און געווארן כלל ישראל'ס צדיק.
איך פרעג נאר