יוסטיץ (און תפיסות) אין אמעריקע

[שמעקעדיג]

גוט געזאגט, אוטספאקען.
אפשר קען מען צולייגן צום אשכול קעפל די א.ג. "ברודערס" (א חלק פון זיי קאמענטירער אויף וואס איז נייעס) וואס האבן א תאוה צו זעהן אנדערע אידן פוילן אין תפיסה ווייל ער האט געבראכן עפעס א געזעץ.
בכלל האב איך שוין אמאל גע'חלומ'ט צו עפענען א אשכול איבער "געזעץ", וואס איז דער אומזעהבארע כח דערפון. אפשר אונזערע סייענטיסטן, אסטראנאמער און אלס-ווייסערס דא וועלן דאס קענען מסביר זיין.
א געזעץ וואס א מענטש, א בשר ודם ווי איך און דו, האט באשאפן, האט עפעס א אומבאגרעניצטן כח חרוב צו מאכן דאס לעבן פון אנדערע מענטשן און זייערע משפחות מיט קינדער.

[יידל]

א געזעץ וואס א מענטש, א בשר ודם ווי איך און דו, האט באשאפן, האט עפעס א אומבאגרעניצטן כח חרוב צו מאכן דאס לעבן פון אנדערע מענטשן און זייערע משפחות מיט קינדער.

קודם כל עס איז א איינע פון די ז' מצוות בני נח צו מאכן דינים, צווייטנס "אלמלא מוראה של מלכות" וכו'

[שמעקעדיג]

יידל זאגסט א נקודה, כ'הער. אבער איז נישט דער כח צו שטארק? אביסל איבערגעטריבן?
אגב, וואס איז די נייע בילד פון דיין אוועטאר?

[יידל]

יא, אודאי איז די כוח צו שטארק, אבער וואס איז ענדערש: מער קרימינאלן אויף דער פריי אדער מער אומשולדיגע אין תפיסה? יש לדון בזה טובא.

מיין אוועטער איז א מעדעצין קאפסול מיט די פארעם פון ד.נ.א. אינעווייניג.

[מורינו הרב]

איך וויל מאכן אן אשכול איבער דער כח פון אן עבירה, עס קען מאכן א מענטש אומגליקליך בגשמיות. אויב מען כאפט דיר, ביזטו אויף צרות.

[שמעקעדיג]

וואס איז ענדערש: מער קרימינאלן אויף דער פריי אדער מער אומשולדיגע אין תפיסה? יש לדון בזה טובא.

מ'האט עס שוין ערגעץ ערווענט. איך פערזענליך האלט ענדערש מער קרימינאלן אויף דער פריי. פארוואס זאל א אומשולדיגער ליידן וועגן איבערגעטריבענע יוסטיץ?
אבער ס'מסתמא נאר איך. איך בין בטבע א ווייכער און פארלייד נישט קיין עונשים, בפרט פון ערוואקסענע אויף ערוואקסענע.

[יידל]

וואס איז ענדערש: מער קרימינאלן אויף דער פריי אדער מער אומשולדיגע אין תפיסה? יש לדון בזה טובא.

פארוואס זאל א אומשולדיגער ליידן וועגן איבערגעטריבענע יוסטיץ?

ווייל די אלטערנאטיווע איז אז מער אומשולדיגע וועלן ליידן פון אונטערגעטריבענע יוסטיץ.
די חשבון איז ווי פאלגנד:
אונטערגעטריבענע יוסטיץ = מער קרימינאלן אויף דער פריי = מער אומשולדיגע מענטשן ליידן פון די קרימינאלן
לעומת
איבערגעטריבענע יוסטיץ (מער אומשולדיגע אונטער ארעסט) = ווייניגער קרימינאלן אויף דער פריי = ווייניגער אומשולדיגע מענטשן ליידן פון קרימינאלן.

די שאלה איז ווי איבערגעטריבן די יוסטיץ סיסטעם איז און וויפיל אומשולדיגע מענטשן זיצן.

[berlbalaguleh]

א געזעץ וואס א מענטש, א בשר ודם ווי איך און דו, האט באשאפן, האט עפעס א אומבאגרעניצטן כח חרוב צו מאכן דאס לעבן פון אנדערע מענטשן און זייערע משפחות מיט קינדער.

קודם כל עס איז א איינע פון די ז' מצוות בני נח צו מאכן דינים, צווייטנס "אלמלא מוראה של מלכות" וכו'

יא. אבער דער פוינט וואס שמעקעדיג האט געוואלט ארויסברענגען איז אז דער געזעץ וואס א בשר ודם מאכט קען אמאל זיין א חרב פיפיות וואס קען אונטערברענגען א מענטש און חרוב מאכן גאנצע משפחות. אלעס אין נאמען פון געזעץ. אין ספעציפישן פאל פון ר' שלום מרדכי רובאשקין הי"ו איז עס געווען ריינער אנטיסעמיטיזם וואס האט געטריבן די אזוי-גערופענע געזעץ היטער צו פארפאלגן און צוברעכן פיזיש און עקאנאמיש א מענטש, זיין משפחה און א גאנצע קאמיוניטי מיט אויפגעבלאזענע חטאים וואס זיי האבן צוגעטשעפעט צו איהם.

[berlbalaguleh]

יא, אודאי איז די כוח צו שטארק, אבער וואס איז ענדערש: מער קרימינאלן אויף דער פריי אדער מער אומשולדיגע אין תפיסה? יש לדון בזה טובא.

מיין אוועטער איז א מעדעצין קאפסול מיט די פארעם פון ד.נ.א. אינעווייניג.

ויש אומרים אז דיין נייע אוואטאר איז א סטייראפאום באקס וואס פראטעקט די סחורה אינסייד. וואס אויב מיר זוכן קריטיק קען מען זאגן אז ס'איז נישט אויסגעהאלטן לויט די ליבעראלע, ענוויראנמענטל כללים ווייל ס'איז נישט "בייאדיגרעידעבל". נאר אונז זעמיר ב"ה נישט קיין ליבעראלן אדער ענווייראנמענטל עקסטרעמיסטס.

[berlbalaguleh]

אפשר קען מען צולייגן צום אשכול קעפל די א.ג. "ברודערס" (א חלק פון זיי קאמענטירער אויף וואס איז נייעס) וואס האבן א תאוה צו זעהן אנדערע אידן פוילן אין תפיסה ווייל ער האט געבראכן עפעס א געזעץ.

לגבי די טענה וואס דו ברענגסט ארויס אז אויף די וועבסייט "וו.אי.נ." זענען דא "ברודערס" וועלכע זענען אזאלכע שטארקע פאטריאטן פון "געזעץ" אז זיי ווילן זען זייערע אייגענע "ברודערס" זיצן אין תפיסה פאר א לאנגע צייט ווייל זיי האבן געבראכן א געזעץ. דאס איז נישט ריכטיג. נישט דאס אפהיטן פון געזעץ מאטיווירט זיי. נאר די שנאה צו די אייגענע ברודערס. איך פערזענליך בין געווען דארט איינער פון די שטארקע שרייבערס, כידוע, מיט א פאר טויזנט תגובות. ס'כמעט נישט געווען א שטיקל נייעס אויף וואס כ'האב נישט קאמענטירט און דעבאטירט מיט אנדערע פאוסטערס. אבער פאר די לעצטע צוויי אדער דריי יאהר האט זיך אריינגעכאפט אן עלעמענט וואס ווערט געטריבן דורך שנאה און די מה יפית מענטאליטעט. מהאי טעמא האב איך כמעט גענצליך אויפגעהערט צו שרייבן דארט. און די עדיטארס לאזן כמעט אלעס אדורך. כאטש ס'איז קעגן די תקנות.

[יידל]

וואס איז ענדערש: מער קרימינאלן אויף דער פריי אדער מער אומשולדיגע אין תפיסה? יש לדון בזה טובא.

פארוואס זאל א אומשולדיגער ליידן וועגן איבערגעטריבענע יוסטיץ?

ווייל די אלטערנאטיווע איז אז מער אומשולדיגע וועלן ליידן פון אונטערגעטריבענע יוסטיץ.
די חשבון איז ווי פאלגנד:
אונטערגעטריבענע יוסטיץ = מער קרימינאלן אויף דער פריי = מער אומשולדיגע מענטשן ליידן פון די קרימינאלן
לעומת
איבערגעטריבענע יוסטיץ (מער אומשולדיגע אונטער ארעסט) = ווייניגער קרימינאלן אויף דער פריי = ווייניגער אומשולדיגע מענטשן ליידן פון קרימינאלן.

די שאלה איז ווי איבערגעטריבן די יוסטיץ סיסטעם איז און וויפיל אומשולדיגע מענטשן זיצן.

אינטערעסאנט, אויף דעם וויקיפעדיע פעידזש שרייבט ער אז פון אברהם אבינו ביי סדום זעהן מיר אז גאט'ס השקפה אויף דעם נושא איז אז אויב וועט איין אומשולדיגע מענטש ליידן טאר מען נישט מעניש זיין א גאנצע שטאט מיט רשעים. דערנאך ברענגט ער פון רמב"ם (סה"מ מצות ל"ת רצ) אויפן פסוק וְנָקִי וְצַדִּיק אַל תַּהֲרֹג, אז גאט וויל נישט אז אפילו אויב עס איז דא א צל של ספק אז איינער איז אומשולדיג אז יענער זאל נענש ווערן.

למעשה איז דא א גרויסע חילוק צווישן דאס און אונזער שמועס, ווייל דאס אלעס רעדט פון קעפיטעל פאנישמענט, ואינו דומה צו תפיסה.

[שמעקעדיג]

פאר א מינוט אוועק פון אמעריקאנער תפיסות-

האט איינער דא געלייענט דעם שוידערליכן באריכט אין "די צייטונג" פון די באליוויע תפיסה וואו ר' יעקב עסטרייכער האט זיך געפינען?
הרב שאול קליין איז אראפגעפארן באזוכן ר' יעקב, און פארציילט וואספארא שרעקליכע תפיסה דארט איז, די האר פון קאפ קען זיך אויפשטעלן.

-- צוריק צו אמעריקאנער תפיסות.

איך ווייס נישט צי מען מעג ארויפברענגען דא דעם נושא, איך וועל פרובירן צו רעדן מער ברמיזה.
איינע פון די גרעסטע ווייטאגן אין א תפיסה (פון וואס מען רעדט נישט הויך), איז מען האט נישט קיין צייט צו פארברענגען מיט די אייגענע ווייב. מען ווערט געהעריג צוריק א בחור. וירא את ענינו - זו פרישות דרך ארץ.
ס'רוב לענדער האבן שוין היינט איינגעפירט זייטיגע שטיבלעך ווי די קאפעלס קענען פארברענגען אינאיינעם פאר א געוויסע צייט;
אמעריקע איז דערווייל גאר שטרענג דערקעגן, אין פעדעראלע תפיסות איז עס בכלל נישט ערלויבט, ביי סטעיט ווענדט זיך וועלכע סטעיט, יעדע האט זיך זייער אייגענע געזעצן, יא צי ניין, און ווי אפט, ווי לאנג.
אין מדינת ישראל איז די תפיסה פיל גרינגער ווי אמעריקאנע, צוליב מערערע סיבות. און דאס איז אויך אריינגערעכנט, אז מען איז מתיר די סארט וויזיטס.

אין וויקיפידיע רעדט ער אביסל ארום דערוועגן:

http://en.wikipedia.org/wiki/Conjugal_visit

[שמעקעדיג]

א מערקווירדיגע זאך זעהט מען יעצט, בשעת די נייעס איז נאך הייס, אז א מערדער האט אונטערגעצינדן א פייער און דערנאך געשאסן אויף טויט 2 פייערלעשער, און פאליציי האבן געטראפן די געביין פון נאך א קרבן נעבעך פארברענט, ווארשיינליך א שוועסטער פונעם מערדער, און זיי זאגן אז דער מערדער האט בעפארן זיך נעמען דאס אייגענעם שמוציגן לעבן געלאזט א נאטיץ, אז ער וויל הרג'ענען ווי מער מענטשן, ה"י. און אויך אז דער גאן איז דער זעלבער סארט ווי דער מערדער פון די סענדי-הוק שולע האט גענוצט.

אלעס פיין און וואויל. איין שטיקל נייעס אבער, וואס באקומט נישט די פארדינע אויפמערקזאמקייט, מוז איך דא אונטערשטרייכן. דער יונגאטש איז שוין געזעצן אין תפיסה 17 יאר, פארן אומברענגען זיין אייגענע באבע!

פארוואס שטעלט מען זיך נישט אפ ביי דעם שטיקל נייעס, און זאגן: האלט!!! איין מינוט! ווי אזוי איז דאס מעגליך? 17 יאר?? און ער האט זיך גארנישט דערלערנט? און איז נאר געווארן ערגער? א גרעסערע רוצח? איז אפשר עפעס ראנג מיט דעם "קארעקשאנס דעפארטמענט"?

פונקט ווי ביי די גאן געזעצן זאגן די NRA משוגעים אז נאר "מער גאנס" וועט לייזן דעם פראבלעם, אזוי וועלן די נארישע געזעץ-געבער, כדרכם, זאגן "מער תפיסה" איז די לייזונג. (אפשר טאקע, פאר רוצחים).

הטרם תדע כי אבדה אמעריטשקע.

[יידל]

שמעקעדיג, ס'פאלט דיר נישט ביי צו טראכטן פארקערט? ווען מ'לאזט ווען דער מענטש באקומט ווען לעבנסלענגליכע תפיסה וואלט די טראגעדיע געשען? ווי יאנקל האט געשריבן, דער איז געווען א פשוט'ע פסיכאפאט.

[שמעקעדיג]

יידל, איך האב דאס אנגעמערקט אין מיין תגובה. אז פאר רוצחים, אפשר טאקע יא.
בכל אופן ווייזט דאס אויף עפעס אומריכטיג, פארקערט פון קארעקשאן.

[קלוג און יונג]

א באלערנדער ארטיקעל אויף דעם נושא פונעם APA) American Psychlogical Association)
לויט זיי איז עס יא ווי שמעקעדיג זאגט אז גאר דע תפיסה קען זיין דער גורם
APA איז די גרעסטע סייקא ארגענייזעשין אין אמעריקע, און זיי ווייטאגט אויך די מצב התפיסות און Justice system אין די US
http://www.apa.org/monitor/julaug03/rehab.aspx

[שמעקעדיג]

די פאלגענדע 3 ארטיקלען, אלע פון "דער בלאט" פרשת ויגש.

1. אן אומשולדיגער מאן באפרייט.
וויפיל מאל נאך וועט מען הערן אזעלכע נייעס?

[שמעקעדיג]

2. א באנדע יונגאטשעס, עס קומט זיך זיי דעם ערליך-פארדינטן שטראף.
אבער צוגעבן "מער" ווי די פארשריפטן? צו שיקן א מעסעדזש?
זעהען זיי נישט אז די מיליאנען "מעסעדזשעס" ביז היינט קומען נישט אן צו די ריכטיגע אויערן?

[שמעקעדיג]

א גוט שטיקל עדיטאריעל.

[יידל]

ער האט אויך געשריבן איבער 200 רייכע ארטיקלן אויף וויקיפעדיע. http://en.wikipedia.org/wiki/User:AaronSw

[berlbalaguleh]

גיב נאר א קוק אביסל אין די קאמענטס אויף "וואס איז נייעס", און באמערק די בלינדע באגלויבטקייט אינעם "סיסטעם".

מ'טאר נישט ליינען די קאמענסט אויף VIN, סע קען גורם זיין הארץ ווייטאג.

דו ביסט גערעכט. ס'איז נישט צו גלייבן, אבער "וואס איז נייעס" איז אמאל געווען זייער א געשמאק "שטיבל" צו שמועסן און פארברענגען. פאר די אינשי דלא מעלי האבן זיך דארט אריינגעכאפט. איך אליין האב געהאט א מנהג אדורכצוליינען א יעדעס שטיקל נייעס און קאמענטירן אויף די מערסטע. נאר די לעצטע צוויי יאהר האבן זיך אריינגעכאפט געוויסע עלעמענטן וואס האבן א שטארקע שנאה צו ערליכע יודן. און זיי שפייען מיט פייער און אוממענטשליכקייט.

[שמעקעדיג]

-

[יאיר]

א שטורם איז אנטשטאנען נאכדעם וואס נעכטן, שבת, האט אהרן שווארץ, א פענאמענאלער קאמפיוטער-גאון, זיך גענומען דאס לעבן אין זיין דירה אין ברוקלין. ער איז געווען 26 יאר אלט. ווען ער איז אלט געווען 14 יאר האט ער געהאלפן אנטוויקלען דעם RSS feed טעכנאלאגיע, און ער איז שפעטער געווען פון די גרינדער פון Reddit. שווארצ'ס מיסיע איז געווען אז ווי מער אינפארמאציע זאל זיין צוטריטליך אויף וועב פאר יעדן.


אהרן שווארץ

צוויי יאר צוריק, אין יאנואר 2011, איז שווארץ ארעסטירט געווארן פאר'ן "גנב'ענען" 4.8 מיליאן אקאדעמישע ארטיקלען פון JSTOR, מיט דער כוונה אז יעדער זאל קענען צוקומען צו די ארטיקלען אן דארפן באצאלן. שווארץ האט יעצט געהאלטן אינמיטן די געריכטליכע פראצעדורן, און עס האט אים געדראעט צענדליגער יארן אין טורמע.

[/list]

די עולה פון די פראקורארן איז נאך גרעסער, ווייל די JSTOR איז נישט געווען אינטערעסירט צו אנגיין מיט די קלאגעס, און זיי האבן שוין געדראפט דעם קעיס, אבער די פראקורארן האבן אויף די אייגענע האנט אים פון פריש אנגעקלאגט. אגב, שווארץ האט אויך געליטן פון כראנישע דעפרעסיע, ממילא קען מען נישט אינגאנצן באשולדיגן דעם יוסטיץ סיסטעם.