היסטאריע פון אדמו"ר הרב ישראל האגער (געווארפן פון וויזניץ)

[נייגעריגער]

אינעם אשכול "די וויזניצע נידחים" האט "ענדע צדיק" געשריבן:

המתחיל אומרים לו גמור,
וואס איז די פרשה מיט די מרידה אין ר' ישראל? קען איינער מרחיב זיין בדיבור

וואלט איך טאקע געוואלט עפענען א נייע אשכול ווי די חברים זאלן מרחיב זיין בדיבור וועגן דעם נושא פון דעם פרשה פונעם ווארפן און צוריקנעמען פונעם היינטיגן וויזניצער רבי ר' ישראל, דורך זיין פאטער הגה"ק מוויזניץ זצוק"ל.
איך וויל אבער בעהטן יעדן וואס באטייליגט זיך דא, אז מען זאל צוריקהאלטן די פעדער'ס [קנעפלעך בלשון 2013] און שרייבן נאר זאכליכע - אבער גלייכצייטיג זאפטיגע - תגובות, כדי צו שרייבן היסטאריע, אבער געדענקט אז "קאווע שטיבל" איז נישט "פנים חדשות" אדער "בעולמם של חרדים", און "היסטאריע" איז נישט "צימעס", וד"ל!
איך האף ס'וועט זיין מיט הצלחה, ללמוד - ליינען און געוואויר ווערן, וללמד - שרייבן וואס מ'ווייסט, לשמור ולעשות - עס זאל ווערן פארשריבן און אוועקגעלייגט די אלע מעשיות!

[נו גוט נו]

איך הער זאגן אז דער זעלבער גבאי וואס האט אים אמאל אין די טונקעלע טעג אראפגעווארפן אלע סטעפס אין פראנט פונעם טאטענס הויז איז יעצט גאר זיין גבאי. איך האב עס נישט געקענט גלייבן ביז איך האב עס מברר געווען גוט גוט.
דעם מענטש'נס מידות איז דאך עפעס נישט פשוט!!!

[נו גוט נו]

איך הער אז יעדן טאג ווען ער איז געווען מנודח, א לאנגע תקופה האט ער געוואוינט אין בני ברק איז יעדן טאג פאר ער איז געגאנגען שלאפן האט ער אנגעזאגט אין שטוב אז אויב קאלט מען פונעם טאטענס שטוב אז ער קען צוריק קומען זאל מען אים תיכף אויף וועקן

[נו גוט נו]

שוין יעצט אלס רבי האבן אים מנדליסטן בחורים נאכגעשריגן גיי צוריק קיין רש"י (זיין בית המדרש איז געווען אויף רחוב רש"י יענע יארן), ער האט נישט געלאזט קיינעם גארנישט טון פאר זיי, איינער האט נישט געפאלגט און יא עפעס געטון פאר איינע פון די בחורים, האט די רבי אים אריינגערופן שפעטער און פארלאנגט א קנס, וואס הייסט נישט פאלגן??

[נייגעריגער]

איך וועל דא מיטטיילן קאפי'ס פונעם צייטונג "ז' ימים" פון יאהר תש"ן אינטערן קעפל "בן מרד באביו ".
http://db.tt/jubyFXmg
עס איז א פאלדער מיט זעקס בילדער פונעם צייטונג, כ'מיין אז ס'גאנץ קלאר אויב איינער האט א פראבלעם מיטן קלארקייט זאל ער מודיע זיין און כ'וועל עס נאכאמאל סקענען צו א פי. די. עף. פייל.

[טעפל]

נייגעריגער, זייער אן אינטערסאנטע נושא, די רבי זעלבסט רופט אהן די יארען "די זיסע יארען", אין משפחה איז געשטאנען אז איינער האט איהם אמאהל געפרעגט אויב אזוי אפשר וויל ער נאך אזאלעכע זיסע יארען, האט ער געענטפערט אז מ'מוז זיך נישט נאכגעבען אלע תאוות..
כידוע האט דער רבי קיינמאל קיין אות נישט גערעדט אויפן טאטען אפילו אין די שווערסטע מינוטען.
אין בחדרי איז געוועהן נאכען הסתלקות פונעם ישועות משה א אשכול אויף דעם נושא פון 27 בלעטער זייער זייער אינטערסאנט.
http://www.bhol.co.il/forums//topic.asp ... rum_id=771

[sunbar]

ישר כח נייגעריגער

[נייגעריגער]

שערכויך פאר די וואס האבן זיך שוין אנגערופן!
דא האט איהר נאך אן אינטערעסאנטן דאקומענט, א מחאה פונעם וויזניצערס שוואגער האדמו"ר ר' משולם זוסיא פון טשערנאביל שליט"א אנקעגן דעם וואס מ'רודפט זיין שוואגער.
http://db.tt/JxgrMMVu

[sunbar]

דאס איז זיין שוואגער.. .

[נייגעריגער]

דאס איז זיין שוואגער.. .

גערעכט גערעכט, די בריוו איז פון איז טאקע פון זיין שוואגער האדמו"ר ר' מנחם נחום מטשערנאביל שליט"א און כ'האב עס שוין פארראכטן, יישר כח פארן מעלדען דערוועגן.
אגב, לגבי זיין שווער הה"ק הנ"ל זצ"ל איז ידוע אז די פרשה האט איהם גאר שטארק ווייגעטוהן, אז ס'האט איהם ממש צוגעטראטן צום געזונט, און נישט אסאך שפעטער איז ער נסתלק געווארן ווען ער איז שרוי בצער!!! ער איז נפטר געווארן י"ז חשוון תשמ"ח און די פרשה האט זיך אנגעהויבן בערך תשמ"ד לפ"ק.

[נייגעריגער]

דא האט איהר אן אויסשניט פונעם קאנטערווערסואלער יומני טולנא דף ר"ב, וואו ער רעדט אביסל וועגן די צווי י וויזניצע ברודער מוהר"י און מוהרמ"מ.

[טעפל]

דא האט איהר אן אויסשניט פונעם קאנטערווערסואלער יומני טולנא דף ר"ב, וואו ער רעדט אביסל וועגן די צווי י וויזניצע ברודער מוהר"י און מוהרמ"מ.

אפשר דארף מען טאקע עפענען אן עקסטרע אשכול פאר די יומני טאלנע.

[נייגעריגער]

אפשר דארף מען טאקע עפענען אן עקסטרע אשכול פאר די יומני טאלנע.

גערעכט, גערעכט! אי"ה לכשאפנה אשנה אביסל ארום דעם גאנצן שערוריה פון די יומני טולנא....

[הדד בן בדד]

איך הער זאגן אז דער זעלבער גבאי וואס האט אים אמאל אין די טונקעלע טעג אראפגעווארפן אלע סטעפס אין פראנט פונעם טאטענס הויז איז יעצט גאר זיין גבאי. איך האב עס נישט געקענט גלייבן ביז איך האב עס מברר געווען גוט גוט.
דעם מענטש'נס מידות איז דאך עפעס נישט פשוט!!!

דאס איז נישט אמת, דער גבאי האט געהייסן ר' ישראל זילבערשלאג, און ער לעבט שוין נישט אפאר יאר. אבער דאס איז יא אמת, אז ווען מען האט צוריק געברענגט ר' ישראל'ן איז ער געווען גבאי ביים ישועות משה, און ער האט זיך גענצליך צוגעשטעלט צו ר' ישראל'ן, און ער האט אים אפילו איבערגעבעטן אויפן אראפווארפן די טרעפ. אבער דאס גדלות פון ר' ישראל איז נאך אלס נישט צום באגרייפן, ווייל ער וואלט אים גאר גרינג געקענט באזייטיגן פון דארט, אבער ער האט אים מוחל געווען בלב שלם.

[משה געציל]

דאכט זיך אז פון זיין יעצטיגן גבאי קארניצער האט ער אויך געכאפט אפאר שלעק.

[יאיר]

איינער קען דא איבערגעבן אין קורצע ווערטער די השתלשלות הדברים, פארוואס האט מען אים פארטריבן און פארוואס האט מען אים צוריקגענומען נאך אזויפיל יארן, בבחינת מלך הדיוט ומלך?

[atmybest]

ר' הערשל כ'ץ האט עפעס געהאט מיט די ארויסווארפן/צוריקברענגען?

[דעתי הענייה]

ניין.
הערשל כ''ץ איז געווען א עומד בצד אלע יארן

[קאווע טרינקער]

ניין.
הערשל כ''ץ איז געווען א עומד בצד אלע יארן

וועלעכע צד?

[דעתי הענייה]

א פלא אז קיינער שרייבט נישט די פשוטע פאקטן השתלשלות הדברים, נא, במקום שאין... השתדל....

איז אזוי, בקיצור, זיין מאמע (איך וויל נישט אריינגיין אין קיין פרטים וועגן איר פערזענליכקייט, ווייל צו וואס רעדן אויף שוכני עפר) האט אים פיינט געהאט אלע יארן, ווייל ער איז געווען א פרומער, א קנאי, און (אויף די וויזניצער שפראך) א חניואק, און זי האט אלס געוואלט זעהן מענדל אלס מושל בכיפה.

אין יאר תשל''ד איז ישראל אויפגענומען געווארען אלס רב ואב''ד שיכון וויזניץ, וואס איז געווען אן המשכה פון די רבנות אין מרכז בני ברק, וואס ער האט באקומען פון זיידן אים תשכ''ט.
אלס רב, איז ער אויטמאטיש געווארען אחראי אויף די קופה פון די מוסדות, וואו ער האט געהאט צוטריט צו מיליאנען.
זייענדיג א לב טוב, האט ער כמה פעמים געבארגט גרויסע סכומים פאר יחידים וואס האבן געדארפט, און כדרך העולם, איז א גרויס חלק קיינמאל נישט צוריקגעקומען.

ווען די מנהלי המוסדות האבן געזעהן אז עס הייבט אהן פעהלן גרויסע געלטער פון די קאסע, האט מען דאס איבערגעגעבן פארן רבי'ן וואס האט אים געהייסען אויפהערן פארבארגן.
אבער נאך א קורצע צייט, ווען מענטשן האבן אים אנגעהויבן בעטן הלוואות, האט ער זיי נישט געקענט אפזאגן, וחוזר חלילה..... אזוי האט פאסירט כמה פעמים.

דא האט זיך אריינגעמישט די מאמע, ועוד אחרים, און האבן אנגעהויבן אנהעצן אויף ר' ישראל, און זיין מחותן, האדמו''ר מוויזניץ מאנסי, בכל ערליי טענות, אמת'ע און פאלשע, ביז פסח תשמ''ד, ווען די טאטע האט אים ברבים מנדה געווען ביים סדר נאכט.

דאס איז אויפן שפיץ גאפל.

[נייגעריגער]

איז אזוי, בקיצור, זיין מאמע (איך וויל נישט אריינגיין אין קיין פרטים וועגן איר פערזענליכקייט, ווייל צו וואס רעדן אויף שוכני עפר)האט אים פיינט געהאט אלה יארן, ווייל ער איז געווען א פרומער, א קנאי, און (אויף די וויזניצער שפראך) א חניואק

אן אנדערע גירסא בנוגע די סיבת השנאה פון מאמע צו קינד: דער מאמע לאה אסתר ע"ה איז געווען די טאכטער פון הה"ק ר' מנחם מענדיל פון דעעש ז"ל, און זי האט זייער שטארק געוואלט אז איהר ערשטע זוהן זאל טראגן איהר טאטע'ס נאמען, אבער למעשה האט מען איהם א נאמען געגעבן נאך הה"ק ר' ישראל'טשע וויזניצער ז"ל, און זי האט דאס קיינמאל מוחל געווען.
אזוי ווייט, אז עס פארציילט זיך א לעגענדע [איך נעם דערויף קיין אחריות - מ'זאל נישט זאגן אז נייגעריגער אליינס האט אזוי פארציילט - אבער אזוי פארציילט מען], אז נאכן ברית ווען מען האט געברענגט דעם רך הנימול צו זיין מוטער האט זי איהם נישט געוואלט אין האנט נעמען, אזוי אז ער איז שיעור נישט אראפגעפאלן!
און לפי דעם איז פארשטענדליך איהר ספעציעלע ליבע צו ר' מענדיל שליט"א וואס האט געטראגן איהר טאטע'ס נאמען.

[שמעקעדיג]

איך וויל נישט רעדן, אבער איך קען נישט גלייבן אז א מאמע זאל זיין אזוינס משוגע.

[נייגעריגער]

חכז"ל לערנען אונז שוין: "....אלא אם כן נכנס בו רוח שטות"!