ספרים היפך שיטת ויואל משה

[a1b2]

איך האב א גרויסע קונטרס וואס עטליכע סאטמארע יונגעלייט פון ווילי כולל האבען געמאכט און געשיקט צו אלע גרויסע דיינים, און קיינער האט עס נישט געענטפערט.

[a1b2]

אז כעל האבן צייט וועל איך עס אריינסקענען.

[positive.yid]

אלע וואס האב א שיח ושיג אין תורת הנסתר (אל"ף שמו"ת) ווייסען צו זאגן אז "מרשעים יצא רשע" איז נישט קיין "יסוד איתן"
ס'איז דא בחינה פון להוציא יקר מזולל, די גואלים דורכאויס כלל ישראל, זענען ארויסגעקומען פון לאו דוקא לכתחילה'דיגע מקורות.
די סיבה דערפון איז כדי צו פארמיידען קטרוג פון די כוחות שלעכטע,
און דאס איז געווען די כוונה עמוקה של אותו צדיק, זיין שרייען און וויינען איז נאר געווען צו מודיע זיין דעם שטן אז ניין, דאס איז נישט קיין גאולה, נישט דאס דארפען מיר.
בדרך זה האט ער מעורר געווען אין הימל, מ'זאל משפיע זיין פון דארט נאך און נאך. און אוודאי איז ער עדיין עומד ומתפלל.
אבער אוודאי האט סאטמאר'ע רב זצ"ל נישט געלייקענט אין די השגחה וואס איז מצמיח ישועה אין קליינע טרעפלעך כמבואר בחז"ל.
איז דען שייך צו זאגן אז ייסוד מדינת ישראל איז נישט קיין טובה געווען פון הימל?
זיכער האט סאטמאר'ע רב געקוואלן נחת פון די תושבי ארץ הקודש וואס האבן נאר געברענגט כבוד פאר מיין פאלק מיט זייערע ערייכונגען אין מעשים טובים און אין תורה.

בנוגע די ספר ויואל משה, האב איך געהערט פון א חקרן, אז לדעתו האט סאטמאר'ע רב נישט מחבר געווען דעם ספר.
איינס פון זיינע הויפט ראיות איז, אז דער רבי איז געווען א גרעסערע תלמיד חכם פון וואס מ'זעהט און דעם ספר.

[אוהב דעת]

אן א טראנסקריפט. לייג עס סתם ארויף.

ווייסט איינער פון די שמועס צו זאגען? איך הער אז סאיז דא צובאקומען ? ( פאר איך דריי איבער מיין הויז צו טרעפן די טעפ , וויל איך וויסען...)

[היימישער ליטוואק]

א קושיא וואס איך האב אמאל גהערט. ווער עס קען פארענטפערן די ווערטער פון הרה"ק מסאטמאר זצ"ל ווערט גבעטן עס צו טוהן דא אינעם כולל.
בייגלייגט זעהט דעם שטיקל ויואל משה.
דער פראבלעם איז, אז דער פסוק רעדט זיך נישט בלויז פון עבודה זרה, נאר אויך פון פארטרייבן די איינוואוינער. מיט דעם הייבט דער פסוק אהן, פסוק נב, און מיט דעם ענדיגט ער אין פסוק נ"ג.
(נא) דַּבֵּר אֶל בְּנֵי יִשְׂרָאֵל וְאָמַרְתָּ אֲלֵהֶם כִּי אַתֶּם עֹבְרִים אֶת הַיַּרְדֵּן אֶל אֶרֶץ כְּנָעַן:
(נב) וְהוֹרַשְׁתֶּם אֶת כָּל יֹשְׁבֵי הָאָרֶץ מִפְּנֵיכֶם וְאִבַּדְתֶּם אֵת כָּל מַשְׂכִּיֹּתָם וְאֵת כָּל צַלְמֵי מַסֵּכֹתָם תְּאַבֵּדוּ וְאֵת כָּל בָּמֹתָם תַּשְׁמִידוּ:
(נג) וְהוֹרַשְׁתֶּם אֶת הָאָרֶץ וִישַׁבְתֶּם בָּהּ כִּי לָכֶם נָתַתִּי אֶת הָאָרֶץ לָרֶשֶׁת אֹתָהּ:
און רש"י באציהט זיך אויך אויפן ווארט "והורשתם"
כי אתם עברים את הירדן וגו' והורשתם וגו' - והלא כמה פעמים הוזהרו על כך, אלא כך אמר להם משה כשאתם עוברים בירדן ביבשה, על מנת כן תעברו, ואם לאו מים באין ושוטפין אתכם, וכן מצינו שאמר להם יהושע בעודם בירדן:
איז קודם כל, נישט מוכרח די גאנצע בנין אין רש"י, ווייל עס קען זיין אז מרעדט פון פארטרייבן די אומות נישט פון עבודה זרה.

אבער, יעצט צום עיקר, קוקט אין די גמרא סוטה ל"ד וואס ווערט צוגצייכנט אין דעם שטיקל,
עודם בירדן, אמר להם יהושע: דעו על מה אתם עוברים את הירדן, על מנת שתורישו את יושבי הארץ מפניכם, שנאמר: והורשתם את כל יושבי הארץ מפניכם וגו', אם אתם עושין כן - מוטב, ואם לאו - באין מים ושוטפין אותיכם
זעט מען דאך אפן און קלאר אז מרעדט פון פארטרייבן די אומות, נישט פון עבודה זרה.
וצריך עיון גדול!

[לעיקוואד]

איך ווארט אז איינער פון די לומדים אין כולל הפך בה והפך בה ללמוד וללמד היפך שיטת מלך הפכפכן, זאל פארענטפערן מיינע קשיות.

איך האב נישט קיין צייט צו נאכקוקן די אלע ספרים. איך וויל נאר אנמערקן עטליכע הערות. לדעתי, לדעתי, זענען די פירכות אויף די שלש שבועות פונקט אזוי גוט ווי די ראיות וואס מען בויט דערויף. דער בעסטער ענטפער איז אז שיקן א חבר הכנסת צו מאכן געזעצן בין אדם לחבירו אויף א לאנד וואס שטייט שוין ממילא, אדער גיין אין מלחמה מיט שונאים וואס זוכן צו אויס'הרג'ענען גאנץ כלל ישראל, האט נישט קיין שייכות מיט שלש שבועות. וואס איך וויל יא וויסן איז, וואס מען ענטפערט אויף די טענה פון סאטמארער רב ווי אזוי מען מעג שיקן אן ערליכער איד, צו זיין חבר הכנסת און מאכן געזעצן שלא על פי תורה. און לויט ווי הרב אלישיב האט גע'פס'קנט אז עס האט א דין פון א בית מינים, ווי אזוי האט ער אליין אהינגעשיקט חברי הכנסת?

אין בעיות הזמן פון הרב ראובן גראזאווסקי טענה'ט ער כמדומה אז דאס איז א בחינה פון עבירה לשמה וואס איז מותר להצלת ישראל. בכלל איז דאס דער ערנסטעסטע ספר ע"פ הלכה פארענטפערון די טענות פון ויוא"מ, געשריבען דורך א חשובער ראש ישיבה. [מפי השמועה שיש עוד בירורים ממנו בנושאים אלו ומתעצלים/מפחדים להוציאם לאור] .
אויך דארף מען צייכענען די בריווען פון סטייפלער וואס ער האט געשריבען צו הרב מונק, געדרוקט אין "קריינא דאגרתא", ווי אויך אין הרב מונק'ס ספר "באין חזון", נמצא בה"ב כמדומה, עם תשובות הרב מונק. כמו"כ ר"מ פילאף כתב מענה לאגרות אלו.

[איחוד פעלד]

איך געדענק זעהן א ספר פין רב מענדעלסאהן פין קוממיות וואס ער ווארפט אפ דער שיטות פין רבי זי"ע, איך וועל עס אפירזוכען בקרוב.

[יאיר]

אין בעיות הזמן פון הרב ראובן גראזאווסקי טענה'ט ער כמדומה אז דאס איז א בחינה פון עבירה לשמה וואס איז מותר להצלת ישראל. בכלל איז דאס דער ערנסטעסטע ספר ע"פ הלכה פארענטפערון די טענות פון ויוא"מ, געשריבען דורך א חשובער ראש ישיבה. [מפי השמועה שיש עוד בירורים ממנו בנושאים אלו ומתעצלים/מפחדים להוציאם לאור] .

אויב איז דאס די סיבה דעמאלט דארף מען ערנסט דן זיין אויב עס איז נאך שייך היינטיגע צייטן, ווען מאנכע זאגן אז מען וואלט פיל מער אויפגעטאן אויב מען האט נישט קיין אייגענע דעפוטאטן. וואס איז דער פחד צו ארויסגעבן? און בכלל, איינער האט נאך מורא פון סאטמאר היינט צו טאגס?

[יאיר]

פארגעסט נישט די ספר וואס בעלזער רבי האט אפגעשריבן און ער גרייט זיך ארויסצוגעבן שוין דרייסיג יאר...

[ברזלי הגלעדי]

איך ווארט אז איינער פון די לומדים אין כולל הפך בה והפך בה ללמוד וללמד היפך שיטת מלך הפכפכן, זאל פארענטפערן מיינע קשיות.

איך האב נישט קיין צייט צו נאכקוקן די אלע ספרים. איך וויל נאר אנמערקן עטליכע הערות. לדעתי, לדעתי, זענען די פירכות אויף די שלש שבועות פונקט אזוי גוט ווי די ראיות וואס מען בויט דערויף. דער בעסטער ענטפער איז אז שיקן א חבר הכנסת צו מאכן געזעצן בין אדם לחבירו אויף א לאנד וואס שטייט שוין ממילא, אדער גיין אין מלחמה מיט שונאים וואס זוכן צו אויס'הרג'ענען גאנץ כלל ישראל, האט נישט קיין שייכות מיט שלש שבועות. וואס איך וויל יא וויסן איז, וואס מען ענטפערט אויף די טענה פון סאטמארער רב ווי אזוי מען מעג שיקן אן ערליכער איד, צו זיין חבר הכנסת און מאכן געזעצן שלא על פי תורה. און לויט ווי הרב אלישיב האט גע'פס'קנט אז עס האט א דין פון א בית מינים, ווי אזוי האט ער אליין אהינגעשיקט חברי הכנסת?

דיין קשיא וויאזוי מען מעג אריין גיין אין א בית מינים איז א גיטע אבער די פרומע חכים שטימען דאך קעגן די חוקים וואס זענען כנגד די תורה אין די טענה אז וויבאלד אן 120 חכים קעגן מען נישט אדוירעך פירען קיין חוק בממילא איז כאילו זיי האבן געשטימט דערפאר איז אף פאר דיבעט

[היימישער ליטוואק]

עוד מספר שם אחד מחברי הפאנל, עובדא ששמע מראש ישיבת בעלזא הגה''צ רבי שמואל רוזנגרטן שליט''א אודות הבריסקער רב זצ''ל שהתארח פעם לפני תקופת בחירות בבית דודו הרב וועלוול רוזנגרטן שהיה ליטאי והתגורר בשוויץ, כשחזר האדמו''ר בעל ה'דברי יואל' מסאטמאר מביקור בישראל נכנס לביקור אצל הבריסקער וסיפר לו כי הוא רוצה להוציא כרוז לאסור את ההשתתפות בבחירות, ומבקש ממעלת כבודו שיצרף את חתימתו, ענה לו הבריסקער: סאטמע'ר רב לפני שאתה שואל אותי אם אני מצטרף תשאל אותי אם אני אוסר, אני אוחז שאין איסור בדבר
מקור: דא

[היימישער ליטוואק]

"נרתעתי לקרות בחומותינו (העלון של הנטורי קרתא) מיום ה' מרחשוון תשי"ט דברי בלע שצריך למסור נפש שלא לעזור למדינת ישראל נגד הקמים עליהם להכחידם, ופוסקים דין זה עפ"י תורה"ק על סמך מה שאסרו חז"ל "למרוד באומות". והוא גלוי פנים בתורה שלא כהלכה להביא בסכנה מיליונים יהודים. חז"ל הזהירו שלא למרוד באומה שכבר כבושים תחת ידם משום סכנה אבל לאחר שפרקו עול המלוכה אף שעברו על האזהרה צריך לעזרם במסירת נפש.

..וכל הרבנים שהיו נגד הציונות ויסוד המלוכה היה זה קודם הקמתה אבל אחר שכבר קמה ונהיתה המשתדל לספות ביד אומות העולם אפילו לא היה בזה סכנה הריהו מוסר גמור ורודף כלל ישראל. וכל שכן כפי המצב שממ'ש סכנת כליה בזה.

ועבירה זו נגררת מעבירה אחרת שדנים את כל הציונים והמזרחים והאגודאים ורבנים לכופרים ואפיקורסים וכבר אמרו חז"ל איזהו אפיקורוס? המבזה ת"ח

..כי הערבים ושותפיהם משתמשים בדבריהם, והימים ימי הרת עולם וסכנה נוראה מבחוץ וגם מבפנים בזה.

..שכתבתי בשם אחד הגדולים (הגאון ר' חיים עוזר גרודזינסקי זצ"ל) שאומה הישראלית גם כן אומה היא ואין למרוד בה.. אמנם דבר זה היא מפורסם שבזמן שהכריזו "באיקאט" על הנאצים פנה הגר"א ווסרמן הי"ד להג"ר חיים עוזר (גיסו) למה אינו מוחה בהם, שהרי הזהירו חז"ל שלא למרוד באומות . והשיב שגם אומה הישראלית אומה היא."

(כתבי הגרי"א הענקין זצ"ל,תשובות איברא סימן קט')

[דעתי הענייה]

א גאר פריוואטען שמועס וואס איך האב מיטגעהאלטן ביי תלמידו כ''ק אדמו''ר מוויזניץ שליט''א ד' דברים תש''ע בביתו בקרית וויזניץ קייאמישא לעיק, מלה במלה פון א טעיפ:
השואל: די רבי האט אמאל געהערט עפעס אויסדריקן פון סאטמערער רב בנוגע עברית? (הרב השואל כיוון צו די מימרא וואס מען זאגט נאך בשמו, וואס ווערט ווייטער דערמאנט)
רבינו: איך האב כמה פעמים געהערט פון אים לשונות.
השואל: עפעס פרטיםדיגע לשונות?
רבינו: איך געדענק נישט קיין ספעציעלע אויסדריק.
בן השואל: עפעס זאגט מען נאך אז ער האט געזאגט זיך ענדערש ביקן צו א צלם... (רבינו הפסיקו, אחזו בידו, התלהב ואמר:)
רבינו: "איך גלייב עס נישט".
בן השואל: אפשר נאר אלס א ווערטל.
רבינו: שווער צו זאגן, אזוי ווארט איז כמעט כפירה.
(צחק ואמר) אויב וויפיל איך ווייס איז דער רב נישט געווען קיין כופר....
השואל: אין ויואל משה שרייבט ער אויך גאר שארף וועגן עברית.
רבינו: אין ערשטען חלק? (כוונתו למאמר שלש שבועות שנדפס ראשון).
השואל: ניין בעיקר און מאמר לשון קודש.
רבינו: נא, איך בין נישט זיכער ער האט עס געשריבען.
בן השואל: וואס הייסט מען האט.... (הפסיקו)
רבינו: איך האב מיר אסאך געדרייט ביי אים, און איך מיין אז מען האט אריינגעלייגט פרעמדע זאכן. (תיכף עבר לנושא אחר)

און דאס איז איינער וואס זאגט אז עס איז נישטא קיין נושא אין אידישקייט וואס איך האב נישט געשמועסט מיט סאטמערער רב!!

[דעתי הענייה]

איך מוז צולייגן:
קיינער זאל מיר נישט בעטן ארויסצוגעבן דעם טעיפ, ווייל דאס גאנצע אפטעיפן איז נישט ערלויבט דארט, און בפרט פריוואטע שמועסן, און טאקע פון דעם שמועס איז ארויסגערינען א פרט, און ווען ער איז געוואויר געווארען דערפון האט ער ברבים מוחה געווען אויף די וואס גיבן ארויס פריוואטע שמועסן.

[היימישער ליטוואק]

"עיקר טענת הרב הקדוש מסטמר שליט"א מחמת שלשת השבועות אינו מובן לענ"ד. בוודאי בתחילה היה שלא כדין, אבל עכשיו שאין שלטון אחר לכאורה ליכא איסור מצד הג' שבועות" (קריינא דאיגרתא, סימן ר"ה, עמ' רכ"ג).

[היסטאריקער]

שיין דערלעבט, אזוי רעדט דער תלמיד "חביב" פון רבי'ן ז"ל.

דער רבי האט עס געזאגט ברבים ביי א דינער פון מוסדות יט"ל, מען קען עס הערן אויף א טעיפ,
דאס יא, ער האט געזאגט "לערנען", נישט "רעדן".

און מ'האט אריינגעלייגט פרעמדע זאכן אין ויואל משה? וואט א דזשאוק

[boxcover]

עס איז שוין גארנישט קיין הלצה ליידער. ווען מ'רעדט פון יענעמ'ס רבי וואלט עס אפשר געווען א דזשאק.

[קאווע טרינקער]

דאס יא, ער האט געזאגט ״לערנען״ נישט ״רעדן״

אז דו האסט א מינוט, גיי אריין אין סאטמאר בית המדרש, קליימער, אנטקעגען די הויז פון צאנזע רב'ס ספר תורה, הענגט דארט א טאוועל: אין די בית המדרש טאר מען נישט רעדן עברית, כידוע די רבי האט געזאגט אז יותר טוב להשתחות לצלם מללמוד תיבה אחת עברית - דאס ווארט ללמוד דעקט צו א ווארט וואס ליגט אינטערדעם. וועלכע ווארט?
לכאורה "לדבר"

[יתרו]

קאווע טרינקער איך דאווען אויך אין קליימער
אפשר טרעפן מיר זיך דעם שבת אינדערפרי איבער א גלעזל שנאפס ?

[קאווע טרינקער]

איך מעג נישט דאווענען דארט, ווייל איך דאווען אויף עברית.
כ'בין נאר אריין דארט פאר הכנות.

[יידל]

אז דו האסט א מינוט, גיי אריין אין סאטמאר בית המדרש, קליימער, אנטקעגען די הויז פון צאנזע רב'ס ספר תורה, הענגט דארט א טאוועל: אין די בית המדרש טאר מען נישט רעדן עברית, כידוע די רבי האט געזאגט אז יותר טוב להשתחות לצלם מללמוד תיבה אחת עברית - דאס ווארט ללמוד דעקט צו א ווארט וואס ליגט אינטערדעם. וועלכע ווארט?
לכאורה "לדבר"

ריכטיג. "מלדבר" איז געשטאנען.

[היימישער ליטוואק]

קונטרס "דעת תורה" בענין החוב קדוש להצביע בבחירות. וקאפי של כל הקול קורא'ס שיצאו במשך השנים.
https://dl.dropbox.com/u/30943411/%D7%9 ... %D7%AA.pdf

[לעיקוואד]

רעצענזיע אויף הרב מרדכי ציון, 'עלה נעלה: מענה לספר ויואל משה, תשובות מפי הרה"ג שלמה אבינר שליט"א', בית אל תשע"ב, 278 עמודים
By Ezra Brand

http://seforim.blogspot.com/2013/02/a-r ... aaleh.html

אין דער ארטיקל איז דא אויך א רשימה פון אלע ספרים ואוס זענען ארויס במשך די יארען אפווענדען דער ויואל משה.