פאעזיע פארמעסט!

[משה געציל]

@יאנקל זייער גוטע פארשלאגן איך שטום צו מיט יעדע נקודה דיינער, בפרט אז מען זאל צופיצען די גראמאטישע חלקים וואס כידוע דארף מיין גראמאטיק אין ספעלינג א תיקון גדול.

[לעמאן דזשוס]

@יענקל

וועגן די גראמאטיק....שאלה גדולה שאלת, אבער הוא הנותנת דאס איז אויך א חלק פונעם פארמעסט

א זינגער וואס קען נישט קיין נאטן קען נישט געווינען קיין פארמעסט, פינטל

איך האלט אז טאמער איינער שרייבט א שיר און האט מורא אז די גראמאטישע אויסלייג איז פעלעריג, קען זיך פריוואט ווענדן צו די שטערקערע בעלי לשון אויף פארבעסערונג. אבער די אנקעטע נעמער קען בשום אופן נישט צופיצן קיינעם׳ס שיר!

בכלל איז ביי פאעזיע גאר גאר בולט דעם גראמאטיק, דאס העלפט זינגען דעם ניגון און גיבט דעם טאן..ממילא איז עס אן אינטערגראלע חלק פונעם מבנה. השיר ואם אין יסוד אין בנין

והשנית, צו פארמיידן טאפעלטע..דאס איז שוין א שווערע זאך. און כ׳מיין אז מען מוז עפעס אנווענדן דערצו. דיין עצה טויג נישט אינגאנצן ווייל די ׳חברה טאפלערס׳ שרייבן געווענליך אסאך מספרים מיט ביידע. ווארום דארף מען אנייצע דערצו

[משה געציל]

@לעמאן ביזט גערעכט מיטן חלק הגראמאטיע, וואס טוט זיך מיטן חלק הספעלינג? איך מיין אז דאס מעג יא פאראכטן ווערן בעפארן ארויפגעלייגט ווערן.

[בן תמליון]

איך שפעקוליר אויף די פסוקים וואס משה געציל זאגט זיי ברענגען טאקע ארויס דעם עזה כמות אהבה וואס מיר פארמאגן נישט איך טראכט אפשר פון די פסוקים אני ישנה לבי ער קול דודי דופק מעי המו עליו דודי חמק עבר קראתיו ולא עננו. וואס ברענגט ארויס ליבע וואס מזוכט אבער זי איז נישטא א טיאמע מיט וואס מיר קענען אידעטיפיצירן. מען מוז נישט שרייבן אויפן פסוק ווארט נאך ווארט נאר איבער די נקודה. סיי וויאזוי עס ווערט באשלאסן וועט זיין גוט.

[לעמאן דזשוס]

@געציל

פריוואט בעטן פון א ידיד

@בןתמליון

ביטע קלארשטעלן פון וואס מען רעדט דא, אהבה בין איש לאשה או להבדיל בין כנסת ישראל והשכינה?

אויב איז עס די ערשטע, זאג איך מיך אפ!

[לעיקוואד]

איך זעה נישט קיין פאבלעם מיט שירי אהבה, מקען טון פונקט ווי שלמה המלך האט געטוהן, שרייבען פשוטע ווערטער פון אהבה, און זאל יעדער עס פארשטיין וויאזוי ער וויל. ווער סוויל זאל פארשטיין כפשוטו און ווער עס וויל זאל פארשטיין אלץ משל.

[לעמאן דזשוס]

@לעיקוואד

יא פראבלעם נישט פראבלעם, טוה וויזוי דו פארשטייסט

איך האב נאר געזאגט אז אני הקטן נעם נישט קיין טייל דעריין

אויף דעם האביך יהודא ליב בן זאב

[בענדזשאמין פרענקלין]

איך שטים מיט מיט קופערניקוס אז דער נושא זאל ענדערש זיין איבער אונזער סיסטעם, און נישט איבער אהבה. שירי אהבה איז גרינג צו לקח'נען פון פרעמדע מקורות, רוב חלק פון גוישע שירים איז איבער אהבה כידוע ליודע חן . משא"כ אונזער געוואלדיגע\פארשטינקענע סיסטעם איז נישט דא ביי קיינעם נאר ביי אונז, (אויך ווילן מיר האבן לעמען דשאוס אינעם פארמעסט).

[[NAMELESS]]

בענדזשי, פיין און ווויל, אבער איך מיין אז יעצט קען לעמאן נישט שרייבן וועגן די סיסטעם אויך נישט ווייל מ'וועט אים ווארפען פון די אנדערע פלאץ ווי ער שרייבט.....

[געפילטע פיש]

ס'מיר גוט, בעשען א סיסטעם איז אויך געווארן א ארט.

[יידל]

לעמאן, וואס איז דער פראבלעם? שרייב איבער אהבה בין אב לבנו! אדער אהבה בין כנסת ישראל לבין אביהם שבשמים. אדער אז דו ווילסט דוקא שרייבן איבער די סיסטעם ,שרייב איבער די חוסר אהבה וואס איז דא צווישן איין פלוגה און די צווייטע...

[בן תמליון]

@געציל

פריוואט בעטן פון א ידיד

@בןתמליון

ביטע קלארשטעלן פון וואס מען רעדט דא, אהבה בין איש לאשה או להבדיל בין כנסת ישראל והשכינה?

אויב איז עס די ערשטע, זאג איך מיך אפ!

לעמאן די שירים קענען זיין ווי די שירי אהבה פון ר' יהודא הלוי און אבן עזרא. אהבה איז אוניווערסאל צווישן א מאמע מיט א קינד, איש לאשתו אדער אפילו אהבת ישראל צו יעדן אידישע נשמה. מאנכע טוען אין אהבת הבריות האבן ליב יעדן גאט'ס באשאפענישן. ועל כולם האבן מיר דער אהבת השם ווי דער פסוק זאגט.

[שמעקעדיג]

וואס זאגט איר צו מיין פלאן? עס מוז נישט זיין אנשטאט; עס קען זיין אין צוגאב צו די אנדערע פלענער דא.

משנכנס אדר מר-בין בשמחה! מר-בין קען מען טייטשן אין 2 ווערטער, אז מען פארשטייט אז עס איז ביטער, און עכ"ז איז מען זיך מחזק מיט שמחה.
כלפי מה הדברים אמורים,
אונז האבן אחינו בני ישראל הנתונים בצרה ובשביה, אידן וואס שמאכטן אפ פאר לאנגע יארן אין די טורמעס, און ווייסן נישט קיין חילוק פון תשעה באב ביז חודש אדר.
די איינציגסטע זאך וואס מיר קענען טאן פאר זיי, איז זיי באזוכן אדער שרייבן בריוו.

אלזא, לאמיר דא אלע שרייבערס מאכן א שיינע פאעזיע אדער באשרייבונג, צו מחזק זיין די לבבות הנשברים, און זיי עס שיקן לכבוד חודש אדר.
א פלאן?

[קאווע טרינקער]

העלאו, איך בין אנגעקומען שפעט. כ'האב געהאט אן אסיפה מיט עטליכע רבנים, דער פרטי-כל וועט אי"ה נאכפאלגן (פיינע נייעס..)
כננס על גבי משה געציל אולא שקילנא, מיין הארץ זאגט מיר - בנוסף צו קופערניקוס' ריכטיגע חששות - אז ווען אלע מחברים וועלן זיך באציען אויף איין נושא בלבד, וועט דאס פארמעסט נישט זיין אזוי אקוראט. נאכן ליינען צוויי אהבה פאעזיע, איז דער דריטע שוין וועפיג, אהבה האט אויך א שיעור. אולי, זאל יעדער שיקן זיין רעיון וענין השיר צו איין ניק (א מנהל וכדו), צו פארזיכערען אז אז יעדער שרייבט פון אן אנדערען נושא.
פאעזיע, עכ"פ ביי מיר, איז בליצען אין קאפ אן קיין הכנה (ויקר אן א אלף, מתלמידיו של בלעם הרשע). ס'שווער צו באשטעלן א יצירה אויף דעם און דעם נושא. גראדע, מיין קרב וכליות זינגען זיך לעצטענס אונטער א נייע ליד, וואס איז נישט פון אהבה, נישט פון די שואה, און נישט פון וועבערמאן. וואס כ'האב טאקע בדעה דא ארויפצושטעלן. אויב ס'וועט זיך אויסארבעטען משה-געציל'ן און לעמאנע'ס פלאן, דאן וועט איר דאס ליינען אן מיין ניק.

איידער די פארמאסט גייט אריין אין קראפט, וואלט איך געוואלט ערשט מברר זיין: ביז ווען קען מען אריינגעבען סחורה (איך דארף נאך צייט)? צו וועם זאל מען דאס שיקן?

---
שמעקעדיג האקט מיט א "לאסורים" פלאן. UMMM, נישט שלעכט, אבער לאמיר נישט מישן, מ'קען טון ביידע.

[קאווע טרינקער]

לעמאן, וואס איז דער פראבלעם? שרייב איבער אהבה בין אב לבנו! אדער אהבה בין כנסת ישראל לבין אביהם שבשמים.

ער רעדט פון אהבה וואס גייען ביידע וועגען.

נו, שגץ.

[פשוט-קאמפליצירט]

פראזע שרייבט מען. פאזיע שרייבט זיך. איך האב נישט וואס צו זאגן. ס'זאגט זיך מיר גארנישט. דערפאר שרייב איך נישט, בכלל.

כ'וויל אבער פארט דאס אייך דערציילן. פארוואס זאלט איר נישט וויסן אז כ'בין אין קייטן, אז מיין הארץ האט זיך פון מיר באהאלטן?

האב איך געפונען אן עצה. כ'האב געווארט אויף בין השמשות, ווען אלעס ווערט אויף א הרף-עין שטיל-שלווה'דיג. כ'האב פון בלעם אויסגעבארגט זיין רגע-כמימרא, און א ווינק געגעבן די קלעם מיינע, אזוי צו זאגן: די זון איז אוועק; די לבנה איז נאכנישט אנגעקומען. אלע זענען כישופ'דיג פארגליווערט. מיר זענען יעצט אליין. עפן דאס מויל, טייערע קלעם מיינע, און דערצייל דער וועלט וועגן אונזער שטיל-זיין. וועלן כאטש אלע וויסן -- סתם אזוי, לשם פשוט וויסן.

און אזוי האט זי געטאן...

(שא. די לבנה האט פאראויסגעשיקט א סימן פון א שיין, לאמר, אזוי צו זאגן: אט בין איך דא. שא, קינדער פון דער ערד. פאלט צוריק אריין אין זיסער מעלאנכאליע, ביז די צייט וועט קומען אייך וועקן.)

[לעמאן דזשוס]

נאך א לענגערע באראטונג דעם נאכט מיט ידידינו ר׳ משה געצל הי״ו און נאכן כאפן א שמועס מיט איינעם פון מיינע נאנטסטע פריינט אויפן אינטערנעט (שם, שמור במערכת) און אלס איינער וואס פארשטייט גוט צו אזוינע פארמעסטן, איז אויסגעקומען אזוי;

עס קוקט לעת עתה אויס אז מען קען זיך נישט גרינג פאראייניגן איבער א שמאלן דעטאלירטע נושא, און ווי קאווע טרינקער ברענגט אויך ארויס א שטארקע פונקט איז א ליד א השראה און שווער צו קומען מיט א באשטעלונג...(עי׳ מחלוקת יוסל גרין ושאר מחברים צו מען קען באשטעלן א ניגון אדער סאיז אן השראה!(

אלזא, וועט מען מאכן א פארמעסט אויפן ברייטסטן אופן שייך,

מען פארמעסט זיך אויף א שטיקל פאעזיע, אין וועלכן פארעם זי זאל נאר זיין (לאמעריק אויך, יואליש) אין וועלכע נושא איר ווילט. און חברי הפארום וועלן שטימען נישט דעטאלירטערהייט, בלויז אפגעבן א שטימע פאר וועם איר געפינט אז דאס יעניגע שיר האט אייך געכאפט, באנומען, געמאכט טראכטן, געמאכט וויינען, געמאכט לאכן, געמאכט קלאצן.

עס איז דא געוויסע לעכער אין דעם ברייטן נישט זעלביגע נושא לדוגמא, יכול להיות אז איינער וואס וועט שרייבן וועגן אהבה בין איש לאשתו וועט באקומען מער שטימען מחמת נפשו של אדם מחמדתן, עס איז פאראן נאך לעכער כגון טאפעלטע ניקס, דארף יעדער נוצן השכל ודעת און נישט סאבאטזשירן דעם פארמעסט, ועוד,..

נאר צום סוף וויל איך מוסיף זיין, דאס איז זעלבסטפארשטענדליך אז אפילו א שיר אהבה אין ערגסטן פאל זאל טראגן א לפנים מפרגוד׳יגע שטייגער (קרעדיט, חבירי היקר באישי)

ויהי רצון שיתקדש שם שמים על ידינו

[יידל]

אקעי, יעצט די טעכנישע דעטאלן: צו וועם שיקט מען? ביז ווען קען מען שיקן? ווען און וויאזוי שטעלט מען עס ארויס? וכולי'

[לעמאן דזשוס]

@יאנקל, וועגן גורל מי בראש

זייט וויסן אז אין געלעגער׳ס אייוועלט פארמעסט איז די געווינער געוועהן נומער 10 קוקט אויס אז ס׳איין נפק״מ

@פשוט קאמפליצירט, פארוואס שטעלסטו ארויף דיין שטיק פאעזיע דא? שיק אריין און מען וועט זיך דערויף פארמעסטן...

@יידל,פרטים יבואו, 2:30 איז דא א מיטינג מיט די באארד אף עלעקשאנס און די ליטעראטור דעפארטמענט

@שמעקעדיג,געניאלע געדאנק, ריזיג! מר-בין

[לעמיל]

איז למעשה גייט מען וויסען ווער האט וואס געשריבען אדער וועט מען עס ארויף לייגען מיט נאמבערס?

[קאווע טרינקער]

לעמיל, זעהסט ווי שטיל ס'איז געווארן דא... די לייבן זיצן אין שרייבן מפני אימת יום הדין.

[[NAMELESS]]

ס'מיר גוט, בעשען א סיסטעם איז אויך געווארן א ארט.

בעשן? מאן דחאר שמיי? מען גייט באזינגען א סיסטעם ווי די מאסן ברקיים אשר לא כרעו לבעל ולאשה שטייגן ב"ה, אן קיין שום מעלעסטאציעס, אן קיין שמוץ, מען האלט זיך פעסט צו דרך, אלעס קלאפט, קיין שום קריזיס באדראעט אונז נישט און אויסער שמידל האבן מיר ב"ה נישט קיין שום פראבלעם. ווייז מיר נאך אזא הייליגע קאמיוניטי

[לעמאן דזשוס]

די מיטינג איז ב״ה צייטליך און איצט אין קראפט.