פאעזיע פארמעסט!

[קאווע טרינקער]

כ'דארף נאך א טאג,
הוסיף לעמאן יום אחד
פליז

[לעמאן דזשוס]

@קאווע טרינקער, ווי געשריבן אויבן אין דף דריי פון דעם אשכול איז די סוף זמן מיטוואך, דאס מיינט מארגן שקיעה!

[לעמאן דזשוס]

טייערע יודן, חברי הפארום,

די זיבן בלעטער זענען עדות אז א פארמעסט איז אין קראפט דא אין שטיבל, עס זענען ערהאלטן געווארן שיינע, רירנדע, זאכליכע, געניאלע שטיקער פאעזיע! אלס די ערשטע פון אזא פארמעסט (מכלל דאיכא נאך??) האלטן מיר, ביי גאר א שיינע מספר שטיקלעך, עס איז צום באוואונדערן וויפיל כוחות באהאלטן זיך אין פילע פילע פון אונזער עולם, סיי אין כח הכתיבה, הן אין כח הדמיון, און אין אלע הינזיכטן וואס שרייבן פאעזיע פאדערט, שפראך, טאקט, מוט, טראכט, און נאטן...

עס איז נישט איצט און דא די פלאץ פאר מיר מער מאריך צו זיין אינעם עצם געוואלדיגקייט פונעם פארמעסט, און ווי ווייט עס דארף באגריסט ווערן, עוד חזון למועד, אבער איך אפלאדיר עס מיט גאר הויכע טענער.

איצט, צום פונקט, אזויווי שוין געמאלדן אויף דף דריי פון דעם אשכול, איז די לעצטע זמן אריינצוגעבן און אזוי ארום אנטייל נעמען אינעם איצטיגן פארמעסט איז די מיטוואך, דאס איז מארגן אווענט בעזר השם. דערנאך וועלן מיר אנהייבן ארויסצולייגן צוביסלעך אין א באזונדערע אשכול, דריי, פיר שטיק אויף איינמאל. יעדע שטיקל וועט באצייכנט ווערן מיט א נומער פון איינס ביז ארויף צום לעצטן. און אינעם זעלבן צייט וועט גע'עפענט ווערן א באזונדערע אשכול ווי חברי הפארום וועלן אפגעבן זייערע מיינונגען און אנאלאזירן די שטיקלעך, עס וועלן דארט פארקומען דיבאטעס אפשר, און אפשר וועלן זיין וואס וועלן פרובירן ארויסצו'דג'ן די שרייבער אונטער די שטיקל! אין יעדנספאל, מיר האפן ביז שבת קודש הבעעל"ט צו האבן ארויסגעגעבן אלע שטיקלעך, און צוגאב, וועט זיין א פידיעף מיט אלע שטיקלעך מיט נומערן, אזוי ארום געבנדיג די געלעגנהייט פאר די וואס ווילן ארויסצודריקן די שטיקלעך און שטייט ליינען און כאפן דעם תוכן.

דערנאך, וועט לכאורה זונטאג, אדער מאנטאג גע'עפנט ווערן שטים בודקעס ווי דער עולם וועט איינציגווייז אריינגיין אפגעבן די שטימען....האמת אגיד, די פונקטליכע מהלך וויזוי די שטימען וועלן צוגיין איז לעת עתה נאכנישט באשטימט, עס זענען דא אסאך אסאך אפציעס אויפ'ן טיש, און יעדע אפציע טראגט מעלות און חסרונות מיט זיך, כמובן, אסאך אפציעס זענען דא אין אשכול שוין ערווענט-און-אפגעווארפן געווארן, און איז נאכנישט געהעריג באשטימט.

אין יעדנספאל, ביטע האלטן אין געדאנק, איר שטימט פאר א שטיקל (אדער צוויי) לויט די געלונגענקייט פונעם באטרעפנדן שטיקל, א געלונגענע שטיקל איז געוואנדן אין זייער אסאך פאקטארן, און אספעקטן ווי למשל; שריפט, אויסלייג, משקל, נאטן, געניאל, שארף, פסיכאלאגיש, פיליסאפיש, און נאך אסאך פאקטארן, אבער כדי צו געבן א שטיקל שמאלקייט פאר'ן פארמעסט, דארף לדעתי ווערן בעיקר אפגעמאסטן דריי פאקטארן;

שריפט, שארפקייט פון געדאנק, משקל-אויסלייג.

שריפט מיינט, ווערטער אויסוואל-ווי רייך אין ווערטער באנוץ די שטיקל איז. שארפקייט פון געדאנק מיינט, ווי שטארק איז די מעססעדש פונעם שטיקל, וואס עס זאל נאר זיין. משקל מיינט, וויזוי די עצם שטיקל איז געשריבן, ווי שיין די געזאנג לויפט און זינגט זיך, און אנדערע ווערטער ווי געשמאק איז עס צו ליינען

אזוי ארום, וועט לכאורה אויסקומען אז די געווינער, אדער געווינערס שטיקל צייכנט זיך אויס מיט די סאמע יסודות וואס א שטיקל פאעזיע דארף ענטהאלטן!

איך נעם די געלעגנהייט צו בעטן פארשטענדעניש, היות איך בין געוועהן גאר פארנומען מיטן פארמעסט, און נאכאלץ, כאב באמת נישט געהאט קיין אהנונג אין וויפיל צייט און געדולד איך לאז מיר אריין, דאס קענען מעיד זיין די חברים וואס האבן געשיקט און געזעהן די פארשטענדעניש וואס מיר האבן פרובירט צו געבן יעדן איינעם, דערפאר בין איך לדאבוני נישט אנגעקומען אפצושרייבן א שטיקל ראוי לעלות, בעט איך רשות צו נוצן איינע פון מיינע שוין-פאבליצירטע פאעזיע'ס, און כ'בעט מען זאל משפט'ן כאילו עס איז ניי, און מען ווייסט נישט ווער עס איז דער פארפאסער! דער עצם פארמעסט איז משה געציל און מיין און אייער געווינס!

וכאן אשים קינצי למילי. מיט דאנק פאר אויסהערן און פארשטיין, מיר האפן אז יעדער איינער וועט זיין צופרידן און פארשטיין האמור.

נ.ב. להוי ידוע, קיינער קיינער קיינער ווייסט נישט און וועט נישט וויסן די שרייבער פון די שטיקלעך ביז סוף פון די פארמעסט בעזר השם! והדבר פשוט מאד.

[בן תמליון]

איז נישט בעסער ארויפצולייגן אלע אויפאיינמאל? אזוי באקומט יעדער די זעלבע אימפרעשאן שעיר נישט איינער מער ווי דעם צווייטן.

און יא לעמאן איר זענט דער אלטעמאטיווער געווינער פונעם פארמעסט נאכן זיך אזוי געטריי אהערשטעלן מיט שכל און מחשבה פארן ציבור.

[קאווע טרינקער]

נאך צוויי טעג
אדער too late ?

[לעמיל]

מר' קאווע אויב דו ווייסט וואס איז גוט פאר דיר מאך זיכער אריין צו שוקען עפעס

[לעמאן דזשוס]

חז״ל הקדושים האבן אונז שוין פאראויס געזאגט, שלש תקיעות בלאזט מען ערב שבת! זיי האבן גוט געקענט אונזערע יידעלעך, וואס פארשטייט א גוי צו א שויער נאכ׳ן צווייטן פייף!!!

[חשבון]

נו, וואו האלט מען? עפעס אפדעיטס??
וויפיל איז דא? ווען לייגט מען עס? וויאזוי גייט עס צוגיין?

מיר ווארטן שוין אזוי שטארק

[לעמאן דזשוס]

דא האט איר

[לעמאן דזשוס]

חברה, מיר האבן ארויסגעשטעלט צוויי, דערווייל, עטליכע חברים האבן אריינגעשטארעמט ביי מיר אין אישי, און שרייען אז זיי זענען נאך אין שויער! עלמיר צוווארטן ביז זייער זייף איז אפגעוואשן און אפגעטרוקנט...ואתכם הסליחה.

צו אלע וואס זענען אין שויער, ביטע מעלדט אייך.

[אוהב דעת]

חברה, מיר האבן ארויסגעשטעלט צוויי, דערווייל, עטליכע חברים האבן אריינגעשטארעמט ביי מיר אין אישי, און שרייען אז זיי זענען נאך אין שויער! עלמיר צוווארטן ביז זייער זייף איז אפגעוואשן און אפגעטרוקנט...ואתכם הסליחה.

צו אלע וואס זענען אין שויער, ביטע מעלדט אייך.

שויער?? מדארף גיין אין מקוה!!!!!

אזעלכע אפיקורסס שרייבען!
דאס איז עס!
און שטיבעל דא וועל איך שוין מער נישט אריינטרעטען!

[יתרו]

לץ וואס דו ביסט

[לעמאן דזשוס]

ווי זענען די כעוורע מיט די קעסטלעך אפגעגעבענע שטימען??

[ודי למבין]

אני חבצלת השרון שושנת העמקים ---
איך בין די בלום פון שרון - די רויז פון די טאלן
מיין ליבשאפט וויל איך מיט דעם אביסל אפמאלן
איך זיץ און ווארט עס זאל ווערן ליכטיג
וועל איך ווערן ריין און ציכטיג
איך עפן מיינע בלעטער אויסגעשפרייט
צו באקומען פו ן די זוהן ווארמעקייט און ליכטיגקייט
ווען איך פיל די ווארעמקייט אזוי זיס און שיין
טוה איך פון מיין באהעלטעניש ארויסגיין
פון מיין ווינטער שלאף וועק איך מיך אויף
מיינע חושים איך נעם צונויף
דעם שיר השושנה נעמך איך מיך זינגען
אלע פליגן און פייגלעך טוהן מיט מיך שפרינגען
התעוררי התעוררי
כי בא אורך עורי עורי שיר דברי
כבוד ה' עליך נגלה
כמשוש חתן על כלה