ברעיקינג: עד המדינה אין פרשת אולמערט טויט!

[מיין מיינונג]

היינט צופרי איז אין ירושלים געשטארבן שמואל דאכנער, דער עד המדינה אין פרשת אולמערט. ווי באקאנט האט מדינת ישראל'ס פרעימער אהוד אולמערט געמוזט אפטרעטן פון בענקל, זייענדיג אין אמט, נאך וואס מ'האט אים אנגעבליך געטראפן שולדיג אין קאראפציע סקאנדאלן ווי נעמען שוחד אין די צייטן וואס ער האט געדינט אלס מעיאר אין ירושלים. די פרשה האט איבערגעדרייט דאס לאנד ת"ק פרסה על ת"ק פרסה, אבער ווי עס שיינט וועט זיך עס ענדיגן אן קיין שום קלאגע קעגן אולמערט!

לעצטן זומער האבן די ריכטער אינעם קעיס געטראפן אולמערט אומשולדיג אויף כמעט אלע קלאגעס, אבער זיין קעיס איז נאך אנגעגאנגן פאר אפאר קליינע קלאגעס, יעצט ווען עס קומט די נייעס אז דער הויפט עדות איז געשטארבן, העלפט דאס צו אז די פרשה זאל קומען צו א ענדע גאר בקרוב, און דאס וועט געבן פאר אולמערט דעם שליסל צוריק אריינצוקמען אויף מדינת ישראל'ס פאליטישע ארענע, און ווארשיינליך צוריקבאקומען דעם ראש הממשלה אמט, וואס איז אוועקגעריסן געווארן פון אים אזוי פריצייטיג.