בדחן, יעצט האב איך הנאה פון דיר, יעצט האסטו אנגעהויבן זיך צו באציען צו די נושא.
איך שעץ דיין מיינונג, און איך וועל דיר ענטפערן וואס מיין מיינונג איז, איך האב נאר אזויפיל געזאגט אז דא איז נישט צימעס, אין צימעס דעבאטירט מען די "מענטשן", און אין תורה און מחשבה דעבאטירט מען די "נושאים", און איך וועל דיר ענטפערן נאר אויף "נושאים" וואס דו האסט געשריבן.
און יעצט צום "נושא".
בדחן האט געשריבן:ווען מען רעדט פון ברסלב איז די ערשטע שאלה וואס יעדער פרעגט: מיהו ברסלב?
איז דער ברסלב'ער דער:
1} די האמלאוס חברה מיטען ווייסען נ נח קאפעל וואס טאנצט אין די גאסן?
2} דער אינגערמאן וואס ווייסט פון ברסלב צו זאגען נאר ווען ער וויל פארן אויף א אוספלוג חודש תשרי?
3} מוהרא"ש וואס איז עוסק אז מען זאל חתונה האבן ביי די 14, און הייסט וואטען פאר ש"ס?
4} אדער דער אינגעלייט וואס גייט ארום צו בחורים אז זיי זאלן אנפייפען די טאטעס { וואס גיט זיי ברויט, מאכט זיי חתונה } עד זוב דם?
5} אדער ר' יואל ראטה וואס מקרב צובראכענע נשמות און פראביר זיי אביסל אופצולעבן?
6} אדער דער בעל פלוגתא פון ר יואל, הרב שטערן וואס האלט ער פארשטייט בעסער שיטת מוהרא"ש?
דערנאך איז די שאלה: מה זה ברסלב?
איז שיטת ברסלב:
1} מען מוז גיין מיט א נ נח קאפעל?
2} מען מוז אויסזען פאני און אנדערש פון המון עם?
3} אויב פארט מען אויף אומאן ר"ה ווייל עס איז בא'טאמעט און באקוועם הייסט מען שוין א ברסלב'ער?
4} מוז מען זיין א מח קטן צו זיין א ברסלבער?
די אלע קשיות האב איך שוין פארענטפערט, אז א ברסלבער איז איינער וואס לערנט רבי נחמנ'ס ספרים און ער פאלגט וואס דארט שטייט, עס איז נישט קיין חילוק ווי אזוי ער הייסט, ווי ער וואוינט, ווי אזוי ער גייט אנגעטוהן.
בדחן האט געשריבן:דער אמת איז לא באלה חפץ השם, נישט דאס איז ברסלב, נישט די אלע גרופעס און נישט די אלע מהלכים,
שיטת ברסלב איז אז מען דארף דינען השי"ת שיטת ברסלב איז גארנישט אנדערש מיט דעם פון אלע אנדערע מהלכים בדרך השם,
ברסלב האט ארייגעארבייט אינעם מהלך צו דינענן השי"ת מתוך רגש ושמחה, ברסלב האט גארבייט אינעם אלטן מהלך פון התבדודות און רעדן גלייך צו השי"ת,
אמת, אבער וואס איז פונקטלעך דער מהלך? למעשה ביזטו דאך מודה אז עס זענען דא מהלכים אין עבודת ה', סא מיט וואס איז ברסלב אנדערש ווי אנדערע?
בדחן האט געשריבן:דער אמת'ער ברסלב איז לכאורה ביי הרה"צ ר יעקב מאיר, און נאך זקני חסידי ברסלב וואס דינענן השי"ת מיט א אמת און מיט א שטארקייט..
..משא"כ אויב ברסלב איז א מהלך החיים א שטייגער ווי בי ר' יעקב מאיר, דעמלאטס איז אלעס אנדערש ווייל דעמלאטס האלט מען נאך אן אלעס וואס מען האט געלערנט ביז יעצט, און מען לערענט זיך אויס נאך א וועג ווייטער צו דינענן השי"ת פינקט ווי ביז יעצט,
האסט אמאל געלערנט רבי יעקב מאיר'ס ספרים? האסט אמאל געהערט דרשות פון אים? און האסט אויך געהערט אדער געלערנט ספרים פון אנדערע משפיעים אין ברסלב, אז דו מאכסט אזעלכע החלטות? אדער דו ביזט דן דעם מענטש אויף די נאז, מורח ודאין.
בדחן האט געשריבן:ווי באלד און ברסלב איז שמחה א ארטיקעל דערפאר קען מען זיך מאכען פאני..
זאגען משניות אויסעווענדיג א ערזאץ אויף לימוד התורה ..
ער דארף בסך הכל איינמאל א יאר פארן קיין אומאן..
קיינער קען אים מער גארנישט זאגען אין אידשקייט ווייל ער איז ברסלב'ער..
זיין רבי/קהלה/עלטערען/מסגרת/מסורה איז אים שוין גארנישט מחייב..
מען מוז מצער זיין דאס ווייב איינמאל א יאר און די הייליגיסטע זמנים פון יאר..
מען דארף מער נישט האבן קיין פרבלעם מיט די סאטמער פרעשעור..
מען קען זיך ענשויען ר"ה..
מען דארף מער נישט זאגן תהילים שובבים..
לימוד התורה איז נישט מחייב..
תיקון הכללי אינאינעןם מיט א פרק משניות א טאג איז גענוג..
ועוד ועוד..
WOW.............. אזויפיל שטותים אויף איינמאל?
זאג מיר, פון וועלכן משפיע אין ברסלב האסטו געהערט די אלע זאכן? וויפיל ברסלבע אידן קענסטו אויסרעכענען מיט נעמען אין דיין מח, וואס זאגן די אלע זאכן?
כאטש באמת, ווי געזאגט, אז פון א פריוואטן מענטש וואס רופט זיך ברסלבער קען מען נישט דן זיין, אזוי ווי דו פארשטייסט אז מען קען נישט דן זיין גאנץ סאטמאר געבויעט אויף עטליכע קליינע מוחות וואס געפינען זיך דארט, נאר אויף שיטת סאטמאר, וכן הוא לגבי שיטת ברסלב. אבער אפילו פריוואטע מענטשן אין ברסלב האב איך אויך נאכנישט געזעהן מיט די אלע "מעלות" וואס דו האסט דא אויסגערעכנט.
בדחן האט געשריבן:נאך א נדוקה אינאכט צו נעמען, די ברסלב'ע לא בשמים הוא, לאמיר זען ביי די אלע וואס האבן זיך מיט געכאפט מיטען מאוומענט או זיך אנגעהויבן ריפען ברסלב,
מיט וופיל זענענן זיי געשטיעגן?
מיט וופיל מער האבן זיי אנגעהויבן מכבד זייער ווייב? {א שטארקע נקודה און ברסלב}
חוץ אראפ נעמען זייער שיעבוד פון אלעם ביז יעצט זענענן זיי געווארן בעסער אויך? אדער נישט?
איך קען גראדע גאר אסאך מענטשן וואס האבן זיך מיט געכאפט מיט די מאוומענט, און זיי זענען געשטיגן גאר שטארק ברוחניות, מכבד מער די ווייב, נישט אראפגענומען די שיעבוד.
יעצט טראכט דו אריין וויפיל מענטשן קענסטו וואס האבן זיך מיטגעכאפט און זיי זענען געווארן שוואכער? איך רעד נישט פון וואס מען שמועסט אין די מקוה, נאר טראכט אין דיין מח וויפיל מענטשן קענסטו אפציילן מיט נעמען וואס זענען שוואכער געווארן דורך ברסלב.
בדחן האט געשריבן:דאס איז איז נישט אמת, ווייל אר"י איז פול מיט די סארט וואס טאנצן אן די גאסן און שרייען אז זיי זענענן ברסלב, עס איז טויזענטער פון זיי, אסאך מער וופל חסידים אלע ברסלבע רבי'ס האבן אינאיינעם... אומאן איז אויך פול מיט זיי..
אין ארץ ישראל ווייס איך נישט, אבער אין אומן בין איך שוין געווען אסאך יארן כולן שוין לטובה, און דו זאלסט מיר נישט איינרעדן וואס דארט טוט זיך, עס קומען זיך צוזאם בערך 30/40 טויזנט אידן, און פון די אלע, זענען דא א סך הכל פון בערך 200 נ נח'ס וואס מאכן זיך משוגע, דאס איז די גרעסטע נומבער וואס איך קען נאר זאגן, עס איז לכאורה נאך ווייניגער, אבער דאס איז שוין ברייט גערעדט, יעצט 30,000 מיינוס 200 =29,800 און די אלע זענען נארמאלע מענטשן וואס קומען זיך אויסבעטן ראש השנה צו האבן א גוט געבענטשט יאר, טאקע אין אומן ווי רבי נחמן האט צוגעזאגט אז ווער עס וועט קומען צו אים וועט ער אים העלפן.
יעצט די אלע גייען נישט יעדער מיט א שטריימל און לאנגע בעקיטשע, עס זענען דא אלע סארט אידן יעדער גייט כמנהג אבותיו מיט די לבוש וואס ער איז אויפגעוואקסן ביי זיינע עלטערן (מען טאר דאך נישט משנה זיין) אבער זיי טאנצן נישט אויף די גאסן, זיי מאכן זיך נישט משוגע, זיי מאכן נישט קיין פאן, זיי קומען קיין אומן מיט איין ציהל, צו תשובה טוהן און זיך אויסבעטן א גוט געבענטשט יאר, איינער וואס גייט אריין ערב ראש השנה צום ציון הקדוש אין אומן, איז נישט במציאות אז ער זאל נישט מיטוויינען מיט די טרערן וואס גיסן זיך דארט פון יעדן איינעם אן אויפהער, און דערנאך ביי תפלות יעדער ביי זיין מנין מיט השתפכות הנפש.
נאר אזוי ווי איך האב שוין געשריבן, די משוגעים שטארן ארויס מער, און פון זיי מאכט מען די בילדער, און דערפאר זעהט עס אזוי אויס.
די וועלט זאגט אז שכחה איז א חסרון, און איך זאג אז עס איז א גרויסע מעלה. אזוי קען מען פארגעסן אלע צרות און פראבלעמען און אנהויבן יעדן טאג פון ניי. (רבי נחמן מברסלב)
