פויפסט בענעדיקט רעזיגנירט - נייע פויפסט ערוועהלט

[זר זהב]

ער האט נאר איין לונג!

[מיין מיינונג]

יואליש די היימישע צייטונגן פלעגן תמיד באריכטן וועגן דעם פויבסט און וואטיקאן אנגלעגנהייטן.

[טעפל]

מ'שלאגט זיך וועם אויסצווועהלען, א סקונדע שפעטער קומט ער שוין ארויס מיט זיין נייע ווייסע בעקישטע, א ריכטיגע רבי..

[טעפל]

ער האלט אין איין מאכען דזאוקס ,ס'עולם לאכט..

[מורינו הרב]

וואסערע דזשאוקס האט ער געמאכט?

[פוןדעסטוועגןדאך]

מאכט נישט קיין ליצנות, מ'רעדט דא פון א גייסטליכער פירער פאר איבער א ב-י-ל-י-א-ן מענטשן. דער פויפסט איז בערך אזוי ווי הונדערט טויזנט סאטמארע רבי'ס.

איז די ליצנות הונדערט טויזענט פאכיג.

[[NAMELESS]]

גרויסע חכם! מיר האבן מקבל געווען פון אבותנו ואבות אבותנו, זיי האבן מקבל געווען פון דזשאני און דזשעקי, פוי!

[מורינו הרב]

איך לאך פון זיין זיידן, וואס האט געגלויבט אין עץ ואבן.

[ידען]

ווער איז Rabbi Joseph Potasnik?

ער לייגט אריין אזוי פיל געלט אלץ אויף רעדיא עדס.

יעצט רעט ער זייער שיין פון די נייע פויפסט, אז ער איז זייער פריינטלעך צו אידען."

[ידען]

Pope Francis is his new name?

[ודי למבין]

ער האט אנגעפאנגען מיט א מילתא דבדיחותא אז מ'האט געדארפט גיין ביז עק וועלט צו טרעפן א פויפסט..
וכל העולם שחקו והעלו בת שחוק על פניהם, בראות פני מלכם בפנים מאירות ובחדוותא דנהורא, ויכריזו כל העם בקול גדול לאמר: קדוש יאמר לו, ויקרא שמו פרנסציסקו הראשון, ויריעו כל העם יחי המלך

[פוןדעסטוועגןדאך]

מאכט נישט קיין ליצנות, מ'רעדט דא פון א גייסטליכער פירער פאר איבער א ב-י-ל-י-א-ן מענטשן. דער פויפסט איז בערך אזוי ווי הונדערט טויזנט סאטמארע רבי'ס.

איז די ליצנות הונדערט טויזענט פאכיג.

וואו קומט דא אריין דאס ווארט "ליצנות"? מ'קען לאכן פון א צווייטן ווען יענער מאכט א נארישן און לעכערליכן באשלוס. הא תינח ווען דו וואלסט באשלאסן צו זיין א איד און יענער א קאטאליק וואלט אפשר געווען א מקום צו לאכן, אבער דו האסט דאך נישט באשלאסן צו זיין א איד און יענער האט נישט באשלאסן צו זיין א קאטאליק. איר ביידע האט מקבל געווען דאס אין וואס איר גלייבט פון אייערע עלטערן, טא, וואס איז שייך צו לאכן?

מען האט דאך דא געלאכט סיי פון דעם סאטמערען איד און סיי פון די ביליאן קאטוילען. וואס איז דיין טענה דא?

[יאיר]

איך ליין די נייעס באריכטן איבער דעם נייעם פויפסט, און איך שמייכל צו זיך. דער פויפסט, קארדינאל בערגאגלי, באלאנגט צו די יעזואיטן, דאס איז אן אלטע גרופע פון עקסטרעמע קאטוילישע גלחים, וואס ווען דייטשלאנד און גאנץ אייראפע איז אדורך די ענלייטענמענט זענען זיי געבליבן הארט און פאנאטיש. זיי האבן זיך ספעציעל אויסגעצייכנט מיט זייער ביטערע אנטיסעמיטיזם. די יעזואיטן פלעגן זאגן, "אויב מיר וועלן אמאל זיין ביכולת, וועלן מיר צוריק פארשפארן אלע אידן אין די געטאס." יעצט איז ענדליך געקומען זייער צייט, דער נייער פויפסט איז א יעזואיט - און ער איז אויך א גרויסער אוהב ישראל. ער האט גאר גוטע באציאונגען מיט די אידישע געמיינדע אין אגענטינע, און בכלל איז ער א בעל ענוה און א שטילער, איידעלער מענטש. יא יא, היסטאריע האט א גוטע סענס אוו הומאר.

[קאווע טרינקער]

מ'זעהט קלאר אז חכמה בגוים אל תאמין..
די ראדיא האלט איין מעלדן אז "פרענסיז דער ערשטער וכו'.."
שעה'ן שפעטער האבן זיין מסביר געווען אז זיי האבן געהאט א טעות.
ווייל ווילאנג ס'איז נישטא קיין פויפסט מיט די זעלבע נאמען, הייסט מען נישט "דער ערשטער."...
נו אוודאי אזוי...
איינער מיינט דען אז דער קדושת ציון האט מען גערופן בחייו "ר' בן ציון דער ערשטער"?.. אוודאי נישט, ערשט 70 יאר שפעטער, האט ער באקומען דעם צונאמען.

[זר זהב]

וואס זענען די דריי ערשטע אותיות פון ''פויבסט''? א פיי, א ואו, און א יוד. און ווען מ'שטעלט צוזאמען די דריי אותיות וואס ווערט דערפון?

[center]פוי!![/center]

[שמעקעדיג]

מיט א פא דגושה?

[זר זהב]

מיט א ליידיגע פ. דער פויבסט איז לער, ליידיג, פיסט.

[היימישער ליטוואק]

דערנאך קומט א גרויסע בי ס.

[זר זהב]

און דער טי"ת איז פאר ט'ומאה.

[מורינו הרב]

איך הויב אן טראכטן אז באמת איז דער נאמען 'פויב', נאר אזוי ווי די ספרדים חתמ'ענען זייער נאמען מיט ס"ט, שרייבט אויך דער פויפסט זיין נאמען 'פויב ס"ט', און ווען מען זאגט עס שנעל ווערט דערפון 'פויבסט'.

[שמעקעדיג]

ואפילו כולנו חכמים, כולנו נבונים...

[יואליש]

כ'זעה מ'באזידלט דא גאנצט פיין דעם פויבסט. זאל ער וויסן.

[פוןדעסטוועגןדאך]

כ'זעה מ'באזידלט דא גאנצט פיין דעם פויבסט. זאל ער וויסן.

גימטריאות און ראשי תיבות is above his pay grade