איין לאנגע אדער עטליכע קורצע באשרייבונגען

[[NAMELESS]]

איך דארף די עצה פונעם עולם דא.

אזוי ווי איך האב שוין געשריבן אין אן אנדערע אשכול, איז די סאטמארע שיטה היינט זייער אנדערש פונעם שיטה פון רבינ'ס. זיין שיטה איז געווען געבויעט אויף תורה וועלכע מ׳קען זיך קריגן צו ער איז גערעכט צו נישט. אבער די היינטיגע שיטה איז געבויעט אויף שקרים וכזבים ממש לא יאומן.

שטיקל ביי שטיקל פונעם בלאט-איד-אוצרות-ש.ש.ט דרשות, איז ממש קאפי פעיסט פון אראבישע צייטונגען און מידיא.

איך וויל באשרייבן:
די היסטאריע פון איסלאם צו אידישקייט און אידן בכלל.
די אמת׳ע פאקטן פון די מיטל מזרח קאנפליקט,
דעם אמת איבער התגרות באומות בימינו אלה,
דעם אמת איבער די 67 תירוץ.
דעם אמת איבער די שלום אין מיטל מזרח.
דעם אמת איבער די אפארהייד אין מדינת ישראל,
דעם אמת איבער די יו. ען. און זייער רעזעלוציעס,
דעם אמת איבער די נעבעכקייט פון די אראבער,
דעם אמת פון די רציחה פון די אראבער,
דעם אמת איבער די שקרים וואס די אראבער פארקויפן,
די חילוק פונעם רבי'נס קנאות צו היינטיגע אנטיסעמיטיזם,
דעם אמת איבער די קנאים-מדינה קאנפליקט, און די בארבארישקייט פון די ציוניסטישע פאליציי,
דעם אמת איבער די מדינה יא זיין צו נישט זיין א סוקסעס,
און די אמת איבער נאך אסאך פאקטן וואס מ'פארקויפט אונז היינט קרויט לאקשן.

מיין שאלה צו ענק איז אזוי:
זאל איך ענדערש שרייבן אלע נושאים און ווען עס איז פארטיג (אסאך נושאים זענען געקניפט און געבינדען איינע צום צווייטן) זאל איך עס פארשפרייטן דא (נישט פאר א חודש-צוויי ארום. יעדע נושא איז א גוטע פאר שעה ארבעט).
אדער מידי שבוע בשבוע פראבירן ארויפצולייגן איין-צוויי נושאים און עס לאזן יעדעס אונטער אן אנדערע אשכול, אדער האבן ענק אנדערע עצות ווי אזוי מסדר זיין?

א גרויסן ייש״כ

[זר זהב]

מידי שבוע בשבוע

[היימישער ליטוואק]

וועכנטליך

[בדחן]

איך האב נישט קיין מיינוג איבער דיין שאלה, איך וויל דיר אבער יא געבן צוויי גיטע עצות

1) פארבינד זיך מיט אנדערן שרייבער דורוך אימעיל, הער וואס ער האט צוזאגען, מעגליך אז די וועסט באקימען א אנדערע בליק אויף געוויסע זאכען
2) האלט נישט מיט קיין פערזענליכע קאמף מיט קיין אנדערע שרייבער, ענדערש שרייב נוטראל דיין מיינוג איבער די נושא, והבוחר יבחר וועם צו גלייבען, עס איז טאקע שווערער פון אנפאנג אבער א גרעסערע טשאנס פאר הצלחה אין די לאנג ראן.

[[NAMELESS]]

איך גיי שרייבן ״נאר״ פאקטן און מציאת הדברים. די מסקנא וועט דער ליינער דארפן נעמען.

[יואב]

איף מיי וואוט קאונטס,
איך גלייך ליבערשט דעם אפציע פון
באזונדערע אשכולות וועכענטליך,

[[NAMELESS]]

די ערשטע נושא וואס איך וויל נעמען איז די נושא פון היסטאריע פון איסלאם (נישט אראבער) איבער אידן און אידישקייט. איך האף אז די וואך וועל איך עס פארטיגן. עס איז א לאנגע נושא צו באשרייבן.

[לעקיש בער]

עקסטער יעדע וואך,
קען קוים ווארטן

[טעפל]

בעסער צוטיילען, אונז באלעקן זיך מיט דיינע זאכן, אבער ווען ס'ווערט צו לאנג פארלירט מען ריכוז.
מיט פיהל דאנק.

[ידען]

מידי שבוע בשבוע

איסלאם מיינט מוסולמענער?

מאסלים איז די זעלבע ווי מוסול”מענער”, נאר זיי זענען מער פאר מענער?..

[נייגעריגער]

איך מיין אז דו זאלסט עס טאקע מאכן אין פארזעצונגען וועכענטליך, אבער אין איין אשכול מאמר נאך מאמר!
און מאכן אן עקסטערע אשכול פאר די הערות און דעבאטעס [אפשר קעסטו אפי' ערלעידיגן ביי די מנהלים אז דיין מעין אשכול זאל זיין פארשפארט פארן פובליקם צוצושרייבן?!].

[[NAMELESS]]

מידי שבוע בשבוע

איסלאם מיינט מוסולמענער?

מאסלים איז די זעלבע ווי מוסול”מענער”, נאר זיי זענען מער פאר מענער?..

איסלאם איז א לשון פון אינטערטעניגן אויף א אראביש. העי איך קען דיר נישט אויסזאגן אלעס יעצט. וועסט דארפן ווארטן אפאר טעג ביז עס איז פארטיג.

[נולד מאוחר]

וועכנטליך

[קליינער]

איך קען קוים ווארטן אויף די באשרייבונגען, אבער איך בעט דיר זאלסט זיך נישט לאזן פון דיינע אינסטינקטן און גיין אויף די פארקערטע מהלך ווי די היימישע צייטונגען, און זיך לאזן דיקטירן פון וואס מען האט דיר געלערנט אלס יוגנטליכער...

דער אמת איז דער באליבטסטער אפילו ווען עס טוט וויי.

און איך בין שטארק פאר א וועכנטליכער אפהאנדלונג. איך גלייב אז עס וועט פיל ווערן אויסגעקלארט ווען אנדערע וועלן מגיב זיין איטליכער וואך, אנשטאט עס צו האבן אין א פארמאט פון א ספר מיט א ים פון פרקים וואס דאן וועט שווערער זיין מיטצוהאלטן דעם המשך.

מיט הצלחה.

[איך אויך]

עקסטער יעדע וואך,
קען קוים ווארטן

[[NAMELESS]]

אה, זייער גוט ממי שאמרו. ענדליך קומט איינער מאכן א גוטע ארבעט
די מסלפים האבן די לעצטע יארן אנגענומען א נייע טאקטיק אז מען דארף אפ'משל'ען די ציונים נישט בלויז ווי נגד התורה, נאר פשוט נגד מענטשליכקייט, זיי זענען פשוטע מענטשן פרעסער און בלוט צאפער שלימזלים און משוגעים.
אין אלע היימישע צייטונגען, אריינגערעכנט אפילו די מעלות, זענען די ציונים א באנדע קיען וואס לעבן אויף יענעמס בלוט, אומגעלונגענע שלעכטע מענטשן.
פארשטייסט מיר קענען זיך נישט אן עצה געבן מיט גארנישט, נישט מיט ריין כשר געלט, נישט מיט די מינדעסטע אויטאריטעט למשל ביי מאלעסטעישאן, אבער די ציונים וואס האבן געבויעט א מעכטיגע מסודרדיגע לאנד זענען פשוטע שלימזלים אן קיין טראפ שכל וואס עסן אויף אראבערס פאר פרישטאג לתאבון.
דאס איז שקר און איז א סילוף קעגן די תורה. באלד וועט מען אנהייבן שרייבן אז נישט היטן שבת איז פשוט אוממענטשליכקייט. און דאס איז קעגן אלע מאמרי חז"ל פון אל יאמר אדם אי אפשי בבשר חזיר, און האומר על קן ציפור יגיעו רחמיך וכדומה
אויב ציונות איז אסור מעג עס זיין א גזירת הכתוב, ווייל הקב"ה האט אונז געפאנישט אין גלות, און מיר מעגן שטיין און פלאצן פאר קנאה פון די געלונגענע ציונים. שכר עולם הבא וועלן מיר האבן, יעצט מאכן זיי א לעבן.
די שקר אז מיר זענען גשמיות'דיג פערפעקט און זיי זענען קארופטירט און שלימזל'דיג איז שקר שאין לו רגליים און האט די פארקערטע אפעקט אז קינד און קייט שרייט שקר נחלו לנו אבותנו
אלזא, גיי מימישע, לך בכחך זה והושע את (מדינת) ישראל, ונקבל את האמת ממי שאמרו

[נייגעריגער]

ממי'ס געדאנק איז טאקע מורא'דיג, אונז אביסל ארויסנעמען פונעם צימצום און פונעם באקס, מיין איך אז דער בעסטער תועלת פאר אונז אלע וועט זיין ווען עס וועט גיין בניחותא און נישט בנוסח פון א סומאטכע , עס וועט אונז נאך אהער ברענגן אזעלכע פרישע קנאי'שע ניק'ס וואס איז א מכה אשר לא כתובה בתורה וואס קומט מיט מיט איעדע סומאטכע!
אשע"כ אפעליר איך צום עולם [ממי זעלבסט האט שוין פריער קלארגעשטעלט אז ער וועט זיך אויכעט האלטן אביעקטיוו] אז די תגובות זאלן נישט זיין מיט האס קעגן סיי וועלכע פון די צדדים, נאר נושא ונותן זיין צום פינטל פון די ווארהייט פון די פאקטן...
טענקס אין עדווענס!

[חשבון]

בין איך דער איינציגסטער וואס וויל דוקא יא איין לאנגע שיינע באשרייבונג וואס איך גיי מיך אראפזעצן א שבת נאכמיטאג אויפן סאפע מיט די פיס ארויף און ליינען בהעלם אחת א קייט פון מח אויסגראדינגון?

דאס צוהאקן אין אסאך קליינע שטיקלך וועט אוויק נעמען די פליסיגקייט אויב איז עס פארבינדן איינס צום צווייטן. איך וועל שטיקן מיין נייגער פאר אפאר וואכן אבער פארן פרייז פון האבן א שיינע דבר השלום

[[NAMELESS]]

חשבון, איך פארשטיי דיין פראבלעם. דעריבער וועל איך יעדע נושא באשרייבן ביז צום סוף. למשל מיין ערשטע נושא: ארץ ישראל-ירושלים אין איסלאם.
ווי אזוי מוחמד האט באטראכט ארץ ישראל און ירושלים (צוויי עקסטערע זאכן), די חילוק פון סוני׳ס און די שיע׳ס איבער ירושלים, היינט און אמאל און פארוואס. די גאנצע נושא (גלייב מיר עס איז זייער לאנג).

[נייגעריגער]

מיסטער חשבון: אויב איז דאס דיין איינציגער פראבלעם מיט פארזעצונגען דאן האלט דיך איין משך'ן צייט וואס די פארזעצונגען קומען, און אי"ה ווען ס'וועט זיין פארטיג העלעך אלעס צאמנעמען אויף א פי.די.עף. [אויב איך וועל געדענקען אדער מ'וועט מיר דערמאנען] די גאנצע זאך, און ס'וועט זיין גוט פאר איעדעם.

און א חוץ די אלע אויבנדערמאנטע מיין איך אז עס איז דא נאך א מורא'דיגע פרא אין פארזעצונגען, דהיינו אז עס וועט אוודאי קומען חיזוק און לויב ווערטער אין ריכטונג פון ממי [אונז קעמיר אים שוין פון די אנדערע הערליכע מאמרים וואס ער שרייבט אלעס מיט אזא הערליכע און קלארע שפראך...] , און דאס וועט זיכער געבן א שטופ אויף ארויף, משא"כ אויב גייט ער זיך פלאגן אזא לאנגע צייט אן קיין שום פידבעק....

[שמעקעדיג]

....און אי"ה ווען ס'וועט זיין פארטיג העלעך אלעס צאמנעמען אויף א פי.די.עף. [אויב איך וועל געדענקען אדער מ'וועט מיר דערמאנען] די גאנצע זאך, און ס'וועט זיין גוט פאר איעדעם.

מיינסט אז אזא ריזיגער PDF וועט ארויפגיין אין א קליינעם ערלויבטן 256 KB פייל?

[[NAMELESS]]

די ערשטע חלק גייט האבן בערך 20 טויזענט אותיות.

[[NAMELESS]]

איך זיך איינער וואס זאל קענען איבערגיין יעדע חלק באזינדער פאר עס גייט ארויף. און פארעכטן די גרעמער און ספעלינג טעותים. ייש״כ