קאווע שטיבל

חכמת שלמה האט געשריבן: ↑דינסטאג מערץ 05, 2024 4:39 am א גוט יאר פאר יעדן איינעם.

געווען א פארנומענע טאג היינט, נישט געהאט קיין צייט און נישט קיין כח, הערשט יעצט האב איך זיך צוזאמענגענומען אביסל צו באריכטן. איך בין באמת געווען אויסגעמאטערט, אויף אזוי ווייט אז איך בין מסופק צי איך וועל קענען אנהאלטן יעדן טאג אזא סדר, פון באריכטן דאהי כסדר. עס איז זייער שווער און עס האט זיך אויך געמאכט עטליכע טעכנישע פראבלעמען וואס קענען פארשווערן מיין באריכטן דא. איך וועל דעריבער פראבירן צו טון די מערסטע און האפנטליך וועל איך קענען אנהאלטן ווייטער.

איך מוז קלארשטעלן אז איך בין נישט די בעסטע עקספערט אינעם קארט סיסטעם ואביזרהו. איך קום נישט צו לקרסילי רגליו פון הרב געוואגטער. ער ווייסט וואס א טרייעל איז, וואס א מאושן איז. וואס ווייס איך קליינע מענטשעלע? - עס איז דעריבער מעגליך אז איך ברענג זיך נישט גוט ארויס אדער אז איך גרייז אין געוויסע פאקטן. אבער טאקע פאר דעם האבן מיר מורינו הרב געוואגטער, וועלכער וועט מיר פארריכטן, אויסקלארן און באשיינען דאס וואס איך פארפאס. בנוסף דערצו וועט ער דאס אנאליזירן, צולייגן זאלץ און פעפער און מסביר זיין יעדע זאך וואס דארט האט פאסירט.

איך וועל יעצט אראפגעבן דעם טאג, פון מיין פערספעקטיוו, א בליק פון א פרעמדער מענטש וואס ווייסט נישט קיין סך, ווי אזוי איך האב עס אנגעקוקט היינט דער קארט.

די דזשורי סעלעקשן האט זיך געצויגן ביז מיטאג צייט. בערך 2:30 האט זיך אנגעהויבן די טרייעל. פון אנהויב האט מען ארויסגעשיקט פון זאל צוויי פון די אנוועזנדע וועלכע זענען געקומען מיטהאלטן, דער שופט האט גע'טענה'ט אז וויבאלד זיי זענען פאטענציאלע עדות און זיי זענען א חלק פון די מעשה איבער וועמען מען רעדט, טארן זיי זיך נישט דא געפינען. דער שופט האט געזאגט אז ער וויל אז ס'זאל זיין אויף די רעקארדס אז זיי האבן פארלאזט דעם זאל.

אנהויב פונעם משפט, האט דער שופט קודם געהאלטן א רעדע פאר די דזשורי, זיי אנווייזנדיג וואס זייער אויפגאבע איז. צווישן אנדערע האט ער זיי אנגעזאגט אז מען טאר נישט נשפע ווערן פון קיין שום אנדערע מקורות אויסער פון די עוועדענץ פון די קארט. זיי טארן נישט דיסקאסירן די קעיס מיט קיין נברא בעולם און אפילו נישט מיט זייער גאר נאנטע. שוין אפגערעדט דערפון אז זיי טארן נישט מאכן קאנטאקט מיט קיין שום נוגע בדבר און כמובן אויך נישט מיט די אנגעקלאגטע. זיי טארן נישט קוקן קיין נייעס איבער דעם נושא און נישט סורטשן אויפן אינטערנעט איבער די נושא, אויך נישט אויפן פאון און סאושל מידיע וכו' וכו'.

חכמת שלמה האט געשריבן: ↑מיטוואך מערץ 06, 2024 1:00 am דאס קאסט אפ כוחות עצומות, איך האב נישט די כוחות און נישט די צייט צו שרייבן יעדן טאג אזא דעטאלירטע באריכט. קיינער באצאלט מיר נישט דערפאר און איך גיב אוועק פיל צייט דערויף, און איך האב מורא אז איך וועל נישט קענען אנהאלטן אזוי ווייטער. (אפשר אויב איך וועל האבן א נדבן, אז איינער וועט מיר באצאלן טעגליך דערפאר, דעמאלס קען איך עטוואס נאכלאזן פון מיין ארבעט.)

אויף די שאלה פון מאנכע: מיר געפינען זיך אין בבל, הוצל דבנימין, אינאיינעם מיט אונזערע ברידער דאהי. מיר פארמאגן מקורות פון וואו מיר האלטן מיט טעגליך לעבעדיגע באריכטן וואס עס טוט זיך אפ אין קארט.

...
די היינטיגע טאג אין קארט:
צופיל נייעס איז נישט פארהאן צו באריכטן. ווי ערווארטעט האט מען היינט ממשיך געווען מיט די עדות'שאפט פון די אינוועסטעגעיטאר און דערנאך איז געווען קראס עקזעם דורך ר' שמואל מאיר וויינגארטן. דאן האט אויפגעטרעטן נאך אן אינוועסטעגעיטאר און נאכמיטאג איז געווען קראס עקזעם פון ר' שמואל מאיר מיט ר' יעקב נחום. עס איז געלונגען פאר די דעפענס צו ווייזן עטליכע בילדער, ווי אזוי מען שלעפט די קינדער מיט געוואלד, פון מעקסיקא, וועלנדיג זיי נעמען קיין אמעריקע. די אימעידזשעס זענען לכאורה א שטארקע עוועדענץ אינעם קעיס, וויבאלד מען האט געקענט זען אז די קינדער האבן באמת געוואלט בלייבן אין גוטאמאלא, אין די קהילה און אין די שויס פו די משפחה, אונטער זייער טאטע.

אלע געפילן און אינטערעסאנטע עפיזאדן וואס האט זיך אפגעשפילט היינט ביים טרייעל, וועלן מיר לאזן פאר א צווייטע מאל, ווען מיר וועלן האבן מער צייט.

מארגן איז ערווארטעט אויפצוטרעטן ר' שמעון מלכא, אלס עדות פאר די גאווערמענט. איך גלויב אז עס וועט דארט זיין פרייליך, בשעת עס וועט זיין קראס עקזעם דורך זיינע אלטע חברים פון לב-טהור.

וועלן מיר זען וואס וועט זיין מארגן.

מילך טראק האט געשריבן: ↑מיטוואך מערץ 06, 2024 9:54 am ווער איז די שמעון מלכא?
ער וואוינט נאך אין לב טהור? ער איז אנטלאפן?

חכמת שלמה האט געשריבן: ↑מיטוואך מערץ 06, 2024 7:49 pm אה, ס'איז געווען א פולער טאג היינט און זייער אן אינטערעסאנטער. דארף איך אבער האבן קאפ און מוח זיך צוזאמענצונעמען און אראפשרייבן. איך האף אז שפעטער ביינאכט וועלן מיר דאס טון.

ווארטס און האט הנאה.

סוף טוב הכל טוב האט געשריבן: ↑מיטוואך מערץ 06, 2024 10:04 pm

חכמת שלמה האט געשריבן: ↑מיטוואך מערץ 06, 2024 7:49 pm אה, ס'איז געווען א פולער טאג היינט און זייער אן אינטערעסאנטער. דארף איך אבער האבן קאפ און מוח זיך צוזאמענצונעמען און אראפשרייבן. איך האף אז שפעטער ביינאכט וועלן מיר דאס טון.

ווארטס און האט הנאה.

הנאה???
איך זיץ און ציטער וויפיל יאר די דריי נעבעכדיגע אינגעלייט וועלן באקומען, און איך זאל נאך הנאה האבן??!!

חכמת שלמה האט געשריבן: ↑דאנערשטאג מערץ 07, 2024 5:18 pm ס'טוט זיך מיט איר א גאנצע געראטשקע...

חכמת שלמה האט געשריבן: ↑דאנערשטאג מערץ 07, 2024 7:58 pm ווענדט זיך וועמען דו פרעגסט...

חכמת שלמה האט געשריבן: ↑דאנערשטאג מערץ 07, 2024 7:58 pm ווענדט זיך וועמען דו פרעגסט...