קאווע שטיבל

ואני שמעתי אז טשעבינער רב איז נישט געווען מסדר הגט ווייל ער האט נישט געקענט פועל'ן ביי זיך צו זאגן פארן בעלזער רב "דו".

שמעתי מלחשים אז די גט איז געווען ביי די רבנות הראשית אין תל אביב.

איך האב געהערט מיין אינפארמאציע פון משפחת בערנשטיין. איך קען נאך אביסל פרעגען. דער רב הראשי אין תל אביב, הרב אטנטערמאן, איז געווען דער מסדר קידושין ביים דריטע חתונה.

Sent from my HTC Desire 510 using Tapatalk

.

זייער אינטערעסאנט, ליטוואק.
דאס וואס די שרייבסט וועגן די מונקאטשער דארפן רעדן פון בעלזער פעטער, פארשטיי איך נישט. די מונקאטשער האט נישט קיין פראבלעם צו רעדן וועגן אים און אין פאקט האט מהר"א ארלעדיגט די שלום צווישן מונקאטש און בעלז. כ'האב געהערט אז אפילו אין די הייסע צייטן פון די מחלוקת האט ער זיך אויפגעשטעלט מלא קומתו ווען ער האט געזעהן אדער געהערט אז די מנח"א גייט פארביי זיין שטוב.
נאך איז באוויסט אז שמחת תורה אין תל אביב האט מהר"א געהייסן מאכן א רינג און געטאנצן מיט די מונקאטשע קינדער

וועלכע מונקאטשע קינדער? און כמדומה אז שמחת תורה פלעגט ער וויילן אין ירושלים.

קינדער פון ר' ברוכ'ל.

ליטוואק פון בודאפעסט האט געשריבן:איך האב געהערט מיין אינפארמאציע פון משפחת בערנשטיין. איך קען נאך אביסל פרעגען. דער רב הראשי אין תל אביב, הרב אטנטערמאן, איז געווען דער מסדר קידושין ביים דריטע חתונה.

Sent from my HTC Desire 510 using Tapatalk

ליטוואק פון בודאפעסט: דאן זאג נישט אז דער היתר מאה רבנים איז געווען צוליעב ספיקא אז זיין זיוו"ר לעבט נאך. ס'איז ענדערש געווען צוליעב דעם ספק אז ...(עיין בדבריך ) זיין זיוו"ש איז נישט געווען 100% ראוי לקבל הגט...(אפשר מכח שפיות הדעת, וכו'...)

פיהל מער פרטים מברר געווען.
זי איז נישט געווען אכצען יאר, זי האט שוין געהאט געהייראט פאר'ן קריג און פארלוירען א מאן און איין קינד דארט. זי איז געווען א טויגליכע פרוי און זי האט כאטשיג געוואלט זיין א רעבעצין טאמער זי וועט נישט זיין קיין ווייב. דערווייל האבען די גבאים פארפיהרט און זיך געשלאגען מיט איהר און זיי האבען געשטופט צו א גט.
דער מסדר הגט איז גאר געווען הרב מרדכי יפה-שלזינגר, די פאטער פון די ברידער פון שטראסבורג און גענף. ער איז געווען טאקע רב אין ת"א. ביים פרעגען דער בעלזער רב צו ער וויל געבען א גט, האט גער בעלעזר גע'ענפערט 'ניין'. די גבאים האבען איהם ארויסגעפיהרט און גערעדט א פאר מינוט און דערנאך האט ער געזאגט 'יא'. מ'האט מסתמא געדארפט ווידער אנהויבען די גאנצע מעשה נאכאמאל.
אין בעלז האבען זיי ליעב צו פארציילען אז זי האט נישט מוציא שנתה געווען, וואס איז נישט אמת. זי האט געלעבט נאך זיבען יאר. זיי האבען אויך ליעב צו פארציילען אז איהר שוואגער דער שווער פון די מונקאטשער רבי האט זייט דעמאלס געהינקט אלס אן עונש פאר'ן זיך אננעמען פאר זיין שוועגערען. דאס איז אויך נישט אמת, ער האט געהינקט פון אלס קינד.
דער שדכנ'טע איז געווען רויזא דעם רבינ'ס, וואס איהר שווער בזיוו"ש האט חתונה געהאט מיט איינער פון די הגר'ס משפחה. מ'דערציילט אז זי האט געבעטען שדכנות פונ'ם בעלזער רב א קינד. זי איז געווארען טראגעדיג, אבער פארלוירען דער קינד נאכ'ן גט (!). שטעל זיך פאר ווען אלס וואלט געלונגען, און רויזא האט א קינד ווי אויך דער בעלזער רב. מ'וואלט זיך פארשפארט ריזיגע מחלוקת'ער און טומולעריי.

ליטוואק פון בודאפעסט: לפי הידיעות המעניינות שלך, מוז איך מאכן א גאנצע רעוויזיע איבער די שטארקע מחלוקת צווישן סאטמאר און בעלזא, איבער די חתימות פון הרה"ק מבעלזא זי"ע אויף די בחירות אין אר"י. ווייל די סאטמאר'ער טענה'ן אז צוערשט האט הרה"ק מ'בעלזא נישט געוואלט אונטער'חתמ'נען אויף דעם "חוב קדוש" פון גיין צו די בחירות. אבער מ'האט איהם איבערגערעדט... מתחילה האביך געהאלטן אז דאס קען נישט זיין. אויב ער וואלט מלכתחילה געווען איתן בדעתו נישט צו גיין צו בחירות וואלט ער נישט גע'חתמ'ט. אבער לויט ווי דו לייגסט אראפ די אינפארמאציע אז די גבאים האבן געהאט א כח איהם משכנע צו זיין, איז אלעס מעגליך. מייניך אז די סאטמאר'ע נוסח פון די היסטארישע אנטוויקלונגען האט אן אחיזה אין מציאות... סארי. דאס איז די (אביעקטיווע) מסקנא וואס איך נעם ארויס פון דעם מצב...! ייש"כ...!

מ'קען מחלק זיין, אבער בעסער נוצען די קאפ פאר וויכטיגע זאכען, כגון ווער זאל זיין ראה"ק וכדו' מן הדברים העומדים על הפראק

ליטוואק פון בודאפעסט האט געשריבן:אינטרעסאנט אז דער בעלזער רב האט גענומען א היתר מאה רבנים, נישט ווילענדיג צו פארלאזען אויף דעם אז זיין זיוו"ר איז טאקע געשטארבען. דארט האבען געחתמ'ט פארשידענע באקאנטע נעמען, הרב אברהם חיים נאה, הרב מאטיל סלונימער, הרב שמואל הלוי וואזנער, סאטמאר רב, הרב אהרן ראטה, הרב חנוך דוב פאדווא, מיט נאך נעמען וואס איך ווייס נישט פונקט ווער זיי זענען; חנניא יו"ט ליפא טייטלבוים, ישראל טויסיג, יצחק ווינגארטען, מנחם נחום ליעבערמאן, ישראל יצחק היילפרין, יצחק אייזיק אייזען, יחזקאל הירשמאן, מאיר שווארץ, צבי דוד הירשמאן,הרב מנחם זאב שיק,
הרב מאיר חיים אונגר, הרב דוב סוקולובסקיק (אבין של הרב מאיר שמחה שליט"א?), הרב יהושע מענדעל עהרענבערג, ברוך האגער, און נאך. עי' כאן. איך ווייס נישט צו דאס איז געווען פאר'ן זיוו"ש צו נאך דעם.

(דעי היסטאריע איז נישט ממש מיין "ליין" אבער משום כבודו של ליטוואק -)
הרב יהושע מענדעל עהרענבערג איז געווען א רב אין יפו תל אביב, א בעלזער חסיד, (א "ציוניסט"). הרב ברוך האגער איז אפשר דער סערעטער, דער געוועזענער שוואגער פון בעלזער רב.
אגב, אין די לינק וואס ליטוואק האט צוגעברענגט שטייט אז דער נתיבות שלום איז אויך פון די חותמים (נאך מרן הרמ"ח).

ליטוואק פון בודאפעסט האט געשריבן:עכ"פ א פארצרה'טע לעבען, א היתר מאה און א גט און אוועק קינדערלאז.

נעמט אייך נישט צום הארצן, איך האף אז ס'שטערט אייך נישט מער ווי ס'האט געשטערט דעם בעלזער רב.

--
הוספה: הרב ישראל טויסיג היה רב ופוסק בירושלים, רבה של שכונת בתי אונגרין. כונה על שם ספרו ומקום מגוריו בחו"ל: הבית ישראל ממטרסדורף.

מ'האט דיר אויך איינגערעדט אז דער בעלזער רב איז נישט געווען קיין מענטש מיט מענטשליכע געברויכען און געפיהלען? איך האב נישט קיין אינטערעס אזוי צו גלייבען.

איים סארי, קיינער האט מיך נישט איינגערעדט... ס'איז מיר נאר אזוי מסתבר (אין צוגאב צו דעם וואס ער'ט אליינן אמאל געזאגט פאר איינער פון די מנחמים נאכ'ן פטירה פונעם זיין ברודער דער בולגערייער רב אז ער'ט נאך קיינמאל נישט קיין צער נישט געהאט (ע"פ המסופר).

זאג נאר, טעארעטיש האלטסטו אז ס'איז מעגליך אזא זאך?

ווען עס קען באדערן אפאר חסידים איז דער ליטוואק אפילו גרייט מיטצופיהלן מיט בעלזער רב

(איך האף אז עס איז נישט משמע פון מיינע ווערטער אז ס'האט מיר געבאדערט, און בכלל בין איך אויך פון די יודן וואס שפירן נישט קיין צער אויף דעי וועלט... )
(בד"וו איז דא עפעס אן התיחסות פון הרב שך צום בעלזער רב?)

*דאס וואס כ'האב געשריבן אין מיין פריעדיגע הודעה אז "סאיז מיר מסתבר" איז פון ליינען און הערן אויפ'ן בעלזער רב.

ליטוואק פון בודאפעסט האט געשריבן:מ'האט דיר אויך איינגערעדט אז דער בעלזער רב איז נישט געווען קיין מענטש מיט מענטשליכע געברויכען און געפיהלען? איך האב נישט קיין אינטערעס אזוי צו גלייבען.

דוכטזאך אז ר שלמה לורינץ זל, דער ארגינעלער ליטוואק פון בודא פעסט איז יא געווען א מאמין אינעם בעלזער רב'ס איבער נאטיליבער כוחות.

תורה ומדע: ווייל ס'איז א חילוק פון דעם אריגינאלן (און עכטן) ליטוואק פון בודאפעסט, הרב לורינץ, ז"ל, און דעם חסיד פון ווארשע, וועלכער האט דעם ניק ליטוואק פון בודאפעסט... אבער לאמיר נישט אריינגיין אין דעם...!

איש חזון האט געשריבן: זאג נאר, טעארעטיש האלטסטו אז ס'איז מעגליך אזא זאך?

דער גאנצע ענין איז דאך נאר טע'ארעטיש. קיינער ווייסט נישט וואס דער בעלזער רב האט געטראכט ביי זיך. נאר מענטשען קוקען איהם אן אלס א ריזיגע צדיק, און זיי מיינען אז א ריזיגע צדיק האט נישט קיין געפיהלען צו געברויכען. ביי מיר איז פשוט אז אויב בעלזער רב איז א צדיק, האט ער געהיטען תורה וואס דארט שטייט אוהבו כגופו, און ווען ער האט געמוזט אפלאזען זיין ווייב וואס ער האט ליעב געהאט וועגען זייטיגע סבות, האט עס איהם געמעגט וויי טוהן אן צו רירען זיין צדקות. די תנאים און אמוראים האבען באקלאגט זייער קינדער וואס זענען געשטארבען, דוד המלך האט באקלאגען זיין קינד'ס יארען ביז ער איז אוועק. און זיין ערוואקסענע קינד אפילו נאכ'ן שטארבען.
מענטשליכע געפיהלען זענען נישט קיין סתירה צו שפיץ צדקות.

אוודאי נישט. אבער מיר טרעפען אין חז״ל פארשידענע מדרגות און בחינות פון צדיקים וואס זענען למעלה מן הטבע. שפיץ צדקות האט פארשידענע ווערסיעס.

ווייז אויף. וועלכע צדיק האט, אלס צדקות, נישט באקלאגען זיין געשטארבענע קינדער?

וידום אהרן...

ער האט פארשטילט זיין געוויין, עי' רמב"ן שם. ער האט געהאט שוין איינמאל די געפיהלען, נאר זיי באהערשט. דאס איז טאקע א צדיק, דער וואס באהערשט זיין געפיהלען, נישט אז ער האט זיי בכלל נישט געהאט.

הוא הדין הכא. וכן אצל ר זושא שאמר על עצמו שמימיו לא היה לו עגמ"נ בעין עניות.