קאווע שטיבל

קרני צבי האט געשריבן:דא אין קאווע שטיבל, שרייבן מענטשן זאכן וואס זענען נאנט צו אפיקורסות. ואין פוצה פה ומצפצף. מ'קען רואיג פרעגן וואס איז די פונקטליכע באדייט פון אזא מין ווינקל.

אבער יעצט האסטו זיך דערמאנט. וואס ביזטו אזוי זיכער אז זיי זענען "נואפים" און "מטורפים", האבן זיי געשטעפעט דיין אידענע אדער וואס?

גוט, דו האלסט אז זיי זענען עקסטרים, אבער זיי זענען נישט משוגע. ס'איז פשוט חילוקי דיעות. טאמער האלטן זיי אז "אנו המשוגעים" איז נאר ווייל מיר פירן זיך אויף צו זיי אזוי ווילד, און זיי פארשטייען נישט וואס ווילן מיר פון זיי, זענען זיי אונז דן לכף זכות.

אבער פאקטיש, זיי טוען נאר אין עבודת ה' און אין העכערע זאכן. פארשטייט זיך: בשיטה.

איך זאג נישט, מ'קען קריטקירן, פרעגן, מברר זיין. זיי מעגן זיך אויך פארעכטן וואס זיי דארפן פארעכטן. דאס אז זיי האבן מצליח געווען בעסער פון אונז דאס איז א מתנה פון הימל. זעהט אויס אז מ'פאדערט פון זיי אויך. אבער עד כדי כך,

ואמרו כל הגוים בניכם אשר יקומו מאחריכם מה חרי האף הגדול הזה?

זעהסטו, פארוואס איך האלט אביסל אונטער דעם עולם פון מאל צו מאל. ווייל איך זעה נישט קיין אנדערע וועג צו זאגן אמאל א גראד ווארט.

איך האב דען געזאגט אז מיר זענען "משוגעים" וואס טאנצן אויף די דעכער, איך האב נאר געזאגט אז דאס אז זיי דאווענען שעות לאנג און זענען משליך דעם עולם הזה אחרי גוום, א פאקט, קוק נאר ווי זייערע פרויען זענען אנגעהטוהן, דאס מאכט זיי נישט משוגע. אמת זיי זענען "מאדנע" רעלוואנטיש צו אונז וואס מיר זענען מער עוסק בישובו של עולם וואס דער רמב"ם רופט אונז "כת המשתגעים".

אבער האסט עס גענומען אזוי ערנסט שווארץ אויף ווייס אז לולי כת המשתגעים חרב העולם, אז דו האסט שוין - זעהט אויס - געומען צו ערנסט.

בארואיגט אייך ר' איד, כולנו בני איש אחד נחנו.