קאווע שטיבל

ס'קען זיין אז דו האסט ריכטיגע טענות אויף איר, אבער ווילאנג פלעטבוש גירל איז די איינציגסטע וואס טוט די ארבעט און נישט נישנאש בוי, האט זי די פריוועלידזש פון טוהן וויאזוי זי פארשטייט.

(ביטע נישט ארויסנעמען פון קאנטעקסט, ניין, איך זאג נישט אז זי מעג טוען כל דבר אסור בשם די עגונה קריג, די פוינט איז אז די אלע קריטיקס און עצות זענען גוט ווען דו האסט נאך איינער וואס טוט עס, ווילאנג נאר זי איז מסכים צו דאס צו טוהן קומט עס מיט א פרייז, אדרבא אלץ קריינא דאיגרתא זאלן אלע קריטיקירער ארויסקומען אקעגן די מסרב גט אָלל אַאָוט און דערנאך קען מען איר קריטיקירן אויף אירע פראבלעמען).

נישנאש האט געשריבן: ↑דינסטאג יאנואר 30, 2024 9:50 pm לאמיר לייגן אלעס אין די זייט, קען זיין זי איז הייליג גערעכט מיט די מערכה איי דאונט נאו, אבער פארוואס דארף זי ארויפלייגן א ריזן בילד פון די פרוי אויפן טראק ווען זי ווייסט קלאר עס טשעפעט מיט די געפילן פון די ארטיגע לאקאלע רעזידענטס?

אפילו ליבעראלן פארשטייען זיך צו רעכענען מיט יענעמ'ס געפילן. אן בכלל אריינגיין צו די פעולה איז גערעכט צו נישט.

פראקטיש איז עס אויך נישט ווייל זי האט דאך געוואלט נעמען די עולם מיט זיך און דאס וועט נאר טון די פארקערטע.

פון די אנדערע זייט ווען ס'ווען נישט דא דעי בילד וואלט מען איר איגנארירט , זי וויל למעשה "טריגערן" די עולם האט זי א גוטע וועג.

אבער זי טריגערט די עולם אויף פארקערט!

די סירובים, מאן'ס פיקטשער, ר' געציל, וכו' איז גענוג צו טריגערן די ציבור, אלא מאי זי איז סתם א ווילדע פראוויציקירער וואס ארבעט אן סטראטעגיע און גייט קאפ אין וואנט פאר איר פעמיניזעם.

ווי באקאנט האט זי אנגעדרייט א ריזן מערכה פארוואס היימישע צייטונגען לייגן נישט אריין בילדער פון פרויען, און ווידער מען קען דעבאטירן פון א הלכה'דיגע שטאנדפונקט צו ס'איז א פראבלעם צו נישט, אבער עס ווייזט ווייטער איר דיסריגארד פאר מענטשן'ס געפילן. פרידאם גייט אויף ביידע וועגן, לאז יענעם לעבן וויאזוי ער וויל.

קהל'ס נער האט געשריבן: ↑ ס'קען זיין אז דו האסט ריכטיגע טענות אויף איר, אבער ווילאנג פלעטבוש גירל איז די איינציגסטע וואס טוט די ארבעט און נישט נישנאש בוי, האט זי די פריוועלידזש פון טוהן וויאזוי זי פארשטייט.

(ביטע נישט ארויסנעמען פון קאנטעקסט, ניין, איך זאג נישט אז זי מעג טוען כל דבר אסור בשם די עגונה קריג, די פוינט איז אז די אלע קריטיקס און עצות זענען גוט ווען דו האסט נאך איינער וואס טוט עס, ווילאנג נאר זי איז מסכים צו דאס צו טוהן קומט עס מיט א פרייז, אדרבא אלץ קריינא דאיגרתא זאלן אלע קריטיקירער ארויסקומען אקעגן די מסרב גט אָלל אַאָוט און דערנאך קען מען איר קריטיקירן אויף אירע פראבלעמען).

איך בין מיט דיר 1000% אז ס'איז העכסט צייט אז מען זאל אויפשטעלן א מעכטיגע עסקנות אפאראט פאר לעבעדיגע עגונות, איך וועל זיין די ערשטע צו שטיצן מיט געלט אזא ארגאניזאציע. איך האב נאר געזאגט אז אלעס וואס זי האט געוואלט עקאמפלישאן האט זי פאר'הרג'ט מיט'ן דוקא טוען עפעס סענסעטיוו קעגן די קאמיוניטי. זי האט גאנץ גוט געוואוסט פאר'ן אריינדרייוון קיין קרית יואל אז זי גייט שטעכן און וויי טון אסאך מענטשן. און אויב נישט איז זי איגנארענט צו די נעקסטע לעוועל.

א יעדע איד וואס האט א הארץ און א מוח בקדקדו פילט מיט און פארשטייט די עוולה גדולה פון פייניגן אן עגונה וואס וויינט שוין פאר איבער פיר יאר אז מען זאל איר העלפן אז זי זאל קענען ווערן אויסגעלייזט.
קיינער האט די עגונה נישט געוואלט העלפן ווייל ס'ברענגט נישט קיין כבוד און קיין געלט.
איז געקומען פלעטבוש גירל וואס זי האט די סקולס פון אן עסקן וואס נישט יעדער האט אייביג ליב, און זי וויל איר העלפן.

יעדע פרשה וואס רבנים און שיינע אידן ווילן נישט אנרירן קומט געווענליך צום סוף אן צו עסקנים און זיי באשליסן ווי אזוי צו מאכן גערודער ביים ציבור.
און אזוי ווי אייביג איז דא צדדים לכאן ולכאן איז דא אויך דא.

איך נעם נישט קיין אחריות וואס פלעטבוש גירל טוט, אבער פרעגט סיי וואספארא עסקן איר קענט נאר, וועט ער אייך זאגן אז ביי אזעלכע קאמפליצירטע קעסיס איז נישט מעגליך יעדעם צופרידן צו שטעלן, מילד גערעדט. און ווי אויך מוזן עסקנים אין אזעלכע פעלער רוב מאהל ארויסקאלערן פון די באקס כדי צו ברענגען עווערנעס ביים עולם.

פערצופאל איז אונזער עסקן ביי די מאנרא פרשה א פרוי און זי וואוינט אין פלעטבוש.

זי האט ריזיגע ביצים, און צו זעהן ווי די קרית יואל חברה טאנצן נאכן זעהן א פרוי מיט א שפיצל איז ווערט א עקסטער אשכול.

איך האב נישט קיין כוח צוריק צושרייבן פאר יעדעם עקסטער אבער איך האב שוין געזאגט אפאר מאל אז איך קען נישט די מעשה פון מאנרא, עס קען זיין מען דארף אריין פראקן די יונגערמאן מיט די ״עלטערן״ אז ס׳זאל נישט בלייבן קיין זכר פון זייער אחור, איך האב גערעדט אוועראל, יא איך האב שוין געזעהן א סאך מאל ווי זי מאכט פראטעסטן אקעגן עלטערן און אסאך מאל טוט זי נאך מער משוגענע זאכן אקעגן עלטערן אן זאגן פארוואס זי טוט עס אדער ברענגען עווידענס.

און א עקסטערע שכח פאר @שמן למאור פאר׳ן ברענגען די בילדער.

נישנאש האט געשריבן: ↑ אבער זי טריגערט די עולם אויף פארקערט!

די סירובים, מאן'ס פיקטשער, ר' געציל, וכו' איז גענוג צו טריגערן די ציבור, אלא מאי זי איז סתם א ווילדע פראוויציקירער וואס ארבעט אן סטראטעגיע און גייט קאפ אין וואנט פאר איר פעמיניזעם.

ווי באקאנט האט זי אנגעדרייט א ריזן מערכה פארוואס היימישע צייטונגען לייגן נישט אריין בילדער פון פרויען, און ווידער מען קען דעבאטירן פון א הלכה'דיגע שטאנדפונקט צו ס'איז א פראבלעם צו נישט, אבער עס ווייזט ווייטער איר דיסריגארד פאר מענטשן'ס געפילן. פרידאם גייט אויף ביידע וועגן, לאז יענעם לעבן וויאזוי ער וויל.

ווי אנדערע האבן שוין ארויסגעברענגט, איז לייגן די בילד אפשר נישט געווען די קליגסטע זאך, אבער ווילאנג זי פארט אפאר שעה פאר א צווייטן בשעת אונז זיצן אויפן קאוטש און האלטן זיך אינטער פון די קליפס און טייפן אויפן קיבארד, דאן רעד איך נישט אריין וואס זי האט צו טון.

למעשה גלייב איך נישט אז זי האט עס "דווקא" געלייגט צו אויפרייצן די קרית יואלע איינוואוינער. ווען זי גייט מאכן א מערכה אין פלעטבוש וואלט זי פונקט אזוי אויך געלייגט בילדער. סך הכל איז די טענה אז זי זאל זיך רעכענען מיט די געזעלשאפטליכע נארמעס פון די מקום און טוישן די מהלך לכבוד דעם, און זי האלט נישט דערביי. זי האלט אז בילדער פון די פרוי איז יא וויכטיג.

און מער פון דעם, זי האלט אז דאס נישט לאזן בילדער פון פרויען קומט פון די שורש אז מען האלט פרויען צווייט קלאסיג, און דאס איז אויך די שורש פון די מסרבי גיטין סומאטוכעס, אויב אזוי האלט זי נישט ביים אריינגעבן צו דער נאראטיוו.

ווי געשמועסט, גערעכט צו נישט, למעשה טוט זי און איך נישט. כ'גלייב נישט אז די בילד האט קאליע געמאכט די ציל. די פוינט איז צו ברענגען אווערנעס און געבן בושות פאר די מסרבים, דאס איז ממילא געשען, און אפשר האט נאך דער בילד צוגעהאלפן.

צווישן מיר און דיר גערעדט, די אלע וואס זענען געקומען מוחה זיין אויפן בילד, וואלטן נישט ארומגעלאפן פארפירן קעגן די מסרב גט ווען ס'ווען נישטא קיין בילד.

איינער ווייסט אויב מ׳קען פאוסטן א ווידיא אטעטשמענט?(נישט קיין לינק)

איינער האט אראפגעלייגט א באקס ספרעי פעינט נעבן די טראק, ער האט געמיינט אז מ'איז אין די מ"ם-נו"ן יארן...

מעניין לעניין קען זיין מקומו פונעם הערה איז נישט אין דעם אשכול אבער אזוי ווי כ’קען סייווי נישט עפענען אן אייגענעם אשכול שרייב איך דא (אין א זייטיגע נאטוץ טוה איך זיך אליינס גראטולירן פארן שרייבן מיין ערשטע ערנסטן הערה אויפ’ן פלאטפארמע.. )

כ’קען פערזענליך א היימישע עגונה וואס האט אין די פארגאנגענע פאר וואכן באקומען איהר לאנג-ערווארטעטע גט נאך צוויי גאר פיינפולע יארן פון סירוב. ומעשה שהי’ כך הי’:

די פרוי האט חתונה געהאט מיט אן אויסגערופענע עילוי וואס מ’איז געוואר געווארן נאכן חתונה אז דער תנא קמא האט אייגענטליך געסנעפט חדשים פריער (נ.ב. די פאקטן קען איך פונדערנאנט) און נאך עטליכע יאר פון פרובירן צו זיין צוזאמען, וגם לרבות אפאר קינדער אין שטוב, האט די ווייב באשלאסן אז באו מים עד נפש און פארלאנגט א גט. אבל דא עקא אז דער מאנ’ס פאטער האט מחליט געווען אז זיין זון דארף יא בלייבן חתונה געהאט, און זייענדיג א גבר אלים ווי אויך א זון פון איינע פון די באקאנטע רבנים אין נ"י האט ער נישט צוגעלאזט זיין זון זאל גיבן צוועלף שורות.

נאכן זיך אפמוטשענען אפאר יאר און פארלאזענדיג זיך אויף די טובות פון עסקנים, האט די ווייבל באשלאסן אליינס צו נעמען די לייצעס אין איהר האנט. אין איין שיינעם טאג נאכן ערהאלטן אינפארמאציע אז דער אבי הבעל איז אוועקגעפארן פאר אפאר טאג האט זי געשפיהרט אז ס’איז א שעת הכושר, און זי איז אראפגעפארן צום מאן און זיך מיט איהם פרעזענליך געטראפן און געוויינט בתחנונים ער זאל מתיר זיין די קשרי עגונה... ווי אויך האט זי גע’אפערט א שיינע פאר אלפים לא יחרץ געלט כמנהג זמנינו בבתולות ישראל. און וואונדער איבער וואונדער, פון דארט איז מען געפארן צום בי"ד, און ביז אפאר שעה איז זי געווען א מגורשת!

דער מאנ'ס פאטער חושד זייענדיג אז עפעס קאכט זיך האט ער פאר'קורצערט זיין וואקאציע און תיכף גענומען א פליגער אהיים, אבער ס'שוין געווען לאחר המעשה..

וואס כ'וויל ארויס ברענגען מיט דעם עפיזאד איז אז כמדומני אין אונזערע קרייזן ביי יעדער צוטיילונג (אפי’ די רואיגע און לא"ד די היצערע) אנשטאט וואס מ’זאל נעמען די דרך הישר'דיגע מהלך וואס די פרוי אליינס רעדט זיך דורך מיט'ן מאן איבער די צוקונפטיגע פלענער.. וואס ווי נישט ווי איז ער געווען איהר לעבנ'ס שותף די פארגאנגענע יארן און ס'רוב מאל וואס זיי ביידע זוכן צו לעבן ווייטער בשלום און אודאי זוכן זיי ביידע די טובה פון די קינדער וואס דאן איז די סוקסעס ראטע אז די גט פראצעדור זאל דורך גיין על מי מנוחות סאך גרעסער. אנשטאט דעם מאכט מען א גאנצע הו-הא מיט עסקנים רבנים וכדו’ און עס ווערט געהאנדעלט קאמערציעל דורך טוענים פארמיטלער וכו', און פארשטייט זיך אז דאס ברענגט מיט זיך תביעות, צדדים און טענות לכאן ולכאן.

מוכיח צו זיין הנ"ל האט מיר א גרויסע דיין בעייני גיטין געזאגט אז ביי די מער מאדערנע קרייזן מאכט זיך סאך ווייניגער די אויבנדערמאנטע סירובים און בעיקר געשעהט עס ביי די חסידישע אדער היימיש-ליטווישע קרייזן און די סיבה לכאורה איז כנ"ל ווייל ביינאונז איינמאל מ’צעטיילט זיך איז מען זיך אינגאנצן מתרחק פונעם ספאוס און עס טרעטן אריין במקומם די גרויסע פארשטייערס און עסקנים ודו"ק.

כ’מיין כ’האב א פוינט.. נישט אזוי?

כאטש כ'בין אביסל ברוגז אז דיין ניק איז צו שטארק ענליך צו מיינס, לייק איך דיר ווייל האסט גוט געזאגט.

אין די סדר הש"ס איז מסכת גיטין פאר מסכת קידושין מקדים צו זיין די רפואה פאר די מכה.

מסכת כתובות איז פאר גיטין און קידושין ווייל אויב ס'איז דא געלט איז דא עדים...

צומישט און צוחישט האט געשריבן: ↑דינסטאג יאנואר 30, 2024 11:50 pm איינער האט אראפגעלייגט א באקס ספרעי פעינט נעבן די טראק, ער האט געמיינט אז מ'איז אין די מ"ם-נו"ן יארן...

און וואס האט ווירקליך פאסירט?

זאקן האט געשריבן: ↑דינסטאג יאנואר 30, 2024 11:13 pm זי האט ריזיגע ביצים, און צו זעהן ווי די קרית יואל חברה טאנצן נאכן זעהן א פרוי מיט א שפיצל איז ווערט א עקסטער אשכול.

איך האב נישט קיין כוח צוריק צושרייבן פאר יעדעם עקסטער אבער איך האב שוין געזאגט אפאר מאל אז איך קען נישט די מעשה פון מאנרא, עס קען זיין מען דארף אריין פראקן די יונגערמאן מיט די ״עלטערן״ אז ס׳זאל נישט בלייבן קיין זכר פון זייער אחור, איך האב גערעדט אוועראל, יא איך האב שוין געזעהן א סאך מאל ווי זי מאכט פראטעסטן אקעגן עלטערן און אסאך מאל טוט זי נאך מער משוגענע זאכן אקעגן עלטערן אן זאגן פארוואס זי טוט עס אדער ברענגען עווידענס.

און א עקסטערע שכח פאר @שמן למאור פאר׳ן ברענגען די בילדער.

זי איז אן אנדרוגינוס??

זע איך אז זי לאדנט דעם עולם צו קומען קומענדיגע זונטאג קיין קרית יואל מיט א תהלים, פראטעסט סיין און מייקראפאן...

חדשים האט געשריבן: ↑מיטוואך יאנואר 31, 2024 12:37 am זע איך אז זי לאדנט דעם עולם צו קומען קומענדיגע זונטאג קיין קרית יואל מיט א תהלים, פראטעסט סיין און מייקראפאן...

זי שרייבט אז ס'גייט זיין Peaceful...

אויפריכטיג האט געשריבן: ↑ וואס כ'וויל ארויס ברענגען מיט דעם עפיזאד איז אז כמדומני אין אונזערע קרייזן ביי יעדער צוטיילונג (אפי’ די רואיגע און לא"ד די היצערע) אנשטאט וואס מ’זאל נעמען די דרך הישר'דיגע מהלך וואס די פרוי אליינס רעדט זיך דורך מיט'ן מאן איבער די צוקונפטיגע פלענער.. וואס ווי נישט ווי איז ער געווען איהר לעבנ'ס שותף די פארגאנגענע יארן און ס'רוב מאל וואס זיי ביידע זוכן צו לעבן ווייטער בשלום און אודאי זוכן זיי ביידע די טובה פון די קינדער וואס דאן איז די סוקסעס ראטע אז די גט פראצעדור זאל דורך גיין על מי מנוחות סאך גרעסער. אנשטאט דעם מאכט מען א גאנצע הו-הא מיט עסקנים רבנים וכדו’ און עס ווערט געהאנדעלט קאמערציעל דורך טוענים פארמיטלער וכו', און פארשטייט זיך אז דאס ברענגט מיט זיך תביעות, צדדים און טענות לכאן ולכאן.

מוכיח צו זיין הנ"ל האט מיר א גרויסע דיין בעייני גיטין געזאגט אז ביי די מער מאדערנע קרייזן מאכט זיך סאך ווייניגער די אויבנדערמאנטע סירובים און בעיקר געשעהט עס ביי די חסידישע אדער היימיש-ליטווישע קרייזן און די סיבה לכאורה איז כנ"ל ווייל ביינאונז איינמאל מ’צעטיילט זיך איז מען זיך אינגאנצן מתרחק פונעם ספאוס און עס טרעטן אריין במקומם די גרויסע פארשטייערס און עסקנים ודו"ק.

%100
נאך מער, אסאך מאל גייט עס אז מען לאזט איבער א צעטיל אין הויז פלוצלונג און מ'טראגט אפ צו די מוטער'ס הויז. וואס ווילסטו, ס'זאל נישט ווערן א פלאקער? דו געבסט דאך נישט צייט צו דיידזשעסטן און ס'מאכט אז אויטאמאטיש גייט די אנדערע צד אריין אין דיפענסיוו. ס'וואלט געווען טויזענט מאל קלוגער צו עס דיסקוסירן - אז נישט אליין, מיט די הילף פון א טערעפיסט/וכדו' - און ארויסשטעלן די פלענער מיט א רואיגקייט. עס איז אין איין קאטעגאריע מיט די "בת היענה" קולטור אין אונזער סאסייעטי, מען קוקט אוועק פון אלע פראבלעמען נישט האבנדיג די קוראזש צו קאנפראנטירן א שווערע דיסקוסיע און נאכדעם טוט עס טויזענט מאל מער וויי, והיינו הך מיט אפזאגן ארבעטער וכו'.

@אויפריכטיג ווי קומט צו בתולות (ישראל אדער אדערווייז) אפאר קינדער אין שטוב?

איך זעה ווי זייער אסאך שרייבער זענען זייער אנגעווייטאגט, הלמאי וואס איז די משפחה שולדיג?

ווען מען קריגט זיך וועלן אסאך אומשולדיגע ליידן. דאס איז ביי יעדע מחלוקה און יעדע מלחמה. טאף לאק. ביי א גט איז אויך אזוי. אין אמת'ן, ווען א משפחה האט אויפגעצויגן א אינגערמאן וואס וויל נישט געבן קיין גט און די משפחה האט נישט קיין אינפלוענס אויף אים לטב ולמוטב זענען זיי אין אמת'ן יא עפעס שולדיג. אין מיין אפיניען טאר מען נישט אפהאלטן קיין גט אפילו פאר וויזיטעישן, דאס העלפט נישט פאר קיינעם און זיכער נישט פאר די קינדער וועם די טאטע וויל אזוי שטארק וויזיטן. עס איז זייער ווייטאגליך צו זיין דערווייטערט פון די קינדער און מיט דעם אלעם האלט איך נאך אלץ אז מען טאר נישט אפהאלטן א גט.

דער אמת איז אז זייט מען האט טאקע אנגעהויבן צו טעראריזירן די אומשולדיגע מענטשן ארום האבן זיך אסאך גיטין געריקט פאראויס, זעהט אויס אז עפעס העלפט עס. זעהט אויס אז די אומשולדיגע, וואס זענען אסאך מאל באמת אומשולדיג, קענען יא עפעס אויפטוהן. מען דארף נישט זיין שולדיג צו אויפטוהן. מען דארף טוהן צו אויפטוהן און אסאך מאל דארף מען נאר אויפוועקן די מענטשן וואס קענען טוהן אז זיי זאלן טאקע טוהן.

איך ווייס נישט פארוואס אבער 8 pages אין קאווע שטיבל כמעט אלע חברי השטיבל היקרים זענען זעכער אז די מעשה איז אמת אין די נושא איז צו די טאטע איז א רשע פארן אריין לאזן אדער ער איז נישט א רשע די אינגערמאן איז זעכער א רשע בלי שום ספק ריבונו של עולם היתכן?? קען איינער דא דעי אינגערמאן פערזענליך ?
א) רוב רבנים וואס האבן גיחתמ׳ט אויף די סירובים האבן צוריק געצויגן
ב) ר געציל נעמט זיך אן פאר די אינגערמאן
ג) איינער ווייסט די מצב הנפש פון די פרוי?
ד) דאס וואס די מאמע שרייט אויפן טלפון א פרוי קען ווערן איבער גענומען פון הרגשים אין סמיינט בכלל נישט אז זי עיז מעכב
ה) די העסליכע קאמפיין ווערט אנגעפירט דורך איין אונגערמאן א פאפרומטע טעראריסט אין פארקויפט פאר רבנים האלבע מעשיות אין נאכדעים לויפט ארום מיט דעי סירובים
ו) והוא העיקר ליידער ביי אונזער עולם איז ליידער א נורמאלי זאך אז עלטערן מישען זיך אריין אין שלום בית א אונגערמאן איז נישט מחיוב צו גיבן א גט ווען זיין שווער וויל אז מזאל זיך גט׳ן בפרט ווען ער האט קינדער די רבנים דארפן אוועק נעמען די שווער אין שוויגער פון קאנטראלן אין אריינברענגען א גוטע עסקן
ז) די אינגערמאן האט קיינמאל נישט באקומען קיין ויזיטעשאנס גלייך אנפאנג נאך פאר עני מחלוקה די אונגערמאן איז גרייט צו גיין צו דין תורה ער וויל קודם מזאל אים צוזאגן נורמאלי ויזיטעשאנס
פון די מעשה זיי איך ווי די פלעטבוש גורל גלייבט אלעס פון די פרוי זייט בלי שום חקירה ודרישה

מכתב פון רבנים ווי זיי צוין צוריק פון כתב סירוב

שמעקעדיג האט געשריבן: ↑דינסטאג יאנואר 30, 2024 9:09 pm בת קול האט זיך אויפגעוועקט, ווי ערווארטעט...

מען האט שוין די גאנצע נושא אדורכגעאקערט אין דעם אשכול, ס'א שאד צו זיך טענה'ן נאכאמאל און נאכאמאל אויף די זעלבע טענות.

https://www.kaveshtiebel.com/viewtopic. ... 98#p394898

אויב האסטו א פראבלעם מיט מיין אנוועזנהייט איז דא דעם באהאלט פרופיל קנעפל.
דיינע פערזענליכע אטאקעס זענען נישט וועלקאם.

איי'ם סארי... איך האב זיך נישט געקענט איינהאלטן...

יעדע מאל מען רעדט פון די נושא וואקסטו פלוצלינג ארויס, עס איז מיר פשוט געווען אינטרעסאנט