קאווע שטיבל

איחוד פעלד האט געשריבן:וואס האט דייטשלאנד היינט מיט די נאציס?

א גוטע פראגע,
און וואס האבן נטו״ק מיט אידישקייט??
די ענטפער איז א גרויסען גארנישט 0+0 !!!
דייטשלאנד פון 85 יאר צוריק אין דייטשלאנד פון היינטיגע צייטען זענען די זעלבע זאך געבליבען גארנישט עפעס אנדערש, די הלכה איז געפסקנט אז עשיו שונא ליעקב אין די פאקט גייט אן ביז סוועט זיין ועלו מושיעים בהר ציון לשפוט את הר עשיו מיט זייער ציהעלפערס אונזער קאזענס די נטו״ק, דער חילוק וואס כאפט צוישען ביידע תקופות איז נאר אז מיט 80 יאר צוריק איז ליידער געלונגען פאר איין צודרייטער צו אויפפלאקערען די אינערליכע נטורליכע הרגשים פון שנאת ישראל אין היינט דערוואגט זיך קיין איינער נישט צו טהון וואס יענער טמאניאק ימ״ש האט געטוהן ממילא זהעט אויס כאילו סאיז דא א מדינה וואס הייסט ״דייטשלאנד״ אין סאיז דא די ״נאצי דייטשלאנד״ וואס זענען צוויי דינים, אין די זעלבע צייט וואס די הלכה איז א מציאות וואס סאיז נאריש צו טראכטען אז סאיז א פארגאנגנהייט
נטו״ק זאגען אז שנאת ישראל איז בעצם א אלטע מציאות וואס איז געשטארבען אין די אלטע הלכה איז מער נישט שייך, סאיז תורה חדשה מאתי תצא די וועלט האט זיך געטאשט, נאר וואס ציונות האט אויפגעוועקט צוריק די אלטע הלכה וואס איז אלע יארן געוועהן בידוע, זענען זיי אויפגעקומען מיט א המצאה וואס פארשטייט זיך אז דאס קומט וי נישט פון רבינו יואל זעלבסט, וואס איז געוועהן א בחינה פון ״סר מן הדרך״ אין ער האט געהייסען אז מזאל מפרסם זיין אין די מידיא אין אויפשטעלען האטליינס אין זיך טרעפען מיט היטלער, אוי אנטשולדיגט, כהאב געמיינט צו זאגען אחמדינג׳אד, אין פארשטייט זיך איז די מטרה איז הייליג נאר צו מפרסם זיין אז ״עם ישראל אין מדינת ישראל וואס דאס מיינט ציונים, זענען צוויי דינים, אין האבן נישט איינס מיטן צווייטען״ אין מדינת ישראל זענען נישט די פארטרעטער פון די אידישן פאלק(זיי זענען גויים ערגער וי די נאציס ש׳טייט זיך אליין) נאר אונז די פאר הונגערישע וואס טראגען די ריזיגע פלאסטיק גלייזער, אונז זענען די פארטרעטער פונעם אידישן פאלק.....

אין אונז האבן מיר באשלאסען!!!!
וואס באשלאסען??? מיר האבן באשלאסען, אז די ציונים זענען גויים גמורים אין האבן גארניקס מיט אידישקייט צו זאגען 0, מיר האבן באשלאסען אז זיי זענען גנבים שפלים, וואס הייסט?? מיר האבן באשלאסען אז ארץ ישראל באלאנגט פאר די בני ישמעאל נישט מער אין נישט וייניגער!!!
אין די וועלט קוקט זיך צו מיט פרייד ביזן 12 הימל, זיי האבן סחורה, פון היינט אן אין ווייטער איז אוועקגנומען פון זיי די פלעק פון אנטיסמיטיזאם אין הוילע שנאת ישראל, פארגעסען פון די ״הלכה״ פון יעצט איז דא א ״שיטה״....
סאיז דא ווער עס זאל זיך זארגען מיט די הלכה מיט א מאסק פון א שיטה אין נישט סתם אזא מין שיטה בעלמא נאר א שיטה מקובצת א הייליגע שיטה ,יעצט קעגען די ״הייליגע שיטה״ איז אויפגעשטאנען די ״הייליגע שיטה״ פון ״ג׳יהאד״ וואס האט גארנישט מיט שנאת ישראל צו טהון כהוא זה אין והראיה אז עראפאת ימח שמו האט זיך געקושט מיט משה הירש אין געשיקט שבת פעקלעך מיט אוצרות גאלדנע רענדלעך{שיריים פון מוצאי שבת} זיי זענען אלטע גיטע פריינד, אין דער וואס זאגט אז די בני ישמעאל האבן קעגען אידן איז א ציוני, סאיז פאלטש, עלילת דם אויף אומשילדיגע מענטשען וואס קומט פון די ציוניסטישע פראפאגענדע מוחות,
אין אויב מאכט זיך אז והיה כי ישאלך בנך מחר לאמור, וואס איז פשט אז די מופתי אל חוסני ימח שמו האט זיך געטראפען מיט היטלער ימח שמו אין זייער פלענער צו אויסשעחטען אלע אידן פון ארצינו הקדושה??? וואס וועסטו עם ענטפערען, אז סאיז א פראפגאנדע פון די ציונים?? כהאב פארגעסען צו זאגען ״די ציונים ימח שמם״
דאס וואס נטו״ק האבן זיך געטראפען מיט היטלער פון ימינו וואס איך מיין צו זאגען דער טמאניאק אחמדינג׳אד, האט געגעבען חיזוק פאר אלע שונאי ישראל צו די עקזיסטאנץ פון די פאלטשע שיטה וואס קומט צו טוישען די הלכה קדומה וואס איז בידוע, דער שטן האט זיך געפרייט צו די געלעגנהייט וואס איז אויפגעוואקסען אדאנק אללה, יעצט געבט מען עם אין די אלע שונאי ישראל חיזוק אז זיי נישט קיין אנטיסמיטען, נאר שונאים פון די טמאנע טרייפנע פארשאלטענע מדינה, אין מיט די ברען שטאף אין ״שיטה״ וועקט מען אויף די אלטע ״הלכה״ אין שלום על שונאיהם של ישראל
אין ווער איז שולדיג אין די שנאת ישראל נאר די ציונים אליין, הא ??

אתא קלילא, אונז זעמיר שוין קראנק פון דיינע קללות, ביטע בארואיג זיך און שרייב נארמאל, ודברי חכמים בנחת ישמעון.

איך וויל פרעגן א פשוט'ע פראגע וואס קוקט אויס אז קיינער בארירט עס נישט, כ'זאג נישט אז כ'בין גערעכט, אבער איך רעד לדעת די נטורי קרתא אדער נטרונא און די אלע אנדערע חברה אויף וועמען דער עולם גיסט דא אויס חרון אף וזעם, צי כעלעמ'ער מגיד, אתא קלילא, און אפילו אונזער באליבטער באלעגאלע ר' בערל, ענק הייבן נישט אן צו פארשטיין וואס נטרונא אדער נטורי קרתא זיי ווילן מיט זייערע אגענדעס, ר' בערל ענדיגט נישט מסביר זיין אז די גויים האבן יעדן אייניג פיינט, נישט קיין חילוק א שיטה איד אדער א ציוני, וכו' וכו', און עטץ זענטס 100% גערעכט דערמיט,

אבער די סברא איז דאך פשוט, ווען א גוי זעהט זיין שונא פרובירט לעבן מיט אים בשלום, ער לעקט זיך צו אים, ער האלט זיך בהכנעה, איז דאך קלאר אז ער דארף נישט ארויסגעבן זיין שנאה צום איד, עס איז אים גענוג צוצוקוקן ווי דער איד איז דיגרעידעד, ווי דער איד מוז צוקומען צו אים, ווי דער איד זעהט איין אז די וועלט באלאנגט נישט צו אים און ער טוט נישט וואס ער וויל נאר מיטן רשות פון זיין באלעבוס, וואס דאס איז דער גוי, און גענוי דאס מיינט גלות; משא"כ ווען מען פראוואקירט זיי, מען רייצט זיך מיט זיי און מען לאכט פון זיי אין די פויסטן, ווער רעדט נאך ווען מען שיסט אויף זיי און מען לערנט זיי בלק (וואס קומט זיך זיי ערליך), איז דען א ספק אז דאס איז גורם א שרעקליכע שנאה צום איד וואס קען אויסקלאפן מכח אל הפועל אויף א שרעקליכן אופן??

ממילא איז די שאלה, פארוואס קוקט מען אן אזוי מאדנע דעם איד וואס ציטערט פון די פאטענציעלע נקמה אקציעס, און גייט דעריבער זיך חנפ'ענען צום גוי און פרובירט אים בארואיגן אז נישט יעדער איז בדעה אחת מיט די חברה וועלכע רייצן זיך, מיר זענען באמת גוטע פריינד, זיי ווילן פארמיידן דעם האיש (מדינה) אחד יחטא ועל כל העדה תקצוף, זיי האלטן אז עס וועט בארואיגן די געמיטער, זיי מיינען יעדנ'ס טובה, דאס איז זייער דרך אין שתדלנות... נאכאמאל, מעגליך אז זיי זענען נישט גערעכט, אבער פארוואס קומט זיי אלע מיאוס'ע נארישע קללות און שפעט נעמען עד כדי כך זיי צו לייגן אין איין שורה מיט די גרעסטע רשעים טעראריסטן? איז נישטא איין צד פון טאלעראנץ און פארשטאנד צו זייערע שיטות? איז עס ממש אזוי ארויס פון יעדן מענטשליכן הבנה??

שאלה גדולה שאלת וכמדומה אז די תשובה איז א פשוטער, גדולה שנאה שמקלקלת את השורה, אין א צייט ווען מען האט האס און שנאה איז שווער צו קאנצעטרירען זיך צום נערמאלער געדאנקען גאנג

@שמעקעדיג
ס'איז א גרויסע חילוק פון זאגן אז אונז זענען נישט קײן ציונים און אונז װילן לעבן בשלום ביז שטײן און שרײען מיט די אראבער אז די מדינה זאל אונטער גײן אדער ערגערס ה"י.
יעצט קען זײן אז נטרונא טוט נאר די ערשטע חלק אבער נטורי קרתא טוט לײדער די צװײטע רח"ל.

שמעקעדיג האט געשריבן: איז עס ממש אזוי ארויס פון יעדן מענטשליכן הבנה??

נטורי חארטה זיכער יא טויזענט פראצענט. נאטרינע ווען זיי האלטן זיך ווען צום אמת וואלט מען געקענט דן זיין צו זיי פראקטיצירן דעת רבם מסאטמאר (און אז יא צו ער איז גערעכט געווען) אבער אזוי ווי די פאקט איז אז אפילו בטעות קען מען נישט טרעפן א אות אחת בכתביהם וואס זאל זיין אמת איז עס נישטאמאל ווערט צו ליינן אין ביהכ''ס אפילו ווען אלע דבר יום ביומו זענען שוין פארנומען.

ר' ישראל קאפקע ובחדא מחתא ר' שמעקעדיג שליט"א (בלשון רבים.). מיין ברענגען א ראי' אויפ'ן דייטשן אנטיסעמיטיזם, און המשך פון שנאת ישראל (נישט מדינת ישראל) איז נישט דייקא די אזוי-גערופענע פרא-פאלעסטינער דעמאנסטראציעס. נאר דאס איז איינס פון א סאך אנדערע נישט געשמאקע ערשיינונגען פאר אידן. צוזאמען מיט די אנדערע סיבות וואס איך האב אויסגערעכנט. און נאך אנדערע זאכן. אוודאי. דאס שיקן כעמיקאלע וואפן און עקספערטן קיין איראן קען מען פארענטפערן אז ס'איז ביזנעס און געלט . און נישט שנאת ישראל. דאס דינען בבחינת די ע"ז בעל פעור, דעם מאנומענט לזכר דעם האלאקאוסט און די אידן וואס די נאציס ימ"ש האבן משפיל געוועין און פארטיליגט, קענמען אויכעט פארענטפערן אז די גויים וועלכע האבן דאס געטון (געדענקט, א פאר טויזנט.) זענען געוועהן שיכור. אבער אינז ווייסן דאך וואס די גמ' (להבדיל אלף אלפי הבדלות) זאגט אין מס' עירובין. בג' דברים אדם ניכר בכיסו , בכוסו ובכעסו.
בנידון די נטורי קרתא, האביך געהאלטן בראשית דרכם, אז זיי טוען דווקא א גוטע זאך. אז ס'איז גוט אנצוהאלטן א שטיקל באלאנס. אז די גויים, ספעציעל די אראבערס און מוסולמענער זאללן זעהן און וויסן אז נישט אלע אידן זענען מסכים מיט די פאליסיס און אקציעס פון מדינת ישראל. אויך, אז זיי האבן זיך געטראפן מיט דעם בארימטן שווארצן שונא ישראל ( נישט נאר שונא מדינת ישראל), לואיס פאראקאן, ימ"ש. אבער זייערע אקציעס די לעצטע פאר יארן איז שוין לאנג אריבער די מאס און דעם שיעור פון חובת מחאה. וואס גרעניצט זיך מיט אפן באשטעטיגן און געיבן א הכשר אויף די מעשי רציחה (אויף אלע אידן) פון די אראבערס און איראן.
אין די סוגיא פון נטרונא האלט איך אז בעיקרון, אין פרינציפ איז עס א גוטע זאך. אבער למעשה, אין מציאות ארבעט עס נישט. ווייל דער ערליכער איד וועלכער וואוינט אין וויליאמסבורג, בארא פארק אדער פלעטבוש, אדער לאנג-איילאנד, אדער אייראפע. ובכל מקומות מושבותיהם האט נאכנישט נהנה געוועין פון די אלע זאכן. ס'איז נאכנישט געוועין קיין איין איינציגער פאל וואו די גויים האבן געזאגט. "אט די אידן זענען נישט מסכים מיט די פאליסיס און אקציעס פון מדינת ישראל. לאמיר זיי אפלאזן און נישט טשעפען". פארקערט איז יא געוועהן. אין אלע פעלער וואו דער אויפברויז פון די גויים אויף מדינת ישראל און זייערע פאליסיס איז געקומען צום אויסדרוק, האט עס געהאט טראגישע פאלגן פאר אללע אידן. ממילא האלט איך אז דאס אריינלייגן "עד'ס" אין די גרויסע גוי'אישע צייטונגען און אויף ראדיא, איז ארויסגעווארפן צייט און געלט. ווייל, כנראה, איז דא אן אנדערע סיבה וואס טרייבט דעם גוי'אישן אויפברויז. נישט דייקא אנטי-ציוניזם. נאר פראסט און פשוט, שנאת ישראל. אזוי ווי ס'איז געוועהן די אלע טויזנטער יארן....

א קליפ פון די לווי' פון רב וואלעס ז''ל הי''ד ווי מען פארדאמט די מלחמה מיט די אראבער

ישראל קאפקע האט געשריבן:אבער אין דייטשלאנד זענען די דעמאנסטראציעס געווען נישט האלב אזוי גרויס אדער היציג ווי אין פראנקרייך,
ווילסט מיר פארקויפן אז די סיבה נישט דו קויפן דייטשע סחורה איז וועגן אנטי מדינת ישראל פראטעסטן?
איך האלט נישט אז דאס איז ריכטיגע סיבה, אבער לויט דיר אז די סיבה איז אנטי מדינת ישראל פראטעסטן איז דא לענדער מיט פיל ערגער פראטעסטן,

ניין: די סיבה פאר נישט קויפן דייטשע פראדוקטן איז וועיגן דעם חורבן וואס די נאציס האבן געטון מיט די הסכמה פון רוב פון די דייטשע באפעלקערונג. די השפלות און רדיפות וואס די אידן אין דייטשלאנד זענען אדורכגדעגאנגען פונ'ם אויפשטייג פון די נאציס ביז צו די וועלט מלחמה אין 1939 מיט דער צושטימונג פון די באפעלקערונג, דאס איז זייער הויפט חטא לגבי דעם אידישן פאלק. נאך אפילו מער ווי די ווייעדיגע נאכפאלגן פונ'ם האלאקאוסט. ווייל ספעציעל אין אנהויב פון די נאציס' אויפשטייג, איז נאך געוועין זייער גרינג צו פראטעסטירן און נישט צו לאזן די השפלה אויף א טייל פון די באפעלקערונג. ממילא ווארפט עס א פלעק אויף אלע איינוואוינערס פון יענע פארשאלטענע מדינה...

זיס

http://www.truetorahjews.org/images/Cur ... sTTJad.mp3

שעקעדיג, איך בין באמת אין שאק פון דיין תגובה, ווי קומט צי דיר צו שרייבן אזאנע פוסטע שטותים? וואס איז אזוי שווער צו פארשטיין די אויפברויז ביים עולם? שטיין ציזאמען מיט די אראבער האנט ביי האנט, די זעלביגע וואס זיכן אינז צי פארטיליגן ר"ל, אקעגען אינזער ברידער יא אינזער ברידער! טאקע א גרויס חלק תינוקת שנשבו אבער פארט אינזערע ברידער, וואס לאזן זיך טעגליך הארגענען אינז צו שיצען פין די ישמעלים, וואס איז שייך א גרעסערע פאברעך פון דעם?? די קשיא איז וויאזוי קענען רעכטדענקענדע מענטש אזוי ווי דיר סימפאטיזירן מיט אזעלכע גמיינע יונגען.

האסט געוואלט שרייבן שמעקעדיג אדער שרעקעדיג???

האסט מיר געזעהן סימפאטיזירן? כ'האב נאר געפרעגט לשיטתם.

אבער ס'פונקט ווי דו זאלסט מיר פרעגן אויף אלע שתדלנים לאורך הגלות וואס זענען געגאנגען שתדל'ען צום בייזן קעניג וואס האט געזוכט צו פארטיליגן די אידן, און בעטן בכל לשון של בקשה אז מיר זענען נישט קיינע שונאים און מען בעט דעם קעניג זאל נישט הרג'ענען די אומשולדיגע אידן... וועסטו זאגן אז זיי שטייען האנט ביי האנט מיט אונזערע שונאים וואס זוכן אונז צו פארטיליגן???
דו ווייסט דאך אז סתם אזוי אין לעבן זענען זיי נארמאלע פיינע מענטשן, נאר דא זענען זיי משוגע לאותו דבר, און זיי פרובירן מסביר זיין זייער שיטה, איז פרעג איך אפשר איז יש דברים בגו?
דו קומסט שוין מיט א הנחה אז זיי זענען "געמיינע יונגען", לאמיר הערן וואס ברענגט דיר צו די הנחה? איך וויל הערן שכל'דיג, נישט געפיל.

(אגב, דו רעדסט בעיקר פון נטורי קרתא, די אשכול רעדט דאך פון נטרונא וועלכע גייען נישט אינאיינעם מיט די רוצחים, אלזא, זיי פארשטייסטו יא???)

קודם כל, במשך אלע יאהרן ווען יודען זענען געגאנגען שתדל'ן ביי די בעאמטע, צי זאל עס זיין אין שפאניע ביים קעניג אליזאבעט אדער אין רוסלאנד ביים צאר/קייזער אדער אין תימן ביים פאשא, איז מען טאקע געגאנגען מיט א מתנה אין די הענט,( ווי אין די מחניים ביכלעך ווערט אזוי שיין אראפגעמאלן דארעך ה. העכטקאפ) אין זיך איינגעבעטן די הערשער זאל שוינען די ארימע פארפלאגטע פאלק וואס האט נישט קיין מנוחה וכו', קיינמאל איז מען נישט געגאנגען מיטן שונא פראטעסטירן קעגען אייגענע ברידער, אין מחזק זיין די רוצחים, אין ווען יא זענען זיי באוויסט לשימצה ולחרפה ולדראון עולם, וואס מעטיט דא, איז ווי אתא קלילא האט שוין ארויסגעברענגט כמה פעמים, איז גיין ווי מיט די נאציס אליין, אין זיין א שותף צי די רציחות אין ארץ ישראל, לאמער עס אויסשמועסן טאקע שכל'דיג, וואס טוהען די נטורי קרתא אויף? זיי טוען נישט מער ווי בארעכטיגן די ראקעטן אין אלע אנדערע רציחות אויף יודישע קינדער, זיי שרייען אויס, אינז זעמער בדעה אחת מיט די ארבער, אז מען דארף אינטער ברענגען די מדינה מיט אלע אירע בירגער היל"ת, מגייט צו אראפאת'ס קבר אין מעאיז מתפלל אויף די הצלחה פון חאמאס ר"ל, איז דא א גרעסערע אכזריות פון דעם? אלזא וואס האקסטו דא אין קאפ אז זיי טוהן שתדלן? וואס שתדלן פאר א שווארץ יאהר? איז שוין 1 יוד געשוינט געווארן דארך זייערע פראטעסטן מיט די אראבער, ווען ח"ו אינז האמער די פראבלעם אין מעהאקט קניידלעך טאג אין נאכט אויף אונז אין ברוקלין וואלטן די טעראריסטן מבחין געוועהן צווישן וויליאמסבורג אין פלעטבוש? אה, ער איז א שטיצער פון נטורי קרתא, ער נעמט נישט קיין געלט פון די מדינה, וואסארא שטותים, אינז זעמער אלע אין 1 שיף אין 1 גלות, מעהאט אינז אלע איינג פיינט אין חוץ פון חרון אף אין א חילול כבוד שמיים טוט זייען גארנישט אויף, אלזא, איך ווייס נישט פון ווי די קענסט זיי אזוי פרעזענליך אז אין אלגעמיין זענען זיי ביי דיר נארמאלע מענטשן, צו מיר שיינען זיי ווי א גרופע היפאקראטן אין אומפאראנטווארטליכע פאראזיטן.
נ.ב. איך רעד יא פון נטורי קרתא, איך ווייס נישט פון קיין נטרונא צי זאגן.

סמבטיון האט געשריבן:

נ.ב. איך רעד יא פון נטורי קרתא, איך ווייס נישט פון קיין נטרונא צי זאגן.

נו איז וואס ווילסטו פון זייער אשכול, דא איז מען דן אויף נטרונא וואס דערווייל ווייסטו נאכנישט וואס דאס איז בכלל

ישראל קאפקע האט געשריבן:אבער אין דייטשלאנד זענען די דעמאנסטראציעס געווען נישט האלב אזוי גרויס אדער היציג ווי אין פראנקרייך,
ווילסט מיר פארקויפן אז די סיבה נישט דו קויפן דייטשע סחורה איז וועגן אנטי מדינת ישראל פראטעסטן?
איך האלט נישט אז דאס איז ריכטיגע סיבה, אבער לויט דיר אז די סיבה איז אנטי מדינת ישראל פראטעסטן איז דא לענדער מיט פיל ערגער פראטעסטן,

דאס איז געענטפערט שלא מן הענין. ווייל דו האסט שוין געזעהן אין מיין פריערדיגע תגובה ווי איך האב מדגיש געוועהן אז דער חטא פון דייטשלאנד איז נישט זייער אנטי-ציוניזם. נאר פשוט זייער שנאת ישראל אויף אלע אידן. עמער עס איבער חזר'ן. אז די גרעסטע שולד קען מען אנווייזן אויף די גאנצע (אדער עכ"פ , רוב) דייטשע באפעלקערונג. וואס איז נאך אין געוויסע אופנים ערגער ווי די מעשים תעתועים וואס די נאציס ימ"ש האבן אפגעטון בשעת די מלחמה. ווייל אויף דעים קענען זיי טענה'ן אז זיי האבן נישט געהאט קיין קאנטראל. אבער די אלע יארן זייט דעם אויפשטייג פון די נאציס אין דייטשלאנד גופא פאר די צווייטע וועלט מלחמה. אין די דרייסיגער יארן. ווען די נאציס, ימ"ש האבן אנגעהויבן מיט זייערע גאר שטארקע רדיפות אויף די אידן אין דייטשלאנד. און ס'איז נאך געוועהן זייער גרינג זיי צו שטערן. אדער לכה"פ פראטעסטירן. און דער המון עם אין דייטשלאנד האט עס אנגענימען מיט א שטילשווייגעניש...

יעצט געליינט איש עברי'ס מאמר, זייער שיין.
די ארבעט פון נטרונא איז לעכערליך און קומט פון א קליינע דארפישע קוק ווינקל והוא הנותנת אז סאיז בכלל נישט קיין סכנה נאר בלויז אירעלעווענט. אין אמעריקא האסטו אדוואקאטן גרופעס אויף יעדער זאך אין דער וועלט, און אפילו אזעלכע וואס פארטרעטן אויף אן אמת מיליאנען מענטשן און זיצן אויף שווערע געלטער, קוים קוים וואס עס קומט זיי אויס פארצושטעלן א פוינט אז זייער שטימע זאל בכלל געהערט ווערן, ווער רעדט נאך פון טוישן דעם דעת הקהל.
ווידעראום נטרונא איז א לעכעריגע זאק אן ארגאניזאציע וואס צווישן מיר און דיר און די לאמפ איז עס קלענער ווי דער פאסט קעסטל ביים ווינקל פון דער גאס, זיי פארטרעטן קיינעם אין דער וועלט אויסער איינעם כ'ץ מיט א טשולענט טאפ און א פאנדרעיזער וואלדמאן, זיי האבן נישט קיין אפעראציעס אויסער עפעס א האטליין אויף אידיש א קעגנזאץ פאר אלתר משה גאלדבערגער, ניטאמאל סאטמאר אידענטיפיצירט זיך מיט זיי, שלעפן א בודזשעט פון... און האבן אונטער גענומען א זינלאזע מערכה צו באמבאדירן די לבנה און זיי קעמפן קעגן אן עקזיסטירנדע דעמאקראטישע לאנד.
עס איז ריין געלעכטער, ניטאמאל ווייטאג.
ףארגעסן, זיי האבן אויך איינעם מיט א בענדדאון וואס האט אפילו געהאט די ערשטע זייט פונעם מאמענט.

כוכב נאך איין נקודה פארגעסן
זיי האבען אויך א טוץ מיט ניק'ס אויף קאווע שטיבל וואס שימפען און שרייבן העסליך קעגן א לעכעריגע זאק
#אויך עפעס

נטרינא לאזט יעצט פאלן בייסיגער קאמערשעלס אויף ביבי'ס דרשה אין קאנגרעס. איך ווייס נישט, אבער איך האב נאכקיינמאל אין מיין לעבן נישט באגעגענט אזא מאסשטאבליכער חילול ה' איום ונורא. בנוסף צו דעם עקל'ט עס, און א סקרוך פון גיעול הנפש באנעצט די ביינער. ווען אימער איך זעה א פאסטער פון נטרינא בין איך אויסן עס אראפצורייסן און צופילקן אויף שטיקער.. א שאנדע!!

מיר קוקן אויס ווי ווילדע שבטים וואס רייסן זיך ביי די קעפ...

דאס איז געווען א ענטפער אויף עזריאל'ס תגובה וואס ער האט אפגעמעקט, אז לשיטתו טוט נטרינא אין די פאל יא א גוטע דזשאב.

פרייוויליג האט געשריבן:מיר קוקן אויס ווי ווילדע שבטים וואס רייסן זיך ביי די קעפ...

דאס איז געווען א ענטפער וואס עזריאל'ס תגובה וואס ער האט אפגעמעקט, אז לשיטתו טוט נטרינא אין די פאל יא א גוטע דזשאב.

ניין: נאר די אנטיסעמיטן לאכן זיך גוט אונטער פון די נארישע אידן...!
כמו שאמרתי במקום אחר. אז פאר די צווייטע וועלט מלחמה האטציך ארומגעדרייט א האלב צודרייט איד'ל, ל"ע און ער האט געשריבן א חיבור וואס ער האט געטענה'ט אז מ'דארף דאס אריבערשיקן פאר היטלער, ימ"ש און זיינע נאציס. און ווען זיי וועלן ליינען וואס דער קלוגער מחבר האט צו זאגן, וועלן זיי איינזען דעם אמת און אויפהערן פיינט צו האבן אידן...

פרייוויליג האט געשריבן:מיר קוקן אויס ווי ווילדע שבטים וואס רייסן זיך ביי די קעפ...
דאס איז געווען א ענטפער אויף עזריאל'ס תגובה וואס ער האט אפגעמעקט, אז לשיטתו טוט נטרינא אין די פאל יא א גוטע דזשאב.

זייער קאמפיין יעצט לויט ווי איך האב געהערט איז געווען קעגן דעם וואס ביבי רופט די אידן פון פראנקרייך און דענמארק צו מאכן א עליה און אויף דעם האב איך געהאלטן אז זיי טוען א גוטע זאך ווייל די ביידע לענדער זענען געווען זייער בייז דערויף, אבער נאך בעסער איבערקוקן האב איך געזהן אז די באציסט דיך צו דעם וואס נטרונא איז פארנומען מיט די דרשה אין קאנגרעס אויף דעם געב איך דיר גערעכט.
אגב דאס איז מיין פינעף הונדערסטע תגובה

מזל טוב

פרייוויליג האט געשריבן:נטרינא לאזט יעצט פאלן בייסיגער קאמערשעלס אויף ביבי'ס דרשה אין קאנגרעס. איך ווייס נישט, אבער איך האב נאכקיינמאל אין מיין לעבן נישט באגעגענט אזא מאסשטאבליכער חילול ה' איום ונורא. בנוסף צו דעם עקל'ט עס, און א סקרוך פון גיעול הנפש באנעצט די ביינער. ווען אימער איך זעה א פאסטער פון נטרינא בין איך אויסן עס אראפצורייסן און צופילקן אויף שטיקער.. א שאנדע!!

העי בארואיג דיר

עס איז גאנץ פרייליכע נייעס זייערע קאמערשעל'ס דער ביבי כאפט אביסל מי שופכין אין קאפ אריין, עס קומט אים סך מער פארן ניצען אידענטיטעיט פון אידן וואס איז זייער קלאר אז נישט אלע אידן זענען מיט אים בדעה אחת

@איש את רעהו, ביבי רעדט אין נאמען פון מדינת ישראל, וואס רוב אידישע קהילות זעען עס אלס רעפרעזענטאט פון אידן. אין מדינת ישראל גופא האט ער געוואונען מיט דעמאקראטישע וואלן. דערפאר קען מען העכסטנס אויסרופן אז מיר זענען נישט מסכים מיט דעם אדער יענעם ספעציפישן פאליסי, אבער זיך צו פאררופן אויף דעם אז "ער רעדט נישט אין נאמען פון אידן" איז אביסל חוזק. יעדער יחיד קען האלטן ביי זיך אז מדינת ישראל רעדט נישט אין נאמען פון כלל-ישראל (ווייל יעדער האט דאס רעכט צו האלטן אז "כלל ישראל" איז נישט מער ווי הונדערט טויזנט אידן לאמיר זאגן --- ), אבער ס'איז אן אנדער ענין צו לאזן עס אויסרופן ברבים, ווען ס'שטימט נישט לכאורה פונעם גרעסערן בילד.