קאווע שטיבל

דער בליץ חודש אייר

אינטערעסאנטע טאפיקס, הגם די נירן איבערפלאנצונג איז שוין געווען באשריבן אין צייטשריפט

יעצט באקומען אין טוויטער א קלאהרע בילד
https://twitter.com/DerBlitzMag/status/ ... 28/photo/1

ידען האט געשריבן:איך זעה די בליץ האט א סובסקיפשען דרייוו און זיי געבען אלע פריעדיגע בליץ פאר אימזינסט.

א מציאה

דארף איך דאך זיין משוגע עס צו מאכן יעצט. איך וועל עס מאכן אין א יאר ארום און אזוי באקומען נאך א יאר אומזיסט...

אבי גערעדט האט געשריבן:אינטערעסאנטע טאפיקס, הגם די נירן איבערפלאנצונג איז שוין געווען באשריבן אין צייטשריפט

כאב כמעט נישט געזעהן די צייטשריפט. מע האט עס נישט געלאזט אין מיין ישיבה. מיך איז גוט אויב מע שרייבט נאך אמאל וועגען עס.

הדד בן בדד האט געשריבן:

ידען האט געשריבן:איך זעה די בליץ האט א סובסקיפשען דרייוו און זיי געבען אלע פריעדיגע בליץ פאר אימזינסט.

א מציאה

דארף איך דאך זיין משוגע עס צו מאכן יעצט. איך וועל עס מאכן אין א יאר ארום און אזוי באקומען נאך א יאר אומזיסט...

זיי שרייבען אויך אז סע קען אויסגיין..

איך האב אין אן אנדערן אשכול געשריבן א לענגערן rebuttal איבער דעם בליץ ארטיל וואס באהאנדלט דעם זהות פונעם סמבטיון און דער גן עדן viewtopic.php?p=118595#p118595

די חודש.

אקעי, איך מוז אויפגעבן האפענונג אויף דעם בליץ.

ביים אריינזומען זע איך נישט אזוי קלאר די קלענערע ווערטער, קען איך נאר רעדן פון די גרויסע ווערטער, און די איבריגע לאז איך אויף די חזקה. (נאר דעם שטרעכל אין "מענטש'נס" מוח באמערק איך יא.)

איז אזוי:
מיסיע מוח קאנטראל: אויב איך געדענק גוט איז עס אמאל געווען אין דער שטערן. (און טראכט נאר אריין די קלארקייט פון דעם טייטל: "מיסיע מוח קאנטראל". קלאר, ניין? אה, איך כאפ שוין, עס איז טרענסלעיטעד פון "מישען מיינד קאנטראל". אבער האלא, דא שרייבט מען אין אידיש. ביטע פארשטיי וואס דו שרייבסט. כאטש אויפ'ן דעקל. כאטש די גרויסע הויפט קידוש-לבנה ווערטער. איך בעט דיך.)

הייוועי סיסטעם: נישט לאנג צוריק געווען אין דער איד.

ג'יבראלטור: שוין געווען אין צייטשריפט (אדער אפשר אין בלאט), איינער האט עס שוין זיכער געהאט. (און איך בעט דיך ברחמים, וואס איז די שטרעכל אין "ג'יבראלטור"? אה, אפשר ווייל ביסט געוואוינט צו ליינען עברית, וואו דו זעסט דעם שטרעכל נאכ'ן ג'. אבער אין עברית זאגט מען דאס אויך "גיבראלטאר". אהה, דו האסט עס פשוט געליינט אין ענגליש אזוי "דזשיבראלטאר", פיין, אבער דא שרייבט מען דאך אידיש. און אויב ווילסט דוקא יא שרייבן אין אידיש אזוי, שרייבט העכסטנס "דזשיבראלטאר", נישט "ג'יבראלטור". האסט שוין אמאל געזען שרייבן "צ'יפס" אין אידיש. אזוי האסטו געמאכט דא א קוגל פון דעם ענגלישן גערעדעכץ מיט'ן עברית'ישן געספעלעכץ און גענצליך ארויסגעלאזט דעם אידיש. צו אלע צרות האסטו נאך געמוזט ענדיגן מיט "גיבראלטור" אנשטאט "גיבראלטאר". שוין, עסט וויסן פאר נעקסטטיים.)

אייקיע: נישט אזוי שלעכט. עט ליסט פשוט נאכגעשריבן דאס ווארט. איך האף נאר דער ארטיקל אליין איז אויך עפעס ווערט.

וויכטיגע ברען זיכערהייט טיפס: טאקע א מוראדיגער יוניק איידיע. און טאקע משוגע וויכטיג. (נאר נעקסט טיים שרייב "ברי" אנשטאט "ברען". יא, איך ווייס אז אויף ענגליש זאגט מען burn.)

נשמת כל חי: עלעפאנט. נאו קאמענט.

יאנקל האט געשריבן:דער "ג'יבראלטור" ארטיקל איז שוין געווען געדרוקט אין "דער בליק". (א מזל אז דאס מאל האט ער נישט געשריבן "אויסשליסליך צום בליץ".)

אה, גערעכט, אין "בליק". שוין, דעמאלט וואס איז דא די טענה? עס איז דאך שוין פארמאכט.

מסתמא איז דער "אויסשליסליך צום בליץ" די לעצטע מינוט נישט אריין צוליב א מאנגל אין פלאץ. העכסטנס וועט מען עס שרייבן ביי דעם נעקסטן ארטיקל.

כ'ווייס נישט פארוואס איך געדענק נישט דעם ג'יבראלטור באשרייבעכץ אין א אלטע אויסגאבע, אבער איך האב גראדע זייער הנאה געהאט דערפון, און אודאי אזוי מיינע קינדער וועלכע געדענקען נישט די אויסגאבעס פון פריערדיגן דור... כמעט וואס איך וויל אהינגיין וואוינען.... ווער קומט מיט?

אבער איך בין זייער ברוגז אויפן בליץ, און אזוי אויך אויף אלע אנדערע אויסגאבעס וועלכע זענען נישט "נכלל אינעם איסור הנורא", און פארקויפן זיך אלס כשר וישר אין אידישע היימען אפילו פאר די קינדער, און שרייבן משוגע'נע שרעקעדיגע ארטיקלען.

די מח מיינד קאנטראל איז אפשר אינטרעסאנט, אבער א קינד טאר אזוינס נישט ליינען, און אויב יא קען ער ווערן טראומעטייזט! עכ"פ איך לאז נישט מיינע קינדער ליינען אזעלכע חזיריי אנצופילן זייערע מוחות מיט אזעלכע דזשאנק וואס העלפט נישט בגשמיות און אודאי נישט ברוחניות.

איך בין מעתיק דעם העדער פונעם ארטיקל, קוקט וואס זיי שרייבן, וירא הקהל וישפוט צי ס'איז בארעכטיגט אריינצולייגן אזא ארטיקל אין א כשר-פאר-קינדער אויסגאבע.



אגב, בין איך שוין מאוס ונמאס פון דעם "שלום עליכם חשוב'ע ליינער" יעדער חודש, כאילו ס'איז ס'ערשטע מאל וואס מיר טרעפן זיך, און ער פארציילט מיר מיט גרויס פאטאס די נייעס אז דא האב איך איינגעהאנדעלט כשר'ע לייען מאטעריאל... ער טענה'ט קודם אז עס איז אין צווייטן יאר גאנג, אבער שפעטער שרייבט ער אז ס'איז שוין דאס פערטע יאר....
און אגב, דער שטערן/שפאקטיוו זענען אויך גילטי אויפן זעלבן טענה.



און א זייטיגע הערה אויף א עד וועלכע ערשיינט מדי חודש בחדשו אין אלע 3, שטערן, שפאקטיוו און בליץ, פול פעידזש, א נעבעכדיגע ארימע עד פון פארדינגען דירות אין ירושלים, מיט א מאדנער בילד פון א פריוואטער עראפלאן וואס קען אפילו נישט פליען פון יונייטעד סטעיטס ביז תל אביב, און שוין יארן וואס עס גייט אריין א פול-פעידזש עד אין אלע אויסגאבעס, און עס קוקט מיר אויס פישי.

גראדע איז דא א national geographic סי די פון די C I A ארטיקעל
אבער נישט פאר שוואכע הערצער

כ'האב זיך כדרכי נאכאמאל איינגעהאנדעלט דעם נייעם "שטערן" און דעם "בליץ".
און בשעת דער בליץ איז מיר גאנץ אינטרעסאנט, האלט איך קלאר אז אויב א איסור, איז עס נאר אויפן בליץ. דער "שטערן" וועל איך ענדערש געבן פאר מיינע קינדער ווי איידער "בליץ".
דעם חודש גייען זיי ווייטער מיט דעם שרעקעדיגן 'מח קאנטראל' מיסיע, מען באשרייבט דאס לעבן פון קאר גנבים און די מאפיא באנדעס אין מעקסיקא מיט בילדער פון קוילן-באשאסענע אויטאס, און נאך אומוויכטיגע אינפארמאציע.
סך הכל לייגן זיי ארויף א עקלדיגע באלי אויף יעדע פרצוף פון א נישט-איד, און מיט דעם איז מען מקדש ומטהר דעם בליץ.

דער בליץ איז א פלעינע גנב און איבערטייטשער, יעדע חודש קוק איך עס איבער, און ווען איך טרעף א נושא וואס ציעט מיר, געב איך א סירטש אויף יוטאב פאר א דאקימענטרי דערפון, א זאך וואס איך האב נאך אייביג געטראפן, און איך קוק עס דארט, און דארט איז עס בדרך כלל פיל אינטערעסאנטער ווי אינעם מאגאזין

די חודש האב איך עס געטון מיטן ארטיקל איבער דער פארפאלק וואס וואינט אזוי איינזאם טיעף אריין אינעם ארקטיק נעבן אלאסקא, איך האב נאר אריינגעלייגט די ווארט Heimo, וואס איז די ערשטע נאמען פונעם פארשוין, והנה די גאנצע דאקעמענטרי שווימט ארויף

האסט געוואלט זיי זאלן ענדערש אויסטראכטן נייע מעשיות?

דער שטערן שרייבט אויך איבער אדער פון מאוויס אדער פון אלטע ארטיקלען.
די קינץ איז נאר צו קענען גוט איבערשרייבן און צולייגן גוטע ספייסעס.

דער בליץ תשרי

כאב פונקט געליינט די חודש תמוז בליץ וואס כאב געזען ביי איינעם. כ'מיין אז זיי טרעפן לעצטענס אינטערעסאנטערע טאפיקס צו באשרייבן, מער ווי אין זייער ערשטע יאר צוויי. אבער ס'פעלט נאך פראפעשענליזם, ס'היבש קינדעריש די גראמאטיג/ספעלינג מיסטעיקס לרחצה. איין זאך דענק איך דארט האבן זיי באשריבן סטארבאקס קאפי קאמפעני, שרייבן זיי אז מענשטן פארברענגען אנגענעם איינער מיט'ן אנדערן ''העכער'' א שאל קאווע. ריכטיג איז צו שרייבן "איבער"

דער ארטיקל דעם חודש פון דעם אידישען שפיטאל אין בערלין איז הערליך און גאר אינטערעסאנט.

נו וואס זאגט איר, זענען זיי אויפ'ן וועג ארויף? האבן זיי אויפגענומען נייע שרייבער?

כ'ווייס אליינס נישט. כ'האב מורא אז זיי האבן אויפגענומען נייע שרייבער אבער זיי האבן נאך דעם זעלבן אלטן בעל מגיה, ווייל אפאר ארטיקלן זענען הערליך און שפאנענד בעת אנדערע זענען באבעריש און גרילצן אין די אויערן.

מיינסט אין די אויגן...

הייסט דו זאגסט אז ביי געוויסע ארטיקלען מאכט דער מגיה יא א גוטן דזשאב? אדער מיינסטע צו זאגן אז דער תוכן גריצעלט

מיר גרילצט צו הערן / ליינען דעם ווארט פראנאונסד "גריצעלט".