berlbalaguleh האט געשריבן: ↑מאנטאג יאנואר 29, 2024 8:39 pm
אלפא האט געשריבן: ↑מאנטאג יאנואר 08, 2024 8:00 pm
אויב איז מיין פראבלעם אז איך טראכט ראציאנאל וויל איך נישט טראכטן וואס דיין פראבלעם איז...
איך בין נאר נייגעריג אויב דו נוצט דעם סלאגאן 'אין לנו על מי להישען' אויך אנקעגן די צה"ל און די אלע מוילמאכערס/דוברי צה"ל/אילון לוי וכת דילהון? אדער דארט נוצטו דעם פראז 'חזקה על פראפעגאנדע שאינה חוזרת ריקם', פארשטייענדיג די וויכטיגקייט אנצופירן א PR קאמפיין אויך אנקעגן אנטיסעמיטן?!
דו האסט נישט דערהערט. אדער דו ווילסט נישט דערהערן. ביטע ליין איבער מיין תגובה.
דו דארפסט דיך נישט מטריח זיין. איך ווייס שוין דעם ענטפער. דיין אגענדא לאזט דיך נישט הערן וואס א צווייטער זאגט. כאילו דו האסט א פילטער אויף דיין מח. דו לאזסט זיך אויך אריין אין פערזענליכע אטאקעס. צי האביך דען נישט קלאר ארויסגעזאגט אז די די פלאמאטן פון (דיין פארפיינטיגטע) מדינת ישראל מאכן דעם זעלבן טעות. זיי מיינען אז זייערע אנשטרענגטנגען וועללן ברענגען עפעס רעזולטאטן.
נאר א קליינע משל און ראיה. אז אנטיסעמיטיזם און שנאת ישראל האט נישט קיין לאגישע באגרינדונג.
אין די פערציגער און פופציגער יארן (למספ') האט דאס אנטיסעמיטיזם געבושעוועט סיי אין אמעריקע און סיי אין רוסלאנד. אין אמעריקע האבן די שונאי ישראל געשריגן אז זיי האבן פיינט אידן ווייל די אידן זענען קאמוניסטן. אין רוסלאנד האבן זיי געגעבן א סיבה פאר זייער אנטיסעמיטיזם אז די אידן זענען קאפיטאליסטן (אקעגן קאמוניזם).
איך האב טאקע נישט באמערקט די חלק ווי דו מאכסט אוועק די איזרעילי הסברה קאמפיינס. און איך האב דיר שוין
איבערגעבעטן פארן גיין פערזענליך.
און איך ווייס נישט וואו דו זעסט אז איך בין סטאק מיט מיין אגענדע, איך הער יעצט דיין דעה און איך דינג זיך פשוט, איך האלט יא אז הסברה טוט אויף אזויווי איך האב
פריער ארויסגעברענגט, סיי אפצושלאגן מיסאינפארמאציע אנקעגן מדנ"י, סיי בכלליות אפצושלאגן אנטי סעמיטיזם, און סיי נ"ק מיט זייערע קאמפיינס. נישט אז איך שטיץ נ"ק אדער זייער אגענדע און נישט אז יעדע קאמפיין ארבייט אייביג, אינגאנצן, פאר אלעמען.
מיין נקודה איז נאר געווען אז לשיטת נ"ק אז עס איז די ריכטיגע זאך צו טון און נעמענדיג אין באטראכט אז עס ארבייט (און וואס אונז דינגען זיך) האלטן זיי אז עס וועגט איבער די ריסק און פראבעביליטי אז חאמאס נעמט אפשר ארויס שטיצע דערפון (אין וואס מיר דינגען זיך אויך לכאו'), פערזענליך האלט איך נישט פון זייער מהלך און איך האלט יא אז די שאדן איז גרעסער ווי די אויפטוה, אבער עס איז נאכאלץ א נארמאלע קאסט/בענעפיט אסעסמענט אין וואס א טעות אדער מיסקאנסעפציע איז נישט מחייב מיתה אדער כרת, מיין טעזע אין אנפאנג פונעם אשכול איז געווען אז די וואס האלטן יא אז זיי זענען זיך ווערד די שנאה א.ד.ג. האלטן בהכרח אז די מדינה איז די בעסטע זאך און אז זייערע אקטן שטוצט זיכער חאמאס, ווייל אנדערש קען מען זיך טענה'ן רואיגערהייט איבער די קאסט/בענעפיט...
לגבי אנטי סעמיטיזם בכלליות קען מען כמובן ברענגען ראיות און סברות לכאן ולכאן, איך הער וואס דו טענה'ס אז עס איז אן אומראציאנאלע ערשיינונג וועלכע קען דערפאר נישט ווערן עלימינירט דורך ראציאנאלע דיסקוסיעס בשום פנים. אבער מיין סברא און מיינע פאקטן ווייזן אנדערש, מ'לעבט היינט אין א וועלט וואו רוב גוים אין די מערב וועלט שטיצן יא מדנ"י און זענען אויסגעשפראכן אנקעגן אנטיסעמיטיזם (קאלעדזש סטודענטן איז נאך א נושא), הגם עס איז אוממעגליך צו אריינקריכן אין יעדעם'ס הארץ אויסטשעקן ווי אמת'דיג ער איז דערביי איז עס עכ"פ רואיג און וואויל לפנים, און דאס איז נאר געקומען פון קאמפיינען פון עדיוקעישאן און פון פראבירן צו ברענגען אויפמערקזאמקייט. און עס ארבייט!
