קאווע שטיבל

נייגעריגער האט געשריבן:איך וויל פארשטיין עפעס: נאכן גיין פאבליק האבן עס די רבנים שוין ענדליך יא גענומען ערנסט, און מ'האט שוין צאמגעשטעלט א בית דין וואס לויט די שמועות דארפן זיי ארויסקומען מיט א פסק ביז א קנאפער חודש, סאו פארוואזשע האט יעצט אויסגעפעהלט צו גיין צום גאווערמענט, אויב נישט סתם פאר ביליגע נקמה צוועקן?

עס דארף צו הייסען אז פשט איז אז רח"ה ובאי כוחו האבען געלייגט לחץ אויף די פרויען זאלען זיין שטיל, און נישט רעדען אין בית דין, אויף דעם זענען זיי געגאנגען צו די פאליציי, כדי שטיל צו מאכען דער טעראר פין רח"ה.

עס דארף אויך צו הייסן אז דו האסט היינט נאכט אייגעבראכן ביי מיר אין די דירה און דעריבער פאר איך באלד אריבער אין פאליציי סטאנציע איינגעבן א מסירה קעגן דיר און פאדערן מען זאל דיר ארעסטירן...

boxcover האט געשריבן:

הדד בן בדד האט געשריבן:באקסקאווער, אמת איך האב אויך דעם ציהל צו רייניגן כלל ישראל פון דעם באהאללטענע שקצים (ספעציעל די וואס זענען מתעטף בטלית שאינו שלהם און טוען זיך אן באיצטלא דרבנן), אבער ווען עס קומט צו דעם מעטאד, מאכסטו א טעות מיט מיין צוגאנג. מיין צוגאנג איז ח"ו נישט עס פארשווייגן. אבער עס איז אויך נישט עס פארשפרייטן ביי די גוי'אישע וועלט. עס איז נאך דא עפעס אינצווישן.

קיינער שרייבט נישט אין די קאווע שטיבל כדי עס צו פארשפרייטן ביי די גוי'אישע וועלט. אקעי? און אין וואס-איז-נייעס אויך נישט.

איך ווייס נישט אין וועלכע וועלט דו לעבסט, אבער דא אין דעם וועלט אין וועלכן איך לעב, איז וואס איז נייעס א ענגלישע סייט ווי אסאאאאאך גוים (אריינגערעכענט פאלעטישאנס, דשורנאליסטן, פאליציי אגענטורן/אגענטן און סתם אנטיסעמיטן) קומען זיך אנליינען מיט שמוץ קעגן אידן.

אין מיין וועלטעלע איז עס אויך אין די ענגלישע שפראך, אבער עס איז נאך אלץ נישט געשריבן כדי עס צו פארשפרייטן ביי די גוי'אישע וועלט. דאס וואס דו זאגסט אז גוים, פאלאטישאנס און פאליציאנטן לייענען דארט, קען זיין אז ס'איז אמת, אבער דאס טוישט נישט די מטרה פון די זייטל.
איי וועסטו פרעגן וואס גייט מיך אן די מטרה; די פאקט (אז גוים לייענען אונזער שמוץ) איז די פראבלעם? כבר כתבתי אז די ענטפער פארדעם איז ביטע שיסט נישט דעם שליח. טא זיי נישט ברוגז אויף דער וואס פארציילט (כאטש עס וואלט געווען א תועלת ווען דער גוי ווייסט ווייניגער), און זיי שוין ברוגז אויף דער וואס פראדוצירט די שמוץ!

פון בחדרי:
המשטרה הודיעה לרב הלפרין כי נאסר עליו לצאת מביתו מהשעה 22:00 בלילה ועד ל-6 בבוקר. בנוסף, יהיה עליו להתייצב בתחנת המשטרה חמש פעמים בשבוע, כדי לוודא שאין בכוונתו להימלט מהחקירה.

http://www.bhol.co.il/Article.aspx?id=51786

boxcover האט געשריבן:אין מיין וועלטעלע איז עס אויך אין די ענגלישע שפראך, אבער עס איז נאך אלץ נישט געשריבן כדי עס צו פארשפרייטן ביי די גוי'אישע וועלט. דאס וואס דו זאגסט אז גוים, פאלאטישאנס און פאליציאנטן לייענען דארט, קען זיין אז ס'איז אמת, אבער דאס טוישט נישט די מטרה פון די זייטל.
איי וועסטו פרעגן וואס גייט מיך אן די מטרה; די פאקט (אז גוים לייענען אונזער שמוץ) איז די פראבלעם? כבר כתבתי אז די ענטפער פארדעם איז ביטע שיסט נישט דעם שליח. טא זיי נישט ברוגז אויף דער וואס פארציילט (כאטש עס וואלט געווען א תועלת ווען דער גוי ווייסט ווייניגער), און זיי שוין ברוגז אויף דער וואס פראדוצירט די שמוץ!

איך האף אז דו האסט נישט אמת'דיג געמיינט וואס דו האסט דא געשריבן, איך בין דיך דן לכף זכות. ווייל אויב יא, דאן פארשטיי שוין דעם מסור פון די מעשה ביכל'עך פון דערהיים און זיי נישט ברוגז אויף אים, נאר ענדערש אויף די וואס האבן געטוהן די מסברויכן. און אזוי אויך זאלסטו פארדאמען דעם שולחן ערוך וואס רעדט גאר שארף אויף מוסרים, ענדערש זאל מען ברוגז זיין אויף די וואס באגייען די עוולות און נישט אויף די מוסרים.

פון הלכות לשון הרע קען מען דאך אינגאנצן פארגעסן, וואס הייסט, יענער האט דאך געטוען, און דו האסט טענות אז איך זאג נאר? שיס נישט דעם שליח...

האָ האַ. א פארמישונג פון ווילדע חיות. דזשאסט קידינג.

איך בין נישט באַקאַנט מיט די מסור פון די מעשה ביכל'עך פון דערהיים, סא איך פארשטיי נישט די פליק. אבער נישט גע'דגאה'ט: איך נעם עס אן עניוועי. ווער האט דערקלערט אז שרייבן אויף די וועב איז מסירה? דו? נישט גענוג.

הלכות לשון הרע. א נייע מאנטל? סארי, שוין באניצט ביי אנדערע פאליטיקס. זאג נאר, אזוי אגאנץ יאהר האלסטו זיך איין פון לשון הרע, אדער נאר קעגען שלעכטע ביסטו מקפיד? עניוועי, די גמרה דרש'נט אויף פסוק לא תלך רכיל בעמיך, אז נאר בעושה מעשה עמיך, און ווי דוד המלך ע"ה זאגט שוין משנאיך ה' אשנא. ס'ווערט אויך אזוי גע'פסק'נט אין ספר שמירת הלשון (כלל ח' סעיף ה' און ווייטער).

כ'פארשטיי אז ס'איז אויך דא אן אנדערע זייט צו די מטבע, עכ"פ דיין האקן פעלט נישט אויס.

וואס הייסט האקן, מען רעדט פון א מענטש, וואס בעד בצע כסף לייגט ער ארויס אונזער גאנצער שמוץ פאר יעדן גוי צו ליינען און נוצן קעגן אונז. אין אזא פאל איז זייער נאריש צו זאגן שיס נישט דעם פאסט טרעגער. ניין מען טאר נישט ארויסטראגן די שמוציגע וועש ווען עס קען שטארק שאדן טוהן. ניין, איך בין ליידער נישט אזוי נזהר אין די דינים פון לשה"ר און רכילות, אבער פון דעם ביז גיין וואשן אינזער שמוץ וועש אין פאבליק פאר אלע גוים, איז פאלג מיך א גאנג.

הדד
זאזויגוט, ברענג ארויס דיין שיטה אין די מעשה. האלסטו אז יש דברים בגו (ברב) און די מעשה איז אפשר אמת, נאר ווייל עס גייט אין די פרעסע איז א מצוה מכחיש צו זיין מכל וכל, וכעין מעשה דסומאטאכע?

אדער איז פשט אז דו האלסט באמת אז די מעשה איז קיינמאל געשעהן?
אויב כדרך האחרון, פון ווי ווייסטו?

איך ווייס נישט וואס איז געווען, אין אפוטרופוס לעריות גייט אויף יעדעם איינעם נישט קיין חילוק וויזוי ער הייסט און פון ווי ער שטאמט אדער וואס זיין אקופאציע איז, אבער צו זאגן אז איך ווייס קלאר איין וועג אדער אן אנדערן קען איך נישט.

אבער אלעס האט א גבול. איך רעד נישט פון א פאל אז עס איז פיקוח נפש און מען האט שוין אלעס געטרייט. מיר זענען אידן, מיר זענען נישט גוים, און מיר האבן א באשעפער וואס מיר גלייבן אז ער פירט די וועלט (אויב נישט, דעמאלס זענען מיר טאקע גארנישט בעסער פון די טרייבס אין אפריקע), און אויב ער פירט די וועלט און מיר גלייבן אין אים אפילו אביסל, איז דא וועגן וויזוי צו פירן א מערכה, בפרט אויב דיין גאנצע מאטיוו איז כבוד שמים.

איך האב נייעס פאר דיר, עס איז דא א שיינער איד וועלכער קומט מיר זייער אסאך געלט (מטעמי גילוי וויל איך נישט געבן מער פרטים), און דער שאדן וואס איך האב געהאט פון דעם וואס ער האט מיר נישט באצאלט איז אומשאצבאר און אויך אין א געוויסן זין אומפארריכטבאר (ווען ער זאל מיר היינט באצאלן דעם גאנצן חוב קען איך נישט פארעכטן דעם שאדן וואס איך האב געהאט), און איך וואלט געקענט אננעמען ווילדע שריט ער זאל מיר באצאלן, אבער איך האב מחליט געווען אז עס איז דא זאכן וואס איך וועל נישט טון. אפילו איך בין גערעכט. איך מעג עפעס לאזן פארן באשעפער אויך.

בקיצור, צו ר' חיים היילפערין איז שולדיג אדער נישט ווייס איך נישט און דו אויך נישט, אבער דער וועג ווי מען איז לוחם אין אים איז זיכער נישט אויסגעהאלטן, בפרט ווען די לוחמים זענען מענטשן מיט אינטערעסן.

און בכלליות גערעדט, קען מען נישט זאגן אז מען מעג שרייבן און זאגן וואס מען וויל, אן זיך רעכענען מיט די תוצאות. מען קען נישט אנלייגן דעם שולד אויף דעם וואס האט געטון דעם עוולה. כ'מיין, לפי זה, קען מען אפילו ביי קמצא ובר קמצא זאגן, יענער האט דאך נאר געזאגט, ווידער אים האט מען דאך ארויסגעווארפן, יענער האט דאך געטוהן, שיס נישט דעם פאסט טרעגער.

איחוד פעלד האט געשריבן:

הדד בן בדד האט געשריבן:וואס הייסט האקן, מען רעדט פון א מענטש, וואס בעד בצע כסף לייגט ער ארויס אונזער גאנצער שמוץ פאר יעדן גוי צו ליינען און נוצן קעגן אונז. אין אזא פאל איז זייער נאריש צו זאגן שיס נישט דעם פאסט טרעגער. ניין מען טאר נישט ארויסטראגן די שמוציגע וועש ווען עס קען שטארק שאדן טוהן. ניין, איך בין ליידער נישט אזוי נזהר אין די דינים פון לשה"ר און רכילות, אבער פון דעם ביז גיין וואשן אינזער שמוץ וועש אין פאבליק פאר אלע גוים, איז פאלג מיך א גאנג.

הדד
זאזויגוט, ברענג ארויס דיין שיטה אין די מעשה. האלסטו אז יש דברים בגו(ברב) און די מעשה איז אפשר אמת, נאר ווייל עס גייט אין די פרעסע איז א מצוה מכחיש צו זיין מכל וכל, וכעין מעשה דסומאטאכע?

אדער איז פשט אז די האלסט באמת אז די מעשה איז קיינמאל געשעהן. אויב כדרך האחרון, פין ווי ווייסטו?

עט ער דאך דאס מכחיש זיין, אלא מאי...

הדד בן בדד האט געשריבן:איך האב נייעס פאר דיר, עס איז דא א שיינער איד וועלכער קומט מיר זייער אסאך געלט ....................

אפילו איך בין גערעכט. איך מעג עפעס לאזן פארן באשעפער אויך.

איך וואלט געזאגט אז די סיבה וואס די האסט עס נישט געטוהן, איז ווייל עס איז באמת שווער צו גיין קעגען א שיינער איד, איך האב עס אויך געהאט, און איך בין יא געגאנגען קעגען, און ס'איז נישט געוועהן לייכט. דער חשבון פין לאזן עפעס פארן באשעפער איז באמת נישט קיין ריכטיגער חשבון ווען מען האט נאך עפעס וואס מען קען טוהן. מען טאר אפילו נישט זיין א מוסר דין לשמים, ווי די גמרא זאגט.


דא ביי דער מעשה, הגם איך ווייס אויך נישט וואס איז אמת, איז אבער פאר די וואס גייען יא אין קארט קעגן אים איז עס בכלל נישט ווייל זיי ווילען, נאר ווייל זיי מוזען, מען לייגט זיי אהן זייער אסאך פרעשור זיי זאלען זיין שטיל, נישט נאר די פרויען, נאר הם ובניהם ובנותיהם. עס איז נישט קיין סוד, און דאס ווייסט יעדער אז רח"ה ברודער רודערט ווי א קאץ אין זאק און שטעלט זיך פאר גארנישט אפ. אשר ע"כ ווען זיי האבען מחליט געוועהן צו מאכען א סוף צו דער סטראשעריי, איז נישטא קיין סיבה נישט צו טוהן וואס מען דארף און גיין צו דער פאליציי. און זארג נישט, לכאורה ווען רח"ה גארנישט געשעהן אין דער ענדע, דער פאליציי וועלען אים אפלאזען, אבער איין זאך באקומען די וואס האלטען פארקערט, מנוחה.

הדד בן בדד האט געשריבן:
איך האב נייעס פאר דיר, עס איז דא א שיינער איד וועלכער קומט מיר זייער אסאך געלט (מטעמי גילוי וויל איך נישט געבן מער פרטים), .

גם אני בחלומי, איך האב אים שוין מוחל געווען, איך האף די זכות וועט מיר ביישטיין

איחוד, איך בין נישט היינט געבוירן, און איך בין נישט אזא שיפע זיבעלע ווי עס קען אפשר אויסקוקן, איך האב שוין מער ווי איין שיינעם איד צוגעפיקסט. אבער עס זענען געווען צוויי סיבות, איינס ווייל דעמאלס איז ער פלעין און גראב געווען א חי' רעה, און צווייטענס, והוא העיקר, אז איך בין נאך דעמאלס געווען אסאך אינגער.

אבער היינט פארשטיי איך אנדערש, איך קען מיך מיט יענעם פארמעסטן, און אים גוט צופיקסן (אוודאי קען איך נישט טוהן אלעס, ווייל ווי דו זאגטס, איז דאך יענער א שיינער איד, אבער עס זענען נאך געבליבן גענוג זאכן וואס איך קען אים צופיקסן) אבער איך האלט נישט אז דאס איז דער וועג. און ערליכע אידן האבן מיך מחזק געווען אז איך טוה ריכטיג מיט דעם און אז דער באשעפער וועט קער נעמען פון מיר.

און איך האלט דא די זעלבע זאך. די חברה וועלכע זענען קעגן אים האבן קליפ און קלאר אנדערע מאטיוון, און שרייען אז זיי האבן נישט קיין ברירה איז נארישקייטן, און אפילו נאך ווען מען שרייבט בפירוש אויף קאווע שטיבל אז עס איז ידוע לכל, איז עס נאך נישט געווארן אזוי, און וועטעווער איז יא געווארן, איז אויך נאר געווארן נאך וואס דו האסט אנגעהויבן א מלחמה קעגן אים.

סייווי, זעהט מיר נישט אויס ווי איינער גייט דא טוישן זיין דעה, עס זענען דא וואס האלטן אז יעדער שיינער איד איז אויטאמאטיש בחזקת מאלעסטער, און ממילא איז אלעס אויסגעהאלטן אים אפצושטעלן. איך האלט נישט אזוי.

יא יא, איך האלט אויך אזוי, אז דער וועג ווי מען איז לוחם אין אים איז נישט אויסגעהאלטן, בפרט ווען די לוחמים זענען מענטשן מיט אינטערעסן

אבער פון די אנדערע זייט, די וואס זענען יעצט די נרדפים, ווען זיי זענען בייאויפטראג צו נעמען קער, זענען זיי ליידער גאר נישט בעסער

נאך אלץ טוט עס נישט בארעכטיגען

א שטיקל ר' חיים סטענסיל...

לפע"ד באלאנגט עס נישט דא מלפני.

עס באלאנגט בכלל נישט אין שטיבעל, מילא אין לאנדען איז דא געציילטע וואס האבן אינטערסן און זיי פארדינענן פון די מחלוקה,
אבער דא און אמעריקא האבן מיר נישט קיין שום רוויח פון זיך ווייקען און יענעם׳ס בלוט, אמת צו נישט אמת איז אירעליווענט.

עס מאכט זייער קלאר ווער עס איז אקעגען וועם.
שעמען זאל זיך דער שרייבער פון יענע פאשקעוויל.

הגה"צ המקובל רבי יצחק מאיר מארגענשטערן שליט"א שנמצא כעת בגאלדרס גרין. אמר כעת דהעלילה שהמציאו הרבנים בג"ג נגד הגה"צ רח"ה שליט"א הוא עלילת דם ונובע מקנאה ושנאה. וכל מי שגורם איזה צער לרח"ה או למתפלליו ח"ו ידע שהוא משים את חיי נפשו ואת חיי משפחתו בסכנה. ויש חרון אף גדול בשמים על ששפכו דם נקי.

וואלפה האט געשריבן:הגה"צ המקובל רבי יצחק מאיר מארגענשטערן שליט"א שנמצא כעת בגאלדרס גרין. אמר כעת דהעלילה שהמציאו הרבנים בג"ג נגד הגה"צ רח"ה שליט"א הוא עלילת דם ונובע מקנאה ושנאה. וכל מי שגורם איזה צער לרח"ה או למתפלליו ח"ו ידע שהוא משים את חיי נפשו ואת חיי משפחתו בסכנה. ויש חרון אף גדול בשמים על ששפכו דם נקי.

פלא והפלא! הגרי"מ האט געזאגט ממש די זעלבע ווערטער אויף כ"ק אדמו"ר מ'שומרי אמונים-בית שמש שליט"א!
וד"ל

הגרימ"מ שליט"א איז א יוד וואס האט אין זאך אזא מין משונהדיגער תמימות אדער נאיווישקייט. ער איז נישט מסוגל צו זעהן שלעכטס אדער בכלל אנקוקען א זאך מיט א בקורת'דיגער קוק. אפשר בדומה צו דער בעלזאר רב ז"ל. ער קען פשוט נישט כאפן אז א יוד, און כל שכן איינער מיט א הדרת פנים א רב וכו', זאל האבען געזינדיגט. ויש בדבר זה מעלות וחסרונות, עכ"פ דאס איז זיכער אז צו דער נארמאלער שאלה צו רח"ה האט יא אדער נישט האט דאס גארנישט צוטוהן.
אדער אויף זיין שפראך, אין דער ערך אדער בחינה פון מורגנשטרן איז ער גערעכט אז סאלץ אן עלילה וכו', דאס זאגט אבער גארנישט אויף די אנדערע בחינות. און אוודאי נישט אויף די א"ק ואבי"ע דקאווע שטיבל.

אויב זעהט ער נישט קיין שלעכטס אויף קיין איד, איז וויאזוי קען ער זאגען אז אנדערע אידען מאכען אן עלילה אויף א צווייטער איד???

וצע"ג.