קאווע שטיבל

לאז עס ווערן אלט טויזנט יאר דערנאך בוסטו א שוטה און אפיקורס פארן נישט גלייבן און די זאכן כפשטו.

נולד מאוחר האט געשריבן:לאז עס ווערן אלט טויזנט יאר דערנאך בוסטו א שוטה און אפיקורס פארן נישט גלייבן און די זאכן כפשטו.

מען דארף נישט ווארטן טויזענט יאר. עס איז שוין יעצט אזוי.

סאיז למעשה נישט אנדערש ווי די מחלוקה פון די שטיינער אונטער יעקב'ס קאפ.

הרב אברהם ישראל רוזנטל, עורך ראשי פון דעם "משפחה" מאגאזין אין עברית, און מח"ס כמוצא שלל רב עה"ת און אויף נ"ך, האט ארויסגעגעבן א נייע באנד אין די כמוצא שלל רב סעריע. די ספר הייסט "ורפואה קרובה לבוא" און פארמאגט "פניני הלכה ואגדה אמרות והדרכות דברי חיזוק ועידוד עובדות והנהגות מאוצרם והליכות חייהם של גדולי הדורות בענייני רפואה". דער ספר איז געשריבן אויף דעם זעלבן פארמאט ווי די אנדערע ספרי כמוצא שלל רב, און פארמאגט אויך אן אפטיילונג איבער סגולות און פאר ספעציעלע תפילות על החולה.

ורפואה קרובה לבוא, ירושלים כסליו תשע"ג, תמ"ח עמודים. $19.00

יידל האט געשריבן:הרב אברהם ישראל רוזנטל, עורך ראשי פון דעם "משפחה" מאגאזין אין עברית, און מח"ס כמוצא שלל רב עה"ת און אויף נ"ך, האט ארויסגעגעבן א נייע באנד אין די כמוצא שלל רב סעריע. די ספר הייסט "ורפואה קרובה לבוא" און פארמאגט "פניני הלכה ואגדה אמרות והדרכות דברי חיזוק ועידוד עובדות והנהגות מאוצרם והליכות חייהם של גדולי הדורות בענייני רפואה". דער ספר איז געשריבן אויף דעם זעלבן פארמאט ווי די אנדערע ספרי כמוצא שלל רב, און פארמאגט אויך אן אפטיילונג איבער סגולות און פאר ספעציעלע תפילות על החולה.

ורפואה קרובה לבוא, ירושלים כסליו תשע"ג, תמ"ח עמודים. $19.00

ער האט אבער נאכנישט געענדיגט די '' ושלל לא יחסר'' סעריע

איך מיין אז ער האט אויך אמאל אנגעפאנגען ארויסגעבען אויף תנ"ך. ניין??

ראשעקאל האט געשריבן:איך מיין אז ער האט אויך אמאל אנגעפאנגען ארויסגעבען אויף תנ"ך. ניין??

יא, קוק וואס כ'האב געשריבן

יידל האט געשריבן:און נ"ך

יידל האט געשריבן:אוצר פלאות התורה - בראשית, 641 עמודים, $17.00

יידל, דו דערמאנסט גארנישט אז ער איז דיין קאמפעטישן... אין פרשת בראשית האט ער א שטיקל אריכות בנוגע כדוריות העולם.

עכ"פ בלעטערנדיג האב איך געזעהן ווי בתוך הבליו מוטשעט ער זיך ארום ווי אזוי אלכסנדר מוקדון האט געקענט פליען אזוי הויך צו זעהן אז די וועלט איז רונדיג, שרייבט ער אונטן אין די הערות אז מען קען זאגן נאך א מהלך, אז ער איז געפלויגן מיט שמות הק', איי פון וואו האט ער געהאט די שמות? אולי י"ל אז שמעון הצדיק האט עס איהם געגעבן במתנה אלץ הכרת הטוב אז ער האט נישט חרוב געמאכט דעם בהמ"ק... ווערט דאך אבער שווער ווי אזוי האט שמעון הצדיק געמעגט איבערגעבן פאר א גוי שמות הק'? וכו' וכו' ואין קץ לדברי רוח.

דער כח פון א בעל-בתישער קאפ...

ס'ארויס א שיינער ספר "באמונה שלימה". נישטא קיין דעטאלן

זר זהב, כ'מיין דער ספר הייסט "אמונה פשוטה על דרך אבותינו ורבותינו זצקללללה" דער גאנצער ספר באשטייט פון הסכמות מיט הקדמות, אן קיין דעטאלן.

זר זהב האט געשריבן:ס'ארויס א שיינער ספר "באמונה שלימה". נישטא קיין דעטאלן

קארל האט אויבן געשריבן וועגן עס.

אן אינטערעסאנטע ספר האב איך זיך נעכטן איינגעהאנדלט. די ספר הייסט "לכם יהיה לאכלה - בירור להלכה בסוגיית חרקים במזון" פון הרב איתם שמעון הענקין בן הג"ר יהודה הערצל הענקין. דער ספר איז שוין ארויסגעקומען א יאר צוריק, און פארמאגט הסכמות פון - צווישן אנדערע - זיין טאטע הרב הענקין, הג"ר מאיר מאזוז און הג"ר נחום אליעזר רבינוביץ'. דער ספר גיבט א פרישע בליק איבער דעם איסור אויף תולעים אין עסן וועלכע ווערט ערגער און הארבער פון יאר צו יאר. דער מחבר איז יורד לעומקה של הלכה, און צעלייגט די מקורות פונעם איסור אויף טעלערלעך אזוי אז עס ווערט אויסגעקלארט וואס זענען די עיקרי הדין און וואס זענען די חידושים און חומרות פון די גדולי הפוסקים. דער ספר האט אויך צוויי פרקים הלכה למעשה אויף סטראבעריס (וועלכע ער איז גענצליך מתיר) און קארן (corn on the cob) וועלכע ער טוט מתיר זיין אבער נישט געהעריג. איך בין נאכנישט אנגעקומען מעיין צו זיין וואס זיין היתר איז און צו די זעלבע היתר וועט זיין נוגע אויך אויף די אמעריקאנע סטראבעריס.

דער מחבר שרייבט קלאר אין די הקדמה אז "נתתי ליבי ללכת בדרך שלימדנו המהרש"א", און ער ברענגט אראפ די מהרש"א וואס זאגט אז א פוסק וואס האט נישט מורא מיקל צו זיין (כמובן ע"פ תורה) איז זוכה צו ביידע וועלטן. און ער שרייבט אז אינעם ספר זוכט ער צו ס'דא א מקום להקל און נישט בלויז ווי א דעה יחידאה נאר צו מ'קען רואיגערהייט אננעמען אז די מעיקר הדין קען מען מיקל זיין און די אוסרין זענען מחמיר לפנים משורת הדין. ווי געשריבן, איז זיין מסקנא אז אסאך הנחות פון די פוסקים אויף תולעים (ווי הרב משה ויא און נאך) זענען באזירט אויף הנחות מחמירות וואס מ'קען בעצם מיקל זיין אין זיי.

לכם יהיה לאכלה, הרב איתם הנקין, 167 עמ', $15.00

הרב נח אייזיק אלבוים איז ארויסגעקומען מיט א פרישע באנד שו"ת מנחת חן.
ער איז באקאנט אלץ א מומחה אין עניני פוריה ורביה, און האט טאקע אסאך תשובות וועגן דעם.

מיינע הייליגע אויגן האבן גלייך געצויגען צו א תשובה, בענין שני מיטות בחדר ההורים.
ער זאגט עפ"י הלכה איז קיין פראבלעם נישטא. אבער לויט ווי ר' מאיר בראנסדארפער וכו', און דברי יואל וכו', איז נישט אזוי גלייך.

איך וועל נישט מאריך זיין בענין מחוץ לאחורי.
אבער איך וואונדער זיך פשוט: וועגן דעם ביסטו א רב אין קווינס? קומסט דאך צו צו די זעלבע מסקנה ווי בנה ביתך וחבריא שלו!
טו דיך אן א טלית ביי מנחה ערב שבת.

הייסט ער דארף דיר פרעגן וועלכע מסקנות להלכה דו לאזט עם צוקומען און וועלכע נישט.

בכל אופן האב איך הנאה אז דו האסט הייליגע אויגן.

איז ארויס א נייע בוך ״דאס אידישע פאלק״ איינער פון קר״י בלי שם מיטק הסכמות פון רבנים ובתוכם הרב ווב״ג פון מאונט קיסקא

די בוך באשרייבט און באצייכנט יידישע היסטאריע מימי הביניים עד קרוב לימינו מיט וועלט מאפעס און טיים טעיבלס

אויף אייוועלט זעי איך אז דו וועלט אויפגעכאפטע מאסף "הפעמון" גרייט זיך ארויס צו קומען מיט צלצול החמישי
מיר ווארטען מיט שפאנונג
יהא בשעה טובה ומצלחת

פון מרכז שזר איז ארויסגעקומען א בוך "דורש טוב לעמו" דארט ווערט גוט ארפגעלייגט בעלי דרשנים און זייערע דרשות, עס איז פארהאנען אפאר קאנטערוויסיאלע מאמרים, אבער זייער אינטרעסאנט איז דער מאמר ההומור בשירות הדרשה, דארט ווערט גוט צולייגט די דרשות פון רבי עובדיה, רבי שלום שבדרון און נאך.

לימודים לדעת, הרב שרגא פליישמאן, מאנסי תשע"ג שמ"ו עמודים - $23.00

הרב שרגא פליישמאן, יועץ נפשי און משפיע בעיר התורה מאנסי האט ארויסגעגעבן א ספר מיטן נאמען "לימודים לדעת - עונג הנפש בעבודת ה'". דער ספר איז א סינטעזע פון חסידות, פילאזאפיע און פסיכאלאגיע, און שטעלט אוועק יסודות בהבנת הנפש הישראלית און וויאזוי מ'קען נוצן די הבנה זיך צו פארבעסערן. דער ספר איז צעטיילט אין דריי שערים יעדע שער 5 פרקים. שער ראשון - הכשרת הדעת, וואו עס ווערן ערקלערט די יסודות פון א מענטשן'ס נפש באופן כללי. שער שני - התעלות הדעת וואו הרב פליישמאן קריכט אריין מער בפנימיות אין דעם נפש בכל פרטיה ודקדוקיה און ווי הרב פליישמאן שרייבט אינעם "פתח דבר" איז דער שער "עיקר נקודת החיבור ופנימיותו". שער שלישי - חובת הדעת, וואו עס ווערן ערקלערט וויאזוי די אלע ידיעות און הבנות העלפן ארויס א מענטש למעשה.

דער ספר איז געשריבן אין א הערליכן לשון קודש, און איז געשריבן קורץ אין שארף, צום פונקט. אנדערש ווי רוב ספרים בזמנינו וועלכע זענען נישט מער ווי ליקוטים אדער סיפורי מעשיות איז דער ספר א יחיד במינה, עס ענטהאלט חידושים אין פרישע הבנות בתורת הנפש ובחובת הלבבות. די לעצטע צוויי עמודים פונעם ספר זענען געווידמעט פאר א ליסטע און אן איבערזעצונג פון די נייע טערמינען און מושגים מיט וואס הרב פליישמאן באניצט זיך במשך דעם ספר.

דיין ריוויא אויפן ספר גיט מיר א חשק צו קויפן די ספר, איך וויל וויסען בעפאר ווער עס איז הרב שרגא פליישמאן (אזא סארט ספר דארף מען אויך וויסען עטוואס איבערן מחבר בעפאר מען קויפט עס)

אזוי ווי כ'האב געשריבן, הרב פליישמאן איז א יועץ נפשי און א משפיע אין מאנסי. ער איז - דוכט זיך - א קארלינע חסיד און איז א ערליכער דורכגעווייקטער חסידישער איז.

אפיציעל איז ער א סלונים'ער, אבער ער האט אסאך געהארעוועט אין חב"ד, ברסלב וכו'.

יידל האט געשריבן:אן אינטערעסאנטע ספר האב איך זיך נעכטן איינגעהאנדלט. די ספר הייסט "לכם יהיה לאכלה - בירור להלכה בסוגיית חרקים במזון" פון הרב איתם שמעון הענקין בן הג"ר יהודה הערצל הענקין. דער ספר איז שוין ארויסגעקומען א יאר צוריק, און פארמאגט הסכמות פון - צווישן אנדערע - זיין טאטע הרב הענקין, הג"ר מאיר מאזוז און הג"ר נחום אליעזר רבינוביץ'. דער ספר גיבט א פרישע בליק איבער דעם איסור אויף תולעים אין עסן וועלכע ווערט ערגער און הארבער פון יאר צו יאר. דער מחבר איז יורד לעומקה של הלכה, און צעלייגט די מקורות פונעם איסור אויף טעלערלעך אזוי אז עס ווערט אויסגעקלארט וואס זענען די עיקרי הדין און וואס זענען די חידושים און חומרות פון די גדולי הפוסקים. דער ספר האט אויך צוויי פרקים הלכה למעשה אויף סטראבעריס (וועלכע ער איז גענצליך מתיר) און קארן (corn on the cob) וועלכע ער טוט מתיר זיין אבער נישט געהעריג. איך בין נאכנישט אנגעקומען מעיין צו זיין וואס זיין היתר איז און צו די זעלבע היתר וועט זיין נוגע אויך אויף די אמעריקאנע סטראבעריס.

דער מחבר שרייבט קלאר אין די הקדמה אז "נתתי ליבי ללכת בדרך שלימדנו המהרש"א", און ער ברענגט אראפ די מהרש"א וואס זאגט אז א פוסק וואס האט נישט מורא מיקל צו זיין (כמובן ע"פ תורה) איז זוכה צו ביידע וועלטן. און ער שרייבט אז אינעם ספר זוכט ער צו ס'דא א מקום להקל און נישט בלויז ווי א דעה יחידאה נאר צו מ'קען רואיגערהייט אננעמען אז די מעיקר הדין קען מען מיקל זיין און די אוסרין זענען מחמיר לפנים משורת הדין. ווי געשריבן, איז זיין מסקנא אז אסאך הנחות פון די פוסקים אויף תולעים (ווי הרב משה ויא און נאך) זענען באזירט אויף הנחות מחמירות וואס מ'קען בעצם מיקל זיין אין זיי.

לכם יהיה לאכלה, הרב איתם הנקין, 167 עמ', $15.00

מ'קען יעצט באקומען די ספר בחנם אין PDF פארם דא. קרעדיט: משכיל

איך האב לעצטענסט איינגעהאנדעלט א ספר "הלכה בימינו - מורשתה, לימודה, הוראתה ויישומה" הוצאת מכון התורה והארץ, תש"ע.
דער מחבר איז הרב יעקב אריאלי
ס'איז מלא ידיעות, זייער אינטערסאנט.
דעם שבת, האב איך הנאה געהאט צו זעהן ווי ער איז כמעט ווי מיך מצטט דא צום סוף ווי פאלטש מ'קען אפלערנען היסטוריה.
ער נוצט ווערטער וואס מיין חדר-רבי האט מיט נישט אויסגעלערנט. ע"כ האב איך מחליט געווען אים צו מכתיר זיין פאר מיין רבי, אויף דערווייל.
האט איינער שוין געזעהן דעם ספר?