משלי שש

[קל וחומר]

מער ווי דער מענטש היט אויפן סדר היט די סדר אויף אים.

טאמער ברויכסטו אים מאכן אן איינדרוק, דאן ביסטו נישט קיין אמת'ע פריינט.

טאמער איין שעפעלע לעבט דורך צווישן זיבעציג וועלף האט זי זיכער א גוטן פאסטוך.

ווייטאג קען מען נישט פארמיידן, ליידן, איז שוין תלוי אין דיר.

טאמער באהאלטסטו עס פון דיין פיינט, אנטפלעק עס נישט פאר דיין פריינט.

טאמער איז דיין הארץ נישט גענוג שטארק עס צו האלטן ביי דיר, פארוואס מיינסטע אז זיינס איז יא?

פארשעם נישט וועסטו זיך נישט שעמען.

בעפארן שידוך עפען צוויי אויגן, נאכן חתונה פארמאך איינס.

מ'איז קיינמאל צו אלט צו לערנען, צומאל איז מען צו יונג.

לערן זיך פון יענעמס טעותים, די צייט ערלויבט נישט אליינס צו מאכן.

טאמער וועט נישט זיין ווער ס'זאל עס אפקויפן וועלן נישט זיין קיין פארקויפער.

א שמאל הארץ, איז א ברייטע צונג.

בעסער איין עצה פון הונדערט מענטשן ווי הונדערט עצות פון איין מענטש.

בעסער שלאף אין א קרומע בעט מיט א גראדע קאפ ווי איידער אין א גראדע בעט מיט א קרומע קאפ.

[[NAMELESS]]

[tag]קל וחומר[/tag], גדול האחרון יותר מן הראשון. הערליכע געדאנקען.
אלס אייגענס?

[אגב, לידיעה בעלמא. איך האב נאר געשריבן אייגענס].

[קל וחומר]

מער ווייניגער מסתמא אייגענס (די זיכרון איז א גנב ממילא גיב איך נישט קיין גאראנטי, די שפיגל ווארט דיינעם איז א באקאנטע מעשה מיטן רבי'ן און די גביר. די לעצטע איז נישט קיין אייגנס, מחשש גילוי וויל איך נישט זאגן וועמענס ס'איז)

[טאמבל סאס]

די לעצטע איז נישט קיין אייגנס, מחשש גילוי וויל איך נישט זאגן וועמענס ס'איז)

מיך איז אויך געלעגן אין קאפ אז כהאב איר שוין ערגעצוואו געהערט, כקען מיך אבער נישט דערמאנען

Sent from my SM-G903F using Tapatalk

[טאמבל סאס]

טאמער ברויכסטו אים מאכן אן איינדרוק, דאן ביסטו נישט קיין אמת'ע פריינט.

[THUMBS UP SIGN]

בעפארן שידוך עפען צוויי אויגן, נאכן חתונה פארמאך איינס.

איך האב געהערט פארקערט. בעפאר די שידוך, פארגנב'עט מען א בליק. נאכ'ן שידוך, איז יענעמס גראז גרינער.

לערן זיך פון יענעמ'ס טעותים, די צייט ערלויבט נישט אליינס צו מאכן.

איך האב עס געהערט, "כ'האב אזויפיהל געלערנט פון מיינע מיסטעיקס, כ'וויל מאכן נאכאיינס"

טאמער וועט נישט זיין ווער ס'זאל עס אפקויפן וועלן נישט זיין קיין פארקויפער.

לאו עכברא גנב

בעסער שלאף אין א קרומע בעט מיט א גראדע קאפ ווי איידער אין א גראדע בעט מיט א קרומע קאפ

קרום מיינסטו, בין מזרח למערב?

[ביליג]

יעדע מעשה האט צוויי זייטן
יעדע צוויי זייטן איז איין מעשה !

[[NAMELESS]]

לעצטענס טרעפט שש אלטע כתבי ידות... יתכן אז ער האט אפגעקויפט דעם גאלציאנער אוצר. עפעס דענק איך אז יאיר האט געלייגט א האנט אויף איין פארלוירענע פרק אין משלי.

טאקע פון אים האב איך גענומען דעם געדאנק. ברם יזכר לטוב אותו איש ו[tag]יאיר[/tag] שמו.
דא איז די לינק צו משלי יאיר.


דא האט איר משלי שש - פרק ב'.