טראמפ'ס עקעלדיגע דברי נבלה שאקעלט אויף קאמפיין

[פליקער]

רבי דאני האט געזאגט א מיסע ווארט, איך גלייב נישט עס וועט קלעיבן, נאר די פאליטישע קארעקט מידיע אדער סיי ווער עס ווערט אינטערוויוט אינטער די שיין פון א קאמארע מיז שפילן די ברוגז געים, מיז זיין אויפגעברויזט ביז גאר, אבער וועלכע גוי קוקט נישט נאך יעדע שיקצע מיט א קאמענט אויף איר שאנדע, נאר וואס דען ער קען גיין ניצן עפעס א סגילה, עס שיינט אז ער האט עין הרע, ער זאל זיך איינשרייבן אין עיני הישיעה אדער תהילם כולל.
נאך א אינטערעסאנטע באמערקונג אויף זיין אפעלדזשי קליפ האט ער נאך אמאל די קאקעין סניף.

[הוגה]

[justify]

עולם הפוך ראיתי.. ווען ער העצט און בלאפט א גאנצע צייט גייען מענטשען פאר איהם, ענדליך זאגט ער זאכן מיט די גאנצע הארץ און דער עולם האט גאר טענות...

"דער עולם" האבן נישט קיין טענות, קלינטאן שטיצער (אדער בעסער געזאגט אנטי טראמפערס) האבן טענות. גיי אויף די טראמפ שטיצער וועבסייטס און סאושעל מידיא סייטס און דו וועסט זעהן אז גארנישט האט זיך געטוישט ביי זיי. די אלע ריפאבליקאנער וואס פארדאמען טראמפ האבן אים ממילא נישט ליב געהאט. טראמפ גייט פארלירן די וואלן ע"פ דרך הטבע, אבער נישט צוליב רעדן ווי א חזיר. ראמני און מקעין האבן אויך פארלוירן וואלן. קלינטאן שטיצער זענען עקסייטעד אבער זיי כאפן נישט אז זיי לעבן אין אן עקאו טשעימבער.[/justify]

מעו רעדט נישט פון די die-hard טראמפ שטיצער וואס אויך זיי האט שוין טראמפ מעיד געווען אז אפילו ער וועט שיסן אינעם אויף פיפט עוועניו וועלן זיי אים ווייטער שטיצן, די רעדע איז לגבי די אומבאשלאסענע אדער די וואס שטיצן אים מהיכי תיתי ביי די קען אזא סקאנדאל אויסמאכן, און דורכאויס די קאמפיין איז אזוי געווען אז די סקאנדאלן האבן געהאט א מערקבארע אפעקט אויף די אנקעטעס, און מען רעדט דא נישט בלויז פון נישט-איידעלע רייד, ער רעדט דארט פון וועלן גיין מיט א פארהייראטע פרוי וואס דאס איז א גרויסע עבירה ביים טיפישן אמעריקאנע המון עם

קען זיין אז דו ביזט גערעכט און קען זיין אז נישט. All I'm saying is אז דאס וואס דו זאגסט זאגן אלע דיי הארד אנטי טראמפערס אבער ביי די טראמפ שטיצער הערט מען די פארקערטע. נו, דאס איז טיפיקל און מען קען פון דעם גארנישט בויען.

[berlbalaguleh]

פליקער: ווען דאנאלד טראמפ זאלל וויסן אז ס'וועט איהם ברענגען וואוטס גייט ער זיך איינשרייבן אין עיני הישועה (פולל סערוויס, מיט'ן בעל מקוגל גיסן וואקס אדער בליי אום 3 אזייגער פארטאגס) און אין תהלים כולל אויך אין חצות כולל. ר'עט אפילו גיין הערן א שיעור אין דף היומי אדער אין על הגאולה והתמורה. אלעס. ממש אלעס. אויב ס'וועט איהם ברענגען וואוטס...!

[berlbalaguleh]

.

[ליפא]

ביל קלינטאן זאגט אז יעצט נאכן הערן דעם טעיפ וועט ער מעגליך יא וואוטען פאר טראמפ.

נייס צו זען מיין וויץ אויף אלע whatsapp און טעלעגראם טשענעלס...
Feels good

[יתרו]

אין אייועלט בעטן די מנהלים מען זאל נישט דערמאנען די נייע סומעטאכע אפילו ברמז

תגובהדורך קרעטשמער » זונטאג אוקטובער 09, 2016 3:20 am
די נייעס ארום די פרעזידענטליכע וואלן איז ליידער אריינגעשווימען אין טערעטאריע וואס איז נישט פאסיג פאר ערליכע אידן עוסק צו זיין אין דעם.

אלזא, מיר שפארן נישט אינגאנצן אפ די אשכול ווייל עס איז דא אנדערע זאכען וואס מען קען אויסשמועסן ווייטער אויף א נארמאלע אידישע אופן.

אבער מיר בעטן זייער אז קיין שום ווארט אדער אפילו רמז פון די נישט פאסענדע נייעס זאל דערמאנט ווערן, אזוי אז מען זאל נישט דארפן אינגאנצן אפשפארן די אשכולות.

ווי אויך ווילן נאכאמאל דערמאנען און בעטן. אויב זעהט איר א תגובה וואס פאסט נישט אדער באלאנגט נישט ביי אונז, ביטע זייט עס מדווח און די מנהלים/אחראים וועלן זיך אפגעבן דערמיט. אויף קיין פאל נישט מאכן דערפון א שמועס אדער ציטירן. דאס מאכט נאר שווערע נאכדעם און עס ברענגט מער נאכוויי.

בתקוה להבנה.

א גמר חתימה טובה פאר אונז אלע.

[טרויבן88]

אין אייועלט בעטן די מנהלים מען זאל נישט דערמאנען די נייע סומעטאכע אפילו ברמז

תגובהדורך קרעטשמער » זונטאג אוקטובער 09, 2016 3:20 am
די נייעס ארום די פרעזידענטליכע וואלן איז ליידער אריינגעשווימען אין טערעטאריע וואס איז נישט פאסיג פאר ערליכע אידן עוסק צו זיין אין דעם.

אלזא, מיר שפארן נישט אינגאנצן אפ די אשכול ווייל עס איז דא אנדערע זאכען וואס מען קען אויסשמועסן ווייטער אויף א נארמאלע אידישע אופן.

אבער מיר בעטן זייער אז קיין שום ווארט אדער אפילו רמז פון די נישט פאסענדע נייעס זאל דערמאנט ווערן, אזוי אז מען זאל נישט דארפן אינגאנצן אפשפארן די אשכולות.

ווי אויך ווילן נאכאמאל דערמאנען און בעטן. אויב זעהט איר א תגובה וואס פאסט נישט אדער באלאנגט נישט ביי אונז, ביטע זייט עס מדווח און די מנהלים/אחראים וועלן זיך אפגעבן דערמיט. אויף קיין פאל נישט מאכן דערפון א שמועס אדער ציטירן. דאס מאכט נאר שווערע נאכדעם און עס ברענגט מער נאכוויי.

בתקוה להבנה.

א גמר חתימה טובה פאר אונז אלע.

והבדילנו מן התועים..

[טרויבן88]

[justify]קיינער זאל נישט ארויסנעמען פון מיין פריערדיגע תגובה כאילו כ'בין א טראמפ שטיצער חלילה. ס"ה, נאכן ווערן bombarded מיט אלע מיני ארטיקלן און אנאליזן וואס צייגן ווי טראמפ איז פארטיג וכדומה, האב איך מיר געכאפט אז אלע מיינע ארומיגע זענען הייסע קלינטאן שטיצער. האב איך מיך אריבערגעכאפט צו א טראמפ סאושעל מידיא סייט און דארט לעבט מען און מ'לאכט. אדרבא, אסאך חברה דארט טענה'ן אז דער סקאנדאל וועט נאר שאדן מאכן פאר קלינטאן. בקיצור, א יעדער איינער הערט, זעהט און גלייבט נאר דאס וואס וועט קאנפירמירן זייערע פריערדיגע הנחות.


.[/justify]

אוודאי וועט עס האבן אן עפעקט נישט קיין חילוק מיט וועם די ביסט ארומגענומען. דער טראמפ האט קולטישע שטיצער אויף א פארום וואס נישט ציפיל האבן נאר געהאט, אבער נישט אלע זענען קולט מעמבערס און פויערן אן שכל, טייל פון זיי וואלטן ווען געוואוט פאר עם אלץ בוחר הרע במעוטו, אבער יעצט זיי נישט ווייל רוב האבן ווייבער און משפחה פאר וועם זיי וועלן דארפן מסביר דעם החלטה,

[ליפא]

אין שטום בודקע וואוט מען אליין אן די ווייב און קינדער

[הוגה]

[justify]אוודאי איז דא, אויב די (קראנטע) פאולס ווייזן א steady decline איבער די נעקסטע וואך אדער צוויי, קען מען וויסן אז עס איז צוליב דער סקאנדאל. למעשה זענען די קאנוויקשאנס יעצט נישט באזירט אויף פאולס נאר אדער אויף די chatter וואס מען הערט/ליינט אדער אויף די אייגענע בייעסיס. צוליב דעם האב איך אויפמערקזאם געמאכט אז די אלע מענטשן וואס לעבן אין די טראמפ באבעל ווייסן נישט פון וואס דו רעדסט און זיי האבן גאר א פארקערטע chatter ארום זיך.


.[/justify]

[הוגה]

[justify]איך האב particularly הנאה געהאט פון דער קאמענט אויף איינער פון טראמפ'ס סאושעל מידיא סייטס. נאכאמאל, איך שטיץ נישט טראמפ, ווייט פון דעם. איך קען אבער נישט דערליידן די holier than thou שפיל פון די ליבעראלן, כאילו זיי מיינען פשוט די ריספעקט פון פרויען בלא בלא בלא...


.[/justify]

[הוגה]

[justify]

לאז אפ טשעטער - אז מייק פענס און מעלאניא טראמפ פארדאמען דעם דאנאלד ווייסן מיר אז ער געפונט זיך אין א פרעצעדענטלאזן קריזיס, און ס'איז 99% זיכער אז דאס וועט ווערן רעפלעקטירט אין די אנקעטעס. עס האט נישט קיין זין צו ווארטן אויף די אנקעטעס פאר א באשטעטיגונג.

עס איז זייער מעגליך אז עס איז דערנאך מיט טראמפ אבער רוב מענטשן בעיסען עס imho אויף די chatter און זיי זאגן אפן אז "אלע טראמפ שטיצער, ספעציעל פרויען זענען יעצט אקעגן טראמפ" דאס איז נישט אמת.

אגב, די פארדאמונג פון פענס און פון מאלאניע איז טיפיקל קאמפיין סטראטעגיע. איך בין זיכער אז דו האסט געזעהן House of Cards.

.[/justify]

[הוגה]

יא אבער נישט אז עס איז דערנאך. א לאנד וואס האט איבערגעלעבט א מאניקע לאווינסקי סקאנדאל אן קיין ערנסטע hiccups האט נישט קיין פראבלעם צו פארגעסן פון טראמפ'ס קאמענטס, ספעציעל היינט ווען סענזאציאנעלער מעשיות שטארבן אפ שנעלער ווי די ספיד אוו לייט.

[יואליש]

קיינעם גייט נישט אן די כבוד פון פרויען. קיינעם אינטערעסירט נישט וואס ער האט געזאגט. יעדער רעדט די זעלבע שמוץ טאג איין טאג אויס. וואס גייט יעדעם איינעם אין די מידיא אן, איז אז דערווייל איז נאר דא איין אזא ווידיאו, וואס קלעקט נאר די מידיא סייקל פאר צוויי טאג אנשטאט צוויי וואכן, אז מ'זאל נישט דארפן שטום און טויב ווערן פון די זעלבע [שרייב נישט קיין אומאיידעלע ווערטער. מנהל] איבער און איבער.

קיינעם גייט נישט אן די כבוד פון פרויען.

אויזער די פרויען. (50% פון די voting population)

פרויען רעפרעזענטירן מער פון 50 פראצענט פון די עלעקטאראט, און סובארבען פארהייראטע מאמעס פון צענלעריגע טעכטער זענען די סווינג וואויטערס. דעריבער זענען די רעפובליקאנע שישקעס אין פאניק. ס'קען זיי קאסטן די טייערע בלאק וואויט, זייער איינציגסטע שליסל צו געוינסן איז אין געפאר אין די עלעקשן (קאנגרעס און סענאט) און פאר קומענדיגע עלעקשאנס. אויך, אישוס פון רעספעקט, קאנסענט איז די הייסע אישו צווישן מילעניולס, די ציקומפט, און די רעפובליקאנע האלטן נישט ביים פארלירן וואלן פאר יארן ארום כדי צו פארטיידיגונג די זקנים: טראמפ, ראזשער עילס, ביל קלינטאן און ביל קאסבי.

די פאניק ביי די רעפובליקאנע איז פאליטיש און נישט איבער טראמפ וועלכער איז ממילא געווען אויפן וועג צו פארלירן, ס'איז איבער אנדערע פארמעסטן און די ציקומפט. אבער די פאניק רעפלעקטירט א שאק און אפשיי וואס זיי ערווארטן פון די וויילער, מיטל יעריגע פרויען און אינגע מענער און פרויען.

[[NAMELESS]]

[justify]איך האב particularly הנאה געהאט פון דער קאמענט אויף איינער פון טראמפ'ס סאושעל מידיא סייטס. נאכאמאל, איך שטיץ נישט טראמפ, ווייט פון דעם. איך קען אבער נישט דערליידן די holier than thou שפיל פון די ליבעראלן, כאילו זיי מיינען פשוט די ריספעקט פון פרויען בלא בלא בלא...


.[/justify]

האלטסט אז דאס איז א צושטעל? וואטשן פארנאגראפיע ווי די שפילער זענען דארט מרצונם צו טראמפ'ס מודה זיין אז ער האט נישט קיין פראבלעם צו גראופן פרויען שלא מרצונם?

[הוגה]

האלטסט אז דאס איז א צושטעל? וואטשן פארנאגראפיע ווי די שפילער זענען דארט מרצונם צו טראמפ'ס מודה זיין אז ער האט נישט קיין פראבלעם צו גראופן פרויען שלא מרצונם?

ניין, עס איז נישט קיין צושטעל. עס איז נאר גענוצט געווארן ארויסצוברענגן א נקודה וואס ווער עס וויל נאר קען עס פארשטיין.

[פרייוויליג]

מיינע ברידער אין אמעריקע הערט וואס איך זאג אייך. דער סקאנדאל גייט נישט רירן א נאדל ביי טראמפ'ס סעפארטערס. אזוי ווי דער דאנעלד הגדול האט שוין געזאגט אז ער קען שיסן א מענטש און ער וועט נישט פארלירן וואוטס. טאקע דאס זענען זיינע סעפארטערס 'אן קיין הענט און קיין פיס' - פאר מער זעט די לענגערע ארטיקל אין דער וועקער די חודש.

די עצם סקאנדאל איז נישט סתם ניבול פה ווי מאנכע זאגן, נאר עס demeaned פרויען אויף א גאר עקל'דיגן אופן. באריכטן געבן אן א צוויי ענליכע אזעלכע סקאנדאלן זענען אויפן וועג.

די קומענדע 2-3 וואכן איז די מערסטע קריטיש אין די עלעקשען. יעצט מאכן אסאך מענטשן זייערע אויסוואל. סא עס קען העכסט קלאר זיין אז דאס גייט אים שאדן מאכן.

עי. בי. סי. איז היינט ארויסגעקומען מיט א פאול אז 43% פראצענט אמעריקענס זאגן אז טראמפ זאל רעזיינען.

א פרישע פאול זאגט אז 8% אהייא וואוטערס זאגן אז דאס האט געטוישט זייערע וואוט.

פארשטייט זיך אז מען קען נישט אזוי שנעל זאגן אז די זאך איז פארטיג, ווייל עס קען יעדע רגע אויפרייסן עפעס ביי קלינטאן. אבער די מזל שפילט איר אזוי גוט, אז ווען עס קומט עפעס ארויס אויף איר [למשל די פרייטאג וועגן די ספיטשעס] קומט ארויס עפעס נאך ערגער אויף טראמפ.

מ'קען קלאר זען אז די GOP איז אין טאטאלע כאאס, און ווייסן זיך נישט וואו אהין צו טון.

היינט נאכט ביים דעבאטע גייט זיין היבש אינטערסאנט. כ'האב היינט געליינט פון עקספערטן וואס שפעקעלירן אז קלינטאן פלאנט נישט צו גראבן היינט צו טיף איבער דעם, זי גייט זיך האלטן נאם. עס איז קלאר אז טראמפ גרייט זיך צוריק צו ווארפן צו איר איבער ביל'ס מעשים. אבער ער דארף גאר גאר אכט געבן אז דאס זאל נישט ביטערליך צוריק פייערן. טראמפ האט שוין די קינדערישע וועג די לעצטע יאר פון זאגן: יענער האט אנגעהויבן, יענער איז ערגער, יענער טוט דאס אויך. טראמפ קען גיין היינט טיפער אין בלאטע מיט א קריץ מיט די אויגן.

מאנכע שרייבן אז טראמפ גייט זיך היינט אויפפירן זייער נישט פרעזידענטלעך, ער האט שוין נישט וואס צו דערלייגן. עס איז שווער צו זען אז די דעבאטע היינט זאל אים טוישן די בליק ביי אמעריקאנער וויילער. עס בלייבט איבער צו זען די damage control.

[יואליש]

כ'זעה אין "דער איד" טעגליכע אימעיל מוטשעט זיך וויאזוי צו דעקן די וואלגארישע נייעס. כ'מיין אז דער איד און דער בלאט זאלן זיך האלטן צו ר תורה'דיגע דעקונג און עס בלויז אנריפן "דאנאלד טראמפ'ס והחזיקה במבשיו סקאנדאל".

[ליפא]

וויאזוי האט די איד געדעקט קלינטאן לעווינסקי אוועל אפיס סקאנדאל בשעתו?

[[NAMELESS]]

דראמאטישע ווידיאו פון פרוי וואס זאגט אז בילל קלינטאן האט איר מאנס געוועהן

[youtube]http://www.youtube.com/watch?v=zHh73fkDUIs[/youtube]

[אפשר]

כ'זעה אין "דער איד" טעגליכע אימעיל מוטשעט זיך וויאזוי צו דעקן די וואלגארישע נייעס. כ'מיין אז דער איד און דער בלאט זאלן זיך האלטן צו ר תורה'דיגע דעקונג און עס בלויז אנריפן "דאנאלד טראמפ'ס והחזיקה במבשיו סקאנדאל".

קול העולם האט זיך גאנץ פיין אן עצה געגעבן
קול העולם-אידיש:
#פרעזידענט_קאמפיין_2016: דאנעלד טראמפ׳ס פרעזידענט קאנדידאטור איז אין ערנסטן געפאר, נאכדעם וואס עס איז אפירגעקומען א רעקארדירונג פון יאר 2005, וואו ער רעדט גאר מיאוס קעגן פרויען. מער ווי פופצן רעפובליקאנער קאנגרעסלייט, סענאטארן און גאווערנארס האבן שוין געמאלדן אז זיי ציען צוריק פון זייער שטיצע פאר טראמפ און וועלן נישט שטימען פאר אים. פילע רעפובליקאנער שרייען אז טראמפ זאל אפטרעטן און פּענס זאל איבערנעמען אלס פרעזידענט קאנדידאט, אבער טראמפ האט שוין קאטעגאריש געזאגט אז ער וועט בשום אופן נישט אפטרעטן.

פאלגט נאך פולע דעקונג פונעם סקאנדאל, דא אויפן טשענעל.

[קאצקע ציקער]

נישט קיין פארגלייך עפעס א טשענעל ווי דער יוד אימעיל

[פרייוויליג]

דראמאטישע ווידיאו פון פרוי וואס זאגט אז בילל קלינטאן האט איר מאנס געוועהן

דראמאטישע ווידיאו קומט יעצט ארויס ווי א פרוי באשולדיגט טראמפ מיט די זעלבע מעשים טובים פון ביל קלינטאן. עס יאווענען זיך פרישע מנובלישע טעיפס פון טראמפ מיט יעדן פארבייגייענדע מינוט. דאס איז אבער ממש מעשה ביל: באמבע