בד"ה פידל קסטרו מקובה

[ציבעלע-קיגל]

ציבעלע קוגל: ס'געפעלט מיר דיין פשט'ל אז היות די רבנים, ספעציעל פון ש"ס זענען קאמוניסטן, וועללן זיי זאגן אז ר'איז געווען א איד. און זיי וועללן צוזאמנעמען געלט כדי איהם צו ברענגען לקבורה אין ארץ ישראל...לאל...! נאר וועגן דעם איינעם טעם אז ער (פידל קאסטרא) איז א ביליאנער. (מ'האט געשמועסט בערך 8-10 ביליאן דאללער.) קיין ווייב און קינדער האט ער נישט געהאט. קיין דאגות פון צאללן שכר לימוד אויכעט נישט. ווייל אין קובא צאלט די וואוילע רעגירונג פאר עדיוקעישן...! קיין פעקלעך פון תומכי שבת האט ער אויכעט נישט גענומען. (די באפעלקערונג וואלט אפשר יא געקענט נהנה זיין פון דעם). דער טעם וואס ער איז כמעט קיינמאל נישט געגאנגען אין פאבליק מיט א סוט און נעקטיי. נאר מיט א מיליטערישן יוניפארם, איז נישט ווייל ער האטציך עס נישט געקענט ערלויבן, ח"ו. נאר ווייל ער האט זיך געהאלטן זיין גאנץ לעבן פאר א רעוואלוציאנער. און ער האט סימפאטיזירט מיט די ארעמע שיכטן פון זיין פאלק. אין זעלטענע פאללן האט ער יא אנגעטון א שיינעם, טייערן סוט און נעקטיי. און ר'האט אויסגעזעהן א ביסל מענטשליך, איז געווען ווען זיין הייליגער פויפסט איז געקומען אויף א באזוך אין זיין לאנד. האט ער געוואלט ווייזן וואספארא וואויל, ערליך קאטויליש יונגל ער איז. האט ער זיך לכבודו אנגעטון שיין, מענטשליך...!

איינס פון די גרעסטע סיבות פארוואס זיי גייען פארען איז טאקע ווייל ער האט נישט איבער געלאזט קיין עכטע יורשים ווי א ווייב אדער קינדער [נאר א ברודער] מען גייט זיך יעצט ארום הרג'נן אויף די ירושה. און דער רבי דער געווינער וועט נאך האבען אויף זיין ס'מדרש שער הכינור(פידל) מיט'ן תירוץ, דו זעהסט? ער איז געוועהן א איד וואס האט איבער געלאזט א ירושה פאר א ס'מדרש.

לאמיר אריבער גיין צו קול מבשר פידעל עקספערט...

[מאן דאמר]

יעצט צאריקגעקומען פון א באזוך אין קובה, איך וועל עס מאכן אין קורצן, און פילייכט שפעטער אביסל שרייבן א לענגערע ארטיקל.

ערשטענס, פון וויפיל איך האב פאשטאנען פון שמועסן מיט די קובאנער בירגער, קובה לאזט יעדן גיין וואו זיי ווילן, אבער עס איז שווער פאר א קובאנער צו באקומען א וויזיע צו גיין סיי וואו, קיינער ברויך נישט קיין ארימע אימיגראנטן וואס קומען אן לעול ולמשא בעירום, ובחוסר כל.

אין שפיטאל בין איך נישט אריין, אבער איך בין דורך געפארן 2 שפיטעלער, איינס פון זיי האט מיר דער טאקסי דרייווער געזאגט, אז דאס איז די בעסטער שפיטאל אין קובה, און פון אינדרויסן זעעהן זיי נישט זייער גוט אויס, נאר וואס דען, די בירגער רעדן זיך נישט אפ, זיי זאגן אז די שפיטעלער זענען גוט, און זיי זענען צופרידן. צו עס קען קאנקערירן מיט א בעלגישער אדער א מעקסעקאנער שפיטאל, שווער צו גלייבן.

עדוקעישן איז זייער גוט, לעצטענס גראדואירן יערליך 5,500 טעכנאלאגיע שטודענטן, ווייל פידעל האט זיך געמאכט א ציל צו מאדערנעזירן די טעכנאלאגיע אין לאנד, אין איר מאכן א טעכנאלאגיע צענטער, דער עולם אין די גאס קומט פאר גוט געלערענט.

אבער דאס אז ער האט געהאלפן די ארעמע קובאנער איז א שקר ווי די מאמא מאריא׳ס באציאונג מיט גאט, פארקערט, דארט איז דא הערליכע בנינים, וואס דאס האבן נאר געקענט בויען עשירים, און זיי פאלן צאם, ווייל ער האט די רייכע ארעם געמאכט, אין די ארעמע זענען געבליבן ארעם, די רעגירונג געבט פאר יעדן בירגער א קליין בארכע, אביסעלע רייז, און בונדלעך פער טאג, איין טשיקן פולקע פער מאנאט , און איך מיין אביסעלע אויל, צוקער וזהו, דער עולם האט נישט וואס צו עסן, ער פירט א סיסטעים פון צוויי וואלוטעס, וואס דאס איז א לעינגערע שמועס, אבער די בירגער באקומען פון די רעגירונג $20 ביז $30 א מאנאט, א טאמאטע קאסט באלד א דאלאר, און עס איז גאר שוואכע קוואליטעט, קארןפלעיקס איז לוקסוס, $11 , גאזאלין אי $1 פער ליטר (כמעט $4 א גאלאן) און מיט $25 קומט מען אין ערגעץ נישט אן, איין קובאנער האט מיר געזאגט אז די רעגירונגס פארציע איז אים גענוג פאר 2 טעג. מילך האט ראול קאסטרו געוואלט איינפירן אבער עדיין לא עלתה בידו, קארטאפל איז יעצט נישטא כמעט אין לאנד, דער עולם גייט מיט ארימע קליידער, דו הייזער פאלן צאם, צועסן איז נישטא, זיי האבן אלע פיינט די רעגירונג, איך האב נישט געהערט קיין איין גוט ווארט פון קיינעם אויף די רעגירונג.

אין די חוצפה איז, אז ראול׳ס זון בויעט זיך א פאלאץ אין מיראמאר, דו שענסטע געגענט אין האוואנא!

בנוגע פארברעכן, איז דא גאנץ ווייניג, גנבים איז דא, ווייל דער עולם הונגערט, אבער אויך ווייניג, איך האב שפאצירט אין די גאסן שפעיט ביינאכט, און קיינער וואגט נישט צו טשעפען.

[מאן דאמר]

.