קאווע שטיבל

דאס מאכן דעם אנשטעל כאילו דו זוכסט דעם אמת, איז איינס פון דיינע גרעסטע שקרים.

פון ווי ווייסטו אז סאיז אנשטעל?

לכבוד יואב׳ס אשכול פון תירוצים למעשה:

דעס זענען די תירוצים וואס איך בין צוגעוואוינט צוהערן:

מיינסט אז דו ביסט דער ערשטער צופרעגן די קשיות?

דער באשעפער איז נישט באנקראט!

גיי אוועק מיט דיינע שטותים!

כאילו דו ביסט דער גרעסטע חכם אויף דער וועלט!

דיין זיידע האט זיך מוסר נפש געוועהן פאר אידשקייט ביי די מלחמה און דו לאכסט פונדעם?

ער מיינט אז ער איז אויפגעקלערט אויב רעדט ער אויף גאט.

לאז דיך ארויס פון די אלע נערישקייטן!

ס׳האט נאר קאליע געלייגט דיין לעבן און דיינע קינדער...

דער אייבישטער האט דיך אויך ליעב! כבין זיכער!

ווי קומט צו דיר אזא קרומע קאפ?

וואס זענען נעבעך דיינע עלטערן שולדיג! נעבעך...

וועסטוך נאך איין טאג כאפן...

כמיין זאלסטוך גיין אויסשלאפן, כאפ א דרימל!

א מענטש קען דען אלעס פארשטיין???

הייסט עס דו ביסט געווארן א משומד!

מטאר נישט רעדן אזוי! דעס גרעניצט זיך מיט כפירה.

דעס זענען די היינטיגע אינגע דור! איי איי איי...

אלעס איז די אינטערנעט שולדיג!

טאקע וועגן אזא איינער ווי דיר האבן די רבנים גע׳אסרט די אינטערנעט!

ווען דו וואלסט וועין אויסגענוצט דיין קאפ צו לערנען, וואלסטו געקענט אויסוואקסן א מר ברב אשי.

בעט דעם רבש״ע ביי והערב נא אז דיין פארשטאפטע קאפ זאל זיך שוין עפענען און זאלסט שוין אנהייבן צופארשטיין!

און דיינע סייענטיסטן ווייסן יא וואס זיי רעדן?!

טוה מיר א טובה, רעדטס פאר פייער און פאר וואסער!

נעבעך!נעבעך! נעבעך! אזוי צורעדן???

אין די וועגן ווי דו גייסט איז דא גרויס טרעפיק.

אבי זיך געהארגט זיין לעבן, ווייל ער מיינט אז ער איז קלוגער פון יעדעם, נעבעך!

מוזט נישט רעדן אזוי, דער אייבישטער האט זיך זיינע וועגן.

דאס איז די גאנצע? די רמב״ם פרעגט שוין די אלע קשיות...

אז דו פארשטייסט נישט עפעס מיינט עס נאך גארנישט!

שוין! עד כאן! צו מיר רעדט נישט קיין אפיקורסות!

מוזט נישט זיין פארפרומט אבער אפיקורסת דארפסטו אויך נישט רעדן, טוה דיך אן א קורצע רעקל, א בען דאון און א טיי, און ווער א מאדערענער, און פארטיג!

ער האט געליינט אפאר ביכער און ער איז מיר געווארן א גאנצע פילאסאף!

אזא צוריקטער בהמה צוזיין ??? אזוי צורעדן?

פאקטיש איז אידישקייט די עלצטע גלויבן!

שויו! איך זעה שוין מיט וועמען איך האנדל דא.

די אלע וואס האבן גערעדט ווי דיר זענען נישט גיט אנגעקומען!

דו ביסט סתם א לץ!

קום צוריק! זיי נישט קיין נער!

וואס מיינסטו האט שוין א אפיקורס פון זיין לעבן?

וואו וואס ווען ? ס׳מאכט דיר בכלל סענס אז סייענטיסטן זאלן וויסן בעסער ווי די תורה?

און לאמיר שוין זאגן דו ביסט גערעכט, פארדעם דארפסטו מצער זיין דיין גאנצע משפחה?

דו פלעגסט אייביג רעדן אזוי סאך שטותים אדער נאר זייט דו דרייסט זיך מיט די אלע משוגעים?

ווען די וועסט זיין אין א עת צרה וועלן אלע דיינע קשיות שוין פלוצלינג נישט שווער זיין.

שוין געוועהן גרעסערע חכמים ווי דיר!

ווילסט אויסקוקן ווי די אלע לוזערס פון פוטסטעפס?

אויפדעם שטייט דאך שוין, מים גנבים ימתקו...

איך ווייס נאר וואס מיין טאטע האט מיך אויסגעלערנט!

און וואסערע שייכות האט דעס מיט וויזניץ?

סייענסטיסן קענען נישט איבערקלוגן דעם אייבערשטען!

אפילו איינשטיין האט געגלייבט אין גאט (זייט ווען???)

משיח דארף שוין קומען! שרעקליך!

ס׳דארף שוין קומען נאך א האליקאוסט אפשר אזוי וועלן ענק תשובה טוהן!

דו האלטס ביי גארנישט!

כקען נישט גלייבן אז די געסט נישט קיין ש*ט פאר דיינע קינדער!

מטאר זיך נישט דרייען מיט דיר, דו מאכסט יעדעם קאלט.

אנדערש נעם זיך דאס לעבן ווי איידער רעדן אזוי פראסט!

שומו שמים!

@שבת אחים (אין א זייער רואיגע טאן) די פלאנטסט נאך צו ארויסברענגען די בייסיגע אמת דא אינעם אשכול?

וויאזוי גייט עס דיר סתם אזוי אינעם לעבן?

הלואי זאל ער ווען שרייבן דא.

כ'באלעק זיך מיט יעדעס ווארט דא...

פאליטיקאנט האט געשריבן:@שבת אחים (אין א זייער רואיגע טאן) די פלאנטסט נאך צו ארויסברענגען די בייסיגע אמת דא אינעם אשכול?

וויאזוי גייט עס דיר סתם אזוי אינעם לעבן?

ס׳גייט מיר זייער נישט גוט ספעציעל זינט איך בין געווארן א פולשטענדיגע בעל תשובה...
איך עקספירענס דעם ״צדיק ורע לו״ במלוא מובן המילה!

ווילסט אריינשיקן א נדבה???
נישט מיט קיין מאדערענע עלקטעראנישע כלים וואס רופט זיך קוויקפע״י וכדומה נאר פרישע, גלאטע, געביגעלטע הונדערטער׳ס!!!

קענסט עפעס אריינווארפן?

עס הערט זיך אינטערעסאנט אז די האלטסט זיך היינט א "פולשטענדיגע בעל תשובה".
ס'וואלט געווען אינטערעסאנט אפשר אז די קענסט אראפלייגן וואס האט געמאכט דעם טויש?!.

איך האב מיטלייד מיט דיר (די מערסטע וואס איז שייך צו זאגן אויף אן אנאנימער מענטש, אן וויסן דעטאלן פונעם סיטואַציע), גלאטע הונדערטערס קען איך נישט העלפן (איך קען צושטייער געבן א ביסל - אבער עלעקטראניש) אבער אין אנדערע תחומים גאנץ מעגליך אז איך קען העלפן......


ימלא ה' משאלות ליבך לטובה און זאלסט קיינמאל וויסן פון קיין צער....

שבת אחים האט געשריבן:

פאליטיקאנט האט געשריבן:@שבת אחים (אין א זייער רואיגע טאן) די פלאנטסט נאך צו ארויסברענגען די בייסיגע אמת דא אינעם אשכול?

וויאזוי גייט עס דיר סתם אזוי אינעם לעבן?

ס׳גייט מיר זייער נישט גוט ספעציעל זינט איך בין געווארן א פולשטענדיגע בעל תשובה...

אה! אויך מיר א בעל תשובה... ס'גייט נישט האלבוועג'ס: שומר שבת... און ''אנטי-טראמפ''.

פאליטיקאנט האט געשריבן:עס הערט זיך אינטערעסאנט אז די האלטסט זיך היינט א "פולשטענדיגע בעל תשובה".
ס'וואלט געווען אינטערעסאנט אפשר אז די קענסט אראפלייגן וואס האט געמאכט דעם טויש?!.

איך האב מיטלייד מיט דיר (די מערסטע וואס איז שייך צו זאגן אויף אן אנאנימער מענטש, אן וויסן דעטאלן פונעם סיטואַציע), גלאטע הונדערטערס קען איך נישט העלפן (איך קען צושטייער געבן א ביסל - אבער עלעקטראניש) אבער אין אנדערע תחומים גאנץ מעגליך אז איך קען העלפן......


ימלא ה' משאלות ליבך לטובה און זאלסט קיינמאל וויסן פון קיין צער....

האהא.

כ׳ווערטל נאר מיט דיר. איך דארף גארנישט. איך בין דאך א stoic און א בודהיסט וואס איז א מסתפק במועט...

במדבר האט געשריבן:

שבת אחים האט געשריבן:

פאליטיקאנט האט געשריבן:@שבת אחים (אין א זייער רואיגע טאן) די פלאנטסט נאך צו ארויסברענגען די בייסיגע אמת דא אינעם אשכול?

וויאזוי גייט עס דיר סתם אזוי אינעם לעבן?

ס׳גייט מיר זייער נישט גוט ספעציעל זינט איך בין געווארן א פולשטענדיגע בעל תשובה...

אה! אויך מיר א בעל תשובה... ס'גייט נישט האלבוועג'ס: שומר שבת... און ''אנטי-טראמפ''.

פרעגסט דאך זייער גוט, סאיז דאך ממש א אפענע סתירה? אלא מאי מוז זיין אז די גאנצע מעשה איז ווי א יאהר אויף פרעה...