קאווע שטיבל

שושן פורים האט געשריבן:

גדליה האט געשריבן:יעדע מענטש וואס האט שוין אמאל געלאזט קוילען א טשיקען און עס אפגעקאכט און אויפגעגעסן זאל מוחל זיין אויפהערן פארפירן אויף כפרות

תורתינו הקדושה לויט וועמענס אוועקגעשטעלטע ווירדן מיר פרובירן זיך צו פירן, האט געגעבן רעכט פאר מענטשן צו קוילען און עסן פלייש בו בזמן וואס ער האט אונז אנגעווארנט זיי צו שחט'ן מיט די מינימאלסטע צער און אונז אויך באפוילן זיי נישט מצער צו זיין ביים לעבן.

די זעלבע נוסח קענסטו זאגען אויף כפרות

\

רביה''ק זי''ע האט געשריבן:

אבטולמוס האט געשריבן:אין א נארמאלער שחיטה פראצעס זיצן נישט די עופות פאר 15 שעה אין קליינע שטייגן אונטער דער ברענעדיגער זון אן עסן און טרונקן.

זיי וויסן אז מ'ברענגט זיי נישט אין עירקאנדישנד קאוטש באסעס, זיי באקן זיך אונטער די זון פאר אפאר טעג אויפ'ן טרעילער. הוא אשר דברנו, דו האסט צער פון 15 שעה, זיי האבן צער פאר אפאר טעג.

https://answers.yahoo.com/question/inde ... 650AA2UWvl

פאר די רעקארדס

די צער בעלי חיים גרופעס זענען די גרעסטע ליצנות וואס עס איז נאר דא. קודם כל וויל איך פרעגן אונזערע היימישע וואס זענען אזוי זיכער אז די טשיקענס זענען בצער, פון וואו ווייסטו אז די טשיקען איז בצער? ווייל דו האסט נישט ליעב צו זיין היציג און שוויציג מיינט נאך נישט אז טשיקענס זענען די זעלבע. זיי האבן נישט די זעלבע אנאטאמיע און פיזיאלאגיע ווי מענטשן. איך זאג נישט אז נישט, אבער איך זאג מהיכי תהיתי? איך האב שוין געזען אסאך דאקומענטעריעס וועגן דעם ענין, סיי ווען מען פירט אדורך געזעצן קעגן האלטן זיי פארמאכט און סיי וועגן שטאפ גענז וכדומה. אויבן אויף זעהט עס אויס געפערלעך ביז מען הייבט אן צו הערן פון מענטשן וואס ציען אויף די בעלי חיים, וואס האבן נאך אזא הארץ ווי אונז אלע, אדער די וואס זענען וועטרענעריענס און זענען מסביר אז די חיות און בהמות האבן נישט דעם זעלבן צער סיסטעם ווי מענטשן און נאר א שוטה וועט ארויף לייגן זיין פילינגס אויף א חי'. אדער קען טאקע זיין אז די גרופעס זענען טאקע חיות.

צווייטנס, אויב גלייבסטו טאקע אז עס איז אן עלי' פאר די חיות און בהמות ווען מען עסט זיי ווי דער רבש"ע וויל אדער ווען מען טוט מיט זיי מצווה, פארוואס דארף מען מאכן אזא עסק פונעם צער. למשל, דיין אייגן קינד טוסטו מצער זיין יעדן טאג ווייל דו ווילסט אים מחנך זיין אדער פאר זיין געזונט און עס באדערט דיך נישט ווייל דו ווייסט אז עס לתועלת, מאי שנא די טשיקענס? נישט אז מען זאל נישט מינימיזירן זייער צער ווי פיל מעגליך( אויב מען ווייסט באמת אז זיי האבן צער).

מען קען היינט צו טאג זייער גרינג וויסן אויב חיות האבן צער פון געוויסע זאכן דורך דורכפירן טעסטינג דורך mri און eeg, אבער דערווייל האט נאך קיין איינע פון די גרופעס נישט געטון, און עס פעלט זיי נישט קיין געלט. זיי ווילן נישט וויסן דעם אמת, זיי ווילן נאר ניצן דעם מענטשלעכן געפיל פאר צער און עס ארויפלייגן אויף בעלי חיים ווייל דאס מאכט זיי בעסער פילן פארן זיך נישט רעכענען מיט מענטשן'ס צער.

ביסט גערעכט האט געשריבן:בריוו אין דער איד

מאדנע, די חתימה "וואס האט פארגעסן און זיך גענומען טראכטן" זעהט אויס ווי א קאווע שטיבל יונגערמאן, אינטערעסאנט זיי האבן עס אריינגעלייגט.

ס'איז ב''ה פארהאן גינסטיגע נייעס פונעם ניו יארקער אפאלעט געריכט. דער געריכט האט ארויסגעשליידערט דער פארלאנג פון די א.ג. צער בעל החיים גרופעס, וואס האבן פארלאנגט אז די שטאט זאל פארבאטן דער מנהג פון כפרות.