קל וחומר האט געשריבן:הרב קאך לעפל,
קודם כל האט דער גר"א נישט געשריבן דעם אבן שלמה, דאס האט א תלמיד געשריבן מלוקט פונעם גר"א.
דו שרייבסט אז מיר אידן ווייסן אז די יג עיקרים זענען א ווירקליכע מציאות, מסתמא א טעות הדפוס, מיר 'גלויבן' אז דאס איז א מציאות, אבער די רגע וואס ראציענאליזם נעמט איבער (ליין, חקירת הדת), איז שוין גארנישט מוחלט.
אין אלגעמיין איז
גלייבן און
ווייסן קעגנזייטיגע באגריפן.
גלייבן קען מען אפילו
מ'ווייסט נישט, און אז
מ'ווייסט דארף מען דאך נישט צו קומען צום
גלייבן. וו.צ.ב.ש. אז איך
ווייס אז אצינד איז טאג, וואס דארף איך דען דאס
גלייבן. אבער ווען כ'בין איינגעשפארט אין א פינסטערע צימער, קען איך פילייכט נישט
וויסן צו ס'איז טאג אדער נאכט, דאן קען איך בלויז
גלייבן אז ס'איז ווירקליך טאג. אבער ווי שיין איז ווען מ'קען סיי
וויסן און סיי
גלויבן אין די זעלבע צייט.
איז אזוי. די דרייצן יסודות פונעם הייליגן רמב''ם ווערט אנגערופן יסודות האמונה. אמונה הייסט
גלייבן, און גלייבן איז אין אלגעמיין אין קאנסטראסט פון
וויסן.
אפילו ווען מ'געפונט זיך פארמאכט אין א טינקעלע צימער, און מ'ווייסט נישט אויב ס'איז ווירקליך טאג אדער נאכט, און מ'גלייבט אז ס'איז טאג, קען מען נאך אלס פיליזאפירן צו ס'איז טאקע ווירקליך טאג צו נישט, אפגעזען פונעם פאקט אז מ'גלויבט אז ס'איז ווירקליך טאג.
אבער ווען עס קומט צו די יסודות פון אמונה איז דאס גארנישט אזוי פשוט. איך גלייב אז ג-ט איז נישט קיין גוף, אבער איך וויל עס אבער אויך וויסן, און אפילו אויב כ'וועל בלייבן שטעקן און זיך נישט דערוויסן אויף קלאר אז ס'איז טאקע ווירקליך אזוי, גלייב איך עס נאך אלס, ווייל דאס איז מיין פליכט אלס א גלויביגער איד.
ווי ס'זעט זיך אויס זענען די גדולי ישראל ווי דער גר''א און דער חת''ס געווען ביי די מיינונג אז אין די דאזיגע דרייצן יסודות האמונה מוז מען בלויז גלייבן, און ס'איז פארבאטן צו פראבירן עס פעסטצושטעלן אויף ראציאנאלער פארנעם, און עס ווירקליך וויסן. זיי האבן פילייכט זיך געפארכטן אז דאס וויסן וועט איבערנעמען דאס גלייבן, און אין די דאזיגע זאכן אז מ'ווייסט נישט גענוג גוט קען זיך דאס פול מאל גרעניצן מיט כפירה. כ'האב בלויז געקלערט צו עמיצער וואס אין די זעלבע צייט וואס ער פיליזאפירט, גלויבט ער נאך אלס. און ער פארשטייט גרינטליך אז זיינע אויספירן קען נישט רירן זיין גלויבונג, צו אזא איינער האט יא א רעכט אביסל צובליקן אינעם שער היחוד...איי אז מ'גלייבט פארוואס דארף מען דען וויסן? וואס מאכט דען אויס דאס וויסן אז די רעזולטאטן זענען שוין ממלא באשטומט פון פאראויס אלסן גלייבן? ווייל ווען מ'ווייסט אז וואס מ'גלייבט איז ווירקליך,איז דאס גלייבן פול שטערקער.
