berlbalaguleh האט געשריבן:אבער הרה"צ דער תפארת מרדכי מ'וויזניץ איז אין אינהייב נישט געגגאנגען דווקא מיט סאטמאר. אבער מיט די יארן האט ער געטוישט זיין מהלך. למשל זיין מאמע'ס נאמען האט ער פארענדערט פון פון מרגלית צו מרגליא. און אויך די יערליכע תפילות וואס ער פלעגט אפרעכטן צוזאמען מיט די אגודה אין מאנהעטן האט ער מבטל געווען. מיט פארשידענע תירוצים און אויסריידן...!
פארקערט! ר' מאטעלע איז דאך שוין געגאנגען קיין סאטמאר אלץ בחור???!
אבי גערעדט, ממש אבי אין די וועלט אריין. די נאמען פון מרגליא צי מרגלית האט גארנישט צו טוהן מיט ציונות, זעראו! ר' מאטעלע האט געפרעגט זיין מאמע פון וואו שטאמט איר נאמען? ווער האט געהייסן מרגלית אין ראחמיסטריווקא? און זי האט געזאגט אז איר עכטע נאמען איז מרגליא. אויף די מציבה נאך וועמען זי הייסט שטייט קלאר "מרגליא"! די נאמען מרגלית נעמט זיך פון א טעות פון די איבערגעשריבענע דריטע כתובה פון ר' חיים מאיר'ל וואס דער קוממיות'ער רב האט בטעות אריינגעשריבן מרגלית, ווייל מרגליא איז נישט געוועהן קיין פאפולער נאמען. קוק אריין וואס הרה"ח ר' אלי' ניימאן לרפו"ש האט געשריבן דערוועגן, איך האב נישט די לינק אויף די מינוט. ר' מאטעלע מיט רוב פון די געשוויסטער האבן געהאלטן אז ר' מוישעלע האט א טעות געהאט מיט מרגלית. זאג, ביסט חושד אז אדלער מיט ארנסטר-ר' מאטעלעס שוועסטערס- האבן אויך פארדרייט די נאמען וועגן ציונות?
ר' מאטעלע האט געהאלטן סיי פון סאטמערער רב און סיי פון זיין טאטע, בבחינת אלו ואלו דברי אלקים חיים!!! זייער פשוט. ביידע האבן געמיינט דעם אייבערשטן און ביידע זענען אביסל א אנדערע שיטה אין עבודת ה'/אידישקייט.
דיין צווייטע זאך וואס דו שרייבסט איז פשוטע ליגנט. ר' מאטעלע ער איז אייביג געוועהן א אגודיסט - זיין זיידע אין וועמען ער האט געהאלטן אז ער איז געווען ממש אזוי גרויס ווי משה רבינו איז דאך געווען פון די גרעסטע אגודיסטן!!! ר' מאטעלע איז נישט אהינגעגאנגען ווייל ער האט זיך מסתם נישט געפיהלט דאס פלאץ דארט און וועגן די בילדער.
ר' מאטעלע האט געהאלטן סיי פון זיין טאטען דעם אמרי חיים, ער האט נאר קיינמאל נישט גערעדט פון אים ווייל זיין טאטע איז געוועהן זייער א באהאלטענע מענטש און זיין גאנץ לעבן קיינמאל נישט געלאזט רעדן איבער זיין גרויסקייט. ביי די ערשטע יארצייט ט' ניסן, האט ר' מאטעלע געזאגט היות דער טאטע האט נישט געלאזט רעדן איבער אים "מכבדו בחייו מכבדו במותו", און ער האט זינט דאן נישט גערעדט קיין ווארט בשבחו און ער האט עס אנגענומען זייער ערנסט, ער האט געהאלטן אז ס'איז נישט קיין כבוד צו רעדן וועגן אים. און זייט דעמאלטס פלעגט ער נאר רעדן פונעם זיידן דער אהבת ישראל, אפילו ביי די יארצייט פון זיין טאטע. ס'איז באוואוסט ביי אלע מאנסיער חסידים וויפיל מאל ער פלעגט זאגן "ווי קען מען מיך אפילו צוגלייכן צום טאטן"?? יעדע מאל איינער האט אים נאר געזאגט 'אבער די רבי ז"ל האט דאך געטוהן אזוי און אזוי', פלעגט ער זאגן ווי גלייכסטו מיך צו צום טאטן??? ער פלעגט כסדר פארציילן אז דער זיידע האט שטארק געהאלטן פון זיין טאטען, און אז זיין זיידע פלעגט האלטן פון זיין טאטען וועט ער נישט זאגן אנדערש חלילה - דאס ווייסט יעדער אז ר' מאטעלע האט געהאלטן פון זיין זיידע און אנגענומען יעדע אות וואס ער האט געזאגט אלץ קודש קדשים.
ס'איז באוואוסט פאר די גאנצע גאס אז ער האט זיך אויפגעשטעלט אינמיטן א פראטעסט אין מאנהעטן פארנט פון סאטמארער רב און איז ארויס געגאנגען בפני כל הקהל ועדה ווייל די רעדנער האבן אנשטאט רעדן קעגן די 'ציונים' אנגעהויבן רעדן קעגן 'אגודה' (דאכצעך שוין נאך זיין טאטענס פטירה). ער האט דעמאלטס פארלוירן אסאך אסאך שטיצע פון סאטמארער אידן וואס פלעגן אים שטיצן און קומען צו אים...
ס'איז באוואוסט אז ער האט אויפגעהערט צו גיין צו סאטמערער רב פאר א לאנגע צייט, ווען איינער איז אים געקומען זאגן אז ער האט בפירוש געהערט ווי סאטמערער רב האט גערעדט קעגן זיין טאטע און זיין פעטער דער סערעטער. ביי א געוויסע חתונה האבן זיי זיך צאמגעטראפן, און סאטמארער רב האט געפרעגט הלמאי איר קומט נישט מעהר? האט ר' מאטעלע געזאגט, איך הער איר רעדט אויף מיין טאטען? האט אים סאטמארער רב געזאגט "וואס מ'רעדט אינדערהיים הייסט נישט גערעדט". און זינט דאן האט ר' מאטעלע נאכאמאל אנגעהויבן גיין צו אים.
ר' מאטעלע איז אייביג געוועהן א אגודיסט זינט ער איז געוועהן א קליין בחור'ל, און ער איז אייביג געוועהן א שטיקל חסיד פון סאטמערער רב זייט אלץ קליין בחור'ל. ס'איז זעהט זיך אויס נישט געוועהן קיין סתירה. ער פאר זיך אין זיינע מוסדות אין ארץ ישראל האט טאקע נישט גענומען קיין געלט פון די מדינה, אבער ער האט ח"ו נישט געהאלטן אז איינער וואס נעמט יא איז אפגעפרעגט. ער האט עס אנגעקוקט ווי א אנדערע דרך אין עבודת ה'.
