קאווע שטיבל

איך האב געמיינט מ׳רעדט דא פון לאנדאן, נישט פאריז. רח״ע האט א בריון וועגן לאנדאן.

עכ״פ, דיין ערוך השלחן איז סתם געווארפן זאמד. מ׳רעדט דא נישט פון א רוב און א מיעוט, וואס דער וויל און וואס יענער וויל. מ׳רעדט דא פון א הלכה שאלה, און א הלכה פאר די רבים ווערט געפסקנ׳ט פון אן אטאריטעט וואס דער רבים האט אויפגענומען, נישט סתם יחידים, ופשוט.

ליטוואק פון בודאפעסט האט געשריבן: מ׳רעדט דא פון א הלכה שאלה, און א הלכה פאר די רבים??? ווערט געפסקנ׳ט פון אן אטאריטעט וואס דער רבים האט אויפגענומען, נישט סתם יחידים, ופשוט.

קיינער צווינגט נישט דעם רבים צי טראגן, ופשוט.


פין וואו נעמסטו דיין "יסוד"?!?

באותן עיירות שאין שם עירובין עדיין, יתעוררו הבעלי בתים בהתעוררות רב שיהיה להם עירובין בהכשר.

הנהגת אדם מהחמדת שלמה והרה"ק ר' יצחק מווארקי ועוד רבנים, ונדפס בשו"ת חמדת שלמה עמוד סא אות ה

eruvonline.blogspot.com/
ער זאגט ער וועט האבן פרישע סחורה בנוגע לאנדן

ליטוואק פון בודאפעסט האט געשריבן:גראדע, לדעתי דאס אליינס אז אזויפיל חשוב'ע רבנים האבן דארט געוואוינט און נידט געמאכט קיין עירוב, אן קיין טרור אדער מחלוקת, איז אליינס א ראיה אז מ'זאל דאס נישט טון, אבער ווער פרעגט מיר?

ע"ד שאלתו אם כדאי לתקן עירוב בעיר שלא הורגלה בזה, לא אדע מה זו שאלה, כי לא רק רשות וכדאי הדבר, אלא חובה גמורה היא

שו"ת זקן אהרן ח"א סימן כו:


שיטת החכם צבי, הבית אפרים, והמהר"י אסאד – לענין לונדון
opinion-of-chacham-tzvi-bais-ephraim.html

שיטת האהל יעקב לענין לונדון
opinion-of-ohel-yaakov-regarding-london




A Critical Analysis of the London Anti-Eruv Kuntres: Part 1
critical-analysis-of-london-anti-eruv

eruv-hamehudar-in-nw-london

-jewish-tribunes-argument-against]

איך זעי אז דו ביסט א חלק פון א מערכה ,אפשר גאר אן אלטן. וויבאלד איך האב מיט יענער מערכה גארנישט, האבען דיין טענות גארנישט מיט מיר. איך האב מעורר געווען עפעס וואס גילט אין אלע הלכות, אז די רבים׳ס הלכות טארן נישט פארוואנדעלט ווערן אין א יחיד׳ס. א יחיד טאר נישט עפענען א חדר טאמער דער רבים׳ס חדר וועט שאדן האבען, און א יחיד קען נישט זאגען ״איך וויל מחמיר/מקיל זיין אויף די דארט מקוה ווען די מקוה פון די ציבור וועט ווערן אפעקטירט.

געוויסע זאכן באלאנגן צום ציבור און געוויסע צום יחיד, און דער חילוק איז גאנץ פשוט. היינטיגע צייטן האט מען אלסדינג פארדרייט, און מוסדות באלאנגן צום יחיד, און מיין פריוואטע דף גמרא, צו סעלפאון, צו באקליידערונג, איז נכסי ציבור.

ליטוואק לויט ווי איך פארשטיי איז דאס גילטיק נאר ביי א שטאט מיט א תורה'דיגע אויטאריטעט ד.ה. א רב פון שטאט (אזויווי אלע אלטע שטעט אינדערהיים אדער ווי לאנדאן / אנטווערפן היינט) אבער נייע היינטיגע שטעט מיט א געמיש פון קהילות איז עס אויך שייך צו זאגן (הלכה'דיג)??

ווער איז די רבים?
און אויב עס איז נישטא א שטאטס רב קען יעדער יעדער חסיד זאגן איך טו ווי מיין רבי האט געהייסן (נישט אז ווען עס איז יא דא א מרא דאתרא זאגט מען נישט אזוי....)?!!?

לדעתי, האט דער עירוב סומאטוכע דעמאלס אין ברוקלין באוויזען וואס א שטאט ליידט ווען עס האט נישט קיין עמטליכע פירערשאפט, נאר עד האק.

וואס וואלט מען געדארפט טון אין ברוקלין? לכאורה אנהויבען מיט עפעס א קאנצעזוס פון די אנגעזע'ענער, אויפגענומענער רבנים (נישט דער וואס האט זיך געמאכט א שטיבל אין שטוב און צוזאמען געקלויבען מענטשן), און פון דארט און ווייטער זען וויאזוי דער הלכה'דיגע ציבור פארשטייט, נישט מיט דעת בעלי בתים, און נישט מיט קונטרסים'לעך און נישט מיט פלאקארטן. אוודאי וואלט מען געמוזט אריין נעמען אין חשבון די מיינונג פון די פריערדיגע דור פון רבנים און ת"ח וואס האבען געוואוינט דארט, און אזוי מחליט זיין. נאר מה נעשה אז עס איז שוין דא טרור פון מענטשן וואס זענען נישט קיין רבנים און נישט ראוי צו זיין רבנים און ממילא איז די גאנצע זאך געווען צופארן. דער עיקר לעקציע איז וואס קומט ארויס פון די מהלך פון טרור וכדו', אז יעדער חלק פון אידישקייט ווערט צופרן און פארדרייט, אלע הלכות ווערן אפגעהאקט פון זייער מקור, ווערענדיג פארוואנדעלט אין א פאליטיק און א דעת בעלי בתים.

ליטוואק פון בודאפעסט: ס'איז געווען א תקופה פון ווען מ' האט געמאכט, אדער געוואלט מאכן אן עירוב אין בארא פארק. מיט א פופצן יאר פריער ווי דער איצטיגער עירוב. כ'מיין אז דער ראצפערטער רב/רבי איז געשטאנען אונטער דעם. ס'איז נישט ארויס מכח אל הפועל, ווייל זייער א חשוב'ער רב האט אויסגעדרוקט זיין התנגדות צו דעם עירוב. נישט מצד ההלכה. נאר אז ס'וועט שאטן אין שמירת שבת פון די דאמאלס'דיגע אידישע באפעלקערונג פון בארא פארק.

דער חשוב'ער רב איז געווען הרב ר' משה ביק ז"ל. ער האט געטענה'ט אז א טייל פון די דאמאלס'דיגע איינוואוינערס וואלטן געגאנגען שאפינג אום שב"ק מיט קרעדיט קארדס. אויב זיי וואלטן געמעגט טראגן מיט אן עירוב.

מ'וואלט איהם אין אמת'ן געדארפט באשרייבן אין אנשי שם. א איד א פיקח עצום. און גרויס אין מדת ענוה. ר'האט געלעבט זייער פשוט. בשעת ער האט געהאט א פארמעגליכע קהילה.

ליטוואק: אבער איינמאל מען האט נישט אן עמטליכע תורה פירערשאפט, דאן קען מען שוין נישט מאכן אויף א נארמאלע סדר, ווייל אלס וועט זיין עפעס א רבי /רב מיט אנהענגער וואס וועלן האלטן אנדערש און אויסקלאפן בפומבי זייער דעה....

איך האב גערעדט פון לאנדאן, נישט ב.פ.. איך ווייס נישט וואס זיי וואלטן געדארפט צוטון. איך בין דעמאלס געווען א בחור ביי די צוואנציג אין סאוטה פאלסבערג ישיבה, איך האב נישט מיטגעהאלטן מער ווי די פאר דזשאוקס וואס זענען דארט אנגעקומן

.

אין לאנדאן זאגט מען אז קאוויד-86 האלט אפ דעם נייען עירוב.