קאווע שטיבל

ליטוואק פון בודאפעסט האט געשריבן:

berlbalaguleh האט געשריבן:
נאר דו דערמאנסט מיך די מעשה פון ווען די 3 מענטשן זענען געזיצן צוזאמען און געלערנט די גמ'? וואו ס'שטייט איבער די גרויסקייט פון יונתן בן עוזיאל אז..."עוף הפורח באוויר נשרף"...! אן אונגערישער, א חסיד און א ליטוואק. א יעדער איז נתפעל געווארן פון די גמרא. דער אונגערישער האט געזאגט..."ס'איז מסתמא געווען א גוט שטיקל געבראטן פלייש"...! דער חסיד האט געזאגט..."געטס א קוק איבער די גרויסקייט פון דעם תנא"...! און דער ליטוואק האט געחקר'ט אויב ער איז עפ"י הלכה געווען מחוייב צו באצאלן"...!

מיר האט מען דערציילט אט די מעשה, מיט א פארקערטן סדר. דער פאנטשליין איז געווען דער אונגארישער.

ווענדט זיך וועם מען זוכט צו פאנטשען..

פליז זיך האלטען ביים ענין


היינט פון JCN
א גרויסע התרגשות הערשט ביי חסידישע היסטאריקער, נאכדעם וואס עס איז געטראפן געווארן א גרויסע אוצר מיט זילבערנע כלים אין שטאט צאנז. א גרופע ארכעלאגן וואס טוהן פארש ארבעט אין שטאט צאנז, האבן נעכטן זונטאג געגראבן הארט נעבן ביתו נאוה קודש פון הרה"ק מצאנז זי"ע ווען פלוצלינג איז אנדעקט געווארן פאר זייערע אויגן א היסטארישע אוצר פון זילבערווארג, צווישן זיי: א זילבערנע שטעקן, א זילבערנע וויין-פלעשל, א זיבלערנע בעכער, א סטעמפל, לעפלעך, גאפלעך און עסצייג.
דערווייל איז נאכנישט באקאנט אויב די כלים זענען פאקטיש באנוצט געווארן דורכ'ן צאנזער רב, אבער ס'איז זיכער באנוצט געווארן דורך איינע פון זיינע קינדער פאר'ן קריג. לויט ווי עס ווערט איבערגעגעבן געהערן די כלים צו הרה"ק ר' מרדכי זאב זצ"ל וועלכע איז געווען דער לעצטע רבי אין שטאט צאנז פאר'ן קריג און ער האט באהאלטן די כלים ביים צווייטן וועלט מלחמה.
אין די קומענדיגע טעג וועלן צוויי שלוחים פון כ"ק אדמו"ר מצאנז גריבוב שליט"א אראפפארן צום שטאט צאנז און פרובירן צוריקצובאקומען דעם אוצר וועלכע געפונט זיך יעצט אונטער די בעלות פון די ארטיגע מיוזיעאם און אזוי אויך וועלן זיי קענען קלארשטעלן לויט פארשידענע ראיות אויב די כלים זענען חפצי קודש פון הרה"ק מצאנז זי"ע.

האט געשריבן: היינט פון JCN
א גרויסע התרגשות הערשט ביי חסידישע היסטאריקער, נאכדעם וואס עס איז געטראפן געווארן א גרויסע אוצר מיט זילבערנע כלים אין שטאט צאנז. א גרופע ארכעלאגן וואס טוהן פארש ארבעט אין שטאט צאנז, האבן נעכטן זונטאג געגראבן הארט נעבן ביתו נאוה קודש פון הרה"ק מצאנז זי"ע ווען פלוצלינג איז אנדעקט געווארן פאר זייערע אויגן א היסטארישע אוצר פון זילבערווארג, צווישן זיי: א זילבערנע שטעקן, א זילבערנע וויין-פלעשל, א זילבערנע בעכער, א סטעמפל, לעפלעך, גאפלעך און עסצייג.

א סטעמפל? קען מען דאך זעהן פון וועם.

מען קען זיך באנוצן מיט די טרערן פונעם הייליגן צאנזער רב וואס ליגט אנגעטראפט אויף זיין ספר תורה פאר די. ען. עי. פעסטצושטעלן צי דער הייליגער רב האט זיך ווירקליך באנוצט מיט אט די זילבענע געשיר. דער ספר תורה ליגט היינט ביי ר' משה שמואל זופניק. ער ארגומענטירט אז די פלעקן אויפן ספר זענען פון די טרערן פון הייליגן דברי חיים זי''ע. וואויל איז דער וואס גלייבט...

יין שרף האט געשריבן:

האט געשריבן: היינט פון JCN
א גרויסע התרגשות הערשט ביי חסידישע היסטאריקער, נאכדעם וואס עס איז געטראפן געווארן א גרויסע אוצר מיט זילבערנע כלים אין שטאט צאנז. א גרופע ארכעלאגן וואס טוהן פארש ארבעט אין שטאט צאנז, האבן נעכטן זונטאג געגראבן הארט נעבן ביתו נאוה קודש פון הרה"ק מצאנז זי"ע ווען פלוצלינג איז אנדעקט געווארן פאר זייערע אויגן א היסטארישע אוצר פון זילבערווארג, צווישן זיי: א זילבערנע שטעקן, א זילבערנע וויין-פלעשל, א זילבערנע בעכער, א סטעמפל, לעפלעך, גאפלעך און עסצייג.

א סטעמפל? קען מען דאך זעהן פון וועם.

אבער מ'קען נישט זען פון וועם עס איז נישט און איי געסס ס'וועלן זיין אזעלכע וואס וועלן שטארק וועלן עס אסאסיאצירן מיט'ן דברי חיים. אלס חיגר (?) איז מסתמא דער שטעקן אין פלאץ?!

אזוי ווי קברים געגייכעכץ איז אנטיקן האנדלונגען גאר שטארק אין סטייל ביי אונז און אסאך ביי אונז וואס כאפן א שטויס אין די מיטעלע יארן כאפן זיך צו די אנטיקן מסחר. מיט אזויפיל אמונות טפילות און אביעקטן געצן-דינעריי איז דאס אפנים א גוט-גייענדע געשעפט. איך קען עמיצער, נישט א חרדי, וואס האנדלט ער מיט אלטע ספרים און מערסטנס פון זיינע קונים זענען היימישע אידן וואס קויפן די נועם אלימלךס און געבענטשטע גארטלעך.

די ארכעלאגן שרייבן אז די כלים זענען בערך פון שנת תר''ס. דאס מיינט אז ס'קען נישט זיין פון צאנזער רב

וואס ווייסן זיי די ארכעאלאגן.

אישתישבי האט געשריבן:איך שיהיה באלאנגט עס פאר די פוילישע רעגירונג. נישט קיין איינע פין די אייניקלעך.

ממש אזוי? אפשר קען איך דיר אויסשיסן/פארגאזן און צונעמען דיין פארמעגנס? לאמיר נאר וויסן וויפיל דו ביסט ווערט איך זאל וויסן אויב עס לוינט זיך.

מ'האט אנדעקט א שטיקל פעיפער ווי ס'שטייט א נאמען!!
הרב משה האלבערשטאם

מ'האט שוין אביסל געפיצט די זילבער