קאווע שטיבל

גאלד האט געשריבן:איים סארי, ביסט געקארנערט דא,
ווייל דו ביסט מודה אז זייערע מעשים האבן בעצם קיין שום השפעה, נו וואסי די גאנצע מילער? זארגסטעך פאר זייערע עבירות? דעמאלטס קענסטע דשוינען צימערמאן,

גאלד האט געשריבן:יעצט קומט ברעכעדיגע נייעס, אז כאמאס איז שוין גרייט געווען צו אויפהערן באשירעמען אר"י מיט ראקעטן, זיי זענען שוין געווען אויפן וועג אהיימגיין שלאפן, נאר ווי נאר זיי האבן געזען אויף וואסעפפ אז דער נטורי קרתא פון ענגלאנד איז זיי מחזק זיין, האבן זיי זיך צוריק אויסגעדרייט און געשאסן נאך איין ראקעט.

רח"ל לאן הגענו!!!

גאלד האט געשריבן:און מיט דעם מונע זיין אפשר אטאקעס אויף אידן.

דאס איז זייער סברה.

גאלד האט געשריבן:לפי האמת ער האלט אז מיט דעם נעמט ער אראפ דעם חרון אף פון שונאי המדינה קעגן אידן בשאר המדינות. קענסטיך דינגען, אבער דאס פונקטליך העלין זיי דיר זאגן ווען די רעדסט צו זיי.

רביה''ק זי''ע האט געשריבן:

יעקב מעקסוועל האט געשריבן:אויב אונז קענען נישט טראכטן נואנסד, וויאזוי קענען אונז פארלאנגען פון אנדערע צו פארשטיין דקות'דיגע חילוקים. אויב דו האסט נישט קיין סימפאטיע פאר צובראכענע פאלעסטינער וועגן עס איז דא טעראריסטען, קענסטו נישט האבן קיין טענות ווען קארטעז וויל נאר פארדאמען מדינת ישראל ווייל זיי טוען עוולות.

אין טעאריע זאגסטו א גוטע פוינט אבער אין רעליטעט איז נישט דא קיין שום ענין צו האבן סימפאטיע מיט זיי, ווען אידן האבן געוואוינט אין אראבישע מדינות האבן זיי אויך נישט געלעקט קיין האניג. כ׳מיין די גאנצע סיבה פארוואס ס׳דא ספרדישע אידן אין ארץ ישראל היינט צוטאגס איז דאך נאר ווייל די אראבער האבן זיי ארויסגעווארפן בשן ועין זענען זיי ארויף אויף ארץ ישראל און ארויסגעווארפן די אראבער ושלום על ישמעאל, ס׳נישט קיין חכמה צו באראבעווען מענטשן און נאכדעם קומען פארלאנגען גערעכטיקייט ווען די באראבעוועטע קומען צוריק אפנעמען וואס קומט זיי. מיט אכציג יאר צוריק האבן אונז איינגענומען און יעצט איז די צייט פאר זיי איינצונעמען, און אז די פאלעסטינער מוסולמענער האבן טענות אז מ׳בארויבט זיי זייערע רעכטן זאלן זיי קודם צוריקגעבן די נכסים וואס זייערע עלטערן האבן בארויבט פון אונזערע עלטערן און נאכדעם וועט מען רעדן. מ׳קען בעטן מיט שיינעם אז פאר׳ן טובת הכלל איז בעסער אז מ׳זאל פארגעסן די אלטע עבירות און אנפאנגען פון פריש אבער פארלאנגען ״גערעכטיגקייט״ איז ממש נישט אין פלאץ.

יעקב מעקסוועל האט געשריבן:ענק האלטן עכט דאס מאכט מער טעראר?

א פאלעסטינער הערט ווי א חסיד'ישער איד זאגט ער שטיצט פאלעסטינער, גייט דאס אים אויפרייצן צו טעראר?
.

berlbalaguleh האט געשריבן:ליב צו וויסן: איך ווייס אז דו פרעגסט נאר רעטאריש (א שאלה צו וואס מ'ווייסט שוין דעם ענטפער. מ'ווילל נאר הערן וואס יענער זאגט. אדער סתם לשמה.). אבער איך ווילל דיר אויפמערקזאם מאכן אז דער פאלעסטינער רוצח וואס זעהט און הערט אז חסיד'ישע אידן שטיצן איהם און זיינע חברים אין די מעשי רציחה, וועט נישט ווערן מער אנגערייצט ווי ער איז שוין. אבער דאס וועט איהם אויך נישט צוריקהאלטן פון טון ווייטער און מער מעשי רציחה און שנאת ישראל...!

berlbalaguleh האט געשריבן:ליעב צו וויסן: דו ביסט גערעכט. דער איינציגער לימוד זכות וואס איך האב אויף זיי און זייער רבי'ן זצ"ל הרב משה בער בעק, איז אז זיי האבן זיך ערגעץ (אינמיטן וועג צו קעמפן קעגן די ציונים) טועה געווען. און זיי מיינען אז דאס איז דער רצון ה'...! לאמיר האפן אז ס'וועט מקויים ווערן דער פסוק..."וילמדו תועים בינה"...און ..."ומלאה הארץ דעה את ה', כמים לים מכסים"..?!

איז דא א שיינער טייטש אויף דעם פסוק. ס'הייסט לעתיד לבוא וועט א יעדער באקומען אייניג דעת צו פארשטיין די תורה. סיי דער וואס האטציך געפלאגט (יגיעת התורה) און סיי דער וואס האט זיך גארנישט אנגעשטרענגט...?!

דער תירוץ איז ..."כמים לים מכסים"... די וואסער דעקט צו דעם אפגרונט. פון אויבן דערקענט מען נישט צי די וואסער איז טיעף אדער נישט. אזוי וועט זיין בביאת המשיח. דער איד וואס האטציך געפלאגט אויף די תורה וועט פארשטיין מיט א סאך א טיפער'ן עמקות די תורה ווי דער צווייטער איד וואס האטציך גארנישט געפלאגט...!

ליב צו וויסן האט געשריבן:געדענק: סיי ווער ס'שטיצט הארגענען צוליב זיינע גלויבונגען, איז מיט גארנישט בעסער ווי די קרייץ ציגלער/אינקוויזיציע/נאציס.

berlbalaguleh האט געשריבן:תוהו ובוהו: דו קענסט מיר ברענגען איין דאקומענטירטן פאל ווען אידן האבן געהרג'עט איינעם צוליעב זיין אפשטאם. אדער אנדערע רעליגיעזע מאטיוון...!

גאלד האט געשריבן:שנית, מיין אבדשעקשן איז פשוט אז מענטשן מאכן אזא מילער פון א צידרייטער וואס האט קיין שום השפעה, און די צייט וואס אויף מעשים וואס כוליגיאנע מתנחלים טוען וואס דאס האט לכאורה אויפגפלאקערט דעם איצטיגן איבערקערניש, אויף זיי איז אין פוצה פה ומצפצף,

תוהו ובוהו האט געשריבן:

ליב צו וויסן האט געשריבן:געדענק: סיי ווער ס'שטיצט הארגענען צוליב זיינע גלויבונגען, איז מיט גארנישט בעסער ווי די קרייץ ציגלער/אינקוויזיציע/נאציס.

מיינסט צו זאגן פארקערט, סיי ווער עס שטיצט צו הרג'ענען פאר זיינע גלויבונגען (נאציס, פאלעסטינער) איז מיט גארנישא ערגער ווי רוב אלגעמיינע רעליגיעס.